Page 9

Diahuebs Juli 11 2013

Pagina 9

Muchanan di Traimerdia Kudawecha a clausura nan proyecto di lesamento den ambiente di Circo

STA. CRUZ -- Den e ultimo simannan, e proyecto di lesamento pa muchanan di Traimerdia a yega su fin. E proyecto aki a resulta uno masha exitoso mes. E muchanan a goza un mundo trahando riba nan tema preferi. Awor a yega e momento pa e clausura di e proyecto di Traimerdia na Kudawecha cual tabata tin e tema di Circo cu sigur a capta hopi atencion. E muchanan a prepara un tremendo show di magia. Nan a conta storianan cu a haci e atardi aki uno extraordinario. E team di Digicel ta e orguyoso sponsor di e proyecto aki y e compania ta hopi contento di por a aporta na haci e muchanan feliz door di haci posibel nan participacion y laga surgi nan creatividad. Elaine Singh, di e Departamento di Mercadeo di Digicel tambe a participa den e show final y sigur a disfruta di e tema aki. Director di Digicel, Remko van der Veldt, tambe tabata presente y a destaca e fantasia y esfuerzo cu e muchanan a pone den e show aki. Nan a traha diferente obra di man cu tambe tin e tema di circo cu a contribui na e fantasia unico di cada mucha pa laga e storia bira realidad.     

Diahueps 11 juli 2013  
Diahueps 11 juli 2013  
Advertisement