Dialuna Oktober 31, 2011
Pagina 20
Drs. Booshi Wever, Parlamentario Ciudadano
PREGUNTANAN NA MINISTER-PRESIDENTE Y MINISTER DI FINANZAS RELACIONA CU COMPRA DUDOSO DI LA DOLCE VITA
STA. CRUZ -- Relaciona cu e compra dudoso di e parcela La Dolce Vita, cu hasta ta hole den direccion di corrupcion, Booshi Wever a lanza un serie di pregunta na minister presidente, sr.
Mike Eman y minister di Finanzas, sr. Mike de Meza; den e serie di preguntanan aki a corda tambe riba e hazaña di añanan atras cu Interbank, den cual, mescos cu ta e caso
awor cu La Dolce Vita, e envolvimento di sr. Franklin Hoevertsz tabata remarcabel. Apesar cu mi mester asumi cu sr. Donner (Asuntonan di Reino) lo mester sa di e asunto aki, mi a manda e
tambe un carta, mescos cu tabata e caso cu e entrega di e (W)ODCrapport, cu a wordo entrega na ministerpresident net na e momento cu Parlamento tabata tratando e asunto di
e trailernan. Esakinan tur ta indicacion cu Hulanda ta hunga un wega cu gobierno di Aruba, pa despues bin grijp in! Mi ta keda ripiti cu nos lo no tolera cu Hulanda ta bin re-coloniza nos pais!
Preguntanan na minister di Asuntonan General, respectivamente na minister di Finanzas Considerando : -Cu gobierno di Gabinete Mike Eman I den su gestionnan ta keda duna impresion fuerte di ta determina pa hinca Aruba den un status di un territorio ultraperiferico – UPG; -Cu sin embargo, den un pais democratico ta un escohencia di un Pueblo pa dicidi riba su futuro, esaki mediante un referendum; -Cu e pueblo NO ta dicidi riba e aspecto aki den un eleccion regular pa Parlamento y gobierno; -Cu e impresion ey a haña mas forza door di e tramitenan pa establece un “Europahuis” (hunto cu TNO) den e edificio conoci como “La Dolce Vita”; -Cu como supuesto gesto di aprecio e gobierno aki a dedica e edificio na dr. Edward Cheung, por cierto un role-model pa nos hubentud, pero kende no ta consciente di ta wordo hinca den un asunto dudoso; -Cu compra di edificio lo nifica un gasto di 1.3 miyon, pa cua Utilities Aruba N.V. a bira e “financiador”; -Cu e acto oficial di e compra (C-867, nr. 30), fecha 14/10/2011, ta mustra e procedura, den cua bendedor nr. 1 (Silman Enterprises, representa pa su director sr. Silberie) ta bende e propiedad na cumprador nr.1 (Southeast Investment Group, representa pa Admanco Trust N.V. den persona di su director sr. Josef Croes) pa e suma di AWG. 900.000,00, kende na su turno ta bende esaki na cumprador 2 (Utilities Aruba N.V., representa pa sr. Franklin Hoevertsz) pa e suma di AWG. 1.350.000,00, tur den un solo proceso y documenta den un solo acta; -Cu di acuerdo cu e acta, e leggerwaarde di e parcela ta monta na AWG. 913.184,00; -Cu di acuerdo cu informacionnan, Utilities Aruba N.V. a sera un hypotheek di AWG. 1.700.000,00; -Cu minister-president ta declara di tabata consciente cu e balor di e parcela tabata AWG. 2.200.000,00; -Cu mientras tanto un di 4 partido - sr. Frank Weise, mediante su abogado sr. de Hoogd di James Martin & Associates - ta declara di tin un contrato di huur te cu fin di 2012 pa e parcela en cuestion; -Cu documentonan relaciona cu e caso sumario cu sr. de Hoogd a entama pa Utilities Aruba N.V. honra e contrato di huur aki, ta mustra cu: 1.e huur en cuestion a drenta na vigor dia 1 di december 2009, unda Silman Enterprises como doño ta verhuur e parcela na sr. Frank Weise; 2.dia 17 di december 2009 Silman Enterprises ta bende e parcela cu Southeast Investment Group N.V. (S.I.G.); 3.dia 11 di februari 2010 Southeast Investment Group N.V., como doño nobo, ta pidi permiso na Huurcommissie pa termina e contrato di huur cu sr. Weise; 4.dia 28 di juni 2011 Huurcommissie ta dicidi favorablemente riba e peticion pa termina e contrato di huur; 5.dia 22 di februari 2011 Huez ta dicta CONTRA terminacion di e contrato di huur; 6.e parcela ta ser bendi dia 14 di october 2011, cu tur pertenencia di sr. Weise aden ainda. y ACEPTA BASHI, SIN HUUR, SIN NINGUN DERECHO DI OTRO, NI USO DOOR DI OTRO, suscrito ta desea di haci e siguiente preguntanan: A. Futuro Status di Aruba -Señor minister-president por informa si ta intencion di e gobierno aki pa, mediante un referendum, consulta cu Pueblo di Aruba encuanto su escohencia entre un status di territorio LGO vs uno UPG? -Ta intencion di gobierno pa organisa encuentronan pa informa pueblo riba e pro’s y contra’s di ambos opcion? -Ta intencion di gobierno pa permiti esnan cu no ta di mes opinion cu gobierno, organisa encuentronan cu tal fin, sin cu gobierno ta (laga) stroba e encuentronan aki?
B.Parcela La Dolce Vita -Señor minister-president por informa kiko lo ta e funcion especifico di e asina yama Europa huis? -Di unda e directiva, staf y personal pa e oficina aki lo wordo recluta? -Señor minister di Finanzas por informa kiko ta e motibo pakiko Utilities Aruba N.V. no a cumpra e parcela directamente for di e supuesto doño Silman Enterprises? (supuesto, como cu Southeast Investment Group N.V. ta e doño desde 17 december 2009!); -Awor cu un huurcontract existente ta bay stroba e siguiente pasonan, kiko lo ta e splicacion na dr. Edward Cheung? -Kiko ta e motibonan cu a paga AWG. 1.350.000,00, siendo cu e leggerwaarde ta solamente AWG. 913.184,00, a base di cua por cierto e prome benta a tuma lugar? -Kiko ta e motibonan cu despues a sera un hypotheek pa 1.700.000,00, pues casi dos bez e leggerwaarde? -Ta e intencion pa ainda cobra e overdrachtsbelasting a base di AWG 2.200.000,00, manera e propio sr. minister-president a declara cu e balor ta? -Minister por informa si e prome cumprador, Admanco, a paga overdrachtsbelasting? -Si e contesta ta si, esaki tabata a base di AWG. 900.000,00, of di AWG. 913.184,00, of di AWG. 2.200.000,00? -Si e contesta ta no, kiko ta e motibo pakiko NO a paga overdrachtsbelasting? (aunke cu ta trata di un solo akte, ta trata tambe di 2 – dos – transaccion di benta!) -Awor cu a aparece un “huurder” di e parcela, cu un contrato aparentemente vigente te fin di 2012, unda sr. minister-president ta bay ubica TNO y Europa Huis? -Señor minister president por informa riba instruccion di kende sr. Franklin Hoevertsz a actua, y de facto a ripiti un hazaña manera e conocido asunto Interbank? -Señores ministernan por informa riba cua cuenta e ganashi di e benta di AWG. 436.816,00 a wordo deposita? -Señores ministernan por informa kiko ta e destino di e AWG 350.000,00, cu ta e diferencia entre e hypotheek y e suma di benta? -Señores ministernan por informa kiko ta e “looptijd” di e hypotheek, e taza di interes, y e sumanan mensual of annual cu Pueblo mester paga? -Señores ministernan por garantisa pueblo di Aruba cu e transaccion dudoso y corupto aki, lo NO tin ningun consecuencia pa e Pueblo, entre otro den forma di adaptacion y aumento di prijsnan di awa , corriente, y gasolin? -Señores ministernan ta di acuerdo cu mi cu Utilities Aruba N.V., den persona di sr. Franklin Hoevertsz, a actua por lo menos “onzorgvuldig”, y “onrechtmatig”, door di cumpra un parcela di cua e condicionnan NO tabata cuadra di ningun manera cu declaracionnan di Silman Enterprises, esta cu ningun otro persona/instancia tabatin algun derecho riba e parcela? -Señores ministernan ta di acuerdo cu mi, cu un biaha mas e reglanan di Bon Gobernacion a wordo trapa cu e negoshi aki? -Señores ministernan ta considera pa den lo futuro cumpli cu reglanan di Bon Gobernacion? B.Interbank -Sr. Minister President por informa Parlamento riba e procedura cu a sigui cu e benta di Interbank, y kiko tabata e motibo di e benta ey? -Sr. Minister President por informa Parlamento cua ta e sumanan di exoneracion di debenan di famia Eman y partido AVP, cu a forma parti di e deal corupto di Interbank, cu, mescos cu e caso di La Dolce Vita, tabata encabeza pa sr. Franklin Hoevertsz? -Sr. Minister President por confirma declaracionnan anterior di contratistanan, cu a tilda sr. Hoevertsz di a haña airco y pasashi pa Hulanda regalo? -Sr. Minister President por pone na mi disposicion, y na disposicion di Parlamento, e rapport encuanto Interbank? Sperando contesta mas pronto posibel por escrito, mi ta termina,