Издавач: Капка | Илустрации: Нина Прља | 80 стр. / 17 см | ISBN 9789989579912
Турбо-Фолк, национализам, политика, шовинизам, турски (сапунски) серии, кич, силеџиство, пренагласен материјализам… ова е само дел од поимите кои преку јазикот на литературата на повеќе или помалку сериозен начин се обработуваат во оваа книга.
Во транзициските општества и во тие општества кои допрва ги изградуваат општествените норми каде што се случува премин од еден систем во друг систем на вредности најголемите жртви се децата. Додека не се изградат вистинските вредности, децата се принудени да го голтаат се она што им се сервира преку медиумите и средината, а честопати тоа е негативно, ограничено, ксенофобично, примитивно гледиште на светот и реалноста.
Книгава е обид да се укаже на тие појави во општеството и нема илузии дека ќе може да ги смени, но луѓето може да се сменат, а децата ќе го следат примерот.