www.iaeste.org.mk
НАСТАНИ
ЕХ - РЕГИОНАЛНА КОНФЕРЕНЦИЈА - МАКЕДОНИЈА На ЕX (ЕКС) - Регионалната Конференција земаат учество членови на ИАЕСТЕ Национални Kомитети од поранешните Југословенски Републики. Целта на оваа Конференција е подобро запознавање на членовите од соседните Национални Комитети, како и подобра соработка меѓу самите Националните Комитети. Ова не е официјална Конференција и има повеќе забавен, отколку сериозен професионален карактер. Годинава ИАЕСТЕ Македонија ја имаше честа по втор пат да ја организира ЕКС - Регионалната Конференција, која се одржуваше на три локации- Скопје, Попова Шапка и Охрид. На Конференцијата, беа присутни членови од сите Национални комитети од поранешните Југословенски Републики- Србија, Црна Гора, Босна и Херцеговина, Хрватска и Словенија. Членовите беа запознаени со убавините на Скопје, Шар Планина и Охрид. Во Скопје, беа посетени Старата Железничка станица, централното подрачје со спомен куќата на Мајка Тереза, Калето и старата с копска чаршија. Беше направена Интернационална вечер, во просториите на Машинскиот и Факултетот за Електротенхника и Информациски Технологии, на која сите претставници ги презентираа традиционалните јадења од земјите од кои доаѓаат. Потоа беше посетен Семинарот за Тренинг и Мотивација, на Попова Шапка. Во третиот дел беше посетен градот Охрид и учесниците беа запознаени со сите негови убавини. Воедно имаа можност да ги пробаат вкусните традиционални јадења, при што најголем впечаток им охридското ѓомлезе. Беа воодушевени од архитектурата од овој крај која остана да сведочи за историјата и беа изненадени од некои од обичаите. Во меѓувреме се одржаа и неколку состаноци каде што ИАЕСТЕ Македонија ја презентираше својата работа, начинот на функционирањето, предностите и потешкотиите со кои се соочува. Не беше чудно да се забележи дека всушност делиме заеднички проблеми. Секој даде по некој совет како ја подобриле ситуацијата во својата земја, па да се надеваме дека научивме по нешто. Предизвици секогаш ќе има, но на нас останува да не потклекнеме пред нив, туку да успееме да ги надминеме, извлекувајќи само искуства кои позитивно ќе не насочуваат во иднина. При затворањето на Конференцијата беше одлучено следната година домаќин да биде Националниот Комитет на Црна Гора. На новите домаќини, традиционално им беше предадено знамето на Конференцијата и со тоа се стави крај на уште една успешна Конференција. Петре Милошевски и Мирко Даневски координатори на Конференцијата
25