Issuu on Google+

12

FANGU - Play the game you love, and love the game you play!

Artikel 12 - DE MENING VAN HET KIND. Het kind heeft recht op vrije meningsuiting en het heeft er ook recht op dat met zijn mening rekening wordt gehouden, in elke zaak of procedures die het kind betreft. Stichting Kinderbescherming Curacao - Kaya Otto Senior # 6 - Curacao Tel.:+599-9-461-3148 - Fax:+599-9-461-8125 - kinderbeschermingcuracao@yahoo.com

Parti 1

KIKO MI MESTER KOMPRONDE BOU DI ABUZU DI MUCHA?

Advies en Meldpunt Stichting Tegen Kindermishandeling (AMsK) ta un sentro di keho kontra abuzu i maltrato di mucha. Ora nos ta papia di maltrato di mucha, nos ta referi na maltrato fisiko, sikologiko o emoshonal, negligensha i abuzu seksual.

A

MsK ta dil diariamente ku tur e formanan aki di abuzu pero tambe diferente otro forma di abuzu maske no tur ora hende ta papia ariba ku fasilidat. Manera entre otro trafikashon di mucha, prostitushon di mucha i pornografia infantile. Pero kiko un hende mester kompronde bou di abuzu? Kiko ta abuzu? Kon por ta posibel ku ta abuza di un mucha? Esakinan tur ta preguntanan ku hopi hende ta puntra nos. Hopi biaha mayornan espesialmente ta kere ku nan forma di anda ku yunan ta simplemente un forma di disiplina o straf e mucha. Pero abuzu ta ora e strafmentu aki sali for di man. Abuzu ta ora tur dia e mucha ta risibi sla i pa koi’ loko. Esta, e minimo kos ku e hasi o bisa, ta dal e. Tin diferente forma di abuzu, ta importante pa bo konose nan i kisas nota ku sea bo tambe ta un abuzador o bo ta un viktima. Un di e formanan mas konosi di abuzu, ta abuzu fisiko. Abuzu

fisiko ta entre otro skop, dal, konkel, kima, kibra, korta, hinka. Si bo ta hasi un di esakinan na bo yu, anto bo ta bezig ta abuzando

di bo yu. Tin mas forma manera ranka kabei, ranka orea, mara man, suta ku palu o ku faha, basha awa kayente o zeta kayente, kima ku heru, dal ku bate di beisbol ets... Abuzu sikologiko o emoshonal ta ora ku no nesesariamente bo a dal e mucha, pero bo no ta papia kune, bo no ta demostr’e amor i afekshon, bo ta ser’e henter dia den kamber, bo ta papia palabra

malu kune, bo ta ofende, bo ta menas’e i bo ta bandon’e. E forma di abuzu aki por ta mes serio

o mas serio ku abuzu fisiko. Hopi mucha ku wordu abuza fisikamente, ta wordu abuza sikologikamente tambe. Negligensha ta ora bo ta laga e mucha pa su kuenta, no preokupa ku su bienestar, no dune di kome, lage kana ku pana shushi i kibra, no lage baña, lage drumi te lat, o lante demasiado trempan, no kuid’e ora e ta malu, no mande skol o no lag’e pasa tempu ku amigunan o partisipa na aktividatnan di skol. Anto bo tin e forma di abuzu konsidera komo un di esnan di mas serio ku ta abuzu seksual. Bo ta un viktima di abuzu seksual si ta mishi ku bo parti priva kontra di bo boluntat, o ta pidi pa abo mishi ku un adulto su parti priva, ta tene sex ku bo komosifuera ta normal mientras bo ta un menor di edat, ta forsabu tene relashon seksual, ta lagabu mira un adulto tene relashon seksual pa malu, of bo mama o bo tata ta tene relashon seksual ku bo. Nos ta yama esaki incest. Tur esakinan ta algun forma di abuzu di mucha. Abuzu di mucha ta kastigabel pa lei. Sigui lesa parti 2, den nos siguiente edishon.


Revista Fangu_edishon 1_HR 12