SECCIÓN DE COMUNICACIÓN
recepción e emisión, e non esquezamos que a capacidade de producción e de emisión son fundamentais para poder establece-las diferencias entre comunidades máis ou menos orientadas cara ó novo modelo social. Neste senso, un dato para a reflexión é o que apunta Netvalue1 no seu informe de decembro de 2001. Nel dise que só un 21% dos fogares españois están conectados a Internet, o que supón 2.701.000 fogares en toda España. Outro dos estudios de referencia, o de EGM2, fala do concepto de penetración do medio na poboación. Os datos confirman os xa expostos de Netvalue, xa que falan dunha penetración en España do 20,4%, namentres que se atendemos ós datos específicos de Galicia observamos que a penetración é do 14,6%, a antepenúltima do estado, seguida soamente de Estremadura e Castela-A Mancha. Aínda así, é importante analiza-la evolución dos últimos anos, onde Galicia vai escalando pouco a pouco postos neste ranking. Porcentaxe de penetración de Internet en Galicia Ano 1999
Ano 2000
Ano 2001
4,4%
8,2%
14,6%
Fonte: EGM 2001
A tecnoloxía permite varios modelos de conectividade que varían fundamentalmente pola capacidade de transmisión de datos. Polo tanto, estamos a falar do xa tradicional par de cobre, que non é máis que a conexión tradicional telefónica que posúe a maior parte dos fogares en España e por suposto en Galicia (un 95,5% segundo EGM)3, e que é o soporte básico para un dos modelos de acceso que revolucionou o mercado e os servicios das telecomunicacións no ano 2001: a ADSL. Tanto é así que en menos de seis meses, case o 7% dos fogares españois (89.000 fogares) teñen xa acceso a través da ADSL a Internet. O salto queda patente nos datos de EGM. [1] http://es.netvalue.com [2] Marco General de los medios en España 2002. http://www.aimc.es. [3] Marco General de los medios en España 2002. http://www.aimc.es.
116