26
nº36
SONES DE REBELDÍA Rafa R. Valdés
T
engo qu’empezar estes ringleres falando de fotos, en concreto de dos que nun me cayeran embaxo desque les viera la primer vez. Y tengo que lo facer remembrando lo escrito por Peter Burke nel so Visto y no visto. El uso de la imagen como documento histórico, llibru onde aportunaba que les imáxenes faen parte del contestu social que les produxo y que, de la mesma, ye llabor de les historiadores ser a reconocer esi contestu y a integrar la imaxe nél. Eses dos fotos de la segunda década del sieglu XX comporten una mesma característica: la presencia de la gaita nos rituales del movimiento obreru. La primera d’elles, que podéis ver nel llibru Álbum fotográfico de Mieres 1864-1939, ye la de la manifestación del 1º mayu en Mieres del Camín del añu 1910 [del 1910 y non de los años trenta, data que delles indocumentaes nun dexen d’esparder peles redes sociales, y que nun ye sinon otru error internáuticu y/o lleenda urbana típica d’estos medios]; la segunda, del 1916, ye la foto que sacó Modesto Montoto a dellos de los participantes nun mitín socialista en Llaviana, y podéis vela nel llibru Modesto Montoto. Una visión fotográfica de Asturias (1900-1925). Sicasí, entrabes les dos pueden topase fácil n’otres publicaciones más y na rede. Asina les coses, estes dos fotografíes reflexaben que la cultura popular asturiana trescalaba nes cultures obreres militantes, fenómenu que l’historiador Jorge Uría conseñó en dellos de los sos trabayos, pero del qu’entovía ta por facer un estudiu fondu. Sía como quier, pidiéndovos que tengáis nel cantu la memoria eses fotografíes mentanto siguís cola llectura, ye tiempu d’aprovechar l’espaciu de Contracorriente pa facer recuentu de lo conocío. Ello ye que la primer referencia conocida foi la que recoyó David Ruiz nel so clásicu y al empar desfasáu cuantayá, El movimiento obrero en Asturias, onde’l caderalgu de la Universidá d’Uviéu escribió de la güelga de les cuatro pesetes, acción que desenvolvieran los mineros llangreanos n’abril del 1881 contra los abusos de los destayistes qu’especulaben a los sos deleres colos alimentos y colos se-
guros. Nuna de les cróniques d’esta güelga que publicara El Comercio indicábase lo que vien darréu: “Día 21. Los mineros se dirigen a los Carbones del señor Bertrand, a la Hueria de Sama enarbolando un pañuelo blanco atado a una estaca y precedidos por una gaita del país”. El casu ye que nun fui a alcontrar referencies asemeyaes na prensa del movimiento obreru del sieglu XIX y de la primer década del sieglu XX, un vaciu que nun dexa otro que buscar otres fontes más. Pa detrás, los testimonios recoyíos nes publicaciones obreristes de los años trenta y cuarenta refieren a la mesma dómina de les fotografíes mentaes de riba, de la segunda década del sieglu XX. Esos testimonios son los de dos dirixentes señalaos, casu del anarcosindicalista Avelino González Mallada y del socialista José Barreiro. Paga la pena reproducir equí los recuerdos que tresmiten, polo qu’indique y pola manera de tresmitilo qu’ameritaría ensin dulda ninguna un analís fonderu acullá d'estes páxines. El primeru d’ellos recordaba nel artículu Anecdotario de algunos primeros de mayo, publicáu nel CNT de Madrid del 24 d’abril del 1933, que “El Primero de Mayo más lejano en el recuerdo es del año doce, en la ciudad donde nací. Allí, entonces, ya éramos enemigos de la fiesta; y los sindicalistas no dejábamos el traba-
jo. Así ha sido hasta ahora, en que la ‘fiesta’ es impuesta por el Estado burgués. Los socialistas movilizaban sus escasas fuerzas, sacaban las banderas y organizaban una manifestación-miniatura que iba hasta el Ayuntamiento a entregar al alcalde unas peticiones, entre las que no faltaba ‘amnistía para los presos sociales y políticos’. Ahora, son ellos gobierno, y hay más presos sociales y políticos que en aquel tiempo. La anécdota fue, que al frente de la mini-manifestación iba un ‘gaiteru’ poco entendido en himnos revolucionarios. El buen aldeano astur, músico de romería campestre, contratado por los socialistas, ‘ejecutó’, como pudo, la Internacional; arremetió con la ‘Marsellesa’ y al llegar frente al Ayuntamiento, decidido a lucirse sopló en el ‘punteru’, abultando bien los carrillos, apretó el fuelle entre el brazo y el costado, y lanzó al espacio, ante el asombro de los socialistas y nuestro regocijo, la notas de la ‘marcha real’…”. No tocante a Barreiro, dirixente del PSOE nel exiliu, ésti también escribía col aquél de la celebración del 1º mayu los sos recuerdos n’El Socialista del 1º mayu del 1949: “Ya de bien niño iba yo a las manifestaciones del Primero de Mayo como quien va a una romería, a una fiesta grande. Era para mí una obligación, pues no habiendo confesado ni comulgado, ir a las manifestaciones del Primero de Mayo entraba entre las obligaciones morales que trascendían de mi actitud irreverente para con la Iglesia.