MOZAIK
Nxënës të Gjimnazit “25 Maji” shënuan Ditën ndërkombëtare të Internetit të Sigurt
Thirrje të rinjve që të mos keqpërdorin internetin Dita e Internetit të Sigurt organizohet çdo vit në muajin shkurt nga organizata dhe sektorë të ndryshëm anekënd botës, ku përmes aktiviteteve të shumta nxisin përdorimin e përgjegjshëm dhe të sigurt, informimin por dhe apelin ndaj fëmijëve dhe të rinjve për të qenë të vëmendshëm gjatë përdorimit të rrjeteve online Tuz- Klubi i vullnetarëve të Gimnazit “25 Maji” në Tuz ka shënuar 9 shkurtin- Ditën ndërkombëtare të Internetit të Sigurt nëpërmjet disa seminareve të cilat u organizuan nga nxënësit e viteve të para, të dyta dhe të katërta. Në këto seminare ata kanë diskutuar në hollësi për rrjetin e gjerë të internetit, për dobitë që sjellë përdorimi i tij, por edhe për pasojat që sjellë keqpërdorimi i tij sot në këtë kohë të evoluimit të hovshëm të teknologjisë së informacionit online. Në këto seminare ka marrë pjesë drejtoresha e Gjimnazit “25 Maji”, Miliana Daboviq dhe mësimdhënësi Nikollë Camaj, të cilët së bash-
ku me nxënës të tyre kanë diskutuar në tërësi për këtë rrjet të gjerë, duke u sqaruar atyre keqpërdorimet që bëhen në rrjet nga një gamë e gjerë përdoruesish, për pasojat eventuale që vijnë nga hapja e adresave të rrejshme, etj. Në këto seminare që kishin karakter sensibilizues, nxënësit e pranishëm kanë folur dhe analizuar anët pozitive dhe negative të internetit. Disa nga ata kanë pyetur njëri- tjetrin se sa ata kanë informacion të përgjithshëm në këtë lëmi, me synim që të mos bien pre e rreziqeve që sjell rrjeti në përditshmëri. Në seminarin e fundit janë prezantu-
ar dy video- xhirime të shkurtra në të cilat është pasqyruar siguria e internetit. Gjithashtu, gjatë këtij seminari u potencua edhe dhuna në internet, për pasojat që mund të bart secili, si dhe për pasojat që mund të vijnë gjatë dërgimit të informacioneve personale në rrjet. Dita e Internetit të Sigurt organizohet çdo vit në muajin shkurt nga organizata dhe sektorë të ndryshëm anekënd botës, ku përmes aktiviteteve të shumta nxisin përdorimin e përgjegjshëm dhe të sigurt, informimin por dhe apelin ndaj fëmijëve dhe të rinjve për të qenë të vëmendshëm gjatë t. u. përdorimit të rrjeteve online.
E ENJTE, 22 SHKURT 2018
Javore KOHA
19