SETIEMBRE
Sufraxistes y derechos civiles
De 0 a 3 años
TEATRU DE TÍTERES CON SEPTIMA CLARK.
Utilizando un teatru de títeres represéntase con diferentes marionetes el cuentu “Soy de color miel”. https://www.youtube.com/watch?v=-hZzDrSjf6Q
De 3 a 6 años
SEPTIMA CLARK CUÉNTANOS UN CUENTU
Nesta actividá, el profesoráu manda una carta a la clase faciéndose pasar por Septi ma Clark, esplicando que van recibir por sorpresa la so visita pa falá-yos de dalgo mui importante. La maes tra o el maestru va mazcarase de Septima y va visitar l’aula faciendo una dramatización esplicando la so vida, el so compromisu y la so llucha pola igualdá real.
Depués de la representación, cuenta’l cuentu Color Carne, sobre’l respetu a les diferencies por cuestión racial. L’alumnáu va facer dibuxos sobre’l cuentu que se van poner depués nun mural nel que s’espeyen los derechos de toles persones anque tengan diferentes tonos de piel.
De 6 a 9 años
LA HESTORIA DE CLARA CAMPOAMOR Y EL SUFRAXU FEMENÍN. Vamos poner un videu sobre Clara Campoamor, sobre la so vida y el so trabayu. https://www.youtube.com/watch?v=jM-eWamEu_0 De siguío vamos pregunta-yos:
· ¿Sabéis lo que consiguió Clara Campoamor?
· ¿Paezvos xusto que puedan votar homes y muyeres?
· Si agora escoyéramos a la persona encargada de la clase, ¿gustaríavos poder votar toos y toes?
· ¿Cómo creéis que se sentíen les muyeres a les que nun dexaben votar? P’acabar, vamos facer un dominó onde apaeza la imaxe de delles muyeres influyentes reconocíes na so llucha polos derechos civiles, según los sos nomes.
De 9 a 12 años
¿QUIEN FOI CLARA CAMPOAMOR?
En grupos de 3 o 4 buscar información sobre delles muyeres pioneres na llucha de los derechos de les muyeres, en concreto: - Clara Campoamor - Charlotte Despard - Mary RichardsonSusan B Anthony - Emily Pantkhurst - Elizabeth Caby Stunbon -
Depués, cada grupu presenta al restu del alumnáu la información que recoyó.
De 12 a 15 años
Vemos la película: “Clara Campoamor. La mujer olvidada.” https://www.rtve.es/television/clara-campoamor-la-mujer-olvidada/ En viendo la película, pídese al alumnáu qu’investigue sobre los acontecimientos hestóricos qu’apaecen sobre la relevancia de la figura de Clara Campoamor na llucha feminista del nuestru país.
Responder a les siguientes entrugues:
- ¿Crees que se producieron meyores bastantes nos derechos de la muyer o puede avanzase más?
- ¿Sabes si na actualidá entá existen países nos que les muyeres nun pueden exercer el derechu al votu o tienen dificultaes pa ello? ¿A qué crees que se debe?
Producción en grupos d’una infografía, podcast, cómic, videu o un curtiu feminista que recueya la hestoria del movimientu sufraxista y de les muyeres relevantes del mesmu. Recuéyense los recursos ellaboraos y pónense a disposición de tol alumnáu.
https://carlosgeohistoria.weebly.com/uploads/2/0/9/5/20958618/actividades_clara_campoamor.pdf
De 15 a 18 años
LA LLIBERTÁ APRIÉNDESE EXERCIÉNDOLA
En grupos, analizar fragmentos del Discursu de Clara Campoamor nes Cortes (1931)
TESTU:https://pages.uv.es/formargenero/cas/otros_recursos/clara_campoamor.pdf
VÍDEU:https://www.youtube.com/watch?v=5uwdtpRL2Pg
Facer un role playing escenificando’l momentu nel que da’l so discursu nes Cortes. Depués y habiendo analizao’l testu, establecer un debate sobre les sos idees y la so firme defensa del votu femenín.
¿Ye cierto que la llibertá s’apriende exerciéndola?
Señala situaciones y momentos nos que nel so día a día una muyer respuende a esta pregunta
Persones adultes
“NUN QUEREMOS FRANCER LES LLEIS, QUEREMOS
REDACTALES Y REFRENDALES”
La trayectoria d’Emmeline Pankhurst ye interesante y complexa. ¿Conoces el VIENRES NEGRU nel Parlamentu británicu? Investiga sobre esti fechu na so biografía.
https://historia.nationalgeographic.com.es/a/ sufragistas-martires-que-murieron-porvoto-femenino_23254
En lleendo esti artículu, comentar y debatir los episodios de violencia que sufrieron les sufraxistes y la necesidá o non de dar una respuesta más agresiva a la so situación.
Emmeline Pankhurst
OCHOBRE Polítiques y derechos llaborales
De 0 a 3 años
CUNTACUENTOS Y ESPRESIÓN PLÁSTICA - “ROSA CARAMELO”
Crear un requexín de llectura con imáxenes de muyeres líderes y materiales plásticos como pinceles, ceres y cartulines.
Llectura dramatizada de Rosa Carambelu de Adela Turin, utilizando marionetes o dibuxos pa facelu más entreteníu, con preguntes como “¿por qué toes yeren de color rosa?” o “¿cómo se sintió Margarita cuando pudo xugar llibremente?”
Depués, neñes y neños pinten elefantes de colores distintos, simbolizando que nun hai colores nin roles predeterminados, y nomamos les creaciones con axetivos como “valiente”, “decidida”, “lideresa”.
De 3 a 6 años
Cuntamos de manera sencilla la vida de Manuela Carmena: “Foi una xueza que trabayaba pa que la Xusticia fuera más xusta y pa que toes viviéremos meyor”. Podemos usar esta entrevista: https://www.rtve.es/ infantil/noticias/estacion-azul-ninos-cuentosmanuela-carmena/2054477.shtml
Lleer el cuentu “La letra de la risa” onde una de les protagonistas ye una alcaldesa.
Disponemos d’elementos de xuegu simbólicu como pañuelos, chaquetes y gorros pa que les y los neños puedan vistise como persones con cargos políticos, y etiquetes con nomes de cargos.
Dexamos qu’escueyan un rol y representen situaciones como “ttomar decisiones nel conceyu”, “facer lleis bones” o “defender los derechos de les persones trabayadores”. Finalmente, convidamos a un diálogu onde compartan cómo se sintieron nos roles representaos, con entrugues como: “¿Cómo te sentisti siendo alcaldesa?” “¿Qué dibes cambiar si gobernares?”
De 6 a 9 años
(La Pasionaria), Eva Perón y Clara Campoamor, utilizando un llinguaxe sencillu y adaptáu a la edá.
Cada grupu escueye una muyer lluchadora de les efemérides d’esti calendariu y ellabora un pequenu cómic que represente un momentu clave de la so vida.
Los cómics van esponese nel centru y pueden formar parte d’un calendariu feminista ilustráu ellaboráu pol aula.
De 12 a 15 años
CORTIU DOCUMENTAL - “MUJERES QUE HICIERON POLÍTICA”
Conversación introductoria sobre’l papel de la muyer na hestoria de la política (a quién conocen, cuálos son los referentes más nomaos nos llibros y por qué munches veces nun se fala de les muyeres).
Visualizamos el documental “Las Constituyentes”: https://youtu.be/XRWglPMiq_o?si=f-MCm9HpL_1sH70z En grupos realicen un guion de curtiu documental sobre una muyer referente y graben el documental. Rematamos cola proyección de los curtios nel centru y un coloquiu onde se cavilga sobro lo aprendío, comparando a les muyeres estudiaes, los sos contestos y les meyores o retrocesos nos sos derechos.
De 15 a 18 años
“LA VOZ DE LES INVISIBILIZAES”
Vemos el documental “Objetivo Igualdad - Programa 6: Mujer y política”. Mostramos exemplos de podcasts feministes o fragmentos de discursos de muyeres como La Pasionaria, Carmena, Emma Goldman, Rigoberta Menchú o Eva Perón, analizando el so impactu social y políticu:
En grupos investiguen a muyeres activistes, polítiques o sindicalistes como (Dolores Ibárruri, Eva Perón o Clara Campoamor), pa lo que pueden usar los Calendarios de Mujeres de la Organización de Muyeres de la CI y tamién el llibru “Las chicas son guerreras: 26 rebeldes que cambiaron el mundo”. Irene Cívico, Sergio Parra. Ed. Montena. Cada grupu diseña unu caxellu del xuegu de la oca qu’incluya una semeya, el nome y un fechu importante de la muyer. Montamos un tableru común y xugamos al Xuegu de la Oca Feminista, onde al cayer nun caxellu, lleen en voz alta los fechos rellacionaos con cada muyer. Realizamos una puesta de mancomún y preguntes como: “¿Qué aprendisti sobre estes muyeres?” “¿Qué fixeron p’ameyorar el mundu?”
De 9 a 12 años
L’alumnáu escueye una muyer histórica relevante y prepara una entrevista ficticia con ella, onde una estudiante interpreta a la muyer y otres persones faen entrugues. Grabamos la entrevista y editamos los audios con ferramientes como Audacity o otres plataformes dixitales d’edición. Los podcasts compártense nel aula pa sintilos y analízalos.
Persones adultes
“HEROÍNES DE LA POLÍTICA Y DEL SINDICALISMU”
Proyectamos imáxenes y datos básicos sobre Dolores Ibárruri
“MUYERES EN RESISTENCIA: FEMINISMU, POLÍTICA Y SIN DICALISMU FRENTE AL AVANCE DE LA ULTRADERECHA” presentación d’una escoyeta de titulares publi caos nos últimos meses, tocántenes a dellos ámbitos nos que la ultraderecha ta exerciendo retrocesos y discursos d’odiu: Formar grupos qu’analicen qué sensaciones y idees-yos provoca cada noticia. Debátense les con clusiones y trabayen nel diseñu d’una campaña de visibilización col oxetivu de confrontar el discursu de la ultraderecha y poner en valor el papel de les muyeres como axentes de cambiu social.
PAYARES
Periodistes
De 0 a 3 años
1. “XUGAMOS A CUNTAR LO QUE VEMOS”
N’asamblea, enséñase una imaxe (por casu, d’una reportera con micrófonu). Convídase-yos a cuntar lo que ven. La educadora introduz de forma cenciella la figura de “una señora que cunta hestories na tele y ayuda a la xente”.
Materiales: Fotografíes de periodistes (adaptaes visualmente).
2. “PERIODISTES EN MINIATURA”
Xuegu llibre con micrófonos de xuguete, cámares, blocs. Anímase al alumnáu a entrevistar a moñeques o compañeros y compañeres. Mensaxe clave: “Tu tamién puedes cuntar coses importantes”.
De 3 a 6 años
1. “¿QUIÉN NOS CUENTA’L MUNDU?”
Llectura d’un cuentu adaptáu sobre Rosa María Calaf o Khadija Amín. Depués, conversación guiada sobre qué faen les periodistes. Materiales: Cuentu o videu curtiu adaptáu.
2. “LA NUESTRA RADIO DE LA ESCUELA”
Organízase una “emisora de radio” en clase. Cada neñu o neña cuenta dalgo del día. Túrnense roles: locutora, técnica, entrevistadora.
Reflexón: “¿Por qué ye importante que toos y toes podamos falar?”
De 6 a 9 años
1. “REPORTERES VALIENTES”
Ficha ilustrada sobre Fátima Hassaouna o Khadija Amín. Coméntense los riesgos qu’asumieron pa defender la llibertá. Fáese un mural de “reporteres valientes”. Productu final: Mural colectivu.
2. “ENTREVISTES POLA IGUALDÁ” Preparen entrugues y entrevisten a una muyer referente de la so vida. (Madre, profesora, vecina). Graben o escriben la Vínculu con valores: respetu, escucha, voz de les muyeres. De 9 a 12 años
1. “NOTICIERU FEMINISTA” Preséntense distintos titulares. L’alumnáu detecta si hai sesgos de xéneru. Depués, redacten un “noticiario alternativu” con voz inclusiva.
Inspiración: Rosa María Calaf y el so compromisu cola verdá.
2. “CARTES DENDE L’EXILIU: KHADIJA AMÍN”
Escritura empática d’una carta imaxinaria a Khadija Amín, como si fueren les sos amistaes d’otru país.
Valores: empatía, llibertá d’espresión..
De 12 a 15 años
1. “CARES DE LA VERDÁ”
Investigación en grupu sobre periodistes activistes. Créase una galería de biografíes (tipu Instagram educativu o mural).
Reflexón: ¿Qué torgues enfrentaron? ¿Qué les fai referentes?
2. “DESMONTANDO TITULARES”
Oxetivu: identificar llinguaxe sexista nos medios.
Actividá: analís críticu de noticies reales con sesgu machista. Reescritura con llinguaxe igualitariu y xustu.
P’acabar: alderique sobre cómo la prensa inflúi no que pensamos.
De 15 a 18 años
1. “PERIODISMU Y ACTIVISMU: ¿NEUTRALIDÁ O COMPROMISU?” Oxetivu: analizar el papel del periodismu comprometíu.
Actividá: vense entrevistes documentales de Rosa M. Calaf, Fátima Hassaouna y Khadija Amín. Debate sobre si ye posible ser oxetiva defendiendo derechos.
P’acabar: ensayu o podcast individual.
2. “CREADORES DE MEDIOS ALTERNATIVOS”
Oxetivu: fomentar la participación social y l’activismu mediáticu.
Actividá: crear un microproyecto de mediu de comunicación feminista (blogue, podcast, canal). Ha tener una sección de muyeres activistes.
Inspiración: tomar como referente a les muyeres del calendariu.
Persones adultes
TALLER PRÁCTICU: DESMONTANDO’L DISCURSU MEDIÁTICU
Analícense titulares y portaes reales de medios informativos: escuéyense noticies que refuercen estereotipos de xéneru, tapezan la voz femenina o traten de forma sensacionalista a muyeres periodistes.
Debate en grupos: ¿Qué se invisibiliza? ¿Cómo pue narrase d’otra manera?
Reescritura colectiva: cada grupu reescribe titulares o fragmentos aplicando un enfoque coeducativo y non sexista.
Reflexón final: ¿Qué rol podemos xugar como ciudadanía activa?
AVIENTU Youtubers y influencers
De 0 a 3 años
FORO CUENTU
1. Preguntar al alumnáu cómo ven a la so familia: ¿Cuánta xente son? ¿Quién forma parte? ¿Comparten una traza asemeyada? Puede falase de los oríxenes familiares del grupu y de les families diverses.
2. Invéntase un cuentu y a partir del mesmu establezse un diálogu sobre cómo toles persones formamos parte de la mesma familia, sobre les rellaciones de parentescu.
De 3 a 6 años
Ponémonos en círculu coles sielles y la persona qu’imparte la clase realiza les siguientes entrugues que tienen de responder pidiendo’l turnu de palabra:
-¿Quién ye una persona youtuber? ¿A qué se dedica?
-¿Quién ye una persona influencer? ¿A qué se dedica?
-Nun hipotéticu casu de que daquién del alumáu decida dedicase a una d’estes dos actividaes, ¿de qué diben falar? ¿Qué temes-yos interesen a estes edaes?
El o la docente va facer una reflexón sobre les redes sociales y el poder decidir con criteriu a qué influencer o youtuber han de siguir.
De 6 a 9 años
Depués de ver un videu de youtube de Clara Alcolado, proponemos al alumnáu dos opciones:
Ver un videu de “Mancha Ciencia”:
a) Dellos grupos van realizar un vídeu de Tik Tok destacando los aspectos qu’amuesen la desigualdá de xéneru na protagonista y el so mundo.
b) Entrevista a los tos compañeros y compañeros, fai un videu y cuélgalu nel Facebook de la to escuela.
c) Investigar sobre la trayectoria de Clara Alcolado.
De 9 a 12 años
MALALA YOUSAFZAI
• Llectura guiada sobre Malala.
• Asamblea escolar: “¿Qué nos prestaría cambiar na escuela?”
• Carteles de campaña pol derechu a aprender.
De 12 a 15 años
CAMBIEMOS EL MUNDU EN REDE ADRIANA BOHO + CLIMABAR
• Análisis de publicaciones d’influencers activistes. Como exemplu analizamos: https://www.youtube.com/c/CLIMABAR
• Creación d’una campaña en redes (de la escuela) sobre una causa escoyida: el cambiu climáticu o l’ODS que se tea trabayando nel centru.
• Eco-reto: compromisos sostenibles por aula. Creación d’un decálogu ente tol grupu.
De 15 a 18 años
ACTIVA LA TO VOZ
1. Como primer actividá, presentar a Malala Yousafzai. Pidir al alumnáu que busque información sobre ella y ellaborar un canva colo más importante.
2. Cada estudiante va escribir una carta a Malala, como si fuere una amiga. Esta carta puede ser anónima o non, lo que prefieran.
De forma voluntaria, lléense delles cartes, coméntense y plantéase una cuestión final: “¿Qué papel xugamos cada persona na igualdá o en caltener estes discriminaciones?”. Terminar con ronda de conclusiones y idea clave.
Persones adultes
‘’CLUB DE MALASMADRES”, LAURA BAENA https://clubdemalasmadres.com/
• Ver el testimoniu “Club de Malasmadres”, Laura Baena.
• Depués de ver y analizar el testimo niu, facemos esta pregunta: ¿Cómo se planteen los roles de xéneru nel mundu llaboral? ¿Qué reivindica (dende la perspectiva llaboral, emocional y feminista)?
• Crear debate sobre roles de xéneru, la conciliación, … qué plantea con Yo nun arrenuncio
Laura Baena
