Diasabra 5 Februari 2011
Pagina 19
Aruba experienciando y disfrutando di e bon calidad di transmision di PPV Esnan cu ta biba den exterior, por haya esaki via internet tambe!
STA. CRUZ -Esaki ta promer a単a cu Setar, conhuntamente cu Blackberry, HBO, y Caribbean Mercantile Bank ta ofrece e transmision di Tumba y Calypso & Roadmarch Contest en bibo pa e televidente nan via Pay Per View. Durante e transmision di
Tumba Contest diasabra dia 29 di Januari y tambe e transmision di e pre-final nan di Calypso & Roadmarch, Aruba por a experiencia y disfruta di e bon calidad di programacion cu a keda ofreci. A ricibi hopi reaccion positivo pa cu e produccion sublime aki. Sigur
cu den e a単anan venidero, e produccion aki lo sigui engrandece y asina complace esnan cu pa un of otro motibo no por logra pa por ta presenta na e eventonan aki. Tur abonado di cable digital cu ta interesa pa aplica pa e pakete di Calypso & Roadmarch por haci esaki ainda bishitando un di Setar su teleshopnan of
oficina di Cable Services. Tambe nan por yama na 525-1700 y aplica telefonicamente. Esaki lo wordo transmiti via canal 116. Tambe dia di e final di Calypso & Roadmarch por aplica via nan remote na cas riba canal 115. Pa por complace esnan pafor di Aruba, Setar a logra ofrece esaki tambe den forma di Pay Per View via un link riba internet
cual ta www.setar. aw/ppv. Asina aki tur esnan cu ta biba leu for di cas tambe por disfruta di e evenemento unico aki. E pakete aki ta costa $49.95. Asina aki Setar, Blackberry, HBO y Caribbean Mercantile Bank ta ofrece na tur esnan cu ta aprecia e cultura carnavalesco di Aruba e oportunidad di por tin esaki en bibo den nan cas.