Goiberri 226. zenbakia

Goierritarraren eta Otamotzen astekaria

226. zenbakia. 2017ko otsailaren 24a

Igor Alzelai

Mendiko eskiatzailea

ÂŤGazteak oso indartsu datoz, gero eta hobea da mailaÂť 10-11

GOI B ERRI Marina Etxeberria 3 Iritzia 4-5 Game erauntsia 6 Indarkeria matxistari buruzko datuak 8-9 Ordizia Punch Boxing 12-13 Esnea, behiaren urre zuria 14-15 Kirol agenda 16 Legazpin sona dute inauteriek 18 Igor Alzelai mendi eskiatzaile legazpiarrak Altitoy Ternua proban parte hartuko du asteburuan, Luz Ardidenen (Frantziako Pirinioak). GOIBERRI

02 GOIBERRI

PUBLIZITATEA

GOIBERRI 03

KATE MOTZEAN

MIKEL ALBISU

Marina Etxeberria Eskubaloi entrenatzailea

«Mutilek oso ondo onartu naute eta beraiekin oso gustura sentitzen naiz» Mikel Albisu Ordizia Oso gaztea zela hasi zen eskubaloia ikusten «eta gozatzen» Marina Etxeberria (Ordizia, 1996). «Gure aitak Beasaingo taldean jokatu zuen. Duela 14 urte anaiak eta lagunek eskubaloian jokatu nahi zutela esan zioten, eta horrela sortu zuten gaur egungo Ordizia E. T.». Marina Ordiziako lehen nesken taldean hasi zen jokalari. Entrenatzaile, berriz, kadete mailan, neska gazteagoekin.

Orain Ordiziako gizonezko senior taldea entrenatzen du, Patxi aitarekin batera. «Hasieran beldur pixka bat ematen zidan, mutilak-eta ni baino zaha-

rragoak baitira». Baina denborarekin beldurrak uxatu zaizkio.

«Taldeko mutilek oso ondo onartu naute eta beraiekin oso gustura sentitzen naiz. Gainera, nesken entrenatzailea izatea baina errazagoa dela iruditzen zait».

Janari bat.

Txipiroiak.

Edari bat.

Gin-kasa.

Oporretarako leku bat.

Calafel (Herrialde Katalanak).

Amets bat.

Ze zaletasun dituzu?

Argentinara Iguazuko ur-jauziak ikustera joatea.

Eskubaloia eta juergak.

Jaso duzun oparirik bereziena.

Pelikula bat.

La vida es bella.

Liburu bat.

Zerk sortzen dizu irribarrea?

V. C. Andrewsen Flores en el atico.

Musika talde bat.

Hesian.

Abesti bat.

John Lennonen Imagine.

Diruz laguntzen duten erakundeak: Udalak: Altzaga, Arama, Ataun, Beasain, Itsasondo, Olaberria, Urretxu, Zerain, Segura eta Zumarraga

«Nesken entrenatzailea izatea baina errazagoa da mutilena izatea»

Argitaratzailea: Goierriko Hedabideak SL Zuzendaria: Iñaki Gurrutxaga Kudeatzailea: Josu Iñigo Koordinatzailea: Tere Madinabeitia

Diseinua eta banaketa:

GOI B ERRI

Panpina erraldoi bat, hartz bat.

Bidera zerbitzuak. Berria Taldea Lege gordailua: SS-1638/2011

Eskubaloiak eman dizkidan gauza on guztiak gogoratzeak.

Goierriko txoko bat.

Larraitz.

Herriko alkate bazina...

Laguntza gehiago emango nizkieke kirol taldeei.

Egoitzak: Beasain:

Webgunea:

Oriamendi, 32. 20200.

Posta elektronikoa:

goiberri.eus

Urretxu:

goiberri@hitza.eus

Iparragirre, 11 (Kaletxiki). 20700.

Publizitatea:

Telefonoak: Beasain: 943-16 00 56 Urretxu: 943-72 34 08

Bezero arreta / harpidetzak:

607 530 424 – jizagirre@hitza.eus 902-82 02 01 – harpidetza@hitza.eus

04 GOIBERRI

IRITZIA

Andoni Salamero Irakaslea

Dolua

ork ez du bizian galeraren hotzikara norberaren baitan sentitu? Nork ez du norbait hiltzean, edo maitagarri zuen ezer galtzean, kalte larriaren samina jasan? Hasieratik, jaiotzeko lehenengo urratsak ematera goazenetik, galeraren itzalak jarraitzen gaitu gertutik, batez ere eman beharreko pausoa hil ala biziko hari hauskorrean ematea egokitzen zaigunean.

Galera, atsekabea, samina… dolua, zenbat aldiz eta zenbat itxura diferentetan errotzen zaigun bihotzean! Adibidez, gaitasun fisiko-psikologikoak galtzean, lana galtzean, bestelako herri batera noratzean, bikotearengandik bereiztean… eta noski, inor gure ondotik, hil eta betirako urruntzen zaigunean. Zenbat sentimendu nahasi, zenbat emozio garratz korapilatzen diren gogoaren sakonean: antsietatea, nostalgia, haserrea, tristura, mespretxua, eta zer esanik ez, gorputzaren barruan: bihotz-taupa biziak, nekea, itolarria, negarra, nahasmena…

Sentimenduok hala, galdera ugari gure baitan eta doluaren jardunaren aurrean ezjakintasun handia. Egia da, gero eta gehiago idazten dela honen inguruan, gero eta gehiago lantzen ari dela gai honi aurre egiteko protokoloen eraketan, baina bakoitzak egoera zailon aurrean zer egin behar duen,

N

saminduari nola aurkeztu behar zaion, zer eskaini behar dion ez dakigu, eta hor, zinez, doluaren inguruan dugun kultura urria da, eta hauxe gure kalterako baino ez da, batik bat inor, ezer galtzearen sentiera horren hurbilekoa denean.

Esan beharra daukat, profesionalen laguntza eskerga jasota ere, dolua ezer pertsonala dela, norberak burutu eta nahi besteko denboran egin beharreko ekintza, azken finean bidai horretan norberak kudeatu behar baitu bere baitan egosten ari dena. Uste dut errespetua zor zaiola hala dagoenaridaudenei beren dolu-jardunean, eta hala ez gaudenok ahalegin handia egin behar dugula beren egoera emozionala eta afektiboa aintzakotzat hartzeko. Ez dira lagungarriak txutxumutxuak eta dolua jasaten dutenen inguruan esaten diren hitz merkeak, uste dut jarrera birrintzaile horiek baino, ardura eraikitzailea erakutsi behar duten keinuak egin behar ditugula.

Gaurko gizarte honek erakusten duen presa eta azkar egin nahiaren tarrapatan, hilabete batzuk pasatu eta gero, «Animatu zaitez, aurrera egin behar duzu» bezalako esaldi errazak adierazi baino, ekintzen arduran lan egin behar dugula iruditzen zait, laguntza ematetik haiekin bat eginez, haiei gure babesa erakutsiz, gure gertutasuna sentiaraziz, bide horretan bat eginez, alegia, doluan dau-

«Doluaren inguruan dugun kultura urria da, eta hauxe gure kalterako baino ez da, batik bat inor, ezer galtzearen sentiera horren hurbilekoa denean»

denekin adi egonez, haien beharrak behatuz, magala eskainiz, besarkatuz, ferekatuz, sentitzen dituzten emozioak onartuz eta elkarrekin partekatuz, bihotza irekiz, azken batean.

Beti, samurtasunetik, prestutasunetik eta egin nahi zintzotik gehiago egiten da hitz eta pitzean aritu baino, zalantzarik gabe. Saminduak gure ulermena merezi du, gure arretaren beroa, hori ezinbestekoa da bere doluaren ibilbidean. Jorge Bucay-k dion bezala: «Ez zeure buruari ondo egon behar zenukeela bezalako jazarpenik egin.

Zuk bizi dituzun tempoak zureak dira. Oroit ezazu doluan etsairik handiena norbera ez maitatzea dela». Eta badio beste hauxe: «Sentimenduen eguneratze eta adierazpena bermatzen ditugunean, doluan dagoen pertsonak lasaitzeko eta aske izateko bidea aurki dezake».

Sarri dolua bezalako gaiak tabu egin izan ditugu, baina bada ordua tabu izan ordez, batu bihurtzea, izan ere, elkar hartuz eta elkarrekin bat eginez gure beharrak hobeto asetuko ditugu, eta ondorioz, elkartasunez, elkar lagunduz bestelako gizateria mota sortuz joango gara, ulerkorragoak, hurbilagoak, adeitsuagoak izango diren zinezko pertsonak.

Doluan zaudetenoi besarkada handi-handia bihotzetik bihotzera, eta elkartasun bidean jakizue zuokin ere laguntzeko pronto nagoela. Izan ondo!

GOIBERRI 05

IRITZIA

Asteko irudia

Josu Maroto

Euskaldunon pasioak Mendia eta eskia, euskaldun askoren pasio.

Igor Alzelai legazpiarrak biak elkartu ditu gustukoen duen kirolean: mendiko eskia.

Ostegun gizen eta ostiral mehe, inauterietako larunbat, igande eta astelehenaren atariko. Goierriko herri gutxitan ospatzen dira asteburu hau baino lehen inauteriak. Izatekotan ere, kaldereroen etorrera izaten da aurreko ospakizuna. Gugandik nahiko hurbil, ordea, Nafarroan, sekulako tradizioa dute inauterietarako. Ia herri guztietan ospatzen dira puska-biltzeak edota mozorro festak, izan pertsonaia bereziren batekin edo gabe. Tira, pertsonaia bereziak edonon eta urte guztian topa genitzakeela esango du bateren batek!

Naturarekiko badute inauteriek ere harreman estua eta Nafarroara begiratuta, Ituren eta Zubietako joareen hotsak natura esnatzea izan ohi dute helburu, nahiz eta jakin badakien naturak, askotan esan ohi dugun bezala, bere indarra erakusten.

Halere, uste dut azken aldian gizakiaren eta naturaren arteko lotura hori, korapilatzen, aldrebesten edo hankaz goratzen ari dela: Badator GueĂąestik Itsasora arteko tentsio altuko argindar linea,

bidean da Dikaztelutik Itsasora artekoa ere, hogei mila abelburuko esplotazioaren mamua ere zabaldu da, berehala dira hastekoak Gipuzkoako erraustegiaren lanak, eta laster hasiko dira Mutiloako zabortegira Gipuzkoako hondakinak ekartzen. Akaso guk natura esnatu beharrean, naturak gu esnarazi beharko ote gaitu, egiten ari garenaz edo egitera goazenaz jabetu gaitezen.

Eneritz Gorrotxategi

bat eta

Ez dakit naturak garaiz esnaraziko gaituen, edo ordurako, negua betikotuko ote den, udaberriari pasorik eman gabe. Auskalo!

Jakin badakiguna da, planetako biztanleok daramagun bizi-erritmo eta ohiturekin, ez daukagula luzaro jarraitzerik. Eragiketa oso sinplea da: naturak ematen edo berreskuratzen duena baino gehiago ari gara gizakiok erabiltzen eta gastatzen. Lau porru dituen baratzetik ez dago negu guztirako porru-salda egiterik.

Kontua da, ordea, hori arrazionalki jakinda ere, kontzientzia hori edukita ere, egunerokoan inauteri permanentean bizi garela mozorroa soinean jarrita (edo natura estalita). Ez dugu inguruan ez zabortegirik eta ez erraustegirik nahi, baina asteburu pasa eskiatzera joaten gara; ez dugu goi tentsioko lineak gure herrietatik zeharkatzerik nahi, baina potentzia elektriko altua behar duten industrietan enplegatzen gara; ez dugu hogei mila abelburuko esplotaziorik nahi, baina eskaintza berezian dauden esnekiak erosten ditugu nondik datozen begiratu gabe... alegia, kontzientzia ekologikoarekin koherentzian bizi diren pertsona gutxi batzuk (miresgarriak benetan) badauden arren, gehiengoa kontraesan permanentean bizi garela esango nuke. Birziklatzen dugulako edo tar-

bat Ion MuĂąoa

tean behin garraio publikoa erabiltzen dugulako, naturarekin orekan bizi garela sentituz lasaitzen gara, nahiz eta gure mozorroaren azpitik ispilura begiratuz gero, jakin badakigun ez dela horrela.

Eta gauzak zer diren! Naturatik urrutien eta desoreka handienean bizi den gizarteetan garatu dugu naturaren balio goi eta absolutua. Batzuen ustez, sistema kapitalistaren oinarrian dagoen kontsumismoak bere-berea duelako gizakiaren kontraesanak kudeatzeko kontzientzia faltsua sortzea. Nik zer dakit! Nahikoa daukat aurtengo mozorroa prestatzeko Jaiak-era erosketak egitera joateko denbora hartzearekin!

06 GOIBERRI

GAZTEAK

kezkatutako Zarauzko gazte batzuek bultzatuta. Bideo jokoetan aritzen diren askok Youtube bideo plataformara igotzen dituzte beren jokaldiak (gameplay esaten zaie ingelesez) eta iruzkinak; Game Erauntsia euskaraz egindako gameplay eta iruzkinak jasotzeko sortu zuten webgunea da. Kezka bera zuten euskal jokalariak poliki-poliki inguratzen joan ziren ekimenera, eta gaur egun 260 kidetik gora ditu komunitateak. Talde irekia da. Bi baldintza bete behar dira: bideo jokoak gustuko izatea, eta euskaraz jokatzea.

Bloga eta foroa

Velasco, Unzurrunzaga eta Iraeta Durangoko Azokan Game Erauntsiak antolatutako tailerrean. T.M.

Bideo jokoetan euskaraz Game Erauntsiarekin Tere Madinabeitia Legazpi Minecraft, Star Wars Batlefront, GTA, Call of Duty, ARK... ezagunak dira bideo jokoak gustuko dituztenen artean.

Game Erauntsia jokalari euskaldunen komunitateak bideo

Babeslea

joko horietan euskaraz jarduteko gonbitea egiten die zaletu guztiei. Andoni Velasco, Jon Unzurrunzaga eta Antton Iraeta gazte legazpiarrak , 14-15 urtekoak hirurak, Game Erauntsia komunitateko kideak dira, eta

oso erabiltzaile aktiboak gainera: taldean bertan guru izendatu dituzte bi, eta Iraeta taldeko administrarietako bat da.

Game Erauntsia 2014an sortu zen, bideo jokoetan euskararen aldetik zegoen hutsuneaz

Baina Game Erauntsia playgame euskaldunak biltzen dituen webgunea baino zerbait gehiago da. Bideo jokoen fitxak eta bideo jokoei buruzko berriak, foroa, bloga, terminologia hiztegia, lehiaketak, agenda eta Minecraft euskarazko zerbitzaria ere jasotzen ditu.

Lagun taldea ere bada, komunitateko kideek elkarrekin jokatzen dutelako on line. Velasco, Unzurrunzaga eta Iraetak Interneteko lagun horietako batzuk eta komunitateko arduradunak bertatik bertara ezagutzeko aukera izan zuten azkeneko Durangoko Azokan, hango Kabia gunean egin zen Game Erauntsiaren egunean.

Duela gutxi, bestalde, Game Erauntsiari Internetaren ataleko Argia Saria eman diote; saria euskal jokalarien komunitatearekin partekatu zuten proiektuaren arduradun Haritz eta Urtzi Odriozolak, mundu birtualean euskaldunentzako txoko bat aldarrikatzearen bat.

08 GOIBERRI

ASTEKO GAIA

Beasaingo Udalak elkarretaratzea deitzen du indarkeria matxista kasuren bat dagoen bakoitzean. BEASAINGO UDALA

Bide luzea aurretik 2016an 30 indarkeria matxista kasu izan dira Goierri behean. Biktima gehienak 40 urtez azpikoak izan dira.

Loinaz Agirre Goierri behean indarkeria matxistaren aurka jarduteko protokoloa landu eta izenpetu zuten 2015ean Goierri beheko 18 udalerriek, eta indarkeria matxista kasu baten aurrean inplikazio zuzena duten bailarako gainerako erakundeek.

Protokolo horren jarraipena egiteko Koordinazio batzordea jarri zen martxan; urtarrilaren 31n egin zuen azkeneko bilera.

Koordinazio batzorde hori Goiekiko Gizarte Arloko teknikariak, Beasaingo eta Ordiziako Berdintasun Sailetako ordezkariek, Goierri beheko 18 udalerrietako Gizarte Langileen ordezkariek, Oriako Ertzain Etxeko ordezkariak, Beasaingo, Ordiziako eta Lazkaoko udal-

tzainen ordezkariek eta Beasaingo, Ordiziako eta Lazkaoko osasun zentroetako ordezkariek osatzen dute. Azkeneko bileran 2016ko datuen bilketa eta irakurketa egin zuten; Genero indarkeria Goierrin. 2015 eta 2016an erregistratutako kasuen analisi kuantitatiboa txostena Goiekiren webgunean argitaratu dute.

Datu horien arabera, 2016an Goierri behean 30 indarkeria matxista kasu gertatu dira; gehienak Beasainen (10) eta Lazkaon (7); bortizkeria fisikoa, psikikoa zein sexuala. Txostenaren arabera, biktimen %73k jarri zuen salaketa.

Zenbaki horien ondorio nagusia ondorengoa da, Prospektiker enpresako Irune Virgelen

GOIBERRI 09

ASTEKO GAIA

Txosteneko datuen laburpena Genero indarkeria Goierrin.2015 eta 2016an erregistratutako kasuen analisi kuantitatiboa txostenak datu hauek biltzen ditu: 30 kasu.

2016. urtean 30 indarkeria matxista kasu izan ziren Goierri behean: Ormaiztegin 2, Ataunen 2, Zegaman 1, Lazkaon 7, Gabirian 1, Ordizian 3, Idiazabalen 2, Beasainen 10 eta Itsasondon 2.

4o urte baino gutxiago.

Biktimen %70ek 40 urte baino gutxiago zituzten. Datuak xehetu-

ta, % 27ak 18 eta 30 urte artean zituen; % 43ak 31 eta 40 urte artean, % 23ak 41 eta 50 urte artean, eta % 7ak 51-64 urte artean. nazionalitatea.

Indarkeria matxista jasan zuten emakumeen % 70 bertakoak eta Espainiako Estatuan jaiotakoak izan ziren. indarkeria mota.

Biktimen % 40ak indarkeria fisikoa jasan zuen; bortizkeria fisikoa eta psikologia jasan zutenak % 37 izan ziren; eta indarkeria sexuala

esanetan: Goierri beheko zerbitzu desberdinetan genero indarkeriagatik artatutako eta bikotearen aurka salaketa jarri duten emakume gehienak 40 urtez azpikoak dira, bertakoak, eta seme-alabak beraien ardurapean dituztenak. «Zoritxarrez emakumeen aurkako indarkeriak ez dauka adinik, ez posizio sozialik, ez nazionalitaterik; hau errealitate bat da», dio Virgelek.

Sarritan indarkeria matxistaren kasuak herrialde zehatz batzuetako herritarrekin lotu izan dira. Goierri beheko datuek diotenez, ordea, bertakoak edo Espainiako Estatutan jaiotakoak dira indarkeria matxista jasan duten emakumeen gehiengoa, %70: «Adinaren gaian gertatzen den bezala, biktimaren nazionalitatea erasoen proportzionaltasun handiagoarekin lotzea, gizartearen irudimenean soilik dagoen kontua da», dio Virgelek.

Biktimarik gehienek (%53) bere ardurapean izaten dituzte seme-alabak edo adin txikikoak. Virgelek gogoratu duenez, 2014an Istanbuleko Hitzarmena sinatu zenetik, adin gabeko seme-alabak ere genero indarkeriaren biktima zuzenak dira; «Ordura arte ez zegoen horre-

40 urtez azpikoak Biktimak gazteak dira, 40 urtez azpikoak: «Beharbada, emakume gazteek baliabide sozialen eta asistentzialen ezagutza handiagoa izatea eta biolentzia egoera bizi dutela barneratzeko duten gaitasun handiagoa izateak eragiten dute biktimen profila gaztea izatea».

sufritu zutenak, berriz, % 3. seme-alabak eta adingabeak.

Biktimen % 53k seme-alabak eta adigabeen ardura zuten. lehenengo hautemateak.

Hautemateen erdia baino gehiago, % 56, Ertzaintzak erregistratu zituen, 17; Udaltzaingoak 6, Gizarte Zerbitzuek 5 eta Osakidetzak 2. salaketa.

2016an biktimen % 73k jarri zuen salaketa.

lakorik eta orain, babes, arreta espezializatua eta errekuperazioa jaso dezakete».

Horrekin batera, zaintza eskubideak zehazterako garaian ere «adin txikikoak babesten dituzte biolentzia inzidentziak kontutan hartuta», zehaztu du.

Izan ere, frogatuta dago adin txikia duten garaian edozein biolentzia gertaera (fisikoa, psikologikoa, sexuala,…) ikusteak, ondorio psikologiko nabarmenak eragiten dituela, norberaren izaera eta nortasuna eraikitzerako garaian: «Autoestimuaren inguruan, harremanak izateko garaian, bikote harreman bat nolakoa izan behar duen eraikitzeko garaian...».

Urratsak aurrera Indarkeria mota horri eta errea-

litateari aurre egiteko Goierrin urrats egokiak egiten ari direla uste du Virgelek: «Beharrezko ahaleginak egiten ari dira genero indarkeria jasaten duten biktimei arreta zuzena eta egokia, eta babesa emateko». Gaur egun dauden udal baliabideak aipatu ditu, baita 2015ean egindako Goierriko Genero Indarkeriaren Aurkako Protokoloa bera ere.

Eragile guztien inplikazioa beharrezkoa dela uste du Virgelek: «Orokorrean, gaian murgildutako profesionalen inplikazioa eta etengabeko formakuntza eta babes egokia ezinbestekoa da errealitate honi aurre egiteko».

Bideari ekin bazaio ere, asko geratzen da egiteko, emaitzek eta errealitateak erakusten duten bezala.

10 GOIBERRI

ELKARRIZKETA

IGOR ALZELAI

Igor Alzelai Ormazabal Mendiko eskiatzailea

«Altitoy-a mendiko eskiatzaileon Behobia da, giro onena duen proba»

GOIBERRI 11

ELKARRIZKETA

Tere Madinabeitia Legazpi Suhiltzailea da lanbidez Igor Alzelai legazpiarra (Telleriarte, 1978), baina su ondoan baino, nahiago du elur artean ibili, gustuko duen kirola egin dezakeelako, mendiko eskia. Pistatik kanpo praktikatzen den modalitatea da, igoerak, jaitsierak eta oinezko zatiak tartekatzen dituen ibilbideak dituena.

Asteburu honetan Pirinioetako Luz Ardidenen (Frantzia) egingo den Altitoy Ternua proban parte hartzekoa da. Iaz lehen euskalduna izan zen Iñigo Lariz elgoibartarrarekin batera.

Candanchun (Huesca) dabil asteotan entrenatzen.

Nolatan Candanchun?

Oporraldi bat daukat eta hori aprobetxatuz, negurako hartu dugun etxera etorri eta entrenatzen ari naiz. Etxetik bertatik eskiak jantzita ateratzen naiz, eta egunean bi-hiru orduko entrenamenduak egiten ditut.

Proba handia duzu asteburuan.

Bai. Altitoy Ternua. Andoni Areizagak eta bere taldeak sortu zuten duela 10 urte. Euskaldun askok parte hartzen du, Behobia moduko bat da, eta giro aparta izaten da. Bi urtean behin Grand Course deritzan Europa mailako sailkapenean sartzen da. Iaz hala egokitu zen eta maila goreneko kirolariak etorri ziren: Kilian Jornetek irabazi zuen Matheo Jacquemoud frantziarrarekin batera. Nik Iñigo Larizkin parte hartu nuen eta 18. postua egin genuen, lehen euskaldunak izan ginen. Aurten ere joango gara biok.

Txapelketa zen. 600 metroko desnibela zuen eta ordu erdiko lana izan zen. Proba oso exigentea zen, oso intentsoa. Binakakoak luzeagoak dira, 2-3 ordukoak.

Mendiko eskia ez da asko praktikatzen den kirola.

Alpinoa da ezagunagoa, baina geroz eta jende gehiago ikusten da mendikoan. Desberdinak dira, baina biek eskiak dituzte oinarri. Mendikoan botak arinagoak dira, eta zorua plastikozkoa izan ordez, larruzkoa edo gomazkoa dute, eta goiko aldea ez da zurruna, oinez ibili ahal izateko. Igotzeko, orpo aldea ez dago eskiari lotuta, eta jaisteko, dena lotzen da eta alpinoan bezala eskiatzen da. Eskiak 1,60 metrokoak dira, nahiko estuak, eta fijazioek aukera daukate igoeratan orpoak aske eramateko. Gainera foka larrua deitzen den funda jartzen diegu, igotzerakoan elurrari heltzeko. Makilak, alpinokoak baino zerbait altuagoak dira.

Lasterketetan material gehiago eramaten al duzue?

Motxila bat. Mendiko oinezko lasterketetan bezala proba aurretik azaltzen digute zer eraman daitekeen eta zer ez. Orokorrean, oinezko tarteak egiteko kranpoiak eramaten ditugu, beste larru pare bat, segurtasunerako arropa, pala, sonda, manta termikoa, xira... Ura, gelak, barritak... ere bai, bidean ez dagoelako anoa posturik, ezta gelditzeko denborarik ere. Konpetiziorako prestatuta dago guztia, pisu gutxirekin.

Euskal Herriko binakako txapelketa da aurten.

Zu noiz hasi ziren mendiko eskia egiten?

Hala da, bai, eta euskaldun asko izango gara bertan. Bi egunetan egiten da, bihar eta etzi, bi proba dira. Aurten Pic de Midi-ren gailurrera igoko gara seguruenik. 4.000 metrotik gertuko desnibel metatua du.

Eskiatzen 8 urterekin hasi intzen, eta 18rekin erosi nituen mendiko lehen eskiak. Lehiatzen... Altitoy-ra lagun artean joaten ginen lehen, ez orain bezala. Lasterketetan duela 7-8 bat urte hasi nintzen.

Badira proba motzagoak.

Eta emaitzak, nolakoak izan dira? Dominaren bat baino gehiago irabazi duzu.

Banaka egiten direnak motzagoak izaten dira, Otsailaren 4an bat egin nuen, bertikal bat, Cerlerren (Huesca); Espainiako

Bai, baditut batzuk Euskadiko txapelketakoak, Pirinioetan

lortutakoak. Alpeetan zailagoa da. Pierra Mentan, adibidez, maila oso altua da, eta italiar, frantziar eta suitzarrak oso ondo ibiltzen dira. Hemen katalanek dute maila altua. Kilianen eraginez, teknifikazio eskolak daude eta elurra ere bertan dute. Euskal Herri mailan, berriz, gazteak oso indartsu datoz eta maila geroz eta hobea dugu. Poztekoa da.

Pierra Menta proba kuttuna duzu. Ba al zoaz aurten?

Behin baino gehiagotan izan naiz; guretazko mendiko eskiaren Tourra da. Alpeetan jokatzen den lau eguneko proba da, eta aurten martxoaren 8tik 11ra egingo da. Baina lanagatik eta mendiko gidari titulua eskuratzeko ikasketak direla eta, ez dut joateko asmorik. Hala ere, Euskal Selekzioko taldekideren batek huts egiten badu, agian bai. Ikusiko dugu.

Pirinioak, Alpeak... urruti dira lasterketak.

Europako Mendietan ere bai. Ni Pirinioetan ibiltzen naiz gehien, Candanchu inguruan eta Frantzian. Hurrengo astean Euskadiko txapelketa egingo da Isaban, banakakoa.

Bi proba horiek eta gero, noiz arte luzatuko da denboraldia?

Munduko Koparako puntuagarria den Baqueirako (Lleida) lasterketa izango da niretzat

azkena, apirilaren hasieran.

Hasi, berriz, azaroan hasten gara, Frantziako Tignesera joaten gara, Alpeetara, eta astebete egiten dugu. Lehen lasterketak abenduaren erditik aurrera izaten dira.

Beti elurretan ez zara ibiliko.

Zein entrenamendu egiten duzu Legazpi aldean zaudenean?

Korrika egiten dut mendian, baita bizikletan ere. Eta espezifikoagoa, roller eskia egiten dut: patinen moduko eski txikiak dira, gurpildunak. Telleriarte eta Brinkola arteko bidean ibiltzen naiz batzuetan, lauan.

Kontua da roller eskiekin ezin dela jaitsi, lauan edo aldapan gora ibiltzeko dira bakarrik.

Mendiko eskia kirol minoritarioa dela esaten dute.

Mendiko eskiak badu faktore bat atzera botatzen duena: mendi altuetan elur jauziak egoteko arriskua dago. Baina geroz eta jende gehiago ikusten da alpinoa praktikatzeko pisten inguruetan mendiko eskia egiten. Andorran, hain zuzen, estazioak hasi dira mendiko eskirako ibilbideak prestatzen, seguruak, elur jauziak izateko arriskurik gabekoak. Nik uste dut geroz eta jende gehiagok praktikatzen duela, eta nik jendea animatuko nuke probatzera. Baita lasterketetan parte hartzera ere, Altitoy-an bertan, B lasterketa dago, motzagoa, Disfrutatzeko esango nieke.

Euskaldunon artean eskirako afizio handia dago.

«Altitoy-an parte hartuko dut bihar eta etzi Larizekin; Euskadiko txapela dago jokoan» «Euskal Herri mailan gazteak oso indartsu datoz eta maila geroz eta hobea dugu»

Bai. Hemen bertan, Candanchun, euskaldun ugari dago, nere klubetik hasita, Candanchu Ski Alp. Luz aldera ere euskaldun asko joaten da, han eskiatzea merkeagoa delako, Baina hara joateko ordu bete gehiagoko bidaia da, eta horrek garestitu egiten du guztia eta Candanchuren parean jartzen du. Candanchura bi ordu eta erdian iristen zara, eta bidesari bakarra ordaindu behar da, Luzera joateko gehiago daude, baina pistak merkeagoak dira.

Kontuak atera behar dira.

12 GOIBERRI

ERREPORTAJEA

Ordizia Punch Boxing Kirol Klubeko kideak, aste honetan, Majori kiroldegian egindako entrenamendu saio batean. GITB

Kolpeka-kolpeka Goierrin boxeoa berpiztea da Ordizia Punch Boxing Kirol Klub talde sortu berriaren helburua. Adin tarte desberdinetako 25 neska-mutilek osatzen dute gaur egun. Astean hirutan entrenatzen dute Ordiziako Majori kiroldegian.

A. Vierbücher Ordizia Euskal Herrian boxeo zaletasuna ez da ez gauza berria, hamarkada batzuk atzera, indar ikaragarria zuen eta horrek ere bazuen bere isla komunikabideetan; eguneroko jarraipena egiten zitzaion; egun futbolak eta beste hainbat kirolek betetzen dute leku hori.

Ordizia boxeo zaletasunaren erakusgarri nagusietako bat da; testuinguru horretan egin zuen debuta, 1968an, Jose Manuel Ibar Urtain boxeolariak, Ordiziako futbol zelaian. Hortxe dago baita ere, jaietan egiten

den Ordizia Sutan jaialdia. Goi mailako boxeolariak hartu izan ditu boxeo gauak urteetan zehar, anekdota eta istorio ugariz inguratuta.

1936ko gerra baino lehen ere izaten ziren borrokaldiak Ordizian. Nahiz eta 50eko hamarkadan bizi izan zituen urterik oparoenak. Afizio handia zegoen Ordizian, ringean aritzen zirenak ere ugari ziren. Afizio horren seinale da baita ere, orain hilabete gutxi sortutako boxeo talde berria; Ordizia Punch Boxing Kirol Klub taldea.

Joan den urtean, kontaktu ki-

roletan aritu izan diren hainbat pertsona elkartu eta boxeo talde bat aurrera ateratzeko lanean hasi ziren. Tartean daude Anartz Azkarraga, taldeko maisu Francisco Romero, Iker Arizmendi eta Alfonso Lodosa . Beraiek izan ziren proiektu «berri eta ilusioz beterikoa» den horren sortzaile, Azkarragak berak adierazi bezala.

Nortasuna eta helburuak Arauak dituen kontaktu kirola da boxeoa. Azkarragak berak boxeoa ez du kirol oldarkor bezala ikusten, «guztiz kontrakoa

baizik». Borrokarako pertsona baten aurrean jartzerakoan, egoeraren eta parean duzun pertsonaren azterketa egitea komeni da: «Aurrean duzunari nola irabazi pentsatu behar duzu, hortaz, buruari eragin behar diozu». Horrregatik, «ezin duzu kolpeka hasi egoera aztertu gabe», adierazi du Ordiziako boxeolariak. «Momentu horretan burua erabiltzea oso garrantzitsua da, eta dena ez da indarra izatea», nabarmendu du.

Kontaktu kirolek, «eguneroko estresa askatzen lagun-

GOIBERRI 13

ERREPORTAJEA

tzen» dutela esaten du Azkarragak. Horretaz gain, kirol horretan ikasitakoak «bizitza pertsonalean sortu daitezkeen gatazkeei aurre egiten ere laguntzen» duela gehitu du.

Egunerokoan ere, «egoerak aztertzen saiatzen» dela esaten du, «ring-aren gainean egingo» lukeen bezala. «Segurtasuna irabazten laguntzen du».

Momentu honetan, adin tarte ezberdinetako 25 kide inguruk osatzen dute Ordizia Punch Boxing Kirol Kluba. Ez dute lokal propiorik, eta horregatik, Ordiziako Majori kiroldegian entrenatzen dute astean hirutan.

Azkarragak adierazi duenez, «instalazio propioak izatera heldu nahi» dute, eta horregatik Ordiziako Udalera ere jo dute laguntza eske.

Talde lana sustatzea da klubaren helburu nagusiena, Azkarragaren esanetan. Horregatik, taldea osatzen dutenek, elkarrekin entrenatu ohi dute:

«Kluba kontaktu kiroletan aritu izan garen hainbat pertsona elkartu eta sortu genuen» «Aurrekoari nola irabazi pentsatu behar duzu, hortaz, buruari eragin behar diozu» «Talde lana sustatzea da gure Punch Boxing taldearen helburu nagusiena» Anartz Azkarraga Boxeolaria

«Bakoitzak bere erritmoan, baina batera, eta ahal dugun guztian laguntzen diogu elkarri». Hasi berriek eta beteranoek, hortaz, batera egiten dituzte entrenamenduak, horrela «gehiago dakitenek, oraindik ikasten ari direnei erakusten diete» eta bide batez «taldeko kideen arteko harremanak sendotzen dira».

Boxeoari eta kontaktu kirolei lotu izan zaien irudi txarra atzean uzteko pausuak ematen ari da Ordiziako talde gaztea: «Lan asko dago egiteko, baina pixkanaka-pixkanaka lortzen ari» direla uste dute taldeko kideek. Kluba sortu zenetik «geroz eta jende gehiago gerturatu da boxeoa eta praktikatzen ditugun beste kontaktu kirolak probatzera, eta horregatik harro gaude».

Beste kirol askotan gertatu den bezalaxe, boxeoan ere pisu handia izan dute generoari lotutako estereotipoek, alegia, ez dela emakumeentzako kirola, gizonek beraien artean gizontasuna eta indarra erakusteko besterik ez zuela balio, eta abar.

Boxeoak gurean bizi duen goraldiarekin, zorionez, etiketa eta aurreiritzi horiek hausten doaz gutxika-gutxika eta gimnasioetan zein ring gainean ikusten diren emakumeak gero eta gehiago dira.

Horrelaxe, Ordizia punch boxing taldean ere «emakumeek beren tokia dute». Kluba sortuzenetik, «hiru neska hasi dira», Azkarragak argitu bezala. Ordizia punch boxing taldeko ordezkariaren aburuz, beste kirol batzuetan bide hori urratzen doan neurri berean, boxeoan ere denbora kontua besterik ez da izango: «Ziur nago gero eta emakume gehiagok egingo dutela ring baten gainean lehiatzeko hautua».

telebista saioa ikusteko sartu: gitb.eus edo goierri.hitza.eus

14 GOIBERRI

GURE LURRA

Behien urre zuria Esnea merkatuak gutxietsitako produktua izan da azken urteetan. Oinarrizko produktua izanagatik, kalitateari baino, prezioari begiratzen zaio gehiago erosterakoan. Ekoizleak kexu dira, baina ilusioz begiratzen diote etorkizunari.

Josune Zarandona Goierri Esnearen sektorea ez da unerik eztiena bizitzen ari azken aldian. Apirilaren 1ean bi urte beteko dira Europako Batzordeak estatukide bakoitzari urtean gehienez ekoizteko esne kuo-

tak kendu zizkiela. Produkzioa igo eta prezioak merkatzea izan dira ondorio zuzenenak. Hori gutxi balitz, Valle de Odieta Nafarroako kooperatibak Sorian ireki nahi duen eta 20.000 esne behi izango dituen ustiategi

erraldoiaren proiektua dago Euskal Herriko esne ekoizle txikien kezken artean.

Esneak prentsa txarra izan du azken urteetan. ENBA sindikatuko Xabier Iraolak esan duenez, ÂŤkontsumitzaileentzako

oinarrizko produktua da esnea, baina erosterako orduan, prezioa izaten dute irizpide nagusi, kalitateaz ahaztutaÂť. Iritzi berekoa da EHNEko Garikoitz Nazabal ere. Esne ekoizleei ÂŤekoizpen prozesu guztian ze-

GOIBERRI 15

GURE LURRA

Ainitze Sala Iztueta baserrian, behiak bazkatzen dauden bitartean. JOSUNE ZARANDONA

har eta azken produktuan exijentzia handiak eskatzen zaizkie administrazioaren aldetik, baina saltzerako orduan kalitatea lurretik botatzen da. Horrek tentsio handia sortzen du ekoizpen kate guztian zehar», gehitu du.

Zentzu honetan, erantzukizun handia dute saltoki handiek. «Esnea beti erabili izan da erosleak erakartzeko erreklamo gisa. Prezioa jaisten dute, eta nahiz eta badakiten esnearekin dirua galduko dutela, jakin badakite saltokira gerturatzen diren horiek beste produktu batzuk erosiko dituztela eta horiekin galdutakoa irabaziko dutela», dio Iraolak.

Gipuzkoako esne ekoizle gehienek Kaiku edo Iparlat bezalako bitartekari handiei saltzen diete esnea, eta gero, haiek bideratzen dute saltoki handietara. Nazabalen iritziz, «gaur egun salmenta zuzenarekin bizirautea oso zaila» da inguruko ekoizleentzat. Ez da

Iztueta elkartea: lau belaunaldi esne ekoizpenetik bizitzen ztueta baserrian lau belaunaldi daramate esnea ekoizten.

Orain jogurt eta izozkiekin hasi dira probatzen. Zerumuga iluna begitantzen zaio sektoreari, baina Sala baikorra da, «oraindik ideia asko dauzkagu buruan eta ilusioz ari gara lanean», dio.

Arbasoengandik ikasitakoa du eredu, eta bizimodu honi jarraipena ematea du amets: «Baserriko lana gogorra da, baina gurasoek beti irakatsi didate baserritik bizitzea polita dela».

Eguneko 900 bat litro esne ekoizten dituzte, eta 35 eta 40 behi artean izaten dute, «hektareako bat, hala larrean jaten duten guztia etxekoa dela ziurtatzen dugu». Goi-mailako kalitatezko produktuen aldeko apustua da beraiena, baina baita baserriko lana bistaratzekoa ere. Horregatik hitzaldiak eta bisita gidatuak ere antolatzen dituzte kanpoan eta baserrian bertan.

I

iritzi berekoa, Iztueta baserriko (Lazkaomendi) Ainitze Sala.

Familia enpresa da beraiena, eta berea esne ekoizpenetik bizi den laugarren belaunaldia da. Garbi dauka salmenta zuzena dela bidea: «Zuk erabakitzen duzu produktuaren prezioa, zuk erabaki dezakezu nori saldu. Lana bikoiztu egiten da, egia da, baina baserritarrok beldurra alde batera utzi beharra daukagu, positiboan pentsatzen hasi eta arriskatu».

«Lana gogorra da, baina gurasoek beti irakatsi didate baserritik bizitzea polita dela» Ainitze Sala

Iztueta elkarteko bazkidea

«Soriako proiektuak bertako familia-ustiategi txikien amaiera suposatuko du» Xabier Iraola

ENBA sindikatua

«Soriako plantak ez ditu bezero berriak sortuko, daudenak lekuz aldatu baizik» Garikoitz Nazabal ENHE sindikatua

Soriako makroproiektuari buruz galdetuta, Iraolak garbi dauka: «Euskal Herriko eta Kantauri ibarreko familia-ustiategien amaiera suposatuko du». Gure eredua «famili enpresa txikiena da, ekoizpen maila txikiagoetan oinarritutakoa, eta lurralde guztian zehar banatuta dagoena», dio. Nazabalen iritziz ere «astakeria» bat da. Horrelako eredu batek ez dituela bezero berriak sortzen uste du, daudenak lekuz aldatu baizik. Ondorioz, lanpostu ugari galduko lirateke bere iritziz, eta Gipuzkoan egun ezagutzen dugun ereduaren amaiera ekarriko luke.

Epe luzerako proiekzioa Multinazional handiak daude, Salaren iritziz, Soriako proiektuaren atzean. Ekonomian oinarritutako ekoizpena izango dela dio, «kalitatea erabat ahaztuta». Gainera, produkzioaren jasangarritasuna non geldituko den galdetzen dio bere buruari: «Gastu energetiko handia suposatuko du, animaliak zein egoeratan egongo diren pentsatu behar da, ez dira inoiz larrera aterako, sortuko dituzten hondakin guztiak bideratzeko gai izango dira?». Airean gelditzen diren galderak.

Esnearen sektoreari etorkizun duin bat emateko lanean jarraitu beharra dagoela esaterakoan bat datoz guztiak. Merkatuan prezio duinak ezartzearen aldekoak dira batzuk, salmenta zuzenari heldu eta beren merkatuan bide berriak arakatzen hastearen aldekoak besteak. Ekoizleen ardura bada, baina gizarte osoarena ere bai, asko baitago galtzeko.

16 GOIBERRI

KIROL AGENDA

Martxoaren 5ean eta 18an rallysprintak

Martxoa

Goierriko errepideetan jokatuko dira aurten Rallysprint denboraldiari hasiera emateko lehen bi probak: martxoaren 5ean, XIX. Gabiria-Legazpi rallysprinta, eta martxoaren 18an, IV. Goierri Rallysprinta. Gidariek 6,65 kilometroko ibilbidea hiru aldiz egin beharko dute Legazpi-Gabirian –Legazpiko plazan jarriko dute autoen parkea–eta 16 kilometrokoa Goierrikoan –Lazkaoko plaza izango da autoen bilgunea–. Iazkoan 70na autok baino gehiagok parte hartu zuten proba bakoitzean. www.eaf-fva.net

MAIALEN IGARTUA

EDUARDO MATURANA

Bi aizkora apustu astebeteren buruan Xabier Zaldua zumarragarrak eta Luis Mari Txapartegi zestoarrak aizkora apustua jokatuko dute martxoaren 12an Azkoitiko Gurea pilotalekuan; 54 ontzako 20 enbor ebakitzea izango da egin beharko duten lana. Martxoaren 18an, aldiz, Julen Aranbarri Elorriaga III.a zumarragarrak eta Xabier Dorronsoro zeraindarrak neurtuko dituzte indarrak Urretxuko Ederrenan, 19:00etan. 54 ontzako 12 enbor ebaki behar dituzte. www.herrikirolakgipuzkoa.eu

Martxoan hasiko da ziklismo denboraldia Goierrin Martxoaren 11n jokatuko da aurten txirrindularitza sasoiko eskualdeko lehen proba nabarmenena: 36. Goierriko Itzulia.

Urretxun hasi eta bukatuko da, eta Lehendakari Txapelketarako lehen proba puntuagarria da. Zortzi egun lehenago, martxoaren 4an, kadete mailako 35. Usurbe saria izango da. Apirilean beste hiru daude –ikus taula–, tartean afizionatu mailako Lazkaoko 74. Txirrindulari proba. www.gtxe.eus

Martxoak 4. 35. Usurbe Saria txirrindulari proba (kadeteak).

50 kilometro. www.gtxe.eus Martxoak 5. XIX. Legazpi-Gabiria Rallyesprinta. 6,65 kilometro. www.eaf-fva.net Martxoak 11. Goierriko 36.

Itzulia txirrindulari proba.113,5 kilometro (23 urtez azpikoak). www.gtxe.eus Martxoak 18. Xabier Mendizabalen Oroimenezko mendi lasterketa Beasaingo Arriaran auzoan. 23 kilometro. www.kirolprobak.com Martxoak 18. IV. Goierriko Rallyesprinta (Lazkao-Lazkaomendi-Zaldibia-Gaintza). 16 kilometro. www.eaf-fva.net Martxoak 26. Mendiko bizikletaren Euskadiko Irekia Urretxun. www.gtxe.eus

Apirila Apirilak 1. Gabiriako Leharrei II. Mendi Lasterketa. 24 kilometro. www.kirolprobak.com Apirilak 23. 23. Gipuzkoako Txirrindularitza Klasika Zegaman (juniorrak).www.gtxe.eus Apirilak 30. 74. Lazkao txirrindulari proba (afizionatuak). www.gtxe.eus Apirilak 30. 24. Amelio Mendijurren oroimenezko txirrindulari proba Urretxun (kadeteak).www.gtxe.eus

GOIBERRI 17

ERREZETA

Txekor masailak txakolinarekin ALDASORO BERRI

Barrukien erreinuan Ordiziako Aldasoro tabernan sei urte egin ondoren, Juanjo Martinez de Rituerto lazkaotarrak bere bizitzako aro berri bati ekin dio jaioterrian, Lazkaon, Aldasoro Berri zabalduta. Taberna modernoa da, handia, baina aldi berean goxoa, jantoki pribatua ere bai baitu. Aldasoro Berrin Ordizian arrakasta izan zuen bideari jarraitzen diote Juanjok eta haren emazte Maria Jose Dominguezek, etxeko sukaldaritza eskainiz, merkatukoa eta garaikoa. Barruki platerak berreskuratu dituzte: tripakiak, muturrak, txerri hankak, mingaina, arkume errota... Horrez gain entsaladek, garaiko arrainek eta etxean egindako azkenburukoek osatzen dute jatetxeko eskaintza:onddo eta foieaz betetako txerri hankak, olagarroa feira erara, etxeko gazta tarta...

Tabernara gerturatzen denak, berriz, pintxoz betetako barra aurkituko du.

Osagaiak

Prestaketa

(4 pertsonentzat) 2 txekor masail (kilo bat inguru) 2 tipula handi 2 baratxuri ale 4 piper berde 2 porru Txakolina Haragi salda Gatza Piper hauts beltza Oliba olioa

Hasteko masailak ondo garbitu behar dira, haragiaren inguruan dituen zainak eta geruzatxoak laban zorrotz batekin kenduz.

Ondoren ozpindun ur hotzetan sartu, odol hondarrak eta zikinak kentzeko, eta ondo lehortu.

Irinetan pasa eta zartagin batean olioarekin alde guztietatik gorritu. Garrantzitsua da asko ez mugitzea, pixka bat hondoari erantsiaz. Behin ondo gorritutakoan atera eta gorde egin behar dira.

Erabili dugun oliotara barazkiak gehitzen dira, puska handitan moztuta, su bizian, ondorengo hurrenkeran: tipula, baratxuria, porruak eta piper berdeak. Gatz eta piper hauts beltza bota eta su nahiko bizian egiten jarraitu pixka bat hondoari helduz, baina erre gabe, tonu iluna har dezaten.

Behin barazkiak ondo gorritu direnean txakolin basokada bat gehitu, eta alkohola lurrundu denean, masailak eta ontzian utzi duten zukua gehitu, eta haragi saldarekin estali.

Su eztian egiten utzi bizpahiru orduz. Samurtu diren jakiteko tarteka ziztatu, eta samurtu ahala ateratzen joan, bestela desegin egingo baitira.

Masailak ateratakoan, barazkiak xehatu eta iragazi. Ondoren masailak saltsatan su eztian eduki zaporeak bateratzeko.

Zerbitzatzeko Masailak bakoitzaren gustura zatitu eta saltsarekin estalita zerbitzatu. Lagungarri gisara bakoitzak nahi duena jarri dezake: onddoak, barrengorriak, barazkiak, ilarrak...

18 GOIBERRI

GARAI BATEAN

Legazpiko ikastolako ikasleak eskoziarrez mozorrotuta 1979ko inaute asteartean. LENBUR FUNDAZIOA

Legazpin sona dute inauteriek

Tere Madinabeitia Legazpi Diktadurako etenaldiaren ondoren, indarrez hasi zen ospatzen inaute asteartea Legazpin; egun ostirala da egun handia.

Haurren desfileak, mozorroek, tabernetako giroak... sona handia hartu zuten inguruan.

Irudian, ikastolan, 1979ko jaia.

Atzean: J. Jabier Lasa, Elisabet Maiztegi, Igone Alzelai, Pedro Lonbide, M. Jesus Arrazola, I単aki Larra単aga, Sorkunde Agirrebu-

rualde, Nekane Martinez, Beatriz Alustiza, M. Jesus Begiristain, Ramon Etxaniz, Ander Mendizabal, Jesus M. Maiztegi. Erdian: Eloi Iartza, Ibon Jauregi, Aitor Kasta単ares, Aitor Altolagirre, Ruben Ortiz, J. Ignazio Arrizabalaga, Joseba Etxaniz. Makurtuta; Arantxa Aztiria, Isaak Lasa, Imanol Ugarte, Txema Solana, Xabier Kerejeta, Bego単a Azpeitia, Marian Alustiza, German Barrena, Nekane Urzelai, Santi Urkia.

GOIBERRI 19

PUBLIZITATEA