Issuu on Google+

Nº 13

Maio 2007 Boletín Biblioteca A3P


Páxina 2

Boletín Biblioteca A3P http://centros.edu.xunta.es/esdavidbujan/biblioteca.htm

ÍNDICE Páx.

Páx.

Ameixas á mariñeira Arepas Arroz ao forno Caldo galego Cocido Cocido galego Coello á cazadora Empanada de bacallao Ensalada mixta Espaguetes á boloñesa Espaguetes con lagostinos Espetada de vieiras Guiso de bacallao Guiso de carne Lacón con grelos O mellor bocata do mundo Mexillóns á mariñeira Paella de mariscos Pastel de carne Perdices con grelos Polbo galego Polbo Revolto de cogomelos e grelos Sepia levantina Solombo á laranxa Raclette Tortilla de espinacas Xamón asado ao mel con puré de castañas

3 5 6 8 9 10 11 12 13 14 16 17 18 19 20 22 23 24 25 26 28 29 30 31 32 34 35 36

SOBREMESA Bavarois aux fraises “Ben me sabes” Charlotte aux fruits rouges Melindres

38 39 40 42

Mousse de chocolate Mousse de laranxa e mel Sorbete de limón Torta de mazá Torta de queixo fresco con salsa de amorodos Torta de Santiago

43 44 45 46 48 49

TRUCOS Para a cociña Para manchas Paxaros

50 51 51

NATUREZAS MORTAS Maside García, Carlos Arrondo Moro, Ignacio Castillo Casalderrey, Jorge Fernández, Virxilio Seoane López, Luis Peteiro Vázquez, Jorge Dans Boado, Mª_Antonia

7 15 21 27 33 41 47


Boletín Biblioteca A3P http://centros.edu.xunta.es/esdavidbujan/biblioteca.htm

Páxina 3 3 Páxina

AMEIXAS Á MARIÑEIRA I Ingredientes: 1000 grs. de ameixas finas 4 tomates 1 cebola 2 dentes de allo 1 chisco de fariña 1 chisco de pemento picante 1 vaso de viño branco Perexil picado Aceite de oliva Azucre Sal

Preparación: Hai que depurar as ameixas varias horas en auga fría antes de cociñalas, para que expulsen a area que poidan ter. Cóbrese o fondo dunha pota con aceite e nel salfírense a cebola moi relada e os dentes de allo picado. Engádese unha culleradiña de fariña, os tomates pelados e triturados, o pemento picante, o azucre e o sal. Deixase cocer a fogo lento 15 minutos e agréganse medio vaso de viño branco e as ameixas tapando a pota ata que as ameixas empecen a abrirse, momento no que se engade o perexil picado. Sérvese en canto todas as ameixas se abran. Tirar as ameixas que non se abran.

Autora: Alejandra de la Fuente Ferrío


Páxina 4

Boletín Biblioteca A3P http://centros.edu.xunta.es/esdavidbujan/biblioteca.htm

AMEIXAS Á MARIÑEIRA II Ingredientes: Ameixas Aceite Cebola Allo Perexil Loureiro Sal Pemento doce Pementa branca 1 cullerada de fariña 1 vaso de viño branco

Preparación: Limpar moi ben as ameixas. Poñer nunha pota a cebola ben picada e deixámola dourar con coidado de que non se queime. Engadir o allo e o perexil picados e deixar que se fagan a fogo lento. Cando case estean, engadimos o pemento e o loureiro e deixamos que se acaben de facer. A continuación engadimos o viño branco e a fariña. Removémola ben para que a fariña non forme grumos e o prebe vaia espesando. Engadir as ameixas. Sazonar con sal e un pouco de pementa branca e deixar ferver uns minutos, removendo para que se vaian abrindo. Engadir un pouco de auga en caso necesario para que ao final o prebe teña corpo, pero que quede lixeira e non espesa. Pódense deixar as ameixas a remollo a noite anterior en auga fría cun chisco de sal para que solten a area. Hai a quen lles gustan picantes, en cuxo caso engádeselle un chisco de pemento picante xunto co pemento doce.

Autora: Alejandra de la Fuente Ferrío


Boletín Biblioteca A3P http://centros.edu.xunta.es/esdavidbujan/biblioteca.htm

Páxina 5

AREPAS As arepas son un prato típico de Venezuela, onde incluso se venden nas rúas para comer no momento como se fosen calquera outro producto.

Ingredientes: Fariña de millo precocida Auga Sal Recheos ó gusto

Preparación: Primeiro se mestura a fariña coa auga e coa sal e se fai unha masa. A masa se deixa repousar ata que a fariña espesa, e logo se lle da forma de torta grosa. Estas “tortas” se poñen no forno a cocer, ou se prefire se friten ata que queden douradas. Por último as arepas se enchen de diferentes cousas ó gusto de cada un: queixo, carne, pisto, manteiga, xamón cocido....

Autora: María Taibo Barbeito

cAndo hai fame, non hai pan podre


Páxina 6

Boletín Biblioteca A3P http://centros.edu.xunta.es/esdavidbujan/biblioteca.htm

ARROZ AO FORNO Ingredientes para catro comensais: 200 g. de arroz Pemento verde Dous dentes de allo 1 tomate maduro Colorante Carne de cocido (restos) Garavanzos cocidos 500 cl. de caldo de cocido Aceite de oliva Sal

Preparación: Facer un sofrito co pemento, allo e tomate. Nunha pota de barro poñer o arroz e botarlle por riba o sofrito e mesturar ben. Engadir o caldo, a carne e os garavanzos e botar o colorante. Meter ó forno a 200 graos entre 20 e 25 minutos. Sacar e deixar repousar 10 minutos. Servir desde a mesma pota de barro. Autora: Xulia Vicente Jiménez


Boletín Biblioteca A3P http://centros.edu.xunta.es/esdavidbujan/biblioteca.htm

Páxina 7

Maside García, Carlos Natureza morta 1940


Páxina 8

Boletín Biblioteca A3P http://centros.edu.xunta.es/esdavidbujan/biblioteca.htm

CALDO GALEGO Ingredientes: Caldo de cocido Fabas Grelos Patacas Unto

Preparación: Escaldamos os grelos en auga moi quente para limpalos e que perdan algo de verde. Poñemos o caldo limpo a quentar e ao ferver engadimos as patacas cortadas como para tortilla, os grelos escaldados, as fabas remolladas do día anterior e o anaco de unto. Ten que cocer moi forte ao primeiro e logo máis suave.

Autor: Alejandro Santoandré García

A carne, carne cría; e os peixes, auga fría


Boletín Biblioteca A3P http://centros.edu.xunta.es/esdavidbujan/biblioteca.htm

Páxina 9

COCIDO Ingredientes: 1 quilo de lacón 2 chourizos ½ quilo de carne de tenreira 1 repolo 2 quilos de patacas.

Preparación: Ponse unha pota ao lume con toda a carne e bótaselle auga ata cubrila. Déixase cocer dúas horas. Pasado ese tempo quítase a carne, que xa está cocida e bótanse as patacas, o repolo e os chourizos e déixanse unha hora e cuarto ata que estea todo ben cocido. Feito todo isto só queda servir e comer.

Autora: Laura Ponte Varela

O pan con ollos, o queixo cego, e o viño vello


Páxina 10

Boletín Biblioteca A3P http://centros.edu.xunta.es/esdavidbujan/biblioteca.htm

COCIDO GALEGO Ingredientes: Garavanzos Costela salgada Lacón salgado Touciño de porco Chourizos Patacas Grelos Sal

Preparación: Déixase toda a noite a desalgar a carne. Tamén se deixan os garavanzos a remollo. Nunha pota ponse a cocer a carne. Noutra pota póñense os garavanzos con sal e un anaco de carne para darlles sabor. Cando a carne estea cocida ponse os chourizos cos grelos e as patacas. Cócese todo a fogo lento ata que todo estea cocido. Sácase todo das potas e sérvese.

Autora: Estela Rouco Fernández

Con pan e viño ándase o camiño


Boletín Biblioteca A3P http://centros.edu.xunta.es/esdavidbujan/biblioteca.htm

Páxina 11

COELLO Á CAZADORA Ingredientes: 1.5 quilo de coello tallado Aceite de oliva Champiñóns laminados Cebola picada 2 dentes de allo Vino branco Tomates (sen sementes e sen pel) Caldo escuro de carne Sal

Preparación: Metemos o coello nunha cazola con aceite quente. Retiramos o coello despois de 3 minutos. Engadimos o viño, o allo, a cebola e os champiñóns. Agora metemos de novo o coello e, xunto a el, os tomates. Mollamos co caldo de carne e deixamos cocer a fogo lento durante cincuenta minutos. Finalmente retiramos o coello e pasamos a salsa por un coador chinés.

Autor: Ignacio Márquez Albés

Carne vella fai bo caldo


Páxina 12

Boletín Biblioteca A3P http://centros.edu.xunta.es/esdavidbujan/biblioteca.htm

EMPANADA DE BACALLAO Ingredientes: 1 quilo de bacallao desalgado 3 pementos 3 cebolas 100 cc. de aceite de oliva 50 cc. de leite morno 30 gr. de lévedo de panadería 350 gr. de fariña 125 cc. de auga morna 2 ovos (para vernizar a empanada)

Preparación: Prepárase o recheo da empanada cos pementos e as cebolas cortados en xuliana e o bacallao esmigallado. Prepárase a masa da empanada co aceite sobrante de guisar o recheo (100 cc.), o lévedo de panadería, o leite morno, a auga morna, 250 grs. de fariña e o sal. Trabállase a masa coas variñas ate que se solte da cunca que estamos a usar e logo a man durante dez minutos. Déixase repousar media hora e estírase en dúas partes co rodete. Colócase a metade da masa nunha fonte de forno engraxada . Pínchase a masa cun garfo e esténdese sobre ela o recheo. Cóbrese coa outra metade da masa, que tamén hai que pinchar, e fáiselle un buraco no centro a xeito de cheminea. Sélanse as dúas partes e adórnase cos restos da masa. Enfórnase durante media hora a 180 graos.

Autor: Alejandro Santoandré García


Boletín Biblioteca A3P http://centros.edu.xunta.es/esdavidbujan/biblioteca.htm

Páxina 13

ENSALADA MIXTA Ingredientes: ½ aguacate ¼ cunca de aceite ¼ cunca de vinagre 1 culleradiña de sal ¼ culleradiña de pementa 6 follas de leituga romana 3 talos de apio tenro picados 6 champiñóns laminados 1 cabazo, en rebandas delgada ½ cebola, en rebandas delgada ½ pemento en rebandas delgadas

Preparación: Moer na licuadora o aguacate, a cunca de vinagre, a cunca de aceite, a culleradiña de sal e a culleradiña de pementa. Poñer as verduras acomodadas nunha ensaladeira e bañarllas co aderezo.

Dito: Pola miña nai Autor: Mikael García Fraga

Do mar o salmón e da terra o lacón


Páxina 14

Boletín Biblioteca A3P http://centros.edu.xunta.es/esdavidbujan/biblioteca.htm

ESPAGUETES Á BOLOÑESA Ingredientes: 250 g. de espaguetes Medio quilo de carne picada Tomate frito Cebola Salsa bechamel preparada Queixo parmesano relado

Preparación: Cocemos a pasta uns 12-14 minutos na auga fervendo salgada. Mentres preparamos un sofrito coa cebola e o tomate frito. Botamos a carne e deixamos que coza a fogo medio removendo de vez en cando uns 10 minutos. Escorremos os espaguetes. Botamos por riba un pouco de bechamel e o sofrito coa carne. Por último empoamos un pouco de queixo relado ao gusto.

Dito: Por miña nai. Autor: Mikael García Fraga

O leite e o viño, fan O vello mociño


BoletĂ­n Biblioteca A3P http://centros.edu.xunta.es/esdavidbujan/biblioteca.htm

PĂĄxina 15

Arrondo Moro, Ignacio Natureza morta 1975


Páxina 16

Boletín Biblioteca A3P http://centros.edu.xunta.es/esdavidbujan/biblioteca.htm

ESPAGUETES CON LAGOSTINOS Ingredientes para dúas persoas: 8 lagostinos desconxelados 1 tomate e medio cru 200 ml. de nata líquida 1 vaso de viño branco Pementa branca, ourego, estragón

Preparación: Nunha cazola tállanse os tomates cun pouquiño de aceite e en 2-3 minutos engádese parte da nata líquida. Noutros 2-3 minutos engádense os espaguetes xa cocidos. Nunha tixola cun pouco de aceite bótanse os lagostinos. Bótase abundante sal polos dous lados. Ó cabo duns minutos botamos o viño branco e as especias. Logo o resto da nata. Sérvense os espaguetes, e a cada prato bótaselle enriba os lagostinos e a salsa.

Autor: Daniel Ruiz Pérez

A comida repousada e A Cea paseada


Boletín Biblioteca A3P http://centros.edu.xunta.es/esdavidbujan/biblioteca.htm

Páxina 17

ESPETADA DE VIEIRAS Ingredientes: 4 vieiras (por persoa) Aceite de oliva 1 dente de allo Chile Perexil picado Zume de limón Sal

Preparación: Primeiro límpanse as vieiras eliminando todos os seus elementos agás o coral e a vianda branca. Despois sacámolas e espetámolas nun pincho. Agora facémolas a prancha ata que se douren. Nunha tixola aparte quentamos o aceite e douramos o allo laminado e o chile. Logo engadímoslle o zume de limón. Agora regamos a brocheta coa salsa e empoamos o perexil.

Autor: Ignacio Márquez Albés

Pan con pan, comida De parvos


Páxina 18

Boletín Biblioteca A3P http://centros.edu.xunta.es/esdavidbujan/biblioteca.htm

GUISO DE BACALLAO Ingredientes: Bacallao Patacas Repolo Aceite de oliva Sal Pemento doce

Preparación: Nunha pota con auga cócese o repolo, as patacas e o bacallao que foi desalgado previamente. Déixase cocer 45 minutos e escorréselle a auga. A continuación quéntase o aceite nunha tixola e engádese o pemento doce. De seguido, engádese esta mestura á pota co bacallao e espérase 5 minutos. Tras esta espera, sácase todo e sérvese nunha fonte porque xa está listo para comer.

Autora: Laura Ponte Varela

de xaneiro a xaneiro, come carneiro


Boletín Biblioteca A3P http://centros.edu.xunta.es/esdavidbujan/biblioteca.htm

Páxina 19

GUISO DE CARNE Ingredientes: Carne Tomates Patacas Allo Sal Pemento verde Macarróns Aceite de oliva Cebola

Preparación: Botamos un pouco de aceite de oliva nunha pota e picamos a cebola. Botámola no aceite. Fritímola un pouco. Despois botamos a carne previamente salgada e co allo. Fritimos a carne un pouco na pota. Cortamos dous tomates en anacos e botámolos coa carne. Deixámola cocer ate que se desfagan os tomates. Despois pelamos e cortamos as patacas en anacos pequenos e botámolas na pota. Engadimos auga ate cubrir. Deixamos que empece a cocer. Botámoslle un pouco de sal e o pemento verde enteiro. Cando estean as patacas case cocidas botamos uns poucos macarróns . Deixamos que coza todo e xa está listo para servir.

Autora: Estela Rouco Fernández


Páxina 20

Boletín Biblioteca A3P http://centros.edu.xunta.es/esdavidbujan/biblioteca.htm

LACÓN CON GRELOS Ingredientes: 1 quilo de lacón 250 gramos de cachucha de cocho 250 gramos de orella de cocho 600 gramos de chourizos galegos Quilo e medio de grelos 2 patacas medianas por comensal

Preparación: Hai que desalgar o lacón nunha gran cazola durante dous días, cambiando o auga tres ou catro veces. Tírase a última auga na que se ten desalgado o lacón e este ponse a cocer nunha cazola de grandes dimensións, colmada de auga, durante unha hora e trinta minutos aproximadamente. Transcorrido ese tempo, sácase o lacón da cazola e bótase a esta os chourizos e as patacas peladas e enteiras. Ós vinte minutos incorpóranse os grelos e o lacón á cazola e deixase cocer uns dez minutos máis. O lacón sérvese enteiro nunha fonte e os chourizos, as patacas e os grelos noutra.

Autor: Rubén Becerra Martínez

o cabrito, cómeo dun mes; e o año, de tres


BoletĂ­n Biblioteca A3P http://centros.edu.xunta.es/esdavidbujan/biblioteca.htm

PĂĄxina 21

Castillo Casalderrey, Jorge Mesa con froitas 1985


Páxina 22

Boletín Biblioteca A3P http://centros.edu.xunta.es/esdavidbujan/biblioteca.htm

O MELLOR BOCATA DO MUNDO Ingredientes: Pan de baguette ou pan de molde Maionesa Tabasco Queixo (manchego, brie ou incluso lascas de queixo) Pementos de “Piquillo” en tiras Anchoas

Preparación: Úntase o pan coa maionesa e bótanselle unhas gotiñas de tabasco. Ponse o queixo, as tiras de pemento e as anchoas. Pódese facer canapés cos mesmos ingredientes.

Autor: Daniel Ruíz Pérez

A boa panadeira médralle a masa na artesa


Boletín Biblioteca A3P http://centros.edu.xunta.es/esdavidbujan/biblioteca.htm

Páxina 23

MEXILLÓNS Á MARIÑEIRA Ingredientes: 1.5 Kg. de mexillóns 1 cebola pequena picada 1 dente de allo 2 culleradas de tomate en salsa 1 cullerada de perexil picado 1 cullerada de fariña 1 vaso de viño branco 1 vaso de aceite de oliva Pementa branca en po Auga Sal

Preparación: Primeiro ponse o aceite nunha tixola a quentar co dente de allo e a cebola ben picados. Unha vez que estean brandos, engádenselles os mexillóns, a fariña, o sal, a pementa, o viño, o tomate e ¼ de litro de auga. Déixase cocer uns 10 ou 12 minutos. Nun morteiro imos esmagar o allo previamente fritido co perexil, diluíndoo todo en dúas culleradas de auga e engadíndoo ós mexillóns. A nova mestura déixase cocer outros 5 minutos. Por último sérvese todo nunha fonte.

Autora: María Taibo Barbeito


Páxina 24

Boletín Biblioteca A3P http://centros.edu.xunta.es/esdavidbujan/biblioteca.htm

PAELLA DE MARISCOS Ingredientes: 1 polo grande tallado 2 cuncas de arroz 4 cuncas de caldo de pescado 1 lura grande cortada en aros 250 gr. de gambas frescas 250 gr. de ameixas 250 gr. de peixe branco 100 gr. de chícharos 2 pementos vermellos

2 tomates maduros 1 cebola mediana 1 dente de allo 1 rama de perexil 1 limón Azafrán 1 cunca de aceite de oliva Sal

Preparación: Nunha tixola con aceite fritir o polo. Reservar. Fritir a cebola picada, o allo e os tomates. Cocer as ameixas e separar as cunchas baleiras. Nunha paelleira grande con aceite fritir a lura, o peixe e o arroz. Mover todo cunha culler de madeira e botar o sal e o caldo de peixe, que se aumentará con auga quente ata chegar as 4 cuncas. Remexer a paelleira para que o líquido quede repartido e cociñar a fogo lento. Picar o allo, o perexil e o azafrán cun pouco de sal e dúas culleradas de auga quente. Agregarllo ó arroz xunto co polo e as gambas. Cando se evapore a metade da auga, engadir o pemento cortado en tiras e as ameixas. Cocer durante vinte minutos. Deixar repousar uns minutos e servir. Autora: Carolina Rodríguez Canosa


Boletín Biblioteca A3P http://centros.edu.xunta.es/esdavidbujan/biblioteca.htm

Páxina 25

PASTEL DE CARNE Ingredientes: 1 quilo de patacas 1 vaso de leite 60 g. de manteiga 300 g. de carne picada 200 g. de tomate frito 1 cebola pequena Un pouquiño de aceite de oliva na tixola

Preparación: Cocer as patacas e trituralas un pouco sen pasarse ata que estean un pouco espesas, con manteiga e leite ata conseguir un puré. Por outra banda fritimos a carne ben picada e engadimos tomate frito e a cebola ben picadiña. Nunha bandexa ponse unha capa de puré por enriba outra capa de carne picada e para terminar tápase con outra de puré.

Autora: Alejandra de la Fuente Ferrío

A Carne pon carne, o pan pon panza e o viño guía a danza


Páxina 26

Boletín Biblioteca A3P http://centros.edu.xunta.es/esdavidbujan/biblioteca.htm

PERDICES CON GRELOS Ingredientes: 4 perdices 1 kg de grelos 10 ceboliñas 2 dentes de allo 1 pola de romeu 2 culleradas de fariña 1 copa de Brandy 1 cunca de caldo limpo de carne 1 chorriño de aceite Pementa (o gusto de cada un) Sal (o gusto de cada un)

Preparación: Ponse unha cazola alta con auga e sal a ferver. Límpanse os grelos e póñense a ferver mentres se pelan as ceboliñas. Os allos póñense a salferir; cando se douren sácanse e ponse nun prato. A continuación, na mesma cazola ponse a fritir os perdices, salpimentadas a lume forte, ata que se torren. Despois, engadimos as ceboliñas, a fariña torrada (dándolle unhas voltas) e bótase na cazola o Brandy e a pola de romeu. Cando pasen 5 min. (sen deixar de remexer) bótase a cunca de caldo limpo, deixándoo a lume baixo, 30 min. Mentres, escórrense os grelos xa cocidos e bótanse na cazola dos perdices e déixanse outros 10 min.

Autor: Antón Naya López


Boletín Biblioteca A3P http://centros.edu.xunta.es/esdavidbujan/biblioteca.htm

Páxina 27

Fernández, Virxilio Natureza morta 1973


Páxina 28

Boletín Biblioteca A3P http://centros.edu.xunta.es/esdavidbujan/biblioteca.htm

POLBO GALEGO Ingredientes: Polbo Cebola Patacas Pemento doce Pemento picante Aceite de oliva Sal

Preparación: Ponse auga nunha pota. Cando comeza a ferver móllase o polbo tres veces e bótase na pota. Tamén bótase a cebola. Déixase na pota ata que estea cocido. Entón retírase a unha bandexa. Na mesma auga do polbo bótase o sal e as patacas peladas e partidas en anacos e déixanse cocer. Córtase o polbo, bótaselle sal, pemento doce, pemento picante e o aceite de oliva. Sérvense as patacas co polbo.

Autora: Estela Rouco Fernández

No san xoán a sardiña molla o pan


Boletín Biblioteca A3P http://centros.edu.xunta.es/esdavidbujan/biblioteca.htm

Páxina 29

POLBO Ingredientes: 1 polbo Auga Aceite de oliva Pemento picante Sal

Preparación: Primeiro ponse a ferver unha pota con auga. Unha vez que xa ferveu sácase e métese o polbo tres veces e deixase na auga na cuarta vez. Déixamos ferver 45 minutos e sacamos e cortamos en anacos cunha tesoira e colocamos nun prato no que se lle botará o sal, o pemento e o aceite de oliva e ¡¡ A COMER!!

Autora: Laura Ponte Varela

Come para vivir e non vivas para comer, que podes perder


Páxina 30

Boletín Biblioteca A3P http://centros.edu.xunta.es/esdavidbujan/biblioteca.htm

REVOLTO DE COGOMELOS E GRELOS Ingredientes. Un mañizo de grelos 3 ovos 1 chisco de sal 500 gr. de cogomelos (champiñóns ou níscaros)

Preparación: Límpanse os grelos deixando só a folla e pícanse en anacos pequenos. Póñense nunha ola a ferver con auga e sal e cando estean cocidos escórrense. Nun prato a parte bátense os ovos. E por último mestúrase todo nunha tixola ata que os ovos estean callados. Ponse nunha fonte todo xunto ou individualmente. Pódese adornar a fonte ou prato cun chisco de pemento doce ou picante segundo os gustos de cadaquén.

Autor: Alejandro Santoandré García

Caldo sen pan, no inferno o dan


Boletín Biblioteca A3P http://centros.edu.xunta.es/esdavidbujan/biblioteca.htm

Páxina 31

SEPIA LEVANTINA Ingredientes: 6 sepias de ración 2 dentes de allo 2 culleradas de perexil picado 1 leituga ½ de zume de limón Aceite

Preparación: Untar as sepias con aceite e picar o allo. Empoalas co allo e o perexil, tamén picado. Poñelas á prancha durante 3 minutos aproximadamente. Darlle a volta á media cocción e, no último minuto, verter o zume de limón. Poñer as sepias nunha fonte e envorcar sobre elas o zume da cocción. Servilas quentes, acompañadas dunha ensalada de leituga moi picada.

Autor: Aarón Merelas Roel

O touciño fai o caldo


Páxina 32

Boletín Biblioteca A3P http://centros.edu.xunta.es/esdavidbujan/biblioteca.htm

SOLOMBO Á LARANXA Ingredientes: 500 gr. de solombo de cocho 3 laranxas grandes 4 cravos de especia 1 cullerada de maicena 1 cullerada de azucre Ourego Canela Sal

Preparación: Cravar no solombo uns cravos e empoalo con canela e ourego. Colocalo nunha fonte de forno e regalo co zume dunha laranxa. Metelo no forno, previamente quente, e asar uns 25 minutos. Espremer as laranxas restantes, botar o zume nun cazo e diluír nel a maicena xunto co azucre e un chisquiño de sal. Deixar cocer ata que espese. Deixar arrefriar a carne, regar cunha pouca salsa e servir o resto nunha salseira aparte.

Autor: Aarón Merelas Roel

A horta de outono mantén o seu dono


Boletín Biblioteca A3P http://centros.edu.xunta.es/esdavidbujan/biblioteca.htm

Páxina 33

Seoane López, Luis Natureza morta con xerra e cebolas 1953


Páxina 34

Boletín Biblioteca A3P http://centros.edu.xunta.es/esdavidbujan/biblioteca.htm

RACLETTE Matériaux : Une raclette Des fourchettes

Ingrédients: Du fromage Raclette (en cubettes) Des échines de porc (ou quelque autre viande) Du pain grillé Des grosses crevettes Des oignons Des poivrons Des champignons

Préparation : Préchauffer la raclette 10 minutes Mettre le fromage dans les pelles qui sont au dessous de la raclette et attendre jusqu’à ce qu’ils fondent Faire des brochettes avec la viande et les légumes Mettre les échines et les brochettes sur la grille Sortir les pelles de fromage fondu et en manger avec les brochettes, les échines et le pain.

Auteur: Laura Caballero García 4º ESO A


Boletín Biblioteca A3P http://centros.edu.xunta.es/esdavidbujan/biblioteca.htm

Páxina 35

TORTILLA DE ESPINACAS Ingredientes: Unha presa de espinacas 3 ou 4 ovos Sal Aceite de oliva

Preparación: Nunha tixola cun pouco de aceite bótanse as espinacas, previamente lavadas e cortadas. Mentres, bátense os ovos. Cando as espinacas están feitas mestúranse cos ovos batidos e engádese sal. Bótase todo na tixola a lume medio. Cando estea feita por un lado dáselle a volta. Sérvese quente.

Deume a receta: Serafín Vicente Autora: Xulia Vicente Jiménez

Comer e cozar todo É comezar


Boletín Biblioteca A3P http://centros.edu.xunta.es/esdavidbujan/biblioteca.htm

Páxina 36

XAMÓN ASADO AO MEL CON PURÉ DE CASTAÑAS Ingredientes: 1 xamón pequeno 1 vaso de mel 1 copa de ribeiro tinto Manteiga de porco 1 quilo de castañas 1 vaso de caldo de carne Noz moscada Sal Cravo

Preparación: Úntase o xamón en manteiga e sálgase, colócanselle uns cravos arredor. Ponse o mel no forno a 200 graos centígrados e unha vez quente ponse o xamón a facerse no forno un pouquiño. Aclaración: mentres se quenta o mel, revólvese co viño, báixase o forno a 150 graos e píntase o xamón con esta mestura ata que quede ben empapado. No fondo da bandexa bótase medio vaso de caldo de carne. Deixándoo hora e media. Píntase de vez en cando ata que se acabe a mestura do viño e o mel (Se se reseca pódese engadir un vasiño de auga). Mentres, pélanse as castañas e cócense en auga con sal. Cando estean cocidas escórrense e límpanse ben, póñense nun bol e bótase un vaso de aceite e o medio vaso de auga sobrante de caldo de carne, un pouco de noz moscada e tritúranse para facer o puré de castaña. Con este puré acompáñase o xamón asado.

Autor: Antón Naya López


Boletín Biblioteca A3P http://centros.edu.xunta.es/esdavidbujan/biblioteca.htm

SOBREMESA

Páxina 37


Páxina 38

Boletín Biblioteca A3P http://centros.edu.xunta.es/esdavidbujan/biblioteca.htm

BAVAROIS AUX FRAISES Ingrédients 450 g. de fromage blanc 2 cui. a s. de sirop d’orgeat 300+150 g. de fraises 2 blancs d’œufs 8 g. de gélatine en poudre 1 cuil. à s. de sucre glace Pour le fond : 125 g. de biscuits de régime 50 g. de beurre.

Préparez le fond: Tapissez le moule à manqué de papier cuisson. Concassez les biscuits de régime un par un en grosses miettes. Faites fondre le beurre à feu très doux. Ajoutez les biscuits en miettes, mélangez pur les enrober. Versez dans le moule. Puis placez 20 min. au frigo.

Préparez la mousse : Fouettez le fromage blanc bien égoutté pour le lisser. Ajoutez le sirop d’orgeat et le sucre glace. Lavez dans une passoire sous le robinet, séchez, équeutez 300 g. de fraises. Poudrez la gélatine sur 2 cuil. à s. d’eau. Laissez-la gonfler. Faites fondre à la micro-onde. Versez la gélatine brûlante dans le fromage blanc sans cesser de fouetter. Fouettez les blancs et une pincée de sel en neige très ferme. Mêlez la neige au fromage en même temps que les fraises.

Terminez le bavarois Versez la mousse sur la croûte. Faites prendre au moins 3 heures au frigo. Démoulez en soulevant le papier à quatre mains. Juste avant de servir, vous pouvez poser dessus le reste de fraises. Ajoutez selon votre choix : feuilles de fraiser, pousses de menthe…..

Auteur : Nuria Echevarría Villar

4º ESO A


Boletín Biblioteca A3P http://centros.edu.xunta.es/esdavidbujan/biblioteca.htm

Páxina 39

“BEN ME SABES” Ingredientes: 6 ovos 12 galletas ou biscoitos 2 copas de xerez doce 6 culleradas de azucre Canela

Preparación: Sepáranse as xemas das claras. Bátense as claras a punto de neve. Mestúranse as xemas co azucre e cando estea consistente incorpórase ás claras. No fondo dun recipiente colócanse as galletas ou biscoitos e móllanse co xerez, a continuación vértese a mestura dos ovos e cóbrese coa canela.

Autora: Xulia Vicente Jiménez

O que cea e vaise a deitar, mala noite quere pasar


Páxina 40

Boletín Biblioteca A3P http://centros.edu.xunta.es/esdavidbujan/biblioteca.htm

CHARLOTTE AUX FRUITS ROUGES Ingrédients 2 paquets de biscuits 300 g. de fraises 300 g. de framboises 150 g. de sucre semoule 3 dl. de crème liquide 8 feuilles de gélatine 2 cuil. a soupe de jus de citron

Préparation: Brisez 6 biscuits. Mettez les feuilles de gélatine à tremper dans l’eau froide. Réduisez les fraises en purée et passez-les à travers une passoire. Ajoutez la moitié du sucre et 1 cuil. A soupe de jus de citron. Réduisez 200 g. de framboises et passez-les à travers une passoire. Ajoutez le sucre et le soupe de jus de citron restant. Chauffer 1 dl. d’eau, ajoutez les feuilles de gélatine en les égouttant, tournez et retirez du feu quand tout sera fondu. Incorporez la crème fraîche aux deux purées de fruits. Disposez les biscuits verticalement sus les bords d’un moule. Mettez au fond les biscuits brisés et ajoutez une couche de framboises, parsemez de biscuits brisés et ajoutez les framboises restants. Versez la mousse de fraises et finissez par de biscuits. Mettez la charlotte au frigo au moins 4 heures,

Auteur: Inés Ferreiro Alonso 4º ESO A


Boletín Biblioteca A3P http://centros.edu.xunta.es/esdavidbujan/biblioteca.htm

Páxina 41

Peteiro Vázquez, Jorge Natureza morta e igrexa 1997


Páxina 42

Boletín Biblioteca A3P http://centros.edu.xunta.es/esdavidbujan/biblioteca.htm

MELINDRES Ingredientes: 15 xemas de ovo 3 ovos ¼ quilo de améndoas tostadas e picadas ¼ quilo de azucre Fariña 1 copa de anís Aceite de oliva Sal Preparación: Primeiro bátense ben as xemas (previamente separadas da clara), os outros ovos, o azucre, un pouco de sal e o anís. Cando a mestura se volva dunha cor uniforme, engádese pouco a pouco a fariña ata formar unha masa á que tamén engadiremos a améndoa, feita unha pasta para a súa mellor mestura. Cando todos os ingredientes da masa estean ben unidos, dáselle forma sobre unha bandexa aceitada, que logo introduciremos no forno para que os melindres cozan. Por último preséntase todo nunha fonte. Autora: María Taibo Barbeito

Pan con fartura e viño con mesura


Boletín Biblioteca A3P http://centros.edu.xunta.es/esdavidbujan/biblioteca.htm

Páxina 43

MOUSSE DE CHOCOLATE Ingredientes: 250 gr. de chocolate negro 100 gr. de manteiga 5 xemas de ovo 10 claras de ovo 50 gr. de azucre glacé

Preparación: Fundir o chocolate 2 minutos no microondas ou ó baño María. Mesturar o chocolate coa manteiga, removendo. Montar as claras ó punto de neve, empoalas con azucre. Botar a mestura sobre as claras, levantando a preparación cunha espátula. Servir nunha copa e metela na neveira durante 4 horas. Decorar ó gusto.

Autora: Paula Soriano Baeza

Os dós con pan e viño son bos


Páxina 44

Boletín Biblioteca A3P http://centros.edu.xunta.es/esdavidbujan/biblioteca.htm

MOUSSE DE LARANXA E MEL Ingredientes: 25 gr. de mel 1 laranxa 2 culleradas de zume de limón 300 gr. de iogur desnatado 2 claras de ovo

Preparación: Rela a cortiza dunha laranxa e extrae o zume. Mestura o mel co zume de laranxa. Engádelle a cortiza de laranxa (reserva unha pouca para decorar), e o iogur. Mestura todo. Bate as claras de ovo a punto de neve e incorpóraas á crema anterior. Verte en copas de xeado e adorna coa cortiza de laranxa.

Autora: Carolina Rodríguez Canosa

Auga en San xoán, tolle o viño e non dá pan


Boletín Biblioteca A3P http://centros.edu.xunta.es/esdavidbujan/biblioteca.htm

Páxina 45

SORBETE DE LIMÓN Ingredientes: 4 limóns de zume 200 gr. de azucre ½ litro de auga 2 claras de ovo 1 cáscara dun limón relada ½ pola de canela ou follas de menta Sal

Preparación: Ráspase a cáscara dun limón e esprémese o zume dos limóns. Ponse a cocer a auga co azucre e a canela durante uns dez minutos. Deixar arrefriar. Cando estea case frío mesturalo co zume e a cáscara relada, tamén se pode botar un pouco de canela moída. Meter no conxelador. Cando empece a conxelarse bátense as dúas claras a punto de neve ben firmes (cun pouco de sal) e mestúranse co que xa puxeramos no conxelador. Métese de novo no conxelador ata que estea ben frío e duro.

Autora: Paula Soriano Baeza

Bo é beber, pero non ata caer


Páxina 46

Boletín Biblioteca A3P http://centros.edu.xunta.es/esdavidbujan/biblioteca.htm

TORTA DE MAZÁ Ingredientes: 5 mazás 2 ovos 7 culleradas de leite 7 culleradas de azucre 7 culleradas de fariña 1 cullerada pequena de lévedo 2 culleradas de manteiga cocida Raspadura de limón ou laranxa Un pouco de zume de limón ou laranxa Marmelada de melocotón

Preparación: Untamos con manteiga un molde e agregamos un pouco de fariña para evitar que a torta se pegue. Nun bol, batemos os dous ovos e engadimos os ingredientes (leite, azucre, fariña, lévedo, manteiga derretida, raspadura e o zume de laranxa ou limón). Despois pelamos as mazás e as cortamos en catro partes. Dúas delas pícanse finas coma se fosen patacas para tortilla e mesturámolas coa masa do bol. As outras reservámolas para adornar. Baleiramos o contido do bol no molde, cortamos as mazás restantes ó longo do cuarteirón o máis fino posíbel e colocámolas enriba da masa en círculo (dependendo da forma do molde). Metémolo no forno, previamente quentado durante 10 minutos a 175-200º durante 45 minutos aproximadamente. Cando retiramos a torta do forno deixámola arrefriar e desmoldamos. Colocámola enriba dun prato ou fonte e cubrímola cun pouco de marmelada de melocotón.

Autora: Antía Sotillo Núñez


Boletín Biblioteca A3P http://centros.edu.xunta.es/esdavidbujan/biblioteca.htm

Páxina 47

Dans Boado, Mª Antonia Naturez morta con froitas e cadeira 1984


Páxina 48

Boletín Biblioteca A3P http://centros.edu.xunta.es/esdavidbujan/biblioteca.htm

TORTA DE QUEIXO FRESCO CON SALSA DE AMORODOS Ingredientes: Pasta brisa: 200 gr. de fariña 100 gr. de manteiga 1 ovo 1 cullerada de auga 25 gr. de azucre Sal Recheo: 500 gr. de queixo fresco ½ litro de leite 250 gr. de nata líquida 25 gr. de azucre 6 follas de xelatina fina Salsa: 150 gr. de marmelada de amorodos 25 gr. de azucre 1 cullerada de auga

Preparación: Formar un volcán coa fariña, poñer no centro a manteiga, o ovo, o azucre, o sal e a culler chea de auga. Amasar facendo unha bola e deixar dúas horas no frigorífico. Estender a pasta cun rodete e forrar un molde. Poñela no forno, previamente quente, a 225º C. Cocer uns 15 minutos e deixala arrefriar. Temperar o leite mesturado coa nata e o azucre. Engadir a xelatina. Retirar do lume e engadir o queixo fresco en anaquiños. Verter dentro da torta cocida, igualar ben e meter no frigorífico ata que solidifique. Cando estea no seu punto, cubrila coa marmelada.

Autor:

Aarón Merelas Roel


Boletín Biblioteca A3P http://centros.edu.xunta.es/esdavidbujan/biblioteca.htm

Páxina 49

TORTA DE SANTIAGO Ingredientes: Para a masa: 3 culleradas de aceite de xirasol 3 culleradas de leite 100 g. de fariña Sal Azucre Para o recheo: 4 ovos 200 g. de améndoas moídas crúas e peladas 200 g. de azucre A cortiza dun limón relado Canela en po Azucre glacé

Preparación: Preparase unha masa co aceite, o leite, a fariña, un pouco de azucre e un petisco de sal. Déixase repousar 30 minutos tapada cun pano. Pasado este tempo esténdese sobre a mesa, cuberta de fariña, co rodete ata deixala fina. Fórrase con ela un molde baixo desmontable redondo. A parte, bátense os ovos ata que estean espumosos, con azucre, a rela do limón e a canela. Engádese a améndoa pouco a pouco, enchese a torta con esta masa e métese ao forno previamente quentado a temperatura media, uns 20 minutos ou ata que vexamos que está dourada. Sácase do molde a torta e colócase nunha bandexa. Recórtase nun papel unha cruz de Santiago e cando a torta está fría ponse no seu centro a cruz e empoase con azucre glacé. Por último quítase a cruz de papel e sérvese.

Autora: Paula Soriano Baeza


Páxina 50

Boletín Biblioteca A3P http://centros.edu.xunta.es/esdavidbujan/biblioteca.htm

TRUCOS Para a cociña: Un caixón que non abre. Para que os caixóns se deslicen ben, fregar as guías coa cera dunha candea ou con xabrón. Pasar despois un papel de lixa fino e aplicar outra lixeira capa de cera ou xabón. Desconxelar rapidamente. Non é moi recomendábel acelerar o proceso de desconxelación, pero se se desexa facelo, usar un secador de man enfocado cara o xeo. Quitar óxido. Fregar enerxicamente cun anaco de cebola recuberto de sal os apeiros metálicos de cociña. É unha forma ideal para quitar o óxido que se formou sobre eles. Sacar brillo. Para manter o brillo dos utensilios de aceiro inoxidable, pódense fregar directamente coa auga da cocción de patacas. Auga da pataca. A auga de cocer as patacas e moi boa para desengraxar. En aparellos moi emporcados pódese usar como eficaz limpador. Solución de emerxencia. Para desencaixar dous vasos dun modo rápido, pódese encher o vaso interior con auga fría e dar uns pequenos golpiños ó de embaixo. O viño, o mellor quitamanchas. As manchas que aparecen nos garfos e culleres pódense eliminar cun remedio moi sinxelo, só hai que fregalos cun pano humedecido en viño tinto quente. Pelar cebolas sen chorar. O método máis tradicional é facelo debaixo dun chorro de auga fría e respirar pola boca, non polo nariz. O aceite salta. Para evitar que o aceite salte ó fritir, botar un pouco de sal na tixola. Abrir un tarro sen esforzo. Unha boa solución para abrir un tarro de cristal que se resiste, é facelo cunha luva de goma posta na man coa que se ten que xirar a tapa. A luva fai que a man non esvare o xirar e que, con menor esforzo se acade o obxectivo. Partir as noces. Para partir as noces facilmente, poñelas nun bol con auga salgada e deixalas toda a noite. Ao día seguinte abrilas xa non será problema.


Boletín Biblioteca A3P http://centros.edu.xunta.es/esdavidbujan/biblioteca.htm

Para manchas de: Suor. Para eliminar as manchas de suor das prendas de roupa, deixalas en remollo en auga con vinagre antes de lavalas. Sangue. Se a mancha de sangue é antiga, pódese eliminar fregándose cun pano humedecido en auga con vinagre. Herba. Se a mancha é antiga quítase botando sobre ela un chorro de alcohol diluído en auga quente. Aclarar despois con auga fría e logo lavar de modo habitual segundo o tipo de tecido. Barro na roupa. Cepillar a mancha en seco é a mellor solución para sacar a lama sen esforzo. Despois lavar con auga morna e deterxente. Se a mancha persiste, móllase con limón e sal. Deixar enxugar e logo aclarar. Licor. As manchas novas de licor elimínanse lavando a prenda en auga fría. Se a mancha é antiga, deixala en remollo en auga osixenada durante media hora. Viño , té ou café. As manchas de viño, té ou café no mármore da cociña elimínanse facilmente preparando unha solución de catro partes de auga por unha de auga osixenada. Fregar a mancha con esa mestura e secar de seguido.

Paxaros: O canario máis cantareiro. Para que o teu canario cante máis e mellor, deixa correr a auga por pequenos encanamentos ata que perfeccione o seu canto. Tamén lle pode axudar ter un espelliño dentro da gaiola. O periquiño falangueiro. Con moita paciencia podes conseguir que pronuncie algunhas palabras. Pero aprenderá moito máis rápido se recibe as leccións ó serán antes de acender a luz. Vó sen accidentes. Hai que asegurarse de que as portas e ventás da habitación estean ben pechadas antes de ceibar o paxariño. Para evitar que choque contra o cristal da ventá, o truco é sinxelo: pechar a cortina.

Páxina 51


Páxina 52

Boletín Biblioteca A3P http://centros.edu.xunta.es/esdavidbujan/biblioteca.htm


Boletín nº 13