Page 356

(OJOS DE HORMIGA) BEENKO ENUURU Beenko enuuru’ta evai’rü au’ruüan seneeda mieerükon eeneerü´dako, dünuuru chü’muema, kunu’wano penaatonokon, penaaroro aññarükon ni’shürüsanko mooroma. Beenko enuuru’ta, montoonoro waponaka penaatonokon aarüanko setaae, tamüsanokon nuuputürükon areemisha vekajkatoto. Beenko enuuru’ta, seneeda otüwaara pe’cho, tunna bo’kapürü setaae piñño shiñarükon e’tü. Beenko enuuru’ta, vooneda püürüpampa’me, vuoneda’iro vuo’müto’me kaman’topo’va ki’viññono’va dünuru kunu’tasa tü’seno shoporoo’nopo

Beenko enuuru’ta, ruone penaarü taaka tuntai, i’yokejyeke kamukamuru’muaro ADN.ta, Kajsakarü’konmuaro. Beenko enuuru’ta, ko’i vuomepa’seva ye’ipioropoko, puutü’seva asevarooro, tamaamiñente’va viaya’torü’muaro. Beenko enuuru’ta, noonorejta ye’ipioro vaatono keneemañña keneepo’pooda taman’topo. Beenko enuuru’ta, montooma ye’ipioro tarirunyamo nuuro va’chonon, I’ñña veedu takoonon konmuaro monto’ma i’chaññe poonto, vone’tooto enuuruta oonepün kononeda.

Antología 4to FMP 2007  
Advertisement