Ang 'dayon sa imong kagahapon' usa ka eksplorasyon ngadto sa kasinatian ug panumdoman. Nisuway kini pagtuki ug pagbubod sa kasaysayan isip mapa nga gilatas ug gibaktas sa personal nga konteksto. Gipares ang mga monokromang hulagway sa mga pulong aron maghatag og imahe sa pagkalibog (O di ba kaha moabag sa pagbuswak og bag-ong kahulogan). Kini ang una nga kolaborasyon sa maniniyot / musikero nga si Roman John Caing ug tigsuwat / balakero nga si Libya Montes.