ЧОВЕКОТ, ЧОВЕКОВИТЕ ПРАВА И ОДГОВОРНОСТИ
па затоа тие се слободни, но многу не ги бидува да владеат со своите соседи. Азиските народи имаат дух и уметнички се надарени, но немаат храброст и затоа постојано се наоѓаат во ропска положба. Но, хеленското племе е храбро и разумно и затоа е постојано слободно. Ако е обединето во една држава би можело да владее со сите народи”. (Сфаќање на античките Грци.) Сличности меѓу културите Човековиот род е еден, но луѓето се разликуваат по своите културни белези. Тие зборуваат на различни јазици, некаде слободно си ги избираат жените или мажите, а некаде тоа го прават нивните родители. Некаде децата слободно го избираат и своето занимање, а во минатото
морале да го наследат занимањето на своите родители. Луѓето им се потчинуваат на закони кои самите ги донеле или, пак, ги донел некој поединец или група луѓе. Тие градат куќи од слама и кал, но и раскошни палати. Некои им се молат на боговите да ги заштитат од гром, а други измислиле громобрани. Културните разлики се многубројни. Научниците забележале дека постојат околу три илјади различни култури. Затоа во сите култури сретнуваме лични имиња, украсување на телото, хигиена, поздравување, додворување, соработка при работа, забрана за стапување во брак со блиски роднини, жалење, правење на орудија за работа, живеалишта, календар, забранети јадења, сфаќање за душата, јазик, трговија, закони, влада, разлики во општествената положба и др.
КЛУЧНА ИДЕЈА Постоењето на културни разлики меѓу луѓето е очигледно. Тие произлегуваат од нивната способност на различни начини да ги решаваат проблемите кои им ги поставува заедничкото живеење. Оттука произлегува барањето за почитување на културните разлики (културна толеранција). Не постојат повеќе или помалку вредни луѓе, туку се разликуваат според културните белези
ИСТРАЖУВАЧКА АКТИВНОСТ Со помош на информациите кои ти се на располагање, обиди се да дознаеш повеќе за јазикот, обичаите, традицијата на оние кои се поразлични од тебе, во одделението, во училиштето, во соседството. Објасни како настанале културните разлики. 38