32 Historia Nowejlhile David Manansés Nowejlhile
Hap wichi ta ihi lewetes ta oyokw K’atas Wenhi ta kamaj newache hap ahatay lhayis ta iche ifwalasna, wet lhamel ilunen t’at paj pej ta ikani chenase, tsi lhamel t’ukue honhat lhip pej ta hiwen hap lhak chi iche, fwalawuk, itsatay. Wet ta namen p’ante ahatay lhayis, wet nemit letamsek ihi lhamel wet ahatay ilanen pej lhamel ta ihi honhat ta lhamel yen-lewetha. Honhat ta lhamel matche ta lewet p’ante, hap honhat ta lhamel yokw Yaku’u, wet ifwalasna nech’e ahatay lhayis iwolheya ta Yacuiba, hap lhipna ihi Bolivia. Lhip elh lhamel iwo-lheya lhamel Mawo Lhathi, wet ahatay lhayis iwo-lheya lhamel yokw Aguaray, lhipna hap ta ahatay ilanen p’ante hap wichi. Ahatay ta lhey p’ante Teodoro ilan p’ante okatela lejcha, hap ta lekuenek hap okatela ta oko lako, hap ta iñyaj yen-lheya Siloloye, tsi hap ahatay ta lhey Teodoro ta lekuenek p’ante. Wet ta kamaj ilay okatela ta año 1948, wet wuj ta ifwel-noho ta fwitsaje hap ahatay lhayis, wuj ta yenpej-letichunayaja ta ahatay yen-kueneka, wet nayejnoho chi ohoye ahatay lhayis. Hap ta tamenej ta ohaniyejta hap ahatay lhamtes. Oisej lhimpaj ta namen misioneros, nech’e lhamel ichufwenoyejen. Ta ilesayen hap letras wet nech’e ta ohanej ta olesayen hap papel, wet nech’e ohanej ta oyahin ta otalakw, wet nech’e lha’ye lhip ta olhaichufwenej letras. Ta paj nech’e ohoye curso wet nech’e ta oyenlhi pej lhip traducción, wichi lhamtes lha’ye traducción ta castellano. Ta paj nech’e owen certificado de estudio, hap maestro, hap tajna mak ta owoye. Wet ta paj nech’e maestro iwo-aprobaya nivel primario de la Dirección Nacional de Educación de Adultos, hap tajnha mak ta oyame nivel ta lhamel yokw centro educativo Nº 108 de Pozo El Mulato. Leway ta owente 35 años hap ta okatejte hap certificado. Hap nekcham ta 5 de diciembre de 1975, hap tajna olham onayej hap ifwalas ta otalhche, wet 142