Page 1

Boto crioyo Byron G.  Boekhoudt   5  di  mei  2014  

Colony 1999

Oranjestad 1999


Boto Crioyo,  parti  1,  Sanicolas   6  di  mei  2014      

Dedica na  tur  piscado  cu  ta  mantene  na  e   tradicion,  pa  e  tenacidad  y  pasion.  Ta  den   boso  sanger  e  ta.  Sigui  dilanti...  

2  


Byron G.  Boekhoudt   6  di  mei  2014    

3


Boto Crioyo,  parti  1,  Sanicolas   6  di  mei  2014      

Un  idea  por  keda  hopi  tempo   cendi,  manera  un  cenisa  di  carbon,  cu   aunke  e  vlam    ya  a  baha  y  e  cora  por   baha,  e  ta  keda  bibo  y  cu  un  poco  aire,  e   ta  cende  atrobe  y  bira  un  candela   grandi.       E  amor  pa  e  botonan  crioyo   tradicional  di  nos  piscadonan,  parti   integral  y  sumamente  colorido,  cu  ta   complementa  y  dorna  nos  industria   turistico,  ta  sali  for  di  profundo   admiracion  pa  e  trabou  di  piscadonan   cu  ta  usa  e  botonan  aki  pa  subi  lama   grandi  dia  aden  dia  afo.  E  solo   pensamento  di  imagina  un  piscado  of   manera  hopi  biaha  tabata  e  caso,  un   famia  di  piscado,  trahando  riba  e  boto   te  sali  pisca  den  e  "casca  di  pinda"  ey   riba  lama  grandi  pa  trece  cuminda  na   mesa,  ta  yena  mi  cu  asombro  y  respet.       E  no  ta  un  simpel  vehiculo  e  ora   pa  bay  lama,  pero  e  ta  un  parti  di  e   piscado,  un  parti  di  e  famia,  balioso   mas  aya  cu  su  simpel  balor  material,   paso  den  dje  bo  fe,  speransa  y  oracion,   pa  trece  bo  sernan  keri  sano  y  salbo   bek  tera.       Cu  e  mester  ta  fuerte,  ta  di  mes.   Ta  hopi  sota  di  ola  e  mester  wanta  y  pa   esnan  cu  a  subi  lama  ora  e  ta  halto  sa   cu  ta  un  bon  bati  botonan  ta  haya.  No   solamente  e  zoyamento  constante  pero   tambe  literalmente  e  bati  di  un  boto,   hisa  door  di  ola  y  baha  di    golpi  riba   awa,  unda  te  asta  e  palonan  ta  yora.  Un   kraakmento  manera  weso  cu  ta   empeña  pa  move  of  wanta  peso  of   movicion  diripente.       Nos  boto  crioyo  tradicional  ta   bayendo  perdi  y  ta  birando  menos  y  

4  


Byron G.  Boekhoudt   6  di  mei  2014     menos.  E  ola  di  modernisacion  y  cu  ta   arazando  mas  y  mas,  cu  e  poder  di   compra  aumentando  y  e  disponibilidad   di  boto  di  fiber  na  prijsnan  mas   economico,  combina  cu  e  bentahanan   di  boto  moderna  pa  loke  ta  velocidad  y   menos  mantencion,  ta  haci  cu  mas   piscado  toch  ta  scohe  hopi  biaha  pa   aleha  toch  di  e  boto  crioyo  tradicional.     E  compilacion  aki  no  ta  un   difinitivo  pero  ta  djis  un  comienso.  Un   experimento  den  materialisa  e  idea.   Publicacion  di  buki  den  pasado  tabata   mucho  mas  complica,  caro  y   intimidante.  Awendia  mundo  digital  ta   haci  esaki  mucho  mas  simpel,  accesibel   y  facil  pa  publica  digitalmente.  E  reto  ta   pa  organisa  e  tantisimo  material   fotografico  hunto,  den  un  forma  cu  ta   cumpli  cu  e  idea,  e  soño  cu  un  tempo   tabata  tin.  Ta  tene  cu  tempo,  ta  mustra   e  cambionan  cu  tempo?  Ta  compara   areanan?  Asina  ey  tin  mas  pregunta  cu   lo  surgi  ainda.  Laga  nos  laga  esaki   como  djis  un  comienso  y  cu  e  por  sigui   crece  cu  mas  ideanan  y  input  di  un  y   tur.     E  compilacion  aki  ta   unicamento  un  "pasada"  na  2012  so  y   no  ta  contene  e  mihor  potretnan  y   sigur  no  tur  e  botonan.  Atrobe  e  ta  djis   un  chispa  esaki  ta,  cu  speransa  cu  e  ta   pone  mi  move  mas  pa  realisa  e   pensamento.         Byron  G.  Boekhoudt,  M.Sc.   5  di  mei  2014   Aruba  

5


Boto Crioyo,  parti  1,  Sanicolas   6  di  mei  2014    

Sanicolas

Tambe  referi  hopi  biaha  como  colony,   funda  door  di  e  nomber  duna  na  e  area   cu  tabata  forma  e  hogar  pa  ehecutivo  y   empleadonan  cu  a  bin  di  Merca  biba  y   traha  na  e  refeneria  Lago.  E  grupo   tabata  bastante  isola  y  casi  por  a   provee  nan  mes  di  tur  cos,  pues  e   palabra  colony,  esta  e  palabra  na  ingles   pa  colonia  di  habitante  den  e  area   recien  conkista,  tabata  apto  den  e   moda  di  pensa  y  e  realidad  di  e  tempo   ey.     Ki  tempo  e  area  ey  a  keda   estableci  como  area  pa  pone  boto   crioyo  di  piscamento,  no  ta  conoci,   pero  fotonan  di  añanan  50  caba  tabata   mustra  botonan  crioyo  di  piscado  na  e   mesun  sitio.    E  punto  aki  lo  ta  un   interesante  topico  pa  investigacion  den   e    documentonan  di  e  refeneria,  cual   por  cierto  tabata  menciona  logronan  di   piscamento  regularmente,  tanto  di   americanonan  e.o.  cu  spearfishing  pero   tambe  di  Arubianonan  cu  piscanan   grandi.     Colony  como  centro  di  pesca,   eigenlijk  ta    referi  na  e  skina  mas   pazuid  y  pariba  di  Rodgers  Bay.  Eynan   e  cantidad  di  botonan  ta  varia  durante   añanan  di  20  te  na  10  boto  ancra  of   mara  na  e  pier  of  piernan.       Akinan  actaulmente  tin  2  pier  di   piscado.  Pazuid  esun  mas  grandi  den   forma  di  L  y  mas  panoord  uno  mas   chikito  y  hancho.  Tambe  tin  un  rampa   pa  baha  boto  pero  cu  no  ta  funciona   optimalmente.  Tin  8  berghok  di   cement  y  tambe  1  di  palo.     Aki  algun  imagen,  pero  no  ta   inclui  tur  e  botonan  di  e  area.  

6  


Byron G.  Boekhoudt   6  di  mei  2014          

7


Boto Crioyo,  parti  1,  Sanicolas   6  di  mei  2014      

                                       

     

8  


Byron G.  Boekhoudt   6  di  mei  2014    

9


Boto Crioyo,  parti  1,  Sanicolas   6  di  mei  2014    

10  


Byron G.  Boekhoudt   6  di  mei  2014      

11

Boto Crioyo  

Just a start. Collection of photo's of traditional fishing vessels of Aruba.

Advertisement