IslaOnline 15 December 2020

Diamars 15 December 2020

Diamars 15 December 2020

Pagina 1

Email: IslaOnline@gobierno.aw Tel: 528-4900

Pagina 2

Diamars 15 December 2020

Prome Minister Evelyn Wever - Croes:

PROME MINISTER TA BISHITA DIA

‘Si no pone atencion na fundeshi di e departamento bo no por sigui bay padilanti’

Prome Minister Evelyn Wever - Croes tabata di bishita na Directie Informatievoorziening en Automatisering (DIA), un departamento unda cu Prome Minister a yega di traha pa 13 aña. Cu tempo e rol di DIA a bira mas fuerte pero no suficiente atencion a wordo duna na e departamento. Aworaki ta na un punto cu mester bay over na digitalisacion, introduci E-Government y den esaki e rol di DIA lo bira mas importante.

Prome Minister a indica cu un peticion a bay pa DRH pa duna atencion na e departamento aki pasobra tin ‘formatie’ cu pa hopi tempo caba ta pega eynan. Prome Minister a expressa cu si no pone atencion na fundeshi di e departamento no por sigui bay padilanti.

“Bo no por atrae esunnan cu bo tin cu atrae y algun empleado

tampoco lo keda den caso cu no derecha e situacion. Pues a pidi DRH atencion y prioridad den esaki, Prome Minister a enfatisa.

Pesey Prome Minister a haya sumamente importante pa papia cu empleadonan y scucha di nan mes pa asina pone e atencion y enfasis corecto. Pasobra locual cu mester bay haci ta drecha tur locual cu no a wordo haci den tempo anterior.

“Gobierno y Aruba en general ta pasando den retonan grandi y na DIA tambe. Aworaki poco poco a cuminsa domina e cifranan di contagio un bes mas y poco poco mester cuminsa wak e periodo nos dilanti. Manera aña habri lo pone mas atencion riba e structura di DIA”, Prome Minister a enfatisa.

Pagina 3

Diamars 15 December 2020

Prome Minister Evelyn Wever - Croes:

HULANDA A PONE CODIGO ORAÑE RIBA TUR PAIS DI MUNDO ‘Ta lamenta cu e codigo orañe a wordo poni pa Aruba tambe sinembargo e ta perfectamente comprendibel’

Hulanda a pone tur Pais di mundo riba codigo orañe, asina Premier Evelyn Wever - Croes a wordo informa door di Secretario di Estado sr. Raymond Knops. Pa prome biaha Hulanda a cambia su punto di salida ora ta pone codigo di color pa un Pais. Anteriormente tabata basa su mes riba e situacion epidemiologico den e Pais, cual den e caso aki no ta asina.

“Ta lamenta cu e codigo orañe a wordo poni pa Aruba tambe sinembargo e ta perfectamente comprendibel. E situacion na Hulanda ta hopi serio y den Corona ora cu tin situacion serio asina, bo tin cu duna un mensahe cla. Pues na Hulanda nan ta pidiendo nan ciudadanonan pa no biaha, no bay cu vakantie y keda cas mas tanto cu ta posibel. Mescos cu Aruba a haci durante cu nos tabatin cifranan halto.

Den e caso aki pa Aruba actualmente no tin motibo epidemiologico pa cambia pa codigo orañe pasobra na Aruba e situacion pa loke ta covid ta bastante bou di control.

Sinembargo pa motibo cu aworaki Hulanda ta preocupa pa nan situacion interno, nan tin cu duna un mensahe cla na nan comunidad y pues ta compronde e decision aki, Premier Wever - Croes a enfatisa.

Pa resumi, e fronteranan no ta cera, ta bay tin hende cu ta sigui biaha bin Aruba, esnan cu a cumpra nan ticket caba por bin Aruba. Tene cuenta si cu rekisitonan y condicionnan ora di biaha. Alabes ta recomenda tur cu ta biaha for di Hulanda pa porfabor tuma un seguro di covid pasobra nunca bo sa kico por pasa. Y si bo tin un seguro di biahe di Hulanda, chens ta grandi cu awo cu Hulanda a pone henter mundo riba codigo orañe, cu e seguro di Hulanda no ta cubri cierto cosnan mas.

E mensahe ta cu nan no ta recomenda nan ciudadanonan pa biaha. Nan no ta prohibi e biahe, frontera no ta cera, pero si ta haci e codigo orañe. Esaki ta significa cu si un ciudadano Hulandes y/of nos studiantenan na Hulanda dicidi di biaha toch, e ta riba nan propio riesgo. Si algo pasa, Hulanda no ta obliga pa busca esnan cu ta biaha bek y hopi biaha seguronan tampoco ta cubri.

Mientrastanto nos ta mantene Hulanda den oracion y pensamento, pa nan por sali pronto for di e situacion cu nan ta aden. Pa di e forma aki pronto por mira cu e plamamento di e virus ta stop y cu por bay bek na e normal nobo’, Prome Minister Wever - Croes a termina bisando.

Pagina 6

Diamars 15 December 2020

Monumentenbureau:

UN TRABOW DI MANTENCION PARCIAL NA NATIONALE ARCHEOLOGISCHE MUSEUM ARUBA, NAMA Recientemente Director di NAMA a aserca Monumentenbureau pa un trabow di mantencion parcial den un di e localidad/oficina.

Preparacionan a wordo haci conforme reglanan di mantencion y e trabow a wordo haci dor di Aguirre, Garcia & Sons NV. Recientemente a termina e mantencion di e localidad y nos ta sumamente satisfecho cu e calidad di trabow haci.

Monumentenbureau kier gradici Aguirre, Garcia & Sons Construction pa na dedicacion y bon trabow.

Na e personal di NAMA pa nan pasenshi durante e periodo di mantencion.

Conhuntamente nos ta sigui cuida y proteha nos Monumentonan cu ta herencia cultural importante di nos pais.

Pagina 7

Diamars 15 December 2020

CULTURA

Pagina 8

CULTURA

Diamars 15 December 2020

Diamars 15 December 2020

Pagina 9

CULTURA

Pagina 16

Diamars 15 December 2020

Diamars 15 December 2020

Pagina 17

Pagina 18

Diamars 15 December 2020

Departamento di Salud Publico:

PRACTICA HYGIENA PA COMBATI COVID-19 Un di e armanan mas efectivo pa combati COVID-19 ta laba bo man cu awa y habon. Habon ta afecta e structura di e virus y ta desactive. E virus no por haci bo daño mas.

Corda tene cuenta si pa laba bo man corectamente pa 20 seconde cu suficiente awa y habon pa e por ta efectivo.

No ta tur ora nos tin awa y habon na nos disposicion. Eynan ta caminda cu ‘hand sanitizer’ por yuda. Hand sanitizer cu un contenido di por lo menos 60% alcohol ta e miho alternativa, despues di awa y habon, pa mata e virus di COVID-19. Ban sigui cuida!

Pagina 19

Diamars 15 December 2020

Departamento di Salud Publico:

UPDATE 15 DI DECEMBER 2020 Segun resumen di awe 8 persona mas a recupera, a registra un total di 23 caso nobo di Covid-19, di cual tur ta residente, cantidad total di testnan ehecuta ayera ta 564 ‘positivity rate’ local riba dia di ayera ta 20%).

Activo tin awe 122 caso, cantidad di fayecido relaciona cu Covid-19 ta na 46.

Ta urgi cada persona pa sigui proteha bo mes na tur instante. Bo no sa kende por tin e virus pa cual motibo bo mester sigui proteha bo mes.

E yamado ta na comunidad pa den e dianan di fiesta venidero, sigui mantene distancia, sigui aplica higiena, sigui uza tapaboca, sigui test pa covid sibo tin sintoma, sigui mantene isolacion of cuarentena ora bo wordo instrui, sigui cumpli y sigui cuida. Di forma aki nos lo por disfruta di e dianan festivo sano den compania di nos famia y sernan stima.

Aruba ta conta cu bo!

Pagina 20

Diamars 15 December 2020