Newsletter april 2016 icelandic

Fréttabréf Empower

Nr 1. apríl 2016

Fyrsta fréttabréf EMPOWER verkefnisins ! Í þessu fréttabréfi hefur þú tækifæri á að kynnast verkefninu okkar og samstarfsaðilum. Ennfremur má finna kynningar á ýmsum Evrópskum stofnunum/verkefnum sem að styðja við bakið á konum.

 1 af 4 konum í Evrópu upplifa heimilisofbeldi einhverntíma í lífi sínu.  6-10% kvenna þjást af heimilisofbeldi á hverju ári. (Council of Europe, 2002). 

68% af fórnarlömbum mansals eru konur (2013, Eurostat).

Evrópusambandið styrkir verkefnið EMPOWER til að styðja þær konur sem hafa upplifað ofbeldi, með það markmiði að efla starfsog frumkvöðlahæfni þeirra.

Markmið okkar: Að efla hæfni ráðgjafa og sjálfboðaliða sem vinna með konum með því að vinna með persónulega hæfnikvenna svo þær öðlist frekari tækifæri á atvinnumarkaði

Aðstoð við konur til að fá vinnu og öðlast fjárhagslegt sjálfstæði er stórt skref í áttina að því að hindra að þær festist í vítahring ofbeldis og misnotkunar. Oft á tíðum eru ráðgjafar ekki undir það búnir að veita nauðsynlega þjálfun í því að byggja upp starfshæfni né frumkvöðlahæfni.

Til að leysa vandann hafa samstarfsaðilar í Bretlandi, Grikklandi, Íslandi og Litháen tekið höndum saman og vinna að verkefninu EMPOWER til að byggja upp nýja styrkleika og þjálfun fyrir konur og sjálfboðaliða með það markmið að bæta líf kvenna.

Til að auka hæfni ráðgjafa og sjálfboðaliða til að aðstoða konur í viðkvæmri stöðu, annað hvort til þess að komast á atvinnumarkaðinn eða að byggja upp fyrirtæki, hefur eftirfarandi hæfni verið skilgreind: (Power to Change Report, 2008): • Færni í að stjórna hópum, að skipuleggja og stýra fundum á árangursríkan hátt.

• Samskiptahæfni, þar með skýr munnleg hæfni og jákvæð líkamstjáning.

• Virk hlustun, og að sýna samhygð.

• Að geta skorað á þátttakendur þar sem það er nauðsynlegt, með ákveðni en án átaka.

• Átakastjórnun og tilfinningagreind.

• Að geta sett fagleg mörk innan hópsins.

Auk þess þurfa konur að geta þróað með sér ýmsa persónulega hæfni svo sem sjálfstraust, ákveðni, seiglu og frumkvöðlahugsun. Í gegnum EMPOWER þjálfunina (að þjálfa þekkingu, hæfni og getu í aðferðum til að auka sjálfstraust og vitund um styrkleika sem eykur starfshæfni) og í gegnum.EMPOWER þjálfunarhringina (Leysa raunveruleg vandamál og aukin sjálfsþekking til árangurs) mun EMPOWER veita báðum hópum þessahæfni.

.

Samstarfsaðilar EMPOWER Fjórir samstarfsaðilar frá fjórum löndum vinna saman í verkefninu og koma þeir frá Bretlandi, Grikklandi, Íslandi og Litháen. Þátttakendur hafa mikla þekkingu á málaflokknum og eru vel í stakk búnir til að vinna að framgangi verkefnisins. Í hópnum eru tvö frjáls félagasamtök í félagsþjónustu, (KMOP í Grikklandi og SIF í Litháen) ráðgjafafyrirtæki í Bretlandi (Inova) og Vinnumálastofnun á Íslandi, sem auk þess að sinna atvinnulausum er með þjónustu við ýmsa hópa, svo sem flóttamenn og fólk af erlendum uppruna (VMST). Allir samstarfaðilar hafa mikla reynslu á sviði ýmiskonar verkefna bæði innanlands og erlendis.

Hvað hefur gerst: Í febrúar síðastliðnum var fyrsti fundur samstarfaðila haldinn í Sheffield í Bretlandi og var hann skipulagður af samstarfsaðilum hjá Inova. Þar gafst tækifæri til að kynnast, móta verkefnið og markmið þess og koma því af stað.

Hlutverk hvers og eins aðila var rætt og einnig samþykkt ítarleg verkáætlun verkefnisins sem lýkur árið 2018.

Nú þegar hefur vinna við rannsókn hafist þar sem tækifæri gefst að fá endurgjöf frá konum, sjálfboðaliðum og ráðgjöfum í hverju landi fyrir sig en sú endurgjöf nýtist í skipulagningu þjálfunarinnar.

Ef þú hefur áhuga á því að veita okkur liðsinni vinsamlegast taktu þátt í könnuninni sem hér fylgir empowerwomen.eu

Í brennidepli – fjórar stofnanir Bretland - Snowdrop

Litháen – Miðstöð kvenna í Marijampole

Snowdrop verkefnið í Sheffield, er fyrsta góðgerðarstofnunin í Bretlandi sem veitir langtímastuðning til þolenda mansals eftir að þeir yfirgefa athvarf sitt. Þar eru ýmsar aðferðir innleiddar og einnig er þekkingu deilt til annara aðila og stofnana, bæði á landsvísu en einnig erlendis Valdefling er lykilorðið á bakvið allt sem gert er í þessu verkefni. Veitt er einstaklingsaðstoð til þolenda, viðburðir skipulagðir til að minnka einangrun og vakin athygli á mansali á ýmsan máta.

Stofnunin fékk March verðlaunin fyrir framúrsakandi vinnu í málaflokknum árið 2013.

Miðstöð kvenna í Marijampole (MCWAC) eru félagasamtök í borginni Marijampole í Suðvestur hluta Litháen en hlutverk hennar er að fyrirbyggja heimilisofbeldi og að kanna þarfir kvenna sem búa í borginni og nágrenni. Lögð er áhersla á að konur þegi ekki heldur stígi fram og segji frá sínum aðstæðum. Miðstöðin veitir berskjölduðum konum stuðning, upplýsingar, þjálfun og handleiðslu sem og sálfræði- og lögfræðiþjónustu. Árið 2011 voru samþykkt lög um vernd gegn heimilisofbeldi og urðu félagsamtökin þá sérhæfð miðstöð og hjálparmiðstöð fyrir þolendur heimilisofbeldis. Því eru samtökin í nánu samstarfi við lögreglu og fá upplýsingar um ofbeldisatvik með símtölum, tölvupóstum eða beint frá þolendum. Þolendur fá aðstoð við að takast á við áfallið með því að veita upplýsingar um aðstoð í boði, gera stuðningsáætlun, veita lögfræði og sálfræðiaðstoð og að skipuleggja aðstoð sem veitt er annarsstaðar frá svo sem læknisfræðilega og lögfræðilega.

Nánari upplýsingar hér

Nánari upplýsingar hér

Ísland - Rauði krossinn

Grikkland – Ráðgjafasetur fyrir þolendur ofbeldis – Serres

Rauði krossinn á Íslandi hefur tekið virkan þátt í ýmsum verkefnum tengdum innflytjendum á síðustu árum. Helst ber að nefna handleiðsluverkefni fyrir innflytjendakonur og fólk sem hefur fengið stöðu flóttamanna eða hælisleitendur ásamt stuðningi við kvótaflóttamenn. Öll þessi verkefni krefjast þátttöku sjálfboðaliða sem aðstoða fólkið við að aðlagast íslensku samfélagi og til að brjóta upp félagslega einangrun og stuðning í daglegu lífi.

Ráðgjafasetrið er hluti af tengslaneti sambærilegra stofnana sem tilheyra Jafnréttisstofu Grikklands og hefur það markmið að koma í veg fyrir ofbeldi gegn konum, með því að bjóða upp á ráðgjöf og athvarf fyrir konur og börn. Setrið í Serres er fyrir konur sem hafa þjáðst af ofbeldi af ýmsu tagi (líkamlegt, andlegt, munnlegt, kynferðislegt, efnahagslegt, þolendur nauðgana, vændis eða mansals) sem og fyrir konur sem að verða fyrir ójafnrétti af ýmsu tagi, svo sem innflytjendur, flóttakonur, atvinnulausar konur og konur með fötlun. Einnig veitir það ýmsan stuðning í formi lögfræðiaðstoðar og vinnumiðlunar. Þar sem það á við þá er aðstoð í boði varðandi samskipti við yfirvöld (lögreglu, sjúkrahús, dómara). Einnig veitir það upplýsingar til íbúa varðandi jafnrétti og kynferðisofbeldi. Einnig hefur stofnunin staðið fyrir vitunarvakningu í samfélaginu, til dæmis með því að bjóða upp á námskeið fyrir nemendur, kennara og foreldra. Þjónustan er gjaldfrjáls og er þagnarskylda í heiðri höfð.

Nánari upplýsingar hér Nánari upplýsingar hér

Fylgstu með!

empowerwomen.eu

Nánari upplýsingar veita sigrun.elmers@vmst.is, ingibjorg.bjornsdottir@vmst.is, asdis.gudmundsdottir@vmst.is Þetta verkefni hefur verið styrkt af Evrópusambandinu. Fréttabréfið endurspeglar aðeins skoðanir höfunda og er ekki hægt að kalla Evrópusambandið til ábyrgðar fyrir innihaldið.