COXGA
dedicación exclusiva á empresa, dende ese momento deixaron de existir os domingos e o tempo libre... de feito a familia optou por vir visitarnos ás tendas; sabían que andaríamos por alí! A decoración tamén é importante nunha tenda. Como fas para estar ao día das últimas tendencias? Viaxas a feiras profesionais? Con respecto á decoración, vai influenciada por suposto pola campaña que toque, pero sempre me gusta darlle un toque persoal con algo que saia do de sempre. Viaxo canto podo, a verdade! Inda que para isto non é necesario pois se abres a mente un pouco tés ideas moi cerca. Internet debe ser unha ferramenta de traballo indispensable no teu día a día. Imaxinas un día nunha tenda sen conexión? É inviable para nós traballar sen Internet, temos moi integrada a tecnoloxía
no noso día a día, entre as tendas sempre ten que haber transferencia de datos, e se por casualidade falla iso parece que non sabemos como traballar. Utilizamos moito as redes sociais como imaxe ao exterior. Para que nunha xoiaría estea todo en orde, cos vosos parámetros de calidade, desde a presentación ao empaquetado que se leva o cliente, como organizades a formación das persoas que atenden o público? Pois a verdade é que sobre a marcha, cada incorporación de persoal implica como mínimo uns días con esa persoa para que se adapte, coñeza como quero que se traballe, a imaxe que quero que se transmita, e a maneira de facer todo. É tempo que paso con ela para que me faga as preguntas que queira. Aparte de transmitir imaxe, tamén fabricamos os nosos deseños e facemos pezas personalizadas aos nosos clientes.
De feito, fabricamos a Estrela de Compostela, unha peza especial de Santiago para o mundo. As “atempiñas” están todas formadas para atender igualmente este tipo de propostas. Desexas aproveitar esta entrevista para enviar algún consello aos profesionais que nos están lendo? Pois a verdade é que non son quen para dar consellos, simplemente que vivan o que fan! que gocen do seu traballo, que o vexan como algo que implica superación diaria. Polo menos a min iso motívame a levantarme todos os días!!
COLEXIO OFICIAL DE XOIARÍA
www.coxga.es
11