ÅRSMELDING 2015 Side 15 (68)
________________________________________________________________________________ dei største organisasjonane, H-verneombodet og NAV-arbeidslivssenter og YSST HMS. Partssamansett utval har møter 1 gong i månaden, mot møter kvar veke i oppstarten.
IA-arbeidet oppsummert til no Bømlo kommune har hatt innsats på tre ulike nivå: Organisatorisk nivå Verksemdsnivå (tiltak på arbeidsplassar med høgt fråvær) Individnivå Organisatorisk nivå: I «Mål og tiltaksplan for IA-arbeidet i Bømlo Kommune» har partane mellom ca. 20 tiltak kome fram til 8 innsatspunkt som skal prioriterast. Desse punkta er: 1. Medråderettmøte. 2. Medarbeidarsamtale. 3. Heilskapleg avvikssystem. 4. Årleg arbeidsmiljøundersøking. 5. Heilskapleg HMT-plan for kommunen. 6. Revitalisera arbeidet i Arbeidsmiljøutvalet. 7. Introduksjon av nytilsette og bruk av prøvetid. 8. Tilrettelegging for den einskilde inklusive seniorar. Etter at kommunen kom med i utviklingsprogrammet Saman om ein betre kommune, valde styringsgruppa for dette 5 årige prosjektet at ein i tillegg skulle arbeide med ein livsfaseorientert plan, arrangera årlege trivselsdagar for heile personalet og dele ut ein årleg trivselspris. Medråderettmøte: IA-avtalen er ein trepartsavtale der arbeidstakarorganisasjonane/verneombodet er den eine av tre partar. For at samarbeidet skal fungera på alle arbeidsplassar må partane møtast etter ein fast plan. Me har kalla dette for medråderettmøte. Partane har bestemt at desse møta skal vera ein gong i månaden, vera datofesta og at alle møta skal ha arbeidsmiljøet/sjukefråvær på arbeidsplassen som tema. Det skal førast referat frå møta. Medarbeidarsamtale: Partane har bestemt at alle tilsette i Bømlo Kommune skal kallast inn til medarbeidarsamtale ein gong i året. Det er ikkje laga faste/like opplegg for gjennomføring av samtalen, men alle skal ha arbeidsmiljøet til medarbeidaren som tema. I tillegg skal kompetansen til den einskilde vera tema. Har den tilsette nok kompetanse til å utføra den jobben ein er sett til å gjera? Kvar verksemdsleiar skal rapportera til sin kommunalsjef på desse to punkta ein gong i året. Heilskapleg avvikssystem: Kommunen innførte KvalitetsLosen i 2012 som kvalitetssikringssystem. Det har vore gjennomført omfattande opplæring for alle tilsette i bruk av Kvalitetslosen.