Page 1

Leigubústaðir

1


Leigubústaðir til føroyingar kring alt landið Føroya einasta bústaðafelag, Bústaðir, fer nú til verka at veita leigubústaðir til føroyingar kring alt landið, so fleiri og betri bústaðir verða til allar sam­felagsbólkar. Vit vilja skapa vælvirkandi býlingar og bústaða­umhvørvi kring landið og soleiðis arbeiða fyri at røkka teimum málsetningum, sum Føroya Lands­stýri hevur stungið út í kortið í Bústaðapolitikki Landsins: at útvega, veita og reka hóskandi bústaðir til føroyingar. Vit hava sett okkum sum mál at veita 100 leigu­bústaðir um árið næstu 5 – 7 árini, tí vit kunnu stað­festa, at áhugin fyri almennum leigubústøðum er stórur. Bústaðir vilja vera ein týðandi leikari á føroyska leigu­ bústaðamarknaðinum í framtíðini til gagns fyri føroyingar og føroyska samfelagið. At búgva til leigu í einum almennum bústaðafelag merkir, at tú býrt til leigu undir væl skipaðum viðurskiftum. Fyri at koma á bíðilistan til eina leiguíbúð frá Bústøðum skalt tú fara inn á heimasíðu okkara og fylla út umsóknar­ blaðið har.

www.bustadir.fo

Fyri at koma á bíðilistan til eina leiguíbúð skalt tú fara inn á heimasíðu okkara og fylla út umsóknarblaðið har

Umsó


3


www.bustadir.fo


Mangan spurt Vit hava savnað summar av teimum vanligastu spurning­un ­ um, sum vit fáa um Bústaðir og íbúðirnar, sum vit fara at leiga út. Spurningarnir eru skipaðir í tveir bólkar: Áðrenn tú fært eina íbúð, og aftaná at tú hevur fingið eina íbúð

5


Hvat eru Bústaðir? Bústaðir eru eitt nýtt bústaðafelag, sum kortini hevur eina langa søgu í føroyska samfelagnum. Húsaláns­ grunnurin, sum varð stovnaður í 1964, skifti í 2012 navn til Bústaðir, eftir at Landsstýrið frammanundan hevði broytt lógar­grundarlagið undir grunninum, so hann kundi fara undir at byggja og reka leiguíbúðir kring alt landið. Hvat er eitt bústaðafelag? Eitt bústaðafelag eigur og rekur leigubústaðir. At búgva til leigu í einum almennum bústaðafelag merkir, at tú býrt undir væl skipaðum viðurskiftum.

Áðrenn tú hevur fingið eina leiguíbúð

Hvussu fái eg eina leiguíbúð? Fyri at fáa atgongd til at søkja um hesar leigu­bústaðir, so er ein treyt, at tú teknar teg sum lim í bústaða­felagnum. Hetta skal gerast á heimasíðu okkara. Har fært tú eisini veg­leiðing um, hvussu tú skalt gjalda fyri lima­skapin. Hvussu komi eg á bíðilistan? Tú skalt fylla umsóknarblaðið á heimasíðuni út og gjalda 200 krónur fyri uppskrivingina. Limaskapurin er staðfestur, tá limagjaldið er goldið. Tá tín limaskapur í bústaðafelagnum er staðfestur, kemur tú sjálv­virkandi á bíðilistan við teimum ynskjum, sum tú hevur um bústaðin, eitt nú stødd á bústaði, hvar í landi­ num bústaðurin er, o.s.fr. Nær kann eg í fyrsta lagi koma á bíðilistan? Tikið verður ímóti umsóknum til limaskap í bústaða­felag­ num frá 2. september 2013 at rokna. Allar umsóknir, sum koma inn í tíðarskeiðinum frá 2. til 30. september verða skipaðar tilvildarliga við lutakasti á ein bíði­lista, so øll verða javnsett fyrstu tíðina. Allar um­sóknir, sum koma eftir 30. september fara aftast á bíði­listan.

www.bustadir.fo


SEPTEMBER 2013

SEPTEMBER 2013

til

Tekna limaskap og fá fyrimun

frá 2. til 30. sep­tember á www.bustadir.fo

til

Hvussu er bíðilistin skipaður? Arbeitt verður við tveimum bíðilistum, einum uttanhýsis bíði­lista og einum innanhýsis bíðilista. Teir limirnir, sum framman­undan búgva hjá bústaðafelagnum kunnu koma á innan­hýsis bíðilistan, meðan tey, sum søkja limaskap uttaní­frá koma á uttanhýsis bíðilistan. Sostatt hava limir, sum framman­undan búgva hjá bústaðafelagnum ein fram­ íhjá­rætt at flyta í annan bústað hjá bústaðafelagnum, eitt nú um við­komandi kundi hugsað sær eina størri íbúð enn við­komandi frammanundan býr í. Treytirnar fyri fram­í­ hjá­rætti­num eru, at alt húskið flytur, soleiðis at verandi bú­staðurin verður tøkur, og at viðkomandi hevur leigað frá bú­staða­felag­num í minst tvey ár. Í fyrsta umfari koma øll, sum tekna seg sum lim í bú­staða­­ felag­num, á uttan­hýsis bíðilistan. Summir serligir bíði­listar verða eisini, eitt nú lestraríbúðir, eldraíbúðir og í­búðir til fólk við serlig­um tørvi. Ein gjøllari frágreiðing um, hvussu bíði­listarnir eru skipaðir, kann lesast á heimasíðu okkara. Noyðist eg at melda meg til av nýggjum, hóast eg havi verið á bíðilista hjá Húsalánsgrunninum fyrr? Ja, Bústaðir eru eitt nýtt felag við nýggjum virksemi og yvir­taka sostatt ikki møguligan eldri bíðilista frá tí farna Húsa­láns­grunninum, kommunum ella øðrum stovn­um. Øll, sum eru á­hugað at koma á bíðilista til eina íbúð frá Bú­ støð­um, mugu melda seg sum lim í nýggja bústaða­felag­ num á heima­síðu okkara.

Hvussu fái eg skjótast tilboð um ein bústað? Um tað bert ræður um at fáa eitt stað at búgva skjótast gjør­ligt, skalt tú skriva teg upp til fleiri bústaðir – eisini teir, ið tú ikki hevði raðfest frammarlaga. Tú kanst, tá tú hev­ur tikið av tilboð um ein bústað, síðani skriva teg upp til annan bú­stað, tí eftir 2 ár í verandi íbúð hevur tú framí­ hjárætt til ein annan bústað í bústaðafelagnum. Hvussu nógv ár skal ein vera fyri at skriva seg upp? Ein skal vera 15 ár fyri at kunnu tekna seg sum lim í bústaða­felagnum og sostatt koma á bíðilista til ein leigu­ bústað. Hvat kostar limaskapurin? Øll, ið vilja á uttanhýsis bíðilistan skulu rinda eitt upp­ skriving­ar­gjald á 200 krónur. Eftir tað skalt tú eina ferð um árið gjalda eitt ársgjald á 150 krónur fyri at halda títt pláss á bíði­listanum, óansæð um tú vilt hava ein bústað nú ella seinni. Ein leigari, sum vil flyta í annan bústað í bústaða­felag­num, skal eisini gjalda 200 krónur fyri at verða skrivað­ur á innan­ hýsis uppflytingarbíðilistan og eftir tað gjalda árs­gjald á 150 krónur fyri at standa á hesum bíði­lista. Eina ferð um árið senda vit inngjaldskort út við eini tíðar­ freist at gjalda umsitingargjaldið. Tað er ábyrgd um­søkjar­ ans at gjalda umsitingargjaldið, og avleiðingin kann vera, at umsøkjarin verður tikin av listanum, um við­kom­andi ikki hevur goldið, áðrenn tíðarfreistin er farin. Tí er tað sera umráðandi, at tú boðar okkum frá, um tú skiftir bú­stað, so at vit kunnu senda inngjaldskortið á rætta stað. 7


www.bustadir.fo


Íbúðirnar eru í høvuðsheitum ætlaðar øllum, men serligar íbúð­ir eitt nú til lesandi, eldri fólk og fólk við serligum tørvi verða eisini bygdar

Hvat verður leigukostnaðurin á íbúðunum? Leigukostnaðurin er ikki ásettur enn, men endalig leiga verður ásett sambært stødd á íbúðini og øðrum viður­ skiftum, sum kunnu vera ymisk frá býlingi til bý­ling. Eitt yvir­lit yvir allar leiguupphæddir verður tøkt á heima­síðuni hjá Bústøðum, so skjótt hesar eru kendar. Yvirlitið verður dag­ført, so hvørt leigu­íbúðir verða bygdar og leigu­ kostnaðirnir verða klárir. Hvar í landinum verða leiguíbúðirnar? Bústaðir vilja virka fyri, at øll í Føroyum skulu hava møgu­ leika fyri at útvega sær ein bústað, tí verður miðað ímóti at hava bústaðatilboðini har, sum fólk hava tørv á teimum. Bú­staðir fara at reka leigubýlingar í øllum høvuðsøkjum í Føroyum. Hvussu leingi kann eg vera á listanum? Tað er einki tíðarmark á, hvussu leingi tú kanst vera á bíði­ lista­num til ein bústað, so leingi tú rindar kostnaðin fyri at verða verandi á bíðilistanum. Kann eg standa óvirkin á bíðilistanum? Ja, tú kanst velja at standa óvirkin á bíðilistanum. Tú skalt bara boða Bústøðum frá hesum. Hetta er ein góður møgu­leiki, um tú ikki hevur tørv á einum leigubústaði her og nú, men vilt vera á bíðilistanum uttan at noyðast at siga nei til fleiri bústaðatilboð. Sum óvirkin limur skalt tú fram­haldandi gjalda kostnaðin fyri at vera á bíðilistanum. Tú kanst altíð boða frá, at tú vilt gerast íbúðasøkjandi aftur, um tørvurin/støðan broytist.

Hvussu skal ein bera seg at sum pør ella hjún? Títt pláss á bíðilistanum er persónligt og kann ikki yvir­ takast av øðrum. Vil hjúnafelagin ella sambúgvin eisini standa á bíðilistanum, skal viðkomandi tekna seg sum lim í bústaðafelagnum. Fara tú og makin frá hvør øðrum, og tit eiga felags barn/ børn undir 18, hevur tann parturin, ið flytur úr íbúðini, fram­íhjá­rætt til eina íbúð í 1 ár, eftir at samlívið endar. Hesin for­rættur er bert galdandi, um tit hava búð saman á sama leigu­máli hjá okkum í minst 2 ár, og tú mást boða bú­staða­felag­num frá broyttu umstøðunum fyri at brúka hendan fram­í­hjárætt. Noyðist eg at taka av tí fyrstu íbúðini, sum verður bjóðað mær? Nei, tú kanst takka nei upp í fimm ferðir, men so noyðist tú at taka av. Sigur tú nei til sætta bústaðatilboðið, endar tú aftast á bíðilistanum. Tað er gott at gera sær greitt frá byrjan, hvar ein vil búgva, og hvat hóskar best til tann tørvin, sum ein hevur. Á tann hátt kann ein tryggja sær, at ein fær bjóðað eina íbúð, sum lýkur tey krøvini, ein hevur. Hvussu stórar eru íbúðirnar? Íbúða­stødd og snið eru ymisk frá býlingi til býling, men miðað verður ímóti at hava eitt breitt úrval av stødd og snið, sum eisini endurspeglar tørvin í samfelagnum. Tú kanst søkja um so stóran bústað, ið tú vilt. Hvørjum eru íbúðirnar ætlaðar? Íbúðirnar eru í høvuðsheitum ætlaðar øllum, men serligar íbúð­ir eitt nú til lesandi, eldri fólk og fólk við serligum tørvi verða eisini bygdar. 9


Hvussu leingi kann eg búgva í íbúðini? Einki tíðarásett mark er fyri longd av leigutíðarskeiði. Sum útgangsstøði kann sigast, at tú kanst leiga íbúðina, so leingi tú hevur tørv á henni, og annars heldur allar galdandi reglur og ásetingar fyri leigumálið. Kann eg flyta í aðra íbúð, um eg vil tað? Sum limur í bústaðafelagnum hevur tú møguleika at koma á innanhýsis bíðilista, sum merkir, at tú hevur framíhjárætt til aðrar íbúðir í tínum býlingi, tá hesar verða tøkar. Tú hevur harumframt ein líknandi framíhjárætt til íbúðir í øðrum býlingum hjá bústaðafelagnum, men aftan fyri tey, sum búgva í teimum býlingunum. Tú kanst lesa meira um, hvussu bíðilistarnir virka á heimasíðu okkara.

Aftaná at tú ert vorðin limur í bústaðafelagnum

Kunnu leigarar skipa seg í lokal íbúðafeløg? Ja, leigarar í einum býlingi kunnu skipa seg í leigarafeløg og fáa góða ávirkan á viðurskiftini í teirra býlingi. Havi eg skyldu at halda økið rundanum? Sum leigari í bústaðafelagnum hevur tú vanliga bert ábyrgd av viðlíkahaldi í tíni egnu íbúð. Alt annað størri viðlíkahald so sum umvælingar og viðlíkahald av felagsøkjum taka umsjónarfólk hjá bústaðafelagnum sær av. Tó kunnu lokal íbúðafeløg skipa seg øðrvísi. Verða felags reglur og viðtøkur fyri býlingarnar? Ja, serligar viðtøkur verða gjørdar, sum áseta reglur fyri býlingarnar. Hesar verða ymiskar frá býlingi til býling, men allar verða tøkar á heimasíðu okkara. Kann eg hava húsdjór? Summastaðni verður loyvt at hava húsdjór og aðrastaðni ikki. Djór í búri ella akvarium eru ikki at rokna sum húsdjór, so hesi eru loyvd í øllum íbúðunum. Hvussu skal eg gera, um eg vil siga leiguíbúðina frá mær aftur? Tú skalt skrivliga boða bústaðafelagnum frá við einari uppsagnarfreist á tríggjar mánaðir. Tú fært síðani eina skrivliga váttan um uppsøgnina.

www.bustadir.fo


Summastaðni verður loyvt at hava húsdjór

11


www.bustadir.fo


Fyrstu fetini Hendan myndin lýsir alla gongdina frá upptøku á bíðilista, til leigarin flytur úr íbúðini

1

2

3

4

Uppskriving

Bústaðatilboð

Leigusáttmáli

Útflyting

Tú kemur á bíðilistan

 ú fært tillutað í­búð T skrivligt eftir tíðar­ skeiði, tú hevur verið á bíðilistanum

Leigusáttmálin verður undirskrivaður

 ú sendir skrivliga T upp­søgn av leigu­máli­ num til bústaðafelagið

 ú fært upplýsingar T um húsaleigu, plan­ tekningar, tele­fon­ nummar hjá um­ sjónar­manni

 ú rindar leigu fyri T fyrsta mánaðin um­ framt depositum

 að er 15 ára T aldursmark Tú rindar uppskrivingar­gjald og árligt gjald

 ú fært eina freist at T svara tilboðnum  ú verður tikin av T bíði­listanum, tá tú tekur av bústaða­ tilboði

L eigusáttmálin er løg­ frøðiliga bindandi

Lyklarnir verða handað­ir tær á inn­ flytingar­degnum L eigari og umboð frá Bústøðum sýna íbúðina  jørdur verður ein G mangul­listi yvir møgu­ ligar manglar og brek  ú hevur møguleika at T skriva teg á innanhýsis bíðilista

 ú hevur 3 mánaða T upp­sagnarfreist  ú fært skrivliga T váttan um uppsøgnina  ildið verður eitt frá­ H flytingar­sýn  ú letur lyklarnar aftur T til bústaðafelagið  m neyðugt verða U um­vælingar gjørdar í íbúðini  rigið verður av tínum D depositum, um annar skaði enn vanligt slit og elli er á íbúðini

13


www.bustadir.fo


Miðað verður ímóti at hava eitt breitt úrval av stødd og snið av bústøðum, sum eisini endurspeglar tørvin í samfelagnum.

Samband Hevur tú spurningar, sum ikki verða svaraðir í hesum bóklingi, ert tú vælkomin at seta teg í samband við okkum Bústaðir – Føroya bústaðafelag Yviri við Strond 6 Postsmoga 215 100 Tórshavn Tel. +298 401000 bustadir@bustadir.fo www.bustadir.fo

Upplatingartíðir Mánadag til hósdag Fríggjadag

kl. 10:00 – 16.00 kl. 10:00 – 15.00

15


Yviri vi冒 Strond 6 Postsmoga 215 110 T贸rshavn

Tel. +298 401000 bustadir@bustadir.fo www.bustadir.fo

Profile for Bústaðir

Leigubústaðir, Bústaðir  

Bóklingur við kunning um leigubústaðir

Leigubústaðir, Bústaðir  

Bóklingur við kunning um leigubústaðir

Profile for bustadir
Advertisement

Recommendations could not be loaded

Recommendations could not be loaded

Recommendations could not be loaded

Recommendations could not be loaded