Diarazon, November 30, 2011
Pagina 2
Solo di Pueblo cu 9511 ta regala un QUAD of:
10.000
Yena e coupon aki y suerte: Nomber & Fam: Adres: Telefon: E-mail:
florin cash
1. Yena e coupon aki y entregue na oficina di Solo di Pueblo na Sta. Cruz 110. 2. Manda un sms na 9511 y skirbi QUAD of 10 mil. Sorteo ta tuma lugar na fin di December
Na cual tienda bo ta cumpra bo corant? _______________________________ Bo ta abonado? si [ ]
no [ ]
Garry Giordano den AMANAN A PROTESTA CONTRA COSTO DI BIDA! libertad
STA. CRUZ -- E Mericano sospechoso den e caso di desaparicion di un dama Mericano a sali liber diamars anochi pa 8’or. Na e ocasion aki dos abogado a busca Garry Giordano na KIA.
El'a wordo transporta den un auto y a wordo acompaña pa Chris Lejuez y Jose Baez di Merca. Garry Giordano ta e ultimo persona cu tabata den compania di e dama Mericano Robyn Gardner. Ministerio Publico no tabata kier pa e sali liber, sinembargo huez a considera cu no tin prueba den su contra. El'a wordo transporta pa Renaissance Hotel unda e lo pasa anochi. No ta conoci si e lo keda Aruba un paar di dia of e lo bandona Aruba awe mes.
Detencion di abogado Bertie Braam di Corsou pa RST STA. CRUZ -- Diadomingo cuerpo di polis di RST a drenta den accion y a detene e famoso abogado, Bertie Braam. E abogado a wordo transporta y ta cera na warda di Sta. Cruz. Bertie Braam aparentemente ta sospecha di laba placa. Den e caso aki tin varios comerciante Arubano meti como tambe tin notario meti den e asunto aki cu tabata coopera. Banco local tambe tabata coopera pa cuentanan ficticio wordo habri y wordo opera. Dicon a cuminza cu detene e abogado y
no a e comerciantenan? Esaki ta debi cu ta buscando prueba contra di e comerciantenan? Ademas di esaki pakico no a detene Bertie Braam na Corsou? Ta pasobra cu na Corsou lo tabata mas dificil pa detene e abogado, sin cooperacion di consheo di abogadonan? En todo caso Bertie Braam ta disfruta di un bon nomber como un abogado famoso cu ta wordo usa tanto pa Arubiano como yiu di Corsou. Nos a comprende cu ta sospech’e di coopera pa labamento di placa.
Gobierno di AVP a priminti prosperidad pa tur hogar pero hogarnan ta bibando den miseria
STA. CRUZ -- Ayera tardi un grupo di mama y ama di cas balente a bay protesta dilanti bestuurskantoor. Nan a protesta contra diferente preocupacion cu ta biba den comunidad, costo di bida, prijs di awa y coriente, inseguridad y falta di materiaal adecuado na school. E amanan di cas tabata tin un lista di preocupacionnan di e mama- y amanan di cas: 1. Prijs Halto di productonan, especialmente cuminda. No tin control di prijs! 2. Prijs halto di awa y coriente, aumento di mas di 30% den corto tempo. 3. Hopi cas sin awa y sin coriente, ta usa awa di bisiña y bela, pasobra no tin placa pa paga pa reconecta. 4. Enseñanza di nos yiunan ta laga di desea, no tin material pa les, school ta den mal condicion. 5. Perde nos Status Aparte, e status cu a permiti nos biba na forma decente y humano, awor nos tey perde. E grupo di dama aki a demostra balentia y corahe pa protesta contra e situacion dificil cu Aruba ta pasando aden. Segun informacion e protesta lo sigui mañan mainta pa 9’or y 4’or di atardi. E grupo di dama ta invita mas ama di cas pa uni nan mes na e protesta aki, no por sigui asina cu frigidaire ta bashi, cashi cushina ta bashi, cartera ta bashi, stoma ta bashi pero di otro banda gobierno di AVP ta sigui fiesta cu placa di pueblo! Nos no por mas!!