Page 1

äáõ¿Ýáë ²Ûñ¿ë, ²ñųÝÃÇÝ - 81ñ¹ ï³ñÇ - ÂÇõ 13.482 - 28 سñï 2013

ՀՀի նորանշանակ դեսպան Վահագն մելիքեանի քաղաքական հանդիպումները Ուրուկուայի մէջ

մ

արտ 21էն 23 մոնթէվիտէօ, Ուրուկուայի մայրաքաղաք, այցելեց Արժանթինի, Ուրուկուայի և Չիլէի մօտ ՀՀ դեսպան, Վահագն մելիքեանը։ Այդ երեք օրերու ընթացքին, առաջին առթիւ, հրապարակային բաց զրոյց ունեցաւ գաղութի անդամներու, ինչպէս նաև բոլոր կազմակեր պութիւններու ներկայացուցիչներու հետ, մշակութային Սրահը, ուր ան բաւական լայն մանրամասնութիւններ փոխանցեց մայր Հայրենիքի ներկայ կացութեան, ներքին և արտաքին քաղաքականութեան և տնտեսա-ընկերային հարցերու շուրջ։ Զրոյցի աւարտին դեսպան Վահագն մելիքեան պատասխանեց ներկա-

Ա

ներու բոլոր հարցումներուն։ մնացեալ երկու օրերը, դեսպանը ունեցաւ քաղաքական հանդիպումներ։ Կարևոր հանդիպում մըն է

Ուրուկուայ-Հայաստան միջԽորհրդարանական Բարեկամութեան Յանձնախումբի անդամներուն հետ ունեցածը, Ուրուկուայի Խորհրդարանին մէջ, որուն ներկայ գտնուեցան

մեծի Տանն Կիլիկիոյ Կաթողիկոսութիւնը կը շնորհաւորէ ֆրանսիսկօ Պապը

րամ Ա. Կաթողիկոսի եւ մեծի Տանն Կիլիկիոյ Կաթողիկոսութեան անունով Վատիկան ժամանած պատուիրակութիւնը` յանձինըս Հիւսիսային Ամերիկայի Արեւմտեան Թեմի Առաջնորդ մուշեղ արք. մարտիրոսեանի, Կաթողիկոսարանի միջ-Եկեղեցական Յարաբերութիւններու վարիչ Նարեկ արք. Ալեէմեզեանի եւ ազգային բարերար տէր եւ տիկ. Ալեքքօ եւ Անի Պեզիկեանի, մարտ 19ին, Վատիկանի Ս.Պետրոս տաճարին դիմաց, ներկայ գտնուեցաւ Հռոմէական կաթողիկէ եկեղեցւոյ ֆրանսիսկօ սրբազան քահանայապետի գահակալութեան արարողութեան եւ մատուցած սուրբ պատարագին: Նոյն օրը, կէսօրուան ճաշին, այլ Եկեղեցիներու պատուիրա-

կութիւններուն հետ, մեծի Տանըն Կիլիկիոյ Կաթողիկոսութեան ներկայացուցիչները սեղանակից դարձան Պապին: Չորեքշաբթի, 20 մարտին, ժամը 11ին, ֆրանսիսկօ Պապ

ընդունեց զանազան Եկեղեցիներէ ժամանած հիւրերը: Յանուն Արամ Ա. Վեհափառ Հայրապետին Կաթողիկոսութեան պատուիրակները պաշտօնապէս շնորհաւորեցին սրբազան քահանայապետը եւ պտղալից գահակալութեան բարեմաղթութիւններ կատարեցին: իր հերթին, Պապը իր եղբայրական ողջոյնները յղեց Արամ Ա. Վեհափառ Հայրապետին:

նաև այն ուրուկուայցի պատգամաւորները որոնք վերջերս այցելած էին Հայաստան և Արցախ։ Ջերմ հանդիպումի ընթացքին օրենսդիրները անգամ մը ևս հաստատեցին իրենց պատրաստակամութիւնը և զօրակցութիւնը, թէ միջազգային կառոյցներու և թէ Հայաստանի և հայ ժողովուրդի դիմագրաւած հարցերուն։ Յաջորդ հանդիպումը երկրի նախագահ, Խոսէ մուխիքայի հետ էր, ուր Վահագն մելիքեան իր հաւատարմագրերը յանձնեց։ Տեղի ունեցած ջերմ զրոյցի ընթացքին, դեսպանը պաշտօնապէս փոխանցեց ՀՀ նախագահ Սերժ Սարգսեանի հրաւերը Հայաստան այցելելու շուրջ։ Դեսպան Վահագն մելիքեան նաև յատուկ հանդիպում մը ունեցաւ վերջերս ստեղծըւած Ուրուկուայ-Հայաստան Առևտրա արդիւնաբերական Պալատի անդամներու հետ, որու գլխաւոր արանցքը երկուստեք ներդրումային ոլորտի շուրջ ծրագիրներու մշակումն էր, խթանելու համար երկկողմ յարաբերութիւնները։ Դեսպանը իր աշխատանքային վերջին հանդիպումը ունեցաւ Ուրւկուայի նախագահութեան քարտուղարին հետ, որ շահեկան էր։

ՀՅԴ-ն Երեւանի աւագանիի ընտրութիւններուն համար ներկայացուց համամասնական ցանկ մը

Հ

.Յ.Դ.ն Կեդրոնական Ընտրական Յանձնախումբին ներկայացուց 5 մայիսին տեղի ունենալիք Երեւանի աւագանիի ընտրութիւններուն մասնակցելու համար 65 հոգիէ բաղկացած համամասնական իր ցուցակը: Ցուցակին առաջին 10 անուններն են՝ Արմէն Ռուստամեան (Ազգ.Ժողովի Հ.Յ.Դ. խմբակցութեան քարտուղար, Հ.Յ.Դ. Հայաստանի Գերագոյն մարմինի ներկայացուցիչ), Աղուան Վարդանեան (Ազգ.Ժողովի Հ.Յ.Դ. խմբակցութեան քարտուղար, Հ.Յ.Դ. Հայաստանի Գերագոյն մարմինի փոխ ներկայացուցիչ), Արսէն Համբարձումեան (Հ.Յ.Դ. Հայաստանի Գերագոյն մարմինի փոխ ներկայացուցիչ), Ալեսիա Բեջանեան, Արթուր Եղիազարեան, Արթուր Ղազարեան, Յովհաննէս Սարգսեան, մարկարիթա Խոստեղեան, Արամ Նազարեան եւ Լեւոն Գաբրիէլեան: Աղուան Վարդանեան ցուցակը եւ համապատասխան փաստաթուղթերը յանձնախումբին ներկայացնելէ առաջ յայտնեց, որ պիտի համատեղուի քաղաքական պայքարը եւ զուտ քաղաքը ղեկավարելու պայքարը: Ըստ Վարդանեանի, Դաշնակցութիւնը ունի փորձառու մարդոց խումբ մը եւ յստակ մօտեցումներ թէ՛ քաղաքի, թէ՛ երկրի կառավարման առումով, եւ եկած է այն ժամանակը, որ երեւանցիներուն գերակշիռ մասը անգամ մը եւս վստահի Դաշնակցութեան: «Այս պայքարին մէջ կը մտնենք վճռական եւ ոգեւորուած եւ վստահ ենք, որ պիտի յաղթենք»: Անդրադառնալով միասնական ցուցակով ներկայանալու հաւանական տարբերակին, որ չյաջողեցաւ, Վարդանեան նշեց, որ Դաշնակցութիւնը առաւելագոյնս կարելին եւ անկարելին կատարեց, որ ընդդիմադիր ուժերը այս պայքարին մէջ մտնէին միասնական ցուցակով: Ան աւելցուց, որ իւրաքանչիւրը ունէր իր փաստարկները, հիմնաւորումները, սակայն չյաջողեցաւ: Բայց ասիկա Դաշնակցութեան համար ողբերգութիւն չէ, ընդհակառակը:

ԵրԵւԱՆի ՔԱՂԱՔԱՊԵՏի ՊԱշՏօՆիՆ ՀԱմԱր ՊիՏի ՊԱՅՔԱրի 7 ԿՈւՍԱԿՑՈւԹիւՆ

Աւարտեցաւ 5 մայիսին տեղի ունենալիք Երեւանի աւագանիի ընտրութիւններուն մասնակցութեան՝ կուսակցութիւններուն կողմէ Կեդրոնական Ընտրական Յանձնախումբին ցուցակներ ներկայացնելու վերջնաժամկէտը: Յանձնախումբի մամլոյ քարտուղար Հերմինէ Յարութիւնեան յայտնեց, որ ցուցակներ ներկայացուցած են 7 քաղաքական ուժեր՝ Հայաստանի Հանրապետական կուսակցութիւնը, Բարգաւաճ Հայաստան կուսակցութիւնը, Հ.Յ.Դ.ն, օրինաց Երկիր կուսակցութիւնը, Հայ Ազգային Քոնկրեսը, Ժառանգութիւն եւ Առաքելութիւն կուսակցութիւնները: Նշենք, որ Հայաստանի Հանրապետական կուսակցութեան ցուցակը կը գլխաւորէ գործող քաղաքապետ Տարօն մարգարեան, Բարգաւաճ Հայաստանինը՝ Ազգային Ժողովի պատգամաւոր, նախկին Արտաքին Գործոց նախարար Վարդան օսկանեան, օրինաց Երկիրինը՝ նախարար Արմէն Երիցեան, Հ.Յ.Դ.ինը՝ Արմէն Ռուստամեան, Հայ Ազգային Քոնկրեսինը՝ Երեւանի նախկին քաղաքապետ Վահագն Խաչատրեան, Ժառանգութեանը՝ կուսակցութեան փոխ նախագահ, նախկին պատգամաւոր Արմէն մարտիրոսեան, Առաքելութիւն կուսակցութեանը՝ մեսրոպ Առաքելեան: Քարոզարշաւը պիտի սկսի 7 Ապրիլին:

Լատինամերիկայի Հայ Կաթողիկէ Համայնքի Առաջնորդ Վարդան Եպս. Պօղոսեանի հանդիպումը ֆրանսիսկօ Պապի հետ

մ

արտ 21ին, Լատինամերիկայի Հայ Կաթողիկէ համայնքի Առաջնորդ Վարդան եպս. Պօղոսեան, առանձնական հանդիպում ունեցաւ ֆրանսիսկօ Քահանայապետին հետ, Վատիկանի Սանթա մարթա բնակարանին մէջ։ Հանդիպման ընթացքին Գերապայծառ Պօղոսեան, նորընտիր Քահանայապետին յայտնեց Արժանթինի հայ համայնքի երախտագիտութիւնը, անոր ցուցաբերած մօտիկութեան ու հայրական հոգատարութեան համար երբ Պուէնոս Այրէսի Արքեպիսկոպոս էր։ Գերապայ-

ծառը անդրադարձաւ յատկապէս 2005ի Տանն Կիլիկիոյ Կաթողիկէ Հայոց Ներսէս Պետրոս ԺԹ. Կաթողիկոսի Արժանթին կատարած հովուական այցելութեան ու այդ առթիւ տեղի ունեցած սիրալիր հանդիպումներուն։ Առաջնորդը Պապին նուիրեց Յակոբ մեղապարտի «Ուրբաթագիրքի» անգլերէն թարգմանութիւնը եւ հայկական տպագրութեան 500ամեակը նշող յոբելինական մետալը։ Պապը շնորհակալութիւն յայտնեց գերապայծառին իր առաքելական օրհնութիւնը շը-

նորհելով հայ ժողովուրդին ու յատկապէս Արժանթինահայութեան, յիշելով Պուէնոս Այրէսի Տիրամայր Նարեկի անուան եկեղեցւոյ ժողովրդապետ Հայր Փապլօ Հաքիմեանը։


ARMENIA

II

Èǵ³Ý³Ý

Ն.Ս.օ.Տ.Տ. Արամ Ա. Վեհափառը ընդունեց Արցախի Վարչապետ Արա Յարութիւնեանը

Չ

որեքշաբթի 20 մարտի ժամը 18ին, Ն.Ս.օ.Տ.Տ. Արամ Ա. Վեհափառ հայրապետը իր գրասենեակին մէջ, ընդունեց Ղարաբաղի վարչապետ՝ Արա Յարութիւնեանը եւ իր անմիջական գործակիցները: շուրջ մէկ ժամ տեւող հանդիպումի ընթացքին, Արցախի վարչապետը լայն կերպով զեկուցեց Ղարաբաղի ձեռք ձգած յաջողութիւններուն եւ տնտեսական մարզին մէջ հետզհետէ արձանագրուող զարգացումներուն, ինչպէս նաեւ յառաջիկայ տարիներու ընթացքին իրագործուելիք ծրագիրներու մասին: Վեհափառը իր գնահատանքը յայտնեց նախագահին, վարչապետին եւ պետական պատասխանատուներուն, Ղարաբաղի հզօրացման ի նպաստ իրենց ունեցած կարեւոր դերակատարութեան համար: Հանդիպումէն ետք, վեհափառը ի պատիւ վարչապետին պաշտօնական ընդունելութիւն տուաւ Վեհարանի դահլիճէն ներս, ներկայութեամբ Ազգային Կեդրոնական Վարչութեան, Լիբանանահայ երեք կուսակցութիւններու ներկայացուցիչներուն եւ շուրջ երկու հարիւր գործարարներու: Վեհափառը ներկաներուն առջեւ կարեւորութեամբ շեշտեց՝ Ղարաբաղը հզօր պահելու հրամայականը, շեշտելով, որ «Ղարաբաղի հզօրութիւնը կարելի է ձեռք ձգել, երբ մեր ժողովուրդը կառչած մնայ իր հողին եւ տնտեսական մարզէն ներս յաջողութիւններ արձանագրէ»: Վեհափառը յայտնեց, որ վարչապետը դարձեալ Լիբանան եկած է այդ առաքելութեան համար, որպէսզի մեր ժողովուրդի զաւակները սատար հանդիսանան Ղարաբաղի հզօրացումի ծրագիրներուն եւ տնտեսական ներդրումներ կատարեն: Ապա խօսք առաւ Պրն. վարչապետը եւ յիշեցուց, թէ Ղարաբաղը զարգացման դրական ընթացքի մէջ է, եւ կոչ ուղղեց ներկաներուն հետեւելու Վեհափառ հօր հայրական ցուցմունքներուն, իրենց գործօն մասնակցութիւնը բերելու Ղարաբաղի տնտեսական աճման ու ամրապնդման աշխատանքներուն: Արա Յարութիւնեան, նշեց, թէ երկու տարի առաջ լիբանանահայութեան ներկայացուցիչներուն հետ ունեցած է հանդիպում մը Քաշաթաղի շրջանի բարեկեցութեան գործի շրջագիծին մէջ, եւ այսօր, երկու տարի ետք աւելի քան 500 ընտանիք կ՛օգտուին «ԱՌի» ծրագիրէն: Ան ըսաւ, որ վերաբնակեցուած շրջաններու ընտանիքները ունեցան եկամուտ ապահովելու կարելիութիւններ: Յարութիւնեան շեշտեց, որ նշեալ ծրագիրի սահմանները պէտք է ընդարձակուին եւ Լիբանանի օրինակը տարածուի այլ երկիրներու մէջ եւս: Ան յայտնեց, որ ազատագրուած տարածքներուն մէջ բնակչութիւնը պահպանելու խնդիրը գոյութիւն ունի, եւ այս գծով լիբանանահայութիւնը ունի իր գործուն մասնակցութիւնը: Նշենք, թէ «Արցախ Ռուց ինվեսթմընթց»ի (ԱՌի) նոր ծրագիրներ սերտելու նպատակադրումով, Լիբանան ժամանած է Լեռնային Ղարաբաղի Հանրապետութեան վարչապետ Արա Յարութիւնեան: Վարչապետը յառաջիկայ օրերուն պիտի ունենայ շարք մը հանդիպումներ լիբանանահայ գործարարներու հետ‘ քննութեան առարկայ դարձնելու արք մը ծրագիրներ, սերտելու լիբանանահայութեան ներդրումի կարելիութիւնները եւ ստեղծելու գործակցութեան նոր հորիզոններ:

ÐÇÝ·ß³µÃÇ, 28 سñï 2013

Âáõñùdz

Հասան Ճեմալ կը ստանայ «Վարդանանց Ասպետ»ի շքանշան

Պ

ՈԼիՍ, մարմարա.- «միլլիյէթ»ի վաստակաշատ յօդուածագիր Հասան Ճեմալի անունը այս օրերուն օրակարգի վրայ է Թուրքիոյ եւ հայկական մամուլներուն մէջ՝ երկու տարբեր պատճառներով։ Թուրքիոյ մամուլին մէջ Հասան Ճեմալի մասին կը խօսուի՝ «միլլիյէթ» թերթին եւ վարչապետ Էրտողանի հետ անոր ունեցած տարակարծութեան առիթով, իսկ հայ մամուլին մէջ կը խօսուի Հասան Ճեմալի կողմէ հրատարակուած եւ 1915ի Հայկական Ցեղասպանութեան նուիրուած գիրքին առիթով։ Հասան Ճեմալ որոշած է վերջ տալ «միլլիյէթ»ի իր աշխատակցութեան, որովհետեւ անոր մէկ գրութիւնը պախարակուեցաւ վարչապետ Էրտողանի կողմէ եւ թերթին վարչութիւնը, անհանգստանալով վարչապետի դիրքէն՝ 15 օրուան արձակուրդ (կամ պատիժ) տուաւ Հասան Ճեմալին։ 15 օր ետք, այսինքն Երկուշաբթի, մարտ 18ին, կը սպասւէր, որ «միլլիյէթ»ի մէջ վերերեւէին Հասան Ճեմալի յօդւածները, բայց այդպէս չեղաւ։ Աւագ խմբագիր Տերիա Սազաք մերժեց հրատարակել այն նոր յօդուածը, զոր գրած էր Հասան Ճեմալ 15 օրուան «արձակուրդ»էն ետք։ Այս պայմաններուն մէջ, Հասան Ճեմալ որոշեց վերջ տալ իր աշխատակցութեան։ ի՞նչ է պատճառը Հասան Ճեմալի դէմ այս նոր խաչակրու-

թեան։ Պատճառն այն է, որ քըրտական հարցին շուրջ իմրալը բանտին մէջ բանակցութեանց ատենագրութեան պատճէնը «միլլիյէթ»ի մէջ հրատարակւելէն ետք, Հասան Ճեմալ շնորհաւորած էր իր թերթին յաջողութիւնը եւ անդրադառնալով պետական շրջանակներու կողմէ այդ անգաղտնապահութեան մասին հաղորդուած գանգատներուն՝ ըսած էր, որ երկիր կառավարելը ուրիշ բան է, թերթ հրատարակելը՝ ուրիշ բան։ Հասան Ճեմալի այս նախադասութիւնը շատ զայրացուցած էր Էրտողանը, որ առանց Հասան Ճեմալին անունը տալու, բայց գործածելով անոր վերի նախադասութիւնը՝ ըսած էր. «Եթէ այսպէս թերթ պիտի հրատարակես, գետնին տակը անցնի քու լրագրողի աշխատանքդ»։ Վարչապետ Էրտողանի այս պոռթկումէն ետք էր, որ թերթին վարչութիւնը 15 օրուան արձակուրդ տուած էր Հասան Ճեմալի։ Բայց թերթին վարչութիւնը 15 օր ետք գրուած նոր յօդուածն ալ չսիրեց, որովհետեւ Հասան Ճեմալ կը շարունակէր պաշտպանել իր նոյն դիրքը։ Երկրորդ խնդիրը, Հասան Ճեմալի կողմէ Ցեղասպանութեան մասին գրուած խիզախ գիրքն է։ Այս գիրքին մէջ Հասան Ճեմալ, որ 1915ի տեղահանութեան գործադրութեան կարեւոր դէմքերէն Ճեմալ փաշայի թոռը ըլլալով հանդերձ՝ կ՛ընդունի այդ թուականին

պատահած Ցեղասպանութեան մանրամասնութիւնները, ըսած էր, որ Ցեղասպանութիւնը ուրանալը մարդկութեան դէմ յանցագործութեան մասնակցիլ կը նշանակէ։ Ամերիկայէն «Հապեր Թիւրք» թերթի աշխատակից Քասըմ Ճինտեմիրի կողմէ հաղորդուեցաւ, թէ «Վարդանանց Ասպետներ»ը որոշած է կազմակերպութեան շքանշանով պատւել Հասան Ճեմալը։ Այս նպատակով, Հասան Ճէմալի ի պատիւ ճաշկերոյթ մը պիտի սարքուի Նիւ Ճըրզիի մէջ, Ապրիլ 13ին: շքանշանի տուչութենէն ետք ներկաներուն պիտի ծանօթացուի Հասան Ճեմալի «1915. Հայկական Ցեղասպանութիւն» գիրքը։ Այն հանգամանքը, թէ Հասան Ճեմալ թոռն է Ճեմալ փաշայի, շատ կարեւոր կը նկատւի հայ հանրային կարծիքին կողմէ։ Հասան Ճեմալ այս կերպով ինքզինք կը փորձէ մաքրագործել իր մեծ հօրը մեղքերէն ու պատասխանատուութենէն։ Ան 5 տարի առաջ այցելած էր Ծիծեռնակաբերդի Նահատակաց յուշարձանը եւ ժամադրուած էր իր մեծ հայրը սպաննողին թոռան հետ։ իր վերջին գիրքէն ետք, ան Ամերիկայի մէջ սարքուած բանախօսութեան մը ընթացքին կրկնած էր, թէ ցեղասպանութեան ուրացումը մարդկութեան դէմ յանցագործութեան մասնակցիլ կը նշանակէ։

ìñ³ëï³Ý

Հայերու ընդելուզման նպատակով կ’առաջարկուի մայրաքաղաքը Թիֆլիսէն տեղափոխել Սամցխէ-Ջաւախք

Կ

առավարութիւնը, Խորհրդարանը եւ Վրաստանի գլխաւոր դատարանը պէտք է տեղափոխուի Սամցխէ-Ջաւախք», նման յայտարարութիւն ըրած է գործարար Լեւան Վաշաձէն: Խորհրդարանական մեծամասնութեան անդամ Կոբա Դաւիթաշվիլին կը համարէ, որ լաւ կ’ըլ-

լայ, եթէ երկրի մայրաքաղաքը դառնայ Ախալցխան կամ Ախալքալաքը: Ախալքալաքին կամ Ախալցխային նման կարգավիճակ տալու հարցը պիտի բարձրացուի երկրորդ անգամ: ինչպէս կ’ըսեն մտահղացման հեղինակները, ՍամցխէՋաւախքի մէջ, ուր մեծամասնութիւնը կը կազմեն հայերը, շատ բարձր է գործազրկութեան թիւը, սակայն մայրաքաղաքի տեղափոխման ընթացքին ինքնաբերաբար կերպով կը յառաջանան շատ աշխատանքի տեղեր, ինչը դրական պիտի ազդէ տեղի բնակչութեան վրայ: Նաեւ շատ արագ քայլերով կը սկսի զարգանալ գիւղատնտեսութիւնը, իսկ ամենակարեւորը` տեղի կ’ունենայ հայերու ընդելուզումը: Ախալցխայի հասարակական զարգացման կեդրոնի ղեկավար Նուգզար Թաթեշվիլին համամիտ չէ այս կարծիքնե-

րուն: Անոր կարծիքով` Վրաստանի խորհրդարանի եւ պետական այլ գլխաւոր մարմիններու տեղափոխումը Ախալցխա կամ Ախալքալաք պիտի չնպաստէ տարածաշրջանի զարգացման, այլ պիտի յառաջացնէ աւելորդ խնդիրներ: «մենք արդէն ականատես եղանք Վրաստանի խորհրդարանի տեղափոխման Քութաիսի, եւ ի՞նչեղաւ: Աւելորդ ծախսերէ բացի, ան ոչինչ չբերաւ ո՛չ երկրին, ո՛չ ալ քաղաքին»: Այս հարցի մէջ տարբեր են նաեւ Սամցխէ-Ջաւախքի բնակիչներու կարծիքները: Ոմանք դրական կը գնահատեն այս առաջարկներու կեանքի կոչելը, իսկ ոմանք ալ բացասական տրամադրուած են տուեալ մտքին: Յիշեցնենք, որ Վրաստանի խորհրդարանը անցեալ տարւայ խորհրդարանական ընտրութիւններէն յետոյ տեղափոխուեցաւ Քութաիսի:


ARMENIA

ÐÇÝ·ß³µÃÇ, 28 سñï 2013

III

²ÏݳñÏ

Չավէս, կամ ան որ այլընտրանքը չվարանեցաւ կոչել «21րդ դարու ընկերվարութիւն»

Հ

այաստանի, եւ Սփիւռքի մէկ կարեւոր մասին համար, քաղաքական մշակոյթին մէջ «պոպուլիստ յղացքը ժխտական հնչեղութիւն ունի: Աջի թէ ձախի մտածողներն ու օրգանական մտաւորականները, քաղաքական ղեկավարներն ու ամէն օր կարծիք յայտնելու առաքելութեան հաւատացող հրապարակագիրները, պոպուլիստ կը համարեն քաղաքական այն այրերըն ու կիները որոնց ժողովրդականութիւնը հիմնուած է զանգուածներուն խաբելու, մոլորեցնելու եւ շահագործելու յատուկ կարողութեան մը վրայ: Հայ քաղաքական մտածողութեան վերլուծումը չէ անշուշտ ասիկա: Հարազատ ընդօրինակութիւնն է Արեւմտեան մտածողութեան մէջ իր ծծնդոցով ժխտականօրէն բանաձեւուած այդ յղացքի հասկացողութեան: Բայց ընդունուած է մեր մօտ, առանց դոյզն քննարկումէ, մըտաւորական քննադատութենէ անցնելու, այնպէս ինչպէս, ընդհանրապէս, փորձած ենք ամենահարազատօրէն ընդօրինակել, կամ կապկել, Արեւմուտքի գրեթէ ամէն ինչը... մարտ 5, 2013ին, 58 տարեկան հասակին, քաղցկեղի դէմ երկու տարիներ պայքարելէ ետք, յաւերժութեան անցած Վենեզուելայի նախագահ Ուկօ Չավէս ֆրիաս չէր նեղուեր երբ իրենց «պոպուլիստ» կը կոչէին: Անարգանք չէր նկատեր յղացքը, ոչ ալ կը խորշէր զանգուածներէն, անոնց ենթադրեալ «անգրագիտութենէն», որ, ի դէպ, «պոպուլիզմ»ը ժխտականօրէն բնորոշող մտածողութեան լուռ ենթադրութիւնն է: Չավէս լաւ կը հասկնար, որ զանգուածային պոռթկումները տարերային բնոյթ կրնան ունենալ: Բայց հաւատացած էր նաեւ, որ տարերային պոռթկումները ունին ընկերա-տնտեսական կառուցային խոր պատճառներ, որոնց գիտակցութիւնը միայն այդ զանգուածներուն, «խելագար ամբոխներ»ուն ինչպէս Չարենցը պիտի ըսէր, կը վերածէ քաղաքական գործօնի՝ յեղափոխութեան դերակատարներու եւ յանձնառու քաղաքացիներու: Բայց այդ մէկը կախում ունի զանգուածներուն առաջնորդելու նախաձեռնութիւնը առած ղեկավարներու թէ քաղաքական ուժերու հասկացողութեան ու բարոյական յանձնառութեան մակարդակէն: Զանգուածները կրնան խաբուիլ, յուսաբեկուիլ, նոյնիսկ աւելի քան մէկ անգամ երբ անատակ ղեկավարութիւն ըլլայ զիրենք առաջնորդողը կամ յստակ չըլլան ծրագիրները: Բայց իրենց «ամբոխային խելագարութեան» երեւոյթին ընկերա-տնտեսական պայմաններու ենթախորքի առկայութեան վերլուծումը՝ հազիւ թէ սխալ ըլլայ:

Չավէս «ամբոխներու խելագարութիւնը» տեսաւ առաջին անգամ 1988ին, երբ հացի գինին բարձրացման հետեւանքով՝ Վենեզուելայի մայրաքաղաք Քարաքասի շուրջբոլորը գտնուող աղքատ արուարձաններէն ամբոխը խուժեց սուբըրմարքէթներուն վրայ: Քարիւղի գինը այդ տարի պատմական ցած արժէք արձանագրած էր: Քարիւղի եկամուտերու վրայ հիմնուած բոլոր տնտեսութիւններուն նման Վենեզուելայի տնտեսութիւնն ալ ծանր իրավիճակի մէջ կը գտնուէր, եւ ուրեմն պետութիւնը որոշեց դադրեցնել հացի պետական ֆինանսաւորումը որով եւ հացին, աղքատ դասակարգի փաստօրէն միակ հիմնական սնունդին, գինը ահաւոր բարձրացում կրեց՝ սովահարութեան սպառնալիք ուղղելով հասարակութեան ամենէն անպաշտպան խաւին: Սոված մարդոց դէմ այն ժամանակ իշխանութեան վրայ գտնուող Գարլոս Անտրէս Փերէսի կառավարութիւնը զինուած ուժերը հանեց սոված մարդոց դէմ, մայրաքաղաքին մէջ կարգ ու կանոն հաստատելու համար: Եւ պատահեցաւ անխուսափելին. զինուորները կրակեցին, մարդիկ զոհուեցան, բռնի ճընշում... միջին դասակարգը, անոնք որոնք վարժ էին «ջուրի փոխարէն քարիւղ խմելու» ինչպէս կ՚ըսուի Վենեզուելայի մէջ, հանգստացան, կառավարութիւնը շունչ քաշեց, ամէն ինչ վերադարձաւ իր բնականոն հունին եւ այնպէս կը թուէր թէ սպաննուածները մօտ ատենէն մոռացութեան պիտի մատնըւին: ի վերջոյ ովքե՞ր էին որ, ընչազուրկեր, անկազմակերպ, առանց քաղաքական ղեկավարութեան, շատերը մինչեւ իսկ առանց ինքնութեան, առանց քաղաքացիութեան... Բայց այն ժամանակ երիտասարդ սպայ Չավէսն ու իր օգնականները «Քարրաքասօ» կոչուած այդ արիւնոտ դէպքերէն ետք, երկար մտածեցին իրենց ըրածին վըրայ, փոխն ի փոխ իշխանութեան հասնող կեդրոն-աջ եւ կեդրոն-ձախ երկու քաղաքական կուսակցութեանց ղեկավարութեանց խոր փտտածութեան բայց մանաւանդ քարիւղի արտհանման եկամուտով յատկանշուած տնտեսական համակարգի մը ծնունդ տուած ահաւոր ընկերային անհաւասարութեան մասին: 1992ին, Պաղ պատերազմին յաջորդած աշխարհին մէջ ժողովրդավարութիւնը իր վերջնական յաղթանակը կը տօնէր ամբողջատիրութեան վրայ: Լատին Ամերիկայի մէջ զինւորականները արդէն համոզւած էին, որ պետական հարւածներու ճամբով իշխանութեան չէին կրնար հասնիլ որովհետեւ իրենց «փրկարար»

դերին հաւատացող չկար իրենց իսկ ժողովուրդին մօտ, իսկ Փենթակոնը իր հովանաւորութիւնը նման արկածախնդրութիւններու արդէն կը բացառէր: Ահա այդ տարին էր, որ Չավէս իր համախոհներուն հետ պետական հարուածի փորձ մը կատարեց: Փորձը ձախողեցաւ, ինք ձերբակալուեցաւ բայց յանձնուելէ առաջ խնրեց հինգ վայրկեան՝ հեռուստացոյցով ելոյթ ունենալու համար: Այդ ելոյթով ան դիմեց Վենեզուելայի ժողովուրդին վստահեցնելով որ պետական հարուածի փորձը ժողովրդավարութեան եւ սահմանադրական կարգերու դէմ չէր այլ՝ քաղաքական դասի փտտածութեան եւ խոստացաւ վերադառնալ: Վեց տարի յետոյ ան արդէն երեւոյթ էր: Բանտէն ազատ արձակուած, ձախակողմեան մըտաւորականներով եւ յայտնի քաղաքական ու յեղափոխական գործիչներով շրջապատւած, Չավէս նախագահական ընտրութիւններու իր թեկնածութիւնը դրած էր եւ քարոզարշաւի սկսած հիմնականին մէջ երկրի ամենաաղքատ ու մոռցուած հասարակական խաւերուն մօտ: Յաղթանակը բացարձակ եղաւ: Ոչ միայն ձայներու յիսունեօթ տոկոսով ընտրուեցաւ, այլ այդ պահէն մինչեւ իր մահը իշխանութեան վրայ մընաց, արմատական իր բոլոր բարեփոխումները կատարեց միայն ու միայն ժողովրդային քուէի ուժով: «Պոպուլիստ» այս ղեկավարին բոլոր նախաձեռնութիւնները՝ սահմանադրական բարեփոխում ըլլայ այն թէ ընտրական գործընթաց եղան զանգուածային զօրաշարժի եւ ազատ ու մաքուր ընտրութիւններու ճամբով, որուն վկայութիւնը բազմիցս տուին միջազգային դէտեր, ներառեալ միացեալ Նահանգներու նախկին նախագահ Ճիմի Քարթըր: Այնքան տոկուն էր իր ժողովրդականութիւնը, որ միջին Արեւելքը ժողովրդավարացնելու ելած Ճորճ Պուշի վարչակարգը չվարանեցաւ զօրակցիլ Ապրիլ 2002ին իր դէմ եղած պետական հարուածին, որ... երկու օրէն ձախողեցաւ որովհետեւ ե՛ւ զինւորականութեան մէկ կարեւոր մասը, ե՛ւ մանաւանդ ժողովուրդը ոտքի ելաւ ի խնդիր պետական հարուածի ձախողութեան: իր յաղթանակը բացարձակ եղաւ, որովհետեւ իր իշխանութեան հասնելէն հազիւ հինգ տարի անց, գրեթէ ամբողջ ցամաքամաս մը, Հարաւային Ամերիկան բացառութեամբ քանի մը երկիրներու, պատմական նոր հանգրուան մը կը բանար հանրածանօթ «թեքում դէպի ձախ» գործընթացով եւ հըրաժեշտ կու տար իննիսունական թուականներու նէօլիպերալիզմին եւ անոր ծնունդ տըւած աղէտներուն՝ ընկերային

անարդարութիւն, սուր բեւեռացում, աղքատութեան աճ, անգործութիւն... Արժանթինի մար Տէլ Փլաթա քաղաքին մէջ 2005ին գումարուած Ամերիկաներու գագաթաժողովին, վերջինը՝ տասը տարի շարունակուած գործընթացի մը հաւաքներու շարքին, Չավէս-Լուլա-Քիրշնէր երրեակը վերջնականապէս «ոչ» ըսաւ Պուշին եւ իր նախորդին օրոք սկսած համաամերիկեան ազատ առեւտուրի գօտիի ստեղծման ծրագրին եւ ուղի հարթեցին արդէն զարգանալու սկսած հարաւամերիկեան համարկման հոլովոյթին: Հարաւամերիկեան բոլոր մեծ քաղաքական անձնաւորութիւններու շարքին Չավէս եղաւ ան, ով չվարանեցաւ ընկերատնտեսական զարգացման նէօլիպերալ տարբերակին այլընտրանքը կոչել իր անունով՝ «21րդ դարու ընկերվարութիւն» համեստաբար ընդունելով որ յղացքը իր հեղինակութիւնը չէր: Դրամատիրութեան այլընտրանքը ընկերվարութիւնն է, այլ ձեւով կարելի չէ այն բանաձեւել ըսած էր ան շատ յստակ, առանց ոչ մէկ թապուի այդ բառին նկատմամբ: Եւ այդ ընկերվարութիւնը անպայմանօրէն «կուլակաթափում» չէր, տնտեսութեան բացարձակ պետականացում չէր, ոչ ալ կը ժխտէր սեփականատիրութեան եւ ազատ նախաձեռնութեան իրաւունքը: Պարզապէս շեշտը կը դնէր ընկերային արդարութեան, հարստութեան վերաբաշխումին եւ անոր մէջ պետութեան կարգաւորող դերին վերարժեւորման: շատ գրուած է ու դեռ շատ պիտի գրուի Չավէսին մասին իր լաւ թէ վատ կողմերով, նըւաճումներով ու սխալներով, բայց թերեւս հարցական է թէ այդ երեւոյթը ինչո՞վ հետաքրքրական պիտի ըլլայ հայութեան ու Հայաստանին համար: իրողութիւնը այն է որ Չավէսի երեւոյթը շատ հեռու է մեր իրականութենէն, եւ մերձեցման որեւէ փորձ քիչ մը արհեստական ու զօրով պարտադրուած ճիգ պիտի թուի, թէեւ Չավէսի իշխանութեան օրերուն էր, որ Վենեզուելայի Խորհրդարանին մէջ Հայոց Ցեղասպանութեան ճանաչման յայտարարութիւն եղաւ, Չավէսի ստեղծած քէյպըլ հեռուստատեսութեան, Թէլէ

Սուր, առաջին տնօրէնը հայազգի Արամ Ահարոնեանն էր Ուրուկուայէն, եւ, տակաւի՛ն, Չավէսը մօտ յարաբերութիւններ ստեղծեց ոչ միայն Հայաստանի ռազմավարական դաշնակից Ռուսաստանի այլ նաեւ ու մանաւանդ իրանի հետ: Բայց, Հայաստանի Հանրապետութիւնը շատ հեռու էր Վենեզուելայէն, Հարաւային Ամերիկայէն ու Չավէսէն ինքնին: Նախ որովհետեւ «կոմպլեմենտար» արտաքին քաղաքականութիւնը անցնող տասնամեակին Հայաստանի դիւանագիտութեան տեսադաշտէն դուրս ձգած էր ընդհանրապէս Հարաւային Ամերիկան ի շարս այլ տարածաշրջաններու: Երկրորդ, ու մանաւանդ, որովհետեւ անցեալ տասնամեակին էր, որ մինչ Հարաւային Ամերիկան կը հեռանար նէօլիպերալիզմի ճիրաններէն Հայաստանի մէջ Լեւոն Տէր Պետրոսեանի օրոք հաստատուած ազատ շուկայական տոկման կ՚ամրագրէր դրամատիրութեան ամենագիշատիչ տարբերակը ի դէմս օլիկարգային իշխանակարգին որուն համար հասկընալիօրէն «ձախ թեքում», ընկերվարութիւն թէ ընկերային արդարութիւն անիմաստ, եթէ ոչ վտանգաւոր յըղացքներ էին: Կը մնայ որ Փետրուար 2013ի նախագահական ընտրութիւններու յաջորդած այս հանգրուանին, երբ ժողովրդային զօրաշարժը կրկին այսօրուան իշխանակարգին այլընտրանքի մը յոյսը կը փայփայէ, Լեւոնէն մինչեւ Սերժ Սարգսեան երկարող ընկերատնտեսական այս անարդար համակարգը փոխելու յանձնառութիւն վերցուցած ընդդիմութիւնը, թէկուզ եւ հանգրուանային գործընթացի զգուշաւորութեան արդարացի որդեգրումով, հասկնայ, որ այլընտրանքը ի վերջոյ ընկերային արդարութիւնն է, 21րդ դարու ընկերվարութիւնը այնպէս ինչպէս Չավէս պատգամեց Վենեզուելային, Լատին Ամերիկային եւ աշխարհի բոլոր ժողովուրդներուն, եւ ոչ թէ լիպերալ ֆոլքլորի գունաւոր յեղափոխութիւններու թէ «Փի.Ար.»ական հնչեղութեամբ, այլ թատրերգութիւններու «շօու բիզնէս»ը:

Խ. ՏԷր ՂՈւԿԱՍԵԱՆ


ARMENIA

IV

IJزܲβòàÚò ¼²îÎ²Î²Ü îúܺðàô ²ð²ðàÔàôº²Üò ê. ¶ðƶàð Èàôê²ôàðÆâ زÚð î²Ö²ðÆ (²ØÆ îº²èÜ 2013)

28 մԱրՏ, ²ô²¶ ÐÆܶ޲´ÂÆ êàôð´ ä²î²ð²¶ ժամը 10.30 ÚÆÞ²î²Î ìºðæÆÜ ÀÜÂðº²ò ºô ê. вÔàð¸àôº²Ü ÊàðÐàôð¸Æ вêî²îزÜ: î»ÕÇ åÇïÇ áõÝ»Ý³Û ¹åñáó³Ï³Ý ³ß³Ï»ñïÝ»ñáõ եւ նախկին շրջանաւարտներու ѳٳñ Ù³ëݳõáñ Êáëïáí³Ý³Ýù »õ åÇïÇ Ù³ï³Ï³ñ³ñáõÇ êàôð´ вÔàð¸àôÂÆôÜ: βð¶ àîÜÈàô²ÚÆ.- »ñ»ÏáÛ»³Ý ųÙÁ 5-ÇÝ: ºñ·»óáÕáõÃÇõÝ Ø»ëñáå سßïáó »ñ·ã³ËáõÙµ: ʲô²ðàôØ` »ñ»ÏáÛ»³Ý ųÙÁ 7.30-ÇÝ:

29 մԱրՏ, ²ô²¶ àôð´²Â β𶠲ÔزÜ` ºñ»ÏáÛ»³Ý ųÙÁ 7.30-ÇÝ: ÎÁ Ù³ëݳÏóÇÝ »Ï»Õ»óõáÛ ¹åÇñÝ»ñÝ áõ Ø»ëñáå سßïáó »ñ·ã³ËáõÙµÁ: ³ÕÙ³Ý ³ñ³ñáÕáõÃ»Ý¿Ý »ïù ʲâÆ Ö²Ü²ä²ðÐ ÷áÕáóÝ áõ µ³ÏÇÝ Ù¿ç:

30 մԱրՏ, ²ô²¶ Þ²´²Â, Ö𲶲ÈàÚò Առաւօտեան ժամը 10.00-ին տեղի պիտի ունենայ դպրոցական աշակերտներու եւ նախկին շրջանաւարտներու համար մասնաւոր խոստվանանք եւ պիտի մատակարարուի ՍՈւրԲ ՀԱՂՈրԴՈւԹիւՆ: ºñ»ÏáÛ»³Ý ųÙÁ 6-ÇÝ ³ñ³ñáÕáõÃÇõÝ ÊÂزÜ: ųٻñ·áõÃ»Ý¿Ý í»ñç ê. ä³ï³ñ³·, ºñ·»óáÕù Ø»ëñáå سßïáó »ñ·ã³ËáõÙµ: Ú³õ³ñï ê. ä³ï³ñ³·Ç, µ³ÏÇÝ Ù¿ç îÜúðÐܾøÆ ³ñ³ñáÕáõÃÇõÝ:

31 մԱրՏ, ÎÆð²ÎÆ, ¼²îÆÎ Ú²ðàôº²Ü êàôð´ ä²î²ð²¶` 10.30: ø³ñá½` 11.30: ä³ï³ñ³·Çã »õ ù³ñá½Çã ¶»ñß. î. ¶Çë³Ï ²ñù»åë. Øáõñ³ï»³Ý: ºñ·»óáÕáõÃÇõÝ` ÎáÙÇï³ë »ñ·ã³ËáõÙµ, ջϳí³ñáõû³Ùµ úñ¹. سùñáõÑÇ ¾ûÉÙ¿ë¿ù»³Ýի:

1 ²äðÆÈ ºðÎàôÞ²´ÂÆ, ÚÆÞ²î²Î غèºÈàò ijÙÁ 11-ÇÝ ê.ä³ï³ñ³· åÇïÇ Ù³ïáõóáõÇ ²½·. ¶»ñ»½Ù³Ý³ï³Ý ê. ºññáñ¹áõÃÇõÝ Ø³ïé³Ý Ù¿ç: ²é³õûï»³Ý Å³ÙÁ 9-ÇÝ Ù³ëݳõáñ ÙÇùñûÝ»ñ ѳõ³ï³ó»³ÉÝ»ñÁ åÇïÇ ÷á˳¹ñ»Ý ²½·³ÛÇÝ ¶»ñ»½Ù³Ý³ïáõÝ: ØÇùñûÝ»ñÁ ׳ٵ³Û Ïÿ»ÉÉ»Ý Ã³Õ³ÛÇÝ »Ï»Õ»óÇÝ»ñ¿Ý. ì. Èû÷¿ë, üÉûñ¿ë, ì. ²ÉëÇݳ »õ Ð³Û Î»¹ñáÝ:

̲ÜúÂ.- ²) ¼³ïÏ³Ï³Ý ïûÝ»ñáõ ³éÇÃáí àïÝÉáõ³ÛÇ »õ ³ÕÙ³Ý ³ñ³ñáÕáõû³Ýó, ·»ñ»½Ù³ÝÇÝ Ñ³Ù³ñ ÇõÕ »õ ͳÕÇÏ ÝáõÇñáÕÝ»ñ¿Ý ÏÁ ËݹñáõÇ Å³Ù³Ý³ÏÇÝ Û³ÝÓÝ»É ½³ÝáÝù ºÏ»Õ»óõáÛ ä³Ûͳéáõû³Ý Ú³ÝÓݳËáõÙµÇÝ: ´) ÎÁ ÛÇß»óÝ»Ýù ݳ»õ Ù»ñ µ³ñ»å³ßï ÅáÕáíáõñ¹ÇÝ áñ ïûÝ³Ï³Ý ³Ûë ûñ»ñáõÝ ãÙáéÝ³Ý Çñ»Ýó ÇõÕ³·ÇÝÁ: ºÕ¿ù ³é³ï³Ó»éÝ »õ î¿ñÁ ûñÑÝáõû³Ùµ åÇïÇ í³ñӳѳïáÛó ÁÉÉ³Û Ò»½Ç:

¸Æô²Ü ²¼¶²ÚÆÜ ²è²æÜàð¸²ð²ÜÆ

Av. Callao 1162 - Buenos Aires info@hotelwilton.com.ar

4812-4993 www.hotelwilton.com.ar

ÐÇÝ·ß³µÃÇ, 28 سñï 2013

²ÏݳñÏ

Փ

Հայրենասիրութիւնը մանրադիտակի տակ

ոփոխութեան յարմարողները գոյատեւելու կարողութիւն ձեռք կը բերեն, իսկ փոփոխութեան չենթարկուող ցեղերը` դուրս մնալով յեղափոխութեան շրջագիծէն, մերթ ընդ մերթ կ՛ոչնչանան ու լաւագոյն պարագային բրածոյ կը դառնան: Այնուամենայնիւ, իրենց բնական միջավայրէն դուրս ապրող զոհի ըսփիւռքի գոյատեւման մէկ դարեան ջանքերը սակայն հեռու են վերոնշեալ տեսութեան սահմաններէն, քանի որ այս պարագային փոփոխութեան բոլոր ալիքներուն յարմարիլն ու անոնց ենթարկուիլը պիտի մղէր հաւաքական ինքնութեան ոչնչացման, թէկուզ ապահովեր անձնական գոյութիւնը, քանի որ այս պարագային օտար պայմաններու մէջ սփիւռքը միայն իր կորիզին շուրջ հաւաքւելով եւ hայկական արմատներուն ապաւինած մնալով կարողացաւ շարունակել որպէս հայ ապրիլ: Փակագիծ բանալով նշենք, որ այս սահմանումը բոլորովին անձեռընմխելի չէ, որովհետեւ հայկական յետարդիական իրականութեան մէջ կ՛ապրին իսլամ հայեր, թաքուն հայեր, օտարացած, բայց իրենց արմատներուն գիտակից հայեր, մէկ հայ ծնողով հայեր եւ այլն, այս խումբին պատկանողները դուրս պիտի ձգենք այս յօդուածէն, քանի որ անոնք կը կարօտին ծաւալուն յօդուածագրութեան: մեկնելով այն դիտանկիւնէն, որ դասական հայապահպանումը տեղի ունեցած է կորիզի մը շուրջ համախմբուե-

լով, այս գրութեան մէջ զայն պիտի կոչենք հայրենասիրութիւն: Հայրենասիրութիւնը հայրենիքին հանդէպ սէրն է, հայրենիքին ծառայելն է, անոր բարգաւաճման համար ներդրում ունենալն է` առանց անպայման ֆիզիքապէս գտնուելու հայրենիքի հողին վրայ կամ մաս կազմելու անոր պետական քաղաքական արեւելումին: Հայրենասիրութիւնը հայ մնալն է ու ատիկա յաջորդող սերունդին փոխանցելն է. հայերէնասիրութիւնը հայկական մշակոյթին եւ հաւաքականութեան աշխատանքներուն մաս կազմնելն է: Այս հայրենասիրութիւնը փոփոխութեան կ՛ենթարկուի վերջին տասնամեակներուն ընթացքին, յատկապէս երբ իր աւարտին կը հասնի սփիւռքի մասնակցութեամբ կատարւած զինեալ պայքարին ժամանակաշրջանը ու հիւլէական միջուկին շուրջ դարձող մասնիկին բնոյթը կը հեռանայ ատրճանակի ապաւինումէն դէպի քաղաքական ապաւինումի (լոպիինկ): Ասիկա պատճառ կը դառնայ նաեւ, որ հայրենասիրութիւնը առնուի հարցականի տակ եւ այդ կը շեշտուի մանաւանդ երբ բազմաթիւ սուրիահայեր կը գաղթեն դէպի օտարութիւն ու մասամբ մըն ալ Հայաստան: Այս իմաստով, «Դիմատետըր» գործածողներս համացանցին վրայ կը հանդիպինք հայրենասիրութեան «դասընթացքներու» շարքի մը, ուր «մը-

Ð᷻ѳݷÇëï ÎÇñ³ÏÇ, 7 ²åñÇÉ 2013ÇÝ, Û³õ³ñï êáõñµ ä³ï³ñ³·Ç, Ñ᷻ѳݷëï»³Ý å³ßïûÝ åÇïÇ Ï³ï³ñáõÇ êáõñµ ¶ñÇ·áñ Èáõë³õáñÇã سÛñ î³×³ñÇÝ Ù¿ç, Ù»ñ ëÇñ»ÉǪ

àÕµ. ²ÜÆ ÐȾäÜÆøº²Ü-Ç

Ù³Ñáõ³Ý ù³é³ëáõÝùÇÝ ³éÇÃáí£ Ü»ñϳÛë ÏÁ ͳÝáõó³Ý»Ýù Ç ·ÇïáõÃÇõÝ Ù»ñ ³½·³Ï³ÝÝ»ñáõÝ »õ µ³ñ»Ï³ÙÝ»ñáõÝ£

سñdzݳ »õ èÇù³ñïû êáõùÇ³ë»³Ý »õ ÁÝï³ÝÇù

տաւորականութեան» եւ գործիչներու խաւ մը, որ յառաջ քըշելով հայրենիքի շահերուն տակ քօղարկուած անձնական շահերը հայրենասիրութեան իրենց տեսութիւնը կը պարտադրեն պատերազմի գօտիէն փախուստ տուած սուրիահայ այն հատուածին, որ անձնական կամ ոչ անձնական համոզումով զօրավիգ կը կանգնի վարչակարգին: Հայրենասիրութեան դաս տուողները այդ կը նկատեն ոչ միայն հայրենասիրութեան պակաս, այլեւ ազգային դաւաճանութիւն: Աւելի՛ն, այս նոյն դաս տըւողները պահուըտելով երիտասարդ աշխատող գրիչներու ետին, կը յայտարարեն, որ մէկ դար հայրենասիրութեան կորիզին շուրջ հաւաքուած եւ հայ մնալու համար ջանք չխնայած սուրիահայութիւնը կ՛աշխատի ի շահ օտարացման` չափանիշ առնելով միայն սուրիական հայկական կրթական ծրագիրին հետեւելուն, վարչակարգին զօրակցող ցոյցին մասնակցելու իրականութիւնները: ի՞նչ կը սպասենք գաղթական զանգուածէն. առանց իսկ հոգեպէս պատրաստուելու եւ ծրագիրի մը շուրջ հաւաքուելու, յաջորդ օրն իսկ ամբողջութեամբ ընտելանա՞յ Հայաստանին եւ անոր կրթական ծրագիրներուն: Արդէն իսկ տարիէ մը ի վեր սուրիահայութիւնը կը պայքարի թէ՛ իր ֆիզիքական, եւ թէ հաւաքական գոյութեան պահպանման համար, իսկ մեր շինիչ ծրագիրներ մշակելու ու ձեռք երկարելու փոխարէն միայն կարծիքներ պարտադրելն ու առանց հիմքի միտքեր դրսեւորելը թշնամութիւն կը սերմանէ այն հաւաքականութեան մէջ, որ կը շարունակէ իր տեղը գտնել կորիզին շուրջ: Ոեւէ մէկուն հայրենասիրութիւնը այլոց պայմաններու տակ հասակ նետած հայրենասիրութեան չափանիշներէն կախեալ չէ, իսկ հայկական դիմագիծի պահպանումը չի կըրնար հրապարակի վրայ թունաւոր խօսքերով ու սադրանքներով իրականանալ: օտար պայմաններու տակ գոյատեւած եւ Տարուինեան գիտութեան դէմ պայքարած ժողովուրդ մը շատ աւելի յարգանքի եւ զօրակցութեան կը կարօտի, քան անոնց` մեր ծըրագիրներուն չենթարկուելուն քննադատումներ ընելը առանց իսկ աջակցելու անոնց: Եթէ հայ ժողովուրդին գոյատեւման գաղտնիքը կորիզը եղած է, ապա կորիզին հարցուցէ՛ք, թէ ան ինչպէ՞ս գոյատեւած է ու ապա համարձակեցէք ձեր մատները անոնց դէմքին ճօճել:

ԱրԱԶ ԳՈՃԱՅԵԱՆ

Diario ARMENIA - Edición 28-3-2013 en armenio  

Edición del 28-3-2013 en idioma armenio

Read more
Read more
Similar to
Popular now
Just for you