Page 1

Programma amministrativu Sa lista "Zente Noa" si presentat comente unu grupu de pessones cumbintas chi sa partecipatzione a sa gestione de sa vida amministrativa e polìtica de sa bidda siat un' impignu destinadu a sa comunidade bolotanesa. Est pro custu chi, sighinde custu printzìpiu, amos preferidu, da chi sa lista est istada pesada, a chistionare de sos problemas chi tenet sa bidda nostra chircande sas maneras possìbiles de los risolver. Pro bos mustrare chi su contributu de cada pessone est importante, in sa lista s'agatant pessones cun ideas polìticas diversas, sende chi noisàteros preferimos a chistionare de sos problemas chi sos bolotanesos vivent, in parte de istare criticande su pensu politicu de caligunu àteru. Sa fundamenta de su programma chi cherimos presentare a sa bidda est s'idea de su beneistare comunu chi si diat realizare torrande a esser una comunidade unida, cumprendinde chi su Comune esistit pro tutelare sos diritos de sos citadinos, bidu chi podet connoscher e abbalorare totu sas resursas chi s' agatant in su territòriu. Sa manera pro poder arrivare a custos obietivos est s'anàlisi atenta de sos problemas e de sas

resursas disponìbiles, azuande totu sas atividades chi poden

batire crèschida econòmica e sotziale e

impignande · si pro agatare maneras pro

sustenner su triballu. Pro realizare custos obietievos tocat de comintzare cun su coinvolgimentu ativu de sa popolatzione in sos sèberos importantes, comunicande sas atividades e sas decisiones in manera contìnua e cumprensìbile a totu cantos.


Programma in limba sarda  

Programma amministrativu de sa lista Zente Noa

Read more
Read more
Similar to
Popular now
Just for you