Diabierna Januari 4, 2013
Pagina 4
Na Paradera:
Auto a dal hoben riba su bicicleta
El’a keda seriamente herida na cabez
STA. CRUZ -- Diahuebs atardi despues di 5'or a sosode un accidente serio na cruzada di Paradera pa Jaburibari. Un hoben ariba su bicicleta a ser alcanza pa un Nissan Sentra biniendo di pariba. Segun chauffeur di Sentra el’a haci tur su posibel pa evita e impacto, pero el’a lastra den e tera y a dal e hoben. E hoben lo a subi e cruzada aki sin calcula distancia di e Sentra. Ambulance a ser pidi
cu urgencia. Personal di Ambulance mesora a yega y a cuminsa na stabiliza e hoben cu tabata seriamente herida. Mayornan di e hoben tambe a yega na e sitio y a keda den shock mirando estado di nan yiu. Polis di trafico tambe a presenta. Mesora, mirando e gravedad, polis a cera e area pa asina cuminsa cu un investigacion. Ambulance ta transporta e hoben cu urgencia pa hospital.
Conocido di polis, despues di a basha windshield abao, a keda deteni... STA. CRUZ -- Un habitante atento di Ponton a scucha movecionnan straño pariba di su cas y a bin topa cu un homber, purbando di horta den un auto y tabata dal e auto cu blokki tur caminda. Ora e patruya di Playa a yega, nan a topa cu e windshield di e Chevrolet Optra kibra y varios otro caminda na e auto cu hopi daño. E doño tambe a presenta y no por a kere loke el’a mira. E choller cu a horta, a bin cu storia pa gaña autoridad pero
nan no a kere esaki y testigo a duna su banda
di medaya. A bay over na detencion.
Guillfred Besaril a entrega su puesto como presidente di SPA pa fin di Januari 2013 E pregunta ta keda si e ta subi lista politico!
STA. CRUZ -- Ya pa basta tempo por a scucha rumornan cu Besaril lo bay subi lista politico. Hasta a wordo menciona cu esaki lo ta lista di MEP. Nada ainda ta concreto y awor por scucha tambe cu ta riba lista di PDR di Andin e ta bay! Sinembargo te awe ainda e ta nenga rotundamente cu e ta bira politico. Mester bisa si cu su retiro a sorprende tur hende ya cu e no tin problema cu su miembronan. Partidonan a acerca Besaril si pero nada ta confirma ainda. Un di esnan cu sigur tabata ser menciona tabata partido MEP. Guillfred Besaril a entrega su puesto entrante 31 di Januari 2013 como e lider sindical di SPA. Mas den dia lo trata na acerca Guillfred Besaril pa haya sa kico ta berdad. Lo bay puntre si e ta bay subi arena politico. No por descarta e idea ya cu den Besaril e partido lo haya un candidato bastante fuerte!