ferðlög 37
Helgin 30. maí-1. júní 2014
Rómantík í Hvalfirði
KYNNING
Gjafabréf á Hótel Glym með gistingu, þriggja rétta kvöldverði og morgunverði er tilvalin brúðkaupsgjöf. Við hótelið eru notalegir heitir pottar þaðan sem dásamlegt útsýni er yfir Hvalfjörðinn. Lonely Planet valdi pottana meðal þeirra tíu bestu í heimi.
H
ótel Glymur er eitt af bestu hótelum á Íslandi samkvæmt einum virtasta ferðavef í heimi, Trip Advisor.com. Þá valdi Lonely Planet heitu pottana við Hótel Glym meðal þeirra tíu bestu í heimi. Hótelið er steinsnar frá Reykjavík en aðeins tekur um 45 mínútur að aka frá miðbænum sé keyrt um Hvalfjarðargöng. Að sögn Rögnu Ívarsdóttur hótelstjóra er þó alltaf yndislegt að keyra Hvalfjörðinn á fallegum degi.
Skemmtilegar gönguleiðir
Hótel Glymur stendur í Saurbæjarhlíð og allt í kring eru skemmtilegar gönguleiðir. „Afar vinsælt er að ganga út að Bæjargilinu. Sagan segir að hótelið standi á krossgötum álfa og huldufólks og ef huldukonan sýnir sig, er það þar,“ segir Ragna. Fyrir botni Hvalfjarðar er fossinn Glymur, hæsti foss landsins, um 198 metra hár. Um tíu mínútna keyrsla er þangað frá hótelinu. Gangan að fossinum frá bílastæðinu tekur um eina og hálfa klukkustund.
Í næsta nágrenni hótelsins er ýmis afþreying í boði svo allir ættu að finna eitthvað við sitt hæfi. „Hér í bakgarðinum eru yndisleg veiðivötn, fjörur, mikið um sel, hernámssetur, golfvöllur, sundlaug að Hlöðum, fjórhjólaleiga, sjóstöng og bátaleiga,“ segir Ragna.
Notalegt hótel
Notaleg stemning ríkir á hótel Glym. Þar eru veitingastaður og kaffihús með fjölbreyttu úrvali veitinga. Á hótelinu eru 22 herbergi og þrjár lúxussvítur og er ekkert herbergjanna eins innréttað. Sunnan við hótelið eru sex glæsileg heilsárshús, hönnuð á afar vandaðan hátt með áherslu á samræmi í umhverfi, litum og aðbúnaði. Stórfenglegt útsýni er yfir Hvalfjörðinn úr stórum gluggum sem snúa í suður. Boðið er upp á margrómað morgunverðarhlaðborð með fjölbreyttu úrvali. Alltaf er boðið upp á heimabakað brauð, grafinn og reyktan lax, margar tegundir af kjötáleggi, osta og fleira. Kaffihúsið er opið alla daga frá klukkan 12 til 17 og veitingastaðurinn frá 18.30 til 21.
Stórkostlegt útsýni er frá hótel Glym yfir Hvalfjörðinn. Þaðan liggur fjöldi skemmtilegra gönguleiða.
Heimsins bestu heitu pottar
Eftir gönguna er yndislegt að slaka á í heitu pottunum.
Tveir heitir pottar eru við hótelið og þaðan er fallegt útsýni yfir Hvalfjörðinn. „Eftir gönguna er yndislegt að slaka á í heitu pottunum. Margt göngufólk kemur við hjá okkur eftir göngu á Glym og lætur þreytuna líða úr sér,“ segir Ragna. Ferðatímaritið Lonely Planet valdi pottana á Hótel Glym meðal þeirra tíu bestu í heimi og segir það allt sem segja þarf um pottana og útsýnið.
Tilboð á gjafabréfum
Gjafabréf á hótel Glym er tilvalin gjöf til brúðhjóna. Nú er tilboð á gistingu í eina nótt á fallegu herbergi, glæsilegur þriggja rétta kvöldverður og morgunverðarhlaðborð daginn eftir á aðeins 19.900 krónur. Gjafabréfin gilda alla daga í eitt ár. Opið er á Hótel Glym alla daga ársins. Nánari upplýsingar má nálgast á vefnum www.hotelglymur.is og á Facebook-síðunni Hótel Glymur.