Issuu on Google+

6

FANGU - Play the game you love, and love the game you play!

“Drop Out” > > > D E P O R T I V O

Philbert

Llewelyn

Skirbi pa Philbert Llewelyn

Mayornan, kon ta bai?

ku nos yu ta forma parti di un ekipo i ku tin mas mucha ta hungando huntu ku nos yu. Mirando tur esakinan, no ta nada straño ku e atleta hóben ei ta sinti preshon pa no laga, su mayornan, komunidat ni koleganan di teim na kaya i esaki por afektá su rindimentu i sentimentu di alegria ku e deporte ta trese kuné. Huntu ku tur esaki nos no mester deskartá, e situashon finansiero rondó dje atleta, tempu i tambe kumplimentu di parti dje atleta i mayor. E situashon nan aki por trese kuné ku e atleta hóben ei ta pèrdè konfiansa i poko poko ta bai disgustá den e deporte.

Awe den bo revista... tei papia tokante di “Drop Out” den deporte. E palabra “Drop Out” ta unu ku a bira masha popular último tempunan. E ta wòrdu uza partikularmente pa identifiká muchanan ku ta kai for di nos sistema di enseñansa. Pero no ta den enseñansa so nos tin “Drop Out”. Nos tin “Drop Out” for di nos sistema laboral i tambe for di nos sistema deportivo. Hopi mucha ku kuminsá práktika deporte fo’i chikí ta stòp ku esaki na un edat relativamente yòn. Sientifikamente ta proba ku setent’e sinku porshento (75%) di muchanan ku kuminsá hasi deporte fo’i chikí ta stòp ku esaki entre 13 pa 15 aña. Nos ta puntra nos mes di kon? Esaki ta asina pa diferente motibu. Pero nos ta hinka esakinan den dos punto general. Esakinan ta: 1) E deporte ya no ta interesante mas p’e atleta. 2) Kompetensha ya no ta trese ni satisfakshon ni alegria p’e atleta. E dos puntonan aki ta akapará diferente senario bou di kua ta afektá un mucha su gana pa sigui hasi deporte, pero tambe e konfiansa ke mester tini den su mes pa e sigui hasi e deporte. Nos ta balotá loke ku e atleta hóben aki tin ku pasa aden i hopi biaha no ta duna importansha mes na esakinan. E loke ku e mucha mester pasa aden, no ta niun tiki fásil. Nos ta bibando den un komunidat kaminda ku ta ganamentu ta tur kos. Apesar ku ganamentu ta base pa éksito, tòch esaki no mester bai a kosto di tur kos. Nos mester tòch keda para aserka ku na edat hóben, e parti di desaroyo, kompetí i dibertí, ta e parti di mas esensial serka e hóben atleta.

Pa aworakí djis keda kòrda:

Apesar ku e mucha tin derechi di eskoho, al final abo komo mayor tin den bo man pa determiná ku si bo yu ta sigui den deporte òf e ta kai afó i bira un “Drop out” deportivo.

Huntu ku’é eksigensha nan ku nos komunidat ta pone p’e atleta di un edat hóben ei, e tin ku siña atendé tambe ku emoshon di su propio mayornan i tambe di mayornan di su kompañera/o nan di ekipo. Nunka nos a para serka òf puntra nos yunan kiko nan ta sinti òf eksperensha durante di un wega òf un situashon ku presentá durante di e wega? Nos ta tene kuenta ku esaki? Mayoria biaha nos ta mas prekupá ku nos propio sentimentu i pensamentunan i no ta tene kuenta kiko ta pasa den kabes di e mucha ku ta praktikante deporte. Importante pa nos ta, ku nos yu si a hunga bon i/òf no ta su falta ku e teim a pèrdè. Nos ta lubidá

Abo komo mayor tin e abilidat pa krea konfiansa den bo yu i garantisá ku e lo tin éksito i alegrá, no solamente hasiendo deporte, sino den tur loke ku e ta hasi den su bida.

Na promé lugá nos komo mayor mester siña kon pa atendé ku e opstákulonan ku e atleta hóben ta haña su mes konfrontá kuné i tambe kon nos komo mayor tin ku atendé ku nos propio sentimentunan. Importante den tur esaki ta nos propio aktitut komo mayor. Sòru di keda semper positivo, apoyando no solamente nos yu pero tambe su koleganan. Deporte i sigur esun di sòftbòl, ta unu kaminda di kada dies chèns ku bo haña i bo hasi tres bon, bo ta keda konsiderá un bon hungadó. Es desir ku fayo ta i lo bai keda kometé durante di wega, sea dor di nos propio yu òf dor di un di su koleganan di teim. Keda kòrda, ora esaki sosodé, apoyá, enkurashá i duna animo pa e hóben atleta ei por krea konfiansa propio i por sigui dilanti. Den e siguiente edishon nos lo bai amplia mas riba kon i kiko nos mester hasi komo mayor pa nos krea un ambiente deportivo sano i positivo rondó di nos yu.


Revista Fangu_edishon 1_HR 06