Issuu on Google+

LANI SCHOLARSHIP FUND P300 MILLION NA! Dahil sa patuloy na tagumpay ng programang nakatulong sa napakaraming mag-aaral ng Taguig, muling itinaas ng Taguig City government ang pondo para sa Lifeline Assistance for Neighbors InNeed (LANI) Scholarship Program. Mula sa P200 milyon noong nakaraang taon, ngayon ay naging P300 milyon na. Nagpasalamat si Mayor Lani Cayetano sa city council dahil nakita nito ang kahalagahan ng pondo upang matulungan ang libo-libong mag-aaral sa Taguig para makatungtong ng kolehiyo. Dahil dito, umaabot na sa 24,000 scholarships ang naipamahagi ng administrasyong Cayetano hindi pa man natatapos ang kanyang tatlong taong termino bilang pinakamataas na opisyal ng Taguig. “Wala tayong talo kapag namuhunan tayo sa edukasyon. Ang edukasyon ang susi sa pag-unlad ng ating lipunan,� ani Mayor Lani. Noong nakaraang administrasyon, tanging P5 milyon lamang ang inilaan sa scholarship para sa mga gustong makapagaral ng kolehiyo.

Ngunit pag-upo ni Mayor Lani, itinaas agad ito sa P100 milyon noong 2011 gamit ang pondong natipid mula sa kontrata sa basura. Matatandaang P500 milyon kada taon ang pondo ng nakaraang administrasyon para sa paghahakot ng basura. Binawasan ito ni Mayor Lani ng P100 milyon para sa scholarship. Sa halip na suportahan, idinemanda pa siya ni Vice Mayor Elias at ng kanyang mga kaalyadong konsehal. Noong nagdaang taon, itinaas ang pondo sa P200 milyon, at ngayong taon ay umabot na ito ng P300 milyon. Ang programang scholarship sa ilalim ng administrasyon ni Mayor Lani ay may pitong kategorya: basic scholarship/ financial assistance, full, state universities and colleges (SUC) at local universities and colleges (LUC), premier/specialized schools, leaders and educators advancement and development (LEAD), review assistance program

for bar and board reviewees; at priority courses at skills training. Tumatanggap ang mga LANI scholars ng minimum na P5,000 at maximum na P100,000 bilang financial grant.


HONOR GRADS TUMANGGAP

NG CASH

GIFTS

Sa ilalim ng pamumuno ni Mayor Lani Cayetano, inaprubahan ng Taguig City Council ang ordinansa na nagpapahintulot sa pagkakaloob ng dagdag na tulong pinansiyal sa mga mangungunang magtatapos na estudyante ng elementarya at high school sa mga pampublikong paaralan. Ibinigay ang financial grant ng pamahalaang lungsod sa mismong araw ng graduation bilang pagkilala sa kahusayang ipinamalas sa kanilang pagaaral. “Ginagawa natin ito upang mahikayat ang mga magulang at ang kanilang mga anak na magpatuloy ng pag-aaral. Ayaw

kong magtapos lamang sila ng high school, sa halip, nais kong hangarin nila ang tumuntong ng kolehiyo,” pahayag ni Mayor Lani Cayetano. “Nais kong bigyan ng pag-asa at oportunidad ang bawat pamilya sa Taguig gayundin ng oportunidad na magkaroon ng trabahong may mataas na suweldo matapos nilang mag kolehiyo,” dagdag pa ni Mayor Lani. Yaong mga nagtapos ng elementarya na kabilang sa Top 10 ng kanilang klase ay nakakatanggap ng P5,000 habang P2,500 naman ang ibibigay sa mga nanguna sa kanilang klase. Ang nagtatapos na class valedictorian ay tumanggap ng karagdang P10,000 habang ang class salutatorian naman ay P7,500. Sa high school, ang pumasok sa Top 10 ng graduating class ay nakakatanggap ng P10,000 habang ang nanguna sa kanilang mga klase ay P5,000. Ang class valedictorian ay nakakatanggap ng karagdagang P20,000 habang ang class salutatorian ay P15,000.

Taguig Learners' Certificate, solusyon ng pagsisiksikan sa mga public school Patuloy ang pagsusumikap ng Pamahalaang Lungsod ng Taguig na tugunan ang taun-taong problema sa paglobo ng bilang ng mga mag-aaral sa mga pampublikong paaralan . Ang sagot ng pamahalaang lokal sa problemang ito ay ang Taguig Learners’ Certificate (TLC) program na nasa ikalawang taon ng implementasyon. Naglalayon ang programang mabawasan ang bilang ng mga magaaral sa mga pampublikong paaralan sa pamamagitan ng paglilipat sa kanila sa mga pribadong paaralan. Ang TLC program ni Mayor Lani Cayetano ay pinakinabangan na ng 1,700 estudyante. Ayon kay Dr. George Tizon ng Department of Education (DepEd) Taguig-Pateros Division, sinumang estudyante na mapipili para sa TLC ay makatitiyak ng ibayong suporta mula sa city government.

“P10 libo ang pondo para sa matrikula ng estudyante. May dagdag pang P5 libo bilang pantustos sa gagamiting mga aklat at iba pang gamit pangeskwela. At dahil sa ito ay scholarship program, obligasyon ng mga estudyanteng mapapasailalim sa TLC na mag-aral nang husto para patuloy nila itong pakinabangan,” paglilinaw ni Dr. Tizon. Naniniwala si Mayor Lani na ang TLC ay makatutulong sa adhikain ng lungsod na pataasin ang kalidad ng edukasyon para sa mga Taguigueno. “Kung malulutas natin ang problema ng pagsisiksikan ng mga estudyante sa mga pampublikong paaralan, mas mahusay na maituturo ng bawat guro ang kanilang mga leksyon habang ang mga mag-aaral naman ay mas madaling matututo,” giit ni Mayor Lani.


Mga Mag-aaral sa Taguig Kumpleto sa Gamit Sa ilalim ng panunungkulan ni Mayor Lani Cayetano, lahat ng estudyante sa mga pampublikong paaralan sa Taguig ay kumpleto sa gamit, bukod sa libre at walang babayaran sa matrikula o kung ano pa mang gastos pang eskwela.

sagot ng gobyerno bilang suporta sa K-to-12 Program ng DepEd. Dagdag pa dito, namahagi rin ang administrasyon ni Mayor Lani ng health kits na naglalaman ng powder, toothpaste, face towel at bath soap sa mga pre-school students at Grades 1-3 students.

Pagdating sa uniporme, lahat ay libre mula ulo hanggang paa dahil pati sapatos ay sagot ng administrasyon ni Mayor Lani.

“Ito po ay isinagawa upang mahikayat ang ating mga magulang na pag-aralin ang kanilang mga anak dahil alam nilang wala silang gagastusin. Sa ganitong paraan, mas marami tayong mapag-aaral sa ating mga kabataan at mabibigyan natin sila ng magandang kinabukasan,” sabi ni Mayor Lani.

Maging ang school supplies tulad ng bag, ballpen at notebook ay libre para sa mga mag-aaral sa Taguig. Pati ang mga workbooks para sa mga nag-aaral sa Kindergarten ay

Napanood pa sa internet LIBRE ANG GRADUATION AT JS PROM SA TAGUIG Buong-buong sinagot ng Taguig City government ang lahat ng gastos kaugnay sa graduation ng mga estudyante sa mga pampublikong paaralan sa lungsod. Ito ang siniguro ni Mayor Lani Cayetano sa lahat ng mga magulang ng may mahigit sa 18,000 na estudyanteng nagtapos nitong buwan ng Marso. “Libre po ang pagtatapos ng lahat ng mag-aaral sa 34 na pampublikong paaralan sa Taguig. Wala pong binayaran ang mga magulang natin,” ani Mayor Lani. Lubusang ipinatupad ng alkalde ang “no collection policy” patungkol sa graduation fees tulad ng renta sa toga, graduation picture, diploma, yearbook at venue. Pati ang renta sa mga upuan at sa sound system na ginamit sa venue ay sinagot rin ng lokal na pamahalaan. “Sineseryoso namin ang usapin sa pampublikong edukasyon dito sa Taguig. Naniniwala kaming karapatan ng lahat ang edukasyon, hindi lang ito pribilehiyo ng mga may kaya sa buhay. Kung kaya’t sa pamamagitan ng mahigpit at masusing paggamit ng kabangbayan ay nagawa nating libre ang graduation ng mga bata,” dagdag nito.

Umabot sa 18,085 na mag-aaral mula sa 34 na pampublikong elementarya at high school sa Taguig ang nagsisitapos ngayong taon. Maaalalang hindi rin pinagbayad ng administrasyong Cayetano ng graduation fee ang 17,613 na mga estudyante noong nakaraang taon. Bukod sa libreng graduation, libre din ang JS prom sa lahat ng high schools sa Taguig.v At ang lungsod din ang bukod tanging naglunsad ng programang e-Graduation at e-Prom kung saan natunghayan sa pamamagitan ng internet ng mga mahal sa buhay ng mga estudyante ang pagtatapos at JS Prom sa lahat ng pampublikong paaralan sa Taguig. “Ipinagmamalaki ko ang mga programa nating ito at tayo lang sa bansa ang meron nito,” sabi ni Mayor Lani.


NUMERO

UNO ANG EDUKASYON

KAY

MAYOR

LANI

CYBER LAB, UNA SA TAGUIG Ang lungsod ng Taguig ang kinikilalang kauna-unahang lungsod sa buong bansa na nagkaroon ng Cyber Laboratories sa kanyang mga pampublikong high school at elementary. Ang proyektong ito ay pinakinabangan, hindi lamang ng mga magaaral kundi pati na rin ang mga magulang na gustong matuto ng “basic applications” sa computer.

BADYET NG EDUKASYON SA TAGUIG, ITINAAS NG 50% NOONG 2011 Dahil prayoridad ni Mayor Lani ang sektor ng edukasyon sa Taguig, minabuti nitong palakihin ang badyet ng edukasyon ng 50% noong 2011.

MAKABAGONG KAGAMITAN, SAGANA SA MGA PAARALAN NG TAGUIG Sagana sa makabagong kagamitan ang mga pampublikong paaralan ng Taguig, tulad ng “heavy-duty photocopying machines” na ipinamahagi sa 34 pampublikong paaralan at isa sa division school. Pinaganda rin ang kalidad ng “sound systems” sa 34 na pampublikong paaralan sa buong lungsod. Nagbigay rin ng mga “musical instruments” tulad ng violin, drum set at keyboard sa EMS Signal Village Elementary School noong buwan ng Setyembre 2012. Ang mga mag-aaral dito ay umani na ng mga karangalan dahil sa husay nila sa pagtugtog.

BEST IMPLEMENTOR NG BRIGADA ESKWELA Bilang pagtugon sa programa ng DepEd, nag invest din ng malaking halaga ang pamahalaang lokal ng Taguig para sa gamitpanlinis tulad ng mga pintura na ginamit sa implementasyon ng “Brigada Eskwela”. Dahil dito, kinilala ang lungsod ng Taguig na “Best Implementor” ng naturang programa para sa National Level noong taon 2011.

Sa pamamagitan ng internet ay nagkaroon din ng pagkakataon ang mga may kamag anak na OFW na makaugnayan sila sa panahon ng kanilang kalungkutan. Maliban sa mga computers, naglagay rin ng mga furniture, armchairs at mga science equipment sa loob ng naturang cyber lab.

MAKABAGONG PROGRAMA SA PAG-AARAL, INILUNSAD Isa rin sa ipinagmamalaki ng Cayetano administration ay ang pagkakaloob ng de-kalidad na computer curriculum para sa mga estudyante sa pampublikong paaralan. Ito ang Taguig Cyber Education Program kung saan itinuturo ang Singapore based Computer Assisted Learning (CAL) system na magtataas sa kaalaman ng mga mag-aaral sa larangan ng information technology. Inilunsad ng pamahalaan sa 12 high schools at 3 elementary schools ang CAL system. Kinilala rin ang Taguig na kauna-unahang lungsod sa buong National Capital Region na naglunsad ng Information Communication Technology (ICT) Curriculum noong panahon ng Brigada Eskwela 2012. December 2012 nang inilunsad and ICT, isang kakaibang proyekto ng pamahalaan na naglalayong mapaangat ang kaalaman ng mga kabataan sa larangan ng siyensya. Ito ay ginanap sa Sen. Rene Companero Cayetano Science & Technology Memorial High School sa pakikipagtulungan sa tanggapan ni Sen. Pia S. Cayetano Para makasabay sa makabagong teknolohiya, lalo na sa paggawa ng “research works,” ang lokal na pamahalaan ng Taguig ay nagbigay ng 53 units ng iPad sa mga public school coordinators, principals at iba pang school personnel.


Sa kanyang unang termino bilang punung-lungsod ng Taguig, isa sa mga pangunahing layunin ng administrasyon ni Mayor Lani Cayetano ay ang pagpapaunlad ng sektor ng edukasyon sa lungsod. Katunayan, nakapagpatayo siya ng mga bagong silid-aralan tulad ng : Lima (5) na 3-palapag na gusali na mayroong 9 na silid aralan sa Tipas ES, Upper Bicutan ES; CP Sta. Teresa ES, Signal Village NHS; Bagumbayan NHS; 3-palapag na silid aralan sa Tenement Elementary School; 3-palapag na gusali na mayroong 9 na silid aralan sa EC Santos Elementary School; 3-palapag na gusali na mayroong 15 na silid aralan sa R. Papa HS Annex; 1-palapag na gusali na mayroong 3 na silid aralan sa Maharlika ES; 4-palapag na gusali na mayroong 12 na silid aralan sa Signal Village NHS (Phase 1).

BAGONG SILID-ARALAN

AT SCHOOL BUILDINGS NAIPATAYO NI

MAYOR

LANI Nakapagpatayo rin siya ng ”21 modular classrooms” sa mga sumusunod na lugar ng: Tanyag, Katuparan, Signal Village ES, Western Bicutan, Upper Bicutan NHS, Kapt. Eddie Reyes Memorial ES, Bagong Tanyag ES – A, Ricardo P. Cruz ES, Silangan ES, at Maharlika ES At sa kasalukuyan, itinatayo na ang karagdagang mga silid-aralan sa mga sumusunod: 3-palapag na gusali na mayroong 9 na silid aralan sa Bagumbayan NHS; 3-palapag na gusali na mayroong 9 na silid aralan sa Maharlika ES; 4-palapag na gusali na mayroong 12 na silid aralan sa Signal Village NHS – Central Signal (Phase 2); 1-palapag na gusali sa Signal Village NHS, Central Signal; at, 3-palapag na gusali na mayroong 24 na silid aralan sa Taguig ES.


BUO ANG SUPORTA NI

MAYOR

LANI Dahil numero uno sa Cayetano administration ang edukasyon ay ibayong suporta ang ipinagkaloob nito sa Taguig City University (TCU). Sa pagsisimula ng administrasyon ni Mayor Lani Cayetano ay agad nitong itinaas ang budget ng TCU. Isandaang porsiyentong sinasagot ng pamahalaang lungsod ang mga gastusin sa operasyon ng TCU kaya mahigpit na ipinatutupad ang “no collection policy.� Hindi pa nakaka-isang taon sa puwesto noon si Mayor Lani pero naipatayo nito agad ang 5-storey Administration Building kung saan magkakaroon ng e-library. Kasalukuyan ding kinukumpleto ang panibagong 6-storey building na magkakaroon ng maliit na auditorium sa ika-anim na palapag at bridgeway na mag-uugnay sa dalawang gusali. Nagkaroon na rin ng maayos na sistema ang unibersidad. Ngayon, mayroon nang Handbook ang mga estudyante. Doon nakadetalye ang mga alituntunin ng paaralan. May Code of Ethics na rin ang faculty at mayroon na itong Manual for Administration.


Sinabi ni TCU President Atty. Lutgardo Barbo na layunin nila na itaas ang antas at ang kalidad ng edukasyon na maibibigay sa mga kabataang Tagigueno. Makikita aniya ito sa kalidad ng mga namumuno ngayon sa unibersidad. Ang dekano (dean) ng College of Tourism and Hospitality ay si Dr. Ofelia Carague na dating presidente ng Polytechnic University of the Philippines (PUP); sa Arts and Sciences ay si Dr. Virginia Santos mula sa Pamantasan ng Lungsod ng Maynila; sa College of Education ay si Dr. Normita Villa na dating vice president for academics ng PUP; ang dekano ng Graduate Studies ay si Dr. Rolando Magno na dating superintendent ng Department of Education (DepEd) Taguig and Pateros.

Ipinagmamalaki ni Atty. Barbo na tumatayo ngayong vice president ng Association of Local Colleges and Universities (ALCU) na hindi lamang sa academe gumawa ng pangalan ang TCU.

Dahil mahalaga ang kalidad ng mga propesor sa paghahatid ng de-kalibreng edukasyon ay salang-sala ang mga propesor na pinagtuturo rito.

Makaaasa ang mga Tagigueno na ipagpapatuloy ng Cayetano administration ang pagbibigay ng suporta sa TCU dahil ang edukasyon ay para sa lahat.

Malaking pakinabang din sa maraming instructor ng TCU ang Lifeline Assistance for Neighbors In-Need (LANI) Scholarship Program. Isa sa mga LANI scholar ay ang dekano ng College of Criminology na si Jose Dela Pena na kasalukuyang kumukuha ng doctorate degree.

Patuloy itong magkakaloob ng mahusay at de-kalidad na edukasyon sa paniniwalang ang maibibigay nitong oportunidad ay babago sa buhay at puputol sa tanikala ng kahirapan.

Ang mga repormang ipinatupad ay agad na nagkaroon ng bunga. Sa magkasunod na Criminology Licensure Examinations ay nanggulat ang TCU. Noong 2011 kung saan may 43.75% nationwide passing rate ay nakakuha ito ng 87.5% passing rate dahil 28 sa 31 kumuha ng pagsusulit ang pumasa. Noong 2012 ay no. 3 ang TCU sa mga unibersidad at kolehiyong nagtuturo ng criminology sa buong bansa. Nakapagtala ito ng 75 percent passing rate kung saan 51 ang pumasa sa 64 na kumuha ng licensure examinations. Isa rin sa ipinagmamalaki ng TCU ay ang pagsasagawa ng taunang job fair ng unibersidad para matulungang makahanap ng trabaho ang mga nakapagtapos dito.

Maging sa athletics ay nagpamalas din ng husay ang unibersidad nang makuha nito ang ikatlong puwesto sa grand championship ng ALCU na nilahukan ng 22 unibersidad at kolehiyo sa buong bansa. Tapat ang administrasyong Cayetano sa layunin nitong maging Center of Excellence ang TCU.


MGA HUWARANG MAG-AARAL SA TAGUIG NAGHARI SA MGA PATIMPALAK PANGKARUNUNGAN

Ipinagmamalaki ni Mayor Lani Cayetano ang paghakot ng parangal ng mga estudyanteng Taguigueno sa iba’t ibang torneyo na kanilang nilahukan, patunay lamang na nagbubunga ang de-kalidad na edukasyon sa Taguig. “Ako ay lubusang natutuwa at nakikita na natin ang bunga ng ating mga programang pang-edukasyon dahil malimit manalo ang ating mga mag-aaral sa iba’t ibang academic competitions di lang sa Metro Manila kung hindi sa buong bansa na rin,” sabi ni Mayor Lani. Noong Pebrero 23, pinataob ni Cy M. Rodriguez, 4th year student ng Senator Renato “Companero” Cayetano Memorial Science and Technology High School (SRCC-MSTHS) ang 66 na katunggali mula sa mga paaralan sa Muntinlupa, Taguig, Pateros (MUNTAPAT) sa 33rd National Quiz Bee Division Championships. At para bigyang diin kung paano dinomina ng Taguig ang division championships ay pumangalawa si Michael Angelo Zafra ng Taguig Science High School k a y

Rodriguez sa torneyo. Noong buwan din na iyun, umabante sa ikalawang round ng International Mathematics Assessment for School (IMAS) si Aljan Balbuena ng SRCCMSTHS. Kabilang si Balbuena sa SRCC Team na nag-uwi sa kampeyonato ng 5th MTGSharp Math Trail and Problem Solving Competition noong January 26, kasama si Joshua Cuballes, Solon Roi Loro at Marella Iris Palces. Ito ang ikalawang taon na napagwagian ng SRCC-MSTHS ang Math Trail Competition. Noong February 21 ay dinomina ng Taguig ang Mathematics Quiz Bee nang magkampeon ang Taguig Science High School sa 7th Mathira Mathibay. Nakuha ng SRCC-MSTHS ang ikalawang puwesto at pangatlong puwesto naman ang Western Bicutan High School.

Siyam na koponan mula sa dibisyon ng Muntinlupa, Taguig at Pateros ang lumahok sa naturang kompetisyon. February 12 naman nang maging kaunaunahang mag-aaral mula sa TaguigPateros si Anne Beatrice N. Maranon ng SRCC-MSTHS na nag-kampeon sa Panrehiyong Maunawaing Pagbasa sa Filipino. Tinalo ni Maranon sa kompetisyon ang mga kinatawan mula sa 16 na dibisyon ng Department of Education- National Capital Region (DEPED-NCR). Samantala, itinanghal namang Kampeon sa Reading Proficiency Contest ang koponan ng Taguig Science High School na binubuo nina Michael Angelo Zafra at Mary Joy Razalan. Sa larangan naman ng information technology (IT), nanalo si Michael Angelo ng Taguig Science High School sa kanyang kategorya sa national finals ng "2012 Battle of the ICT Wizards,” habang si Dan Cecilio Chua ng Gen. Ricardo R. Papa Sr. Memorial High School-Main ay pumangatlo sa parehong kumpetisyon noong Enero 25 sa Immaculate Conception Cathedral School sa Cubao, Quezon City. Tinalo ni Angelo ang mga lumahok mula sa iba’t ibang bahagi ng bansa sa kategoryang Audio-Visual Presentation gamit ang Flash Animation Category sa kumpetisyon na inorganisa ng Singaporebased Computer Assisted Learning (CAL) Pte. Ltd. Si Chua naman ay nanalo sa kategoryang Advanced Web Design gamit ang Dreamweaver/xHTML.


MAYOR LANI: EDUKASYON SUSI SA PAG-UNLAD NG BAYAN MGA PROGRAMA PALALAWAKIN AT DADAGDAGAN

Palalawigin pa ni Mayor Lani ang kanyang mga programa sa edukasyon. Ito ang direksyon na tinutunton ng Cayetano administration kung kaya’t makakaasa ang bawat Taguigeño na lalo pang palalawakin at dadagdagan ang mga repormang pang-edukasyon. Ayon kay Mayor Lani, inihahanda niya ang mga Taguigueño sa pamamagitan ng magandang edukasyon dahil inaasahang lalong lalago ang ekonomiya ng Taguig bunsod ng nakatakdang development sa FTI Complex ng Ayala Land Incorporated (ALI), pati na rin ang tuluy-tuloy na pagdagsa ng mga bagong negosyo sa Fort Bonifacio partikular sa Bonifacio Global City. “Pangarap kong mga Taguegeño ang magtamasa

ng lahat ng biyayang ipinagkakaloob sa atin,” dagdag ni Mayor Lani. Hindi pa man natutuldukan ang unang termino ni Mayor Lani ay itinuturing nang napakalaking tagumpay ng administrasyon nito ang mga repormang naisakatuparan sa sector ng edukasyon na binalewala noon ng mga dating namuno sa lungsod. “Ayaw na nating maulit pa ito kaya patuloy ang aking administrasyon sa paghahanap ng solusyon sa mga problemang kinakaharap ng sector ng edukasyon sa napakatagal na panahon,” wika ni Mayor Lani.

MGA AASAHANG SERBISYO Ilan sa mga nakaantabay na programa sa edukasyon ay ang mga sumusunod: 1)

Dagdag na scholarship benefits sa LANI Program

2)

Karagdagang school buildings;

3)

Mga air-conditioned na silid-aralan;

4)

Computer education program para sa lahat ng elementary schools;

5)

Dagdag na guro;

6)

Dagdag na scholarships sa Taguig Learners’ Certificate;

7)

Ibayong pagsasanay para sa Day Care at SPED teachers;

8)

CHED-accreditation para sa TCU.

SA GINAGAWANG PAMUMUHUNAN NI MAYOR LANI SA EDUKASYON, TIYAK NA PANALO ANG BAWAT TAGUIGEÑO.



Ang Taguigeño