o currículo concretado a nivel de centro ás características de cada grupo de alumnos
e
alumnas.
Esta
concreción
recóllese
nas
programacións
didácticas. A programación é, polo tanto, o proceso de elaboración dun plano, un proxecto ou bosquexo que, partindo do disposto pola Administración e polo centro educativo, adapta os aspectos prescriptivos establecidos por estes, ao alumnado dun determinado nivel educativo. A programación didáctica que presentamos, desenvólvese nas áreas de matemáticas, coñecemento do medio, lingua galega, lingua castelá e educación artística (plástica) que se corresponden coas materias que impartirei durante o curso 2012/2013 no grupo de 2º de Educación Primaria no CEIP Mar de Fóra de Fisterra.
2.- CONTEXTUALIZACIÓN. 2.1.- Situación xeográfica e social do concello no que se ubica o centro. Dende o punto de vista xeográfico, o centro educativo no que se encadra esta programación, localízase nunha zona costeira da provincia coruñesa. O concello está integrado nunha ampla comarca formada por unha serie de municipios caracterizados pola paisaxe típica de costa. O número de habitantes de Fisterra é de 5. 042 e está formado por catro parroquias: San Martiño de Duio, San Vicente de Duio, Nosa Señora das Areas de Fisterra e San Xoán de Sardiñeiro. As actividades económicas predominantes desenvólvense no sector primario e o sector terciario. A pesca predominante é de baixura e, como consecuencia da