Извештај: Биолошка разновидност во сливот на реката Брегалница
Paratachys spp., Dyschirius spp., итн. На солените почви беше регистрирано присуство на некои халофилни инсекти од кои можат да се издвојат Cephalota turcica и Acupalpus elegans. Шумските екосистеми се одликуваат со присуство на повеќе видови меѓу кои се и некои ендемични видови: Molops piceus osogovensis, Molops rufipes denteletus, Tapinopterus balcanicus belasicensis, Myas chalybaeus, Aptinus merditanus, итн. Покрај ендемитите, во шумите се среќаваат и видови кои имаат особено конзервациско значење и воедно претставуваат индикатори за добро сочувани шумски екосистеми: Carabus intricatus, C. convexus dilatatus, Calosoma sycophanta, Morimus funereus, Rosalia alpina, итн. По тресетиштата и други планински водни живеалишта можат да се најдат ретки видови: Amara morio nivium, Loricera pilicornis, Pterostichus apfelbecki. На највисоките делови од Осоговските Планини живеат и некои планински и „алпски“ видови како што се Amara nigricornis, A. erratica, A. messae, Trechus priapus medius, но и ендогејски видови како што е Duvalius beshkovi. Од вкупниот број само еден вид е вклучен на глобалната црвена листа на IUCN (2015.4) - Carabus intricatus во категоријата LR/nt (Low risk/near threatened). Два вида се на CORINE листата: Carabus convexus dilatatus и Calosoma sycophanta. Во подрачјето од интерес се среќаваат вкупно 22 ендемични видови (Сл. 45), од нив, два се локални ендемити кои се познати само за Осоговските Планини (Molops piceus osogovensis и Duvalius beshkovi), a четири се „стеноендемити“ т.е. видови кои се распространети по планините во источна Маедонија и западна Бугарија (Platynus scrobiculatus bulgaricus, Aptinus merditanus orientalis, Molops rufipes denteletus и Xenion ignitum). Останатите 16 ендемични видови имаат пошироко распространување во рамките на Балканскиот Полуостров. Два вида може да се сметаат за глацијални реликти: Nebria jockischi jockischi, Amara nigricornis, додека 45 видови се сметаат како ретки. 1% 6%
1%
БЕ СЕ ЛЕ
92% Слика 45. Процентуално учество на ендемичнитe видови тркачи (Coleoptera, Carabidae)
Според бројот на видови, присуството на ендемични и реликтни видови, како позначајни хабитати можат да се издвојат следните: високопланински пасишта и камењари кои се среќаваат само на највисоките делови на Осоговските Планини, од Царев Врв до Руен вклучувајќи и делови од сртот Калин Камен; планински тресетишта главно на Осоговските Планини; букови шуми од кои најважни се добро зачуваните букови шуми кои најчесто припаѓаат во зоната на горска букова шума; крајречни шуми во низинскиот дел; халофитски хабитати односно солени почви каде е најден вид (Cephalota turcica) кој е познат само за морското крајбрежје на Грција и Турција; низински ливади во долниот тек на реката
104