調皮的ＡＢＣ
找數的秋花
UI 創造神
被設計的未來
大陸人
鼻鼾龜
鼻鼾龜2
憂愁Pizza
Hello Kitty 搭錯線
BL 無極限
世界上最令人討厭 就係政治潔癖 文: 三蝦
有人認為社會運動或生活盡量唔好有政治團體同力 量插手。其實一言以蔽之，大家希望任何人都唔好有政 治目的、當一場社會運動裡面有人耍手段、玩弄權術或 者同政團及人物沾邊就係污染咗、變咗質。 然而我諗唔到點解搞社運唔可以弄權，其實要改變一個世代就不得不 用政治手段。
咁邊個夠乾淨、真係為天下蒼生而無私努力？ 國父孫中山？佢為左中國現代民主付出咁多，亦唔 肯向清政府低頭，如果唔計佢鍾意利用幫會行事， 其實佢只係自己結社，無勾結親王，政治上都幾 「乾淨」。但係如果唔好太過結果論，好客觀咁睇 史實，又會係點？
袁世凱
舉個例子，近代中國喺大家心目中最鍾意以權謀私嘅，就講袁世凱夠 未？野心家想做皇帝，簽廿一條賣國畀日本，迫孫文畀佢做總統，迫國會 選舉，夠未？
照規矩，我只係喺史實揾結果，而唔理教科書 同維基講嘅評論。
袁世凱係清末手握最大兵權、設備最精良既人， 佢嘅新軍有權急速奪取政權。 真正令清帝決定下台嘅、踢佢落馬嘅、係袁世凱。唔係各省爆 發嘅革命，因為清政府一早習慣千里以外嘅民變，佢地驚嘅係 袁世凱嘅兵變同兵臨城下。 袁世凱絕對有權用咁大既兵力同影響力將各省仲喺萌芽階段嘅 革命軍立即毀滅平定，但係佢無咁做。 袁世凱喺得權後，佢無諗住做皇帝，而係做共和政府總統。
我唔係要證明袁世凱係聖人，國家英雄，我甚至好肯定佢係以權謀私， 想竊國自持。而我想講嘅係，無勾結，唔搞政治手段，就無可能做一個改變 世代同政治現實嘅人。 如果佢唔耍政治手段，有可能做新軍統領？可以無任何戰爭之下就勸到 清帝下台？佢可以做皇帝又唔做，成立共和政府吸納革命勢力，好明顯係政 治手段。 我哋又睇吓孫文做緊咩：
辛亥革命嗰時，孫文根本唔喺中國。 全世界當時都認同袁世凱嘅共和政府。 孫文係喺袁世凱政府成立後，喺南方自 組政府，「被推舉」成為大總統。但係 連各省革命軍都唔係全部理佢。 孫文嘅政府係總統獨裁制，但後來佢要求袁世凱做總統嗰陣要 行制衡總統嘅內閣制。 係孫文求袁世凱做共和大總統，承認袁世凱地位，因為孫文做 嘅大總統無咩影響力，如果無袁世凱，無可能有一個有效嘅共 和政府出現。 就咁睇，究竟係孫文搞政治手段，定係袁世凱搞政治手段？孫文唔戀權 ，點解要夾硬再組政府自任總統，而非加入袁世凱共和政府？南方政府行總 統獨裁，點解袁世凱就要有內閣？南方政府武力奪權，根本就係孫文唔肯畀 袁世凱做大總統做成？ 明白未？香港人視一切同政治權力有關既行為等同污糟，認為社運應 「去政治化」，而家睇到係幾反智未？我哋用結果睇到孫文係無私為國嘅英 雄，佢反袁世凱嘅一切行動就係正面，但佢可以唔用政治去反袁世凱咩？目 標崇高，但係手段就必須依賴政治。袁世凱為左權力而玩手段，推翻咗滿清 亦改變咗世代，無咗佢帝制一時間唔會消失，咁我哋又應該點評論佢？
大家要明白權力喺政治生態入面係不可或缺嘅一環。一個政治人物，一 個社會運動，如果要堅持唔掂權力，只會係空談，注定失敗告終。要改變現 實環境就要有實質嘅政治力量，所以黃之鋒喺廣場上，有政治潔癖既香港人 一方面欣賞佢無政治力量支撐而企出，另一方面又無視依個行動喺佢開始嘅 一刻已注定失敗。 歷史上有權力而唔玩政治手段嘅人，我哋可以讚佢清高。但係今日幻想 有人可以唔靠權力改變政府嘅政治潔癖實在唔現實，根本就係害人不淺。
若批評無自由, 則讚美無意義 共勉之！
真。李三哈 普通會員 5702
路姆西引出真小學雞 一隻「路姆西」，因為其名有粗口諧音成份，結果成為了全城焦點。社民連成員 更以此公仔宣洩對港共政權的不滿，翌日引來大批「西迷」到宜家傢俬搶購 「路姆西」。 路姆西的出現，是對社會的一份控訴。 過去，我們對這個政府的施政有任何不滿，可以以遊行示威的方式，向政府施壓。 還記得零三年的七一遊行嗎？五十萬人上街的場面可謂震撼，亦成功逼使政府撤 回二十三條。去年反國教，十萬人包圍政府總部，亦使洗腦教育無法在香港光明 正大的橫行。 反觀今天，梁振英領導港共政權四處生事，陳茂波醉駕、囤地、劏房問題解決了 嗎？香港電視發牌問題解決了嗎？南丫海難事件、北區幼稚園學位被大陸人搶奪 等等的問題，能夠通過往常的表達意見方法去解決嗎？請看學民思潮為了給梁振 英一封請願信，竟然被七重警察人鏈去包圍，最後學民成員以失敗收場，試問我 們還有途徑去表達意見嗎？ 有人會話大玩「路姆西」是小學雞行為，掉梁振英「路姆西」更是暴力。但問題 是是誰讓我們重回激烈抗爭之路？又是誰不聽香港人聲音，以大石砸死蟹的手段 去摧毀香港？說到底，還是那港共政權。 說起粗口，就讓我想起數年前毓民和長毛在立法會上以粗口諧音講出「仆街」一 詞，以及不久之前林慧思老師在旺角以粗口責罵青關會一事。三件事情的共通點 是，總會有一群人站在道德高地之上，大罵對方講粗口，情形就像小學生聽到同 學講粗口，向老師告發一樣。這群人無視了當中背後的意義，只執著在「粗口」 之上。老實說，這群說對方小學雞的人，思想上更小學雞。 最後，我衷心的向那些仍然站在道德高地之上，說「路姆西」幼稚的人講一番話： 「希望你能放下身段，走入群眾之間，了解到底是誰讓香港人變成幼稚、不理智 ，不要再執著於粗口之上了解背後的動機和意義。不然，你比掉梁振英「路姆西」 的人更加小學雞。」 徐仲思 普通會員 7973