Page 20

‫ژمار ‌ه (‪ )٤٣٧‬دووشه‌مم ‌ه ‪201٤/١٢/٢٢‬‬

‫«««‬

‫‪8‬‬

‫بەفرت لە دڵم دەبارێ‬ ‫هۆن هۆن غەمتم لەبەر دەڕوا‪!...‬‬

‫چون میروی بی من مرو‬ ‫ای جان جان بی تن مرو‬

‫مەوالنا‬

‫بۆ ئازاد سوبحی‬

‫دالوەر قەرەداغی‬

‫دەشێ ڕۆیشتبیت‬ ‫بەاڵم سوێند دەخۆم‪:‬‬ ‫هەر لەم کۆاڵنی دڵەدایت‬ ‫کاتێ بانگت دەکەم‪:‬‬ ‫چۆلەکەیەک‪ ...‬دوان‪ ...‬سیان‬ ‫چوار و پێنج‬ ‫وەک پیتی مۆسیقا بە ئاسمانەوە‬ ‫دەنیشنەوە‪،‬‬ ‫دڵنیام‪ ...‬هەرچییەک بووە و نەبووە‪،‬‬ ‫هیچ نەبووە‬ ‫جگە لە وردە بەدحاڵیبوونێک لە ئێمە و‬ ‫لە سووکە عاجزییەک لە دونیا‬ ‫بەاڵم لەگەڵ ئەوەشدا‪ ...‬دڵنیام‬ ‫هەر بە ڕاستی شتێکی ترسناک بووە‪،‬‬ ‫شتێک وەک ئەوەی‪:‬‬ ‫زریانێک لە ڕۆحما هەڵیکردووە‬ ‫هۆن هۆن غەمم لەبەر دەڕوا و‬ ‫دڵم درزێکی تری بردووە!‬

‫ڕاستە ڕۆیشتوویت‬ ‫بەاڵم بە ئەقڵی کەسدا ناچێ‬ ‫تۆ لە ماڵ نەبی‬ ‫چما ئاخر دەکرێ‬ ‫قەاڵی دمدمی تەنیایی و‬ ‫قوولەی قافی گۆشەگیرییمان چۆڵ بێ و‬ ‫لە ماڵ نەبی؟‬ ‫تۆ پێویستە هەر لێرە بیت‪ ...‬لە ماڵ بیت‪.‬‬ ‫لەم دەوروبەرە بیت و‬ ‫نزیکمان بیت‬ ‫تۆ پێویستە هەبیت‪،‬‬ ‫تا کە ون بووین ئاگات لێمان بێ‪،‬‬ ‫تا کە مردین بە دیارمانەوە بیت‬ ‫تۆ پێویستە لێرە بیت‬ ‫تا ڕوومان بێت تەنیا بین‪،‬‬ ‫تا شەرم نەکەین‬ ‫هەم کورد بین و هەم شاعیر بین‬ ‫تۆ گرنگە هەم کورد بیت و هەم هەبیت‬ ‫تا بوێرین بنووسین‬ ‫تا دەرەقەت بێین بژین‬ ‫تا جورئەت بکەین هەناسە بدەین‬ ‫تۆ دەبێ هەبیت و شاعیر بیت و کورد بیت‬ ‫تا شەرم نەکەین کورد بین و شاعیر بین‬ ‫تا ڕوومان بێت هەبین‬ ‫تا بتوانین بێدەنگ بین‬

‫دەشێ ڕۆیشتبیت‬ ‫بەاڵم دڵنیام هەر لەم دەوروبەری‬ ‫فولکەی یاقووتەدایت‬ ‫بە بێ ئەوەی سۆراغت لە هیچکەس بکەم‬ ‫گمەگم‪ ...‬لە پێچی کۆاڵنی کۆتر‬ ‫ورشە ورش‬ ‫لە سەری شەقامی مەرجاندا‬ ‫دەتدۆزمەوە‬ ‫وەک دوو منداڵی پاکوخاوێن‬ ‫کە دەستی یەکدییان گرتبێ و‬ ‫شاعیر‪ ...‬شاعیر‬ ‫بەرەو ماڵەوە بێنەوە‪،‬‬ ‫ئێمەیش‬ ‫وەک دوو شاعیر کە دڵیان ترسناکانە‬ ‫خۆش بێ و‬ ‫هەریەکەیان الیەکی جانتایەکیان‬ ‫هەڵگرتبێ‪،‬‬ ‫منداڵ‪ ...‬منداڵ‬ ‫لە سەفەر دێێنەوە‬ ‫دەشێ ڕۆیشتبیت‪،‬‬ ‫بەاڵم سوور دەزانم‬ ‫هەر لە نێو ئەم قافڵەی عەترسازانەدای‬ ‫بەو بۆنی بۆیەی پاستیلەدا دەزانم‬ ‫کە شیعری جوانی بیر دەخستینەوە‬ ‫بە بۆشێی بنباڵی پەرەسێلکە‬ ‫بە هەتاودا دەزانم کە گەرم و ڕووناکی‬ ‫دەکردینەوە‬ ‫بە سێبەر و تەیر و لم‪،‬‬ ‫بەو سمۆرە دڵخۆشەدا دەزانم‬ ‫کە بەیانیان زوو‬ ‫وەک خەیاڵێکی بزێوی ناو شیعرێکی تازە‬ ‫نووسراو‬ ‫بە بەردەمماندا فرتەی دەکرد و‬ ‫چیدی نەماندەبینییەوە‬ ‫ڕاستە‪ ....‬ڕۆیشتوویت‬ ‫بەاڵم دڵت نایەت زۆر دوور بکەویتەوە‬ ‫دڵت نایەت ئەوەندە دوور بکەویتەوە‬ ‫کە دەنگت پێمان نەگا و‬ ‫کاتێ دەستمان بۆ ڕادەوەشێنیت‬

‫نەتبینین‬ ‫تۆ دەبێ هەر هێندە‪ ...‬تا دەرگەی حەوشە‬ ‫لە سوعاد دوور بیت‪،‬‬ ‫کە وەک منداڵێکی بچووک ئاگای لێت بێ‬ ‫کاتێ لە باخەکەدا‬ ‫‹›یاری بە گەاڵ کۆنەکان دەکەیت و‬ ‫چۆلەکەکان لەسەر پشتت خۆیان دەشۆن››‪،‬‬ ‫بتبینێ و لە بەر خۆیەوە بڵێ‪:‬‬ ‫ئای خۆ ئەم ئازادەم‪،‬‬ ‫کە ناسیم‬ ‫تەمەنی هەر حەوت هەشت بارانێک دەبوو‬ ‫ئێستاش دوای ئەو هەموو زریان و وەیشوومەیە‬ ‫یەک دەنکە گەنم گەورە نەبووە و‬ ‫هەر منداڵە نوقڵە ترش و شیرینەکەیە!‬

‫هیچ کوێت بە دوادا ناگەڕێم‬ ‫نە کۆاڵنی کۆتر‪،‬‬ ‫نە جادەی مەرجان و‬ ‫نە قەیسەری ئەڵماسفرۆشان‬ ‫چاو دەنووقێنم و سوێند دەخۆم‬ ‫هەر لێرە‪...‬‬ ‫لەم گوزەرەی دڵ‬ ‫لەم دەوروبەرەی باغی هەناسە‪،‬‬ ‫لەم سەرسووچی کۆاڵنی تەنیاییەدای‬ ‫هێند نزیک‪...‬‬ ‫کە بە چاوانێکی نووقاویشەوە‬ ‫بنۆڕم‪ ...‬دەتبینم‬ ‫هێند نزیک‪ ...‬کە گوێش هەڵنەخەم‬ ‫تەپەی دڵت لە ناو دڵمدا‪،‬‬ ‫دەبیستم!‬ ‫ئای‪ ...‬هەیهات‪ ...‬وا نییە‬ ‫هەر بە ڕاستیی‪ ...‬وا نییە‬ ‫دڵنیام‪ ...‬شتێکی ترسناک بووە‪،‬‬ ‫شتێک وەک ئەوەی‪:‬‬ ‫بەفرت تا نێوقەد‬ ‫لە ڕۆحما باریوە‬ ‫هۆن هۆن غەمتم لەبەر دەڕوا و‬ ‫دڵم درزێکی تری بردووە!‬ ‫دیسەمبەری ‪٢٠١٤‬‬

‫‪www.chawdernews.com‬‬

496