Page 1

VOL. II NO.2 Email: pag-ulikid.gov@yahoo.com THE OFFICIAL NEWSLETTER OF THE PROVINCIAL GOVERNMENT OF CAPIZ

SEPTEMBER 2009

Nakaagum ang 23,172 ka kubos nga pumoluyo sang libre nga “PhilHealth card,” programa sa ikaayong lawas sang gobierno probinsyal sa pagpamuno ni Gov. Victor A. Tanco para sa benipisyo sang tawo.

Ang nasambit nga programa ang kabahin sang “5-point Development Agenda—Healthy Capizeños” ni Governor Tanco, sa diin guinpakamaayo sang Gobernador nga mangin propesyonal ang nasambit nga programa sa pagdumala sang Provincial Legal Office sa pagpamuno ni Atty. Jose Villanueva. Suno kay Gov. Tanco,“ nagapati ako, ang mapagros nga tawo mangin produktibo sa komunidad.” “ A n g ikaayong lawas isa ka manggad nga dapat naton hatagan sang pag-ulikid kasubong sang pagpalangga sa aton pamilya,” dugang nga pahayag sang Gobernador. Ang mga kubos sundan sa pahina 3 / IKAAYONG LAWAS...

Pag-ulikid sa

IKAAYONG LAWAS

Libro ni Jovita Fuentes guinlunsar sa Capiz

Guinpasalamatan ni Peter Solis Nery (tu-o) ang suporta ni Gov. Victor A. Tanco (Kuha ni AAlarcon/CPPB)

Suportado ni Gov. Victor A. Tanco ang paglunsar sa libro sang “Capizeña artist” nga si Jovita Fuentes nga may tigulo “The Passion of Jovita Fuentes” sadtong Septyembre 13 sa Hall of Governors sang Kapitolyo Probinsyal. Ang nasambit nga libro sang guinakabig nga “operatic singer, Filipino Diva kag iban pa nga pagkilala kay Jovita Fuentes,” ang guinsulat sang lagting nga si Peter Solis Nery agud labi nga malaragway ang kabuhi sang

CMYK

CMYK

Capizeña nga halos guinkilala sa bug-os nga kalibutan ilabi na gid sa Europa bangud sa iya bulawanon nga tingog nga nagbihag sang palamatin-an sang tawo. Suno kay Gov. Tanco, “nagakadapat lamang nga hatagan sang pagkilala ang isa ka Capiznon kasubong ni Jovita Fuentes nga naghatag sang kadungganan sa probinsya sang Capiz sa patag sang musika.” Si Jovita ang anak sang magti-ayon nga sanday Don Canuto Fuentes kag Doña Dolores Fuentes sadtong Pebrero 15, 1895 sa Capiz (karon Roxas City) Capiz. Suno sa masaligan nga tiliman-an nagsugod ang pagkilala kay Jovita bilang manug-amba sang sia magpadulong sa luwas sang pungsod sadtong Pebrero 1942 sa diin nagtuon sia sang kurso sa sundan sa pahina 7 / LIBRO NI JOVITA...

ni RAMON ATINON kag ROXAN DICHOSA

‘Mangin tampad sa pagserbisyo’-Gov. Tanco ni Jonathan palomar

Guinpangunahan ni Gov. Tanco ang paglunsar sang “Citizens Charter” sa Capiz. Suportado naman sang mga Dept Heads nga nanday (gikan sa wala) Atty. Arcenas (Accounting), Mrs. Aragon (HRMO), Atty. Villanueva (Prov’l Legal Counsel), Engr. Agana (PEO), Mr. Asis (PPDO) kag Dr. Loretizo (Bailan Dist. Hosp.) (Kuha ni JPalomar/CPPB)

Madinalag-on ang “unveiling” sang “Citizens Charter” matapos nga ini guinlunsar sang gobierno probinsyal sa pagpanguna ni Gov. Victor A. Tanco sa Hall of Governors, Kapitolyo Probinsyal sadtong Septyembre 29 . Ang “Citizens Charter” ukon mas kilala nga “Anti-Red Tape Act of 2007” sandig sa Akta Republika 9485, ang guinabug-osan sang Civil Service Commission, Office of the Ombudsman, Presidential Anti-Graft Commission kag Development Academy of the Philippines. Ang nasambit nga mga ahensya ang nagapanguna sa kampanya agud labi nga mapasangkad ang pagdulong sang serbisyo nga ma-ibanan ang

pagpangawat kag korupsyon sa mga talatapan sang gobierno. Ini nga mga ahensya bug-os nga nagasuporta sang nagligad nga mga binulan sa pag-implementar sang layi sa mga talatapan. Suno sa mensahe ni Gov. Tanco, “isa ini ka pamaagi sa pagpahibalo sa publiko nga kinahanglan mangin tampad kita sa paghatag sang serbisyo.” Si Atty. Jose Villanueva, Provincial Legal Officer sang Capiz ang nangin tagpasumpa sang “Pledge of Commitment” sa mga empleyado sang gobierno probinsyal sa diin nagapromisa nga handa magpalab-ot sang serbisyo sa tawo. sundan sa pahina 6 / MANGIN TAMPAD...

CYAN MAGENTA YELLOW BLACK

CAPITOL-Pag-ulikid / 

C M Y K C M Y K

Pag-ulikid Newsletter - September 2009  

The Official Newsletter of the Provincial Government of Capiz

Read more
Read more
Similar to
Popular now
Just for you