Page 1

princ铆pios pedag贸gicos


Princípios pedagógicos da Escola de Ensino Galego Semente A Semente é umha escola de ensino galego para crianças de 2 a 6 anos. Todas as actividades som desenvolvidas em galego, favorecendo a aquisiçom, conservaçom, cuidado e consolidaçom do nosso idioma. Entendemos a língua galega e o seu carácter internacional como parte indissolúvel da nossa cultura, da nossa história e do nosso futuro. A Semente é um espaço de pedagogia transformadora que entende a escola como parte integrante da sociedade; servirá aos interesses populares garantindo um processo de ensino aprendizagem democrático e fazendo possível que as crianças sejam pessoas livres e críticas. A Semente é um espaço de criatividade e inovaçom onde, através do pensamento criativo ou lateral som proporcionadas as ferramentas necessárias para o desenvolvimento das capacidades artísticas e a imaginaçom das crianças. Com o pensamento criativo as crianças observam as situaçons e os problemas de todos os ángulos possíveis podendo gerar, com criatividade e inovaçom, mais de umha resposta para resolverem diferentes questons. A Semente é umha escola laica. A educaçom laica representa a liberdade de consciência e do direito humano, da toleráncia e da democracia. Umha escola livre de qualquer imposiçom, propaganda ou doutrinamento religioso. A Semente é um espaço de coeducaçom. Um espaço de educaçom integral para crianças com umha educaçom baseada na igualdade de género em todos os aspectos da vida. Um espaço nom patriarcal e sem machismo que favorece o caminho das nossas crianças para o empoderamento, quer dizer, para assumirem o controlo da suas próprias vidas.


A Semente rege-se por assembleia, um modelo de decisom em que participam dumha forma horizontal pais, maes, professoras e crianças. A educadora ou educador e as famílias mantenhem umha relaçom directa e de confiança no que respeita à educaçom das crianças A Semente é um espaço para umha educaçom inserida na natureza em que as crianças percebem os valores ambientais da nossa terra mediante a interacçom com o ambiente, através das saídas, roteiros, uso da horta, etc. Mas também no próprio espaço da escola favorecendo o uso de materiais reciclados ou o consumo responsável. A Semente defende a liberdade responsável, o respeito e a autoregulaçom; a educadora ou educador confia plenamente na criança; respeita-a como pessoa respeitando também as suas emoçons, tentando proporcionar as ferramentas para elas solucionarem os seus conflitos por si mesmas. Tenta-se favorecer a plena consciência por parte da criança da sua liberdade, mas também da existência de uns limites básicos de respeito a outras pessoas e ao seu contexto. A Semente é um espaço educativo interactivo onde a pessoa educadora é umha mediadora que acompanha a criança no seu processo de aprendizagem; a relaçom pedagógica consiste no provimento das condiçons em que educadora e criança podam colaborar para fazerem progredir essas trocas que favorecem o desenvolvimento integral das pequenas e a aprendizagem mútua.


Na Semente a relaçom entre professorado e estudantes convive num mesmo plano de entendimento e respeito mútuo. É mediante o amor, a compreensom e a empatia que pais, maes e professorado melhor podem levar estes princípios à criança. A Semente é um espaço de interculturalidade onde as crianças compreendem a importáncia e o respeito de outras culturas que vivem no nosso país e que permitem interagir, crescer e trabalhar conjuntamente. A Semente é umha escola aberta à comunidade, que se preocupa com a realidade do bairro e da vizinhança de Compostela, tratando-se portanto dumha educaçom ligada à realidade do povo e da sua vida diária.


Participaçom das famílias Participaçom em diversas actividades da escola dia a dia Atendimento individual entre a pessoa educadora e a família Assembleia de maes e pais (AMPA) Assembleia de maes e pais e comissom pedagógica (Relaçom AMPA- escola) Assembleia da Semente: Participaçom da AMPA na assembleia ou áreas de trabalho.

881 819 637-607 901 506

Principios Pedagogicos  

Descripçom dos nossos principios pedagogicos

Principios Pedagogicos  

Descripçom dos nossos principios pedagogicos

Advertisement