Page 1

OLA

   

   

 





e faasoa faamatalaga mo a’oga i le gagana Samoa

www.ola888.com

   

PULETINI A’OGA

Faamalosi i le fanau e faaaoga a latou gagana

Solo ia Kalaiesetete

13 FEPUARI 2017 ~ Lomiga 2 ~ Upega Tafailagi: www.ola888.com ~ Telefoni (03) 382 6674 ~ Tuatusi: saili.niupac@gmail.com; evaleon.books@gmail.com ~ E le faatauina ~ A Free Publication

Sauni Waikato mo se a’oga faafoma’i E $5 miliona le foa’i a le alii milionea lotoalofa o Owen Glen lea ua tuu i totonu o le pusa. O ia le tasi o loo naunau mo se isi a’oga faafoma’i a le atunuu. O ia faatasi ma isi e manatu e le o lava le talimana’o i le faafitauli o le le lava o foma’i e tautuaina le atunuu. Lagolagoina foi le fuafuaga e le pulenuu o le taulaga o Waikato. O se poloketi aupito taua lea mo le taulaga talu ona faavae lana iunivesite i na tausaga ua alu. E tusa ma se $100 miliona le tinoitupe o loo ua fuafua mo le atina’e. O le a galulue faatasi ai le iunivesite ma le Pulega Faatonu o le Soifua Maloloina i totonu lava o le taulaga. O le sini tulituli mamao ia mafai ona talimana’o le a’oga i le tau leai o ni foma’i ma ni tausima’i, aemaise i nofoaga taumamao ma taulaga tetele a le atunuu.

AIGA GAGANA E LUA: O le aiga o le susuga ia Tito ma le faletua ia Marie Tuitaupe Vaifale Faatonu e lua gagana e fesoota’i ai, Samoa ma le Peretania. O Marie o se tama’ita’i papalagi ae sosolo lelei le faa-Samoa, e faapena foi le fanau. O se molimau faamaoni lea e mafai ona a’o se gagana faaopoopo pe a loto i ai. E faasese ai le manatu faapea e faigata i aiga e eseese aganuu ona a’o ni gagana se lua. Sa faatasia le aiga i se Surprise Party o le 65 tausaga ua aulia e le tamā, tapena faalilolilo e le fanau.

Malosi le limalavea o le aufaigaluega matutua i totonu o a’oga O i latou nei e sili ona faatuatuaina e se a’oga, auā o la latou matafaioi o tupe. O tupe e faamoemoe i ai le gaoioi lelei o se a’oga i lona faatinoga o fe’au i aso ta’itasi. E ono faatusa i le enisinia na te vaaia le afi o le vaa, a faatamala, ona pe lea o le vaa. O le vaiaso ua te’a atu na tu ai i luma o le faamasino le tama’ita’i o Lynette Collins-Watson, e tali i moliaga o le fa’aaoga sese o tupe a le a’oga na ia tausia. E $114,000 le tinoitupe na ia toese faanana mai teugatupe a le faalapotopotoga a’oga sa galue ai o se faatonu sili (CEO). Na punou lona ao a o tolaulau le faaiuga a le faamasino e ta’utino lona fai ma le iloa o lana agasala. O se vaega o lena tupe na totogi ai pasese o lona aiga e malaga ai ma nonofo i Ausetalia. E $28,000 le tau o se galuega teufale na iloa ane e lei faataunuuina. E $86,000 le aofa’i o se tupe na ia avea mo ia, e ta’i $432 e totogi i lana tusitupe i vaiaso ta’itasi.

Na mafai e ia ona faafo’i ane se $70,000 i luma o le faamasino ma lavea’iina ai i se faasalaga falepuipui. O lona faasalaga, e 10 masina e nofo puipuia ai i lona fale, 200 itula SALAMO A UA TUAI: Lynette Collins-Watson, i luma o le faamasino. Ata H. McNeilly faigaluega i pusatupe a le a’oga. E 22 masina i le fe’au taule aai, ma le $59,000 e toe totogi toese na faasala ai e le faamasino. atu mo tau a le faamasinoga ma le a’oga O loo tu nei le veni a lea a’oga ua le na aafia. mafai ona fealua’i, ua leai se tupe e fai E sosoo le moliaga o Collins-Watson ai. O le vaita’ele sa fuafua mo tamaiti ua ma lena o Nikau Hohaia, na ia gaoia se faatali i le lagi sona tali ona o le lima $100,000 mai le a’oga na galue ai. lavea o le sa vaaia tupe. O Nikau o le tama’ita’i ofisa na te tausia I Hastings i le tausaga talu ai na gaoia api o tupe a le a’oga Maori o Tamarongo i ai se $174,000 e le tama’ita’i o Tania Opunake, Taranaki. O ia e faia le galuega McCartney mai se a’oga sa galue ai. o le totogi o pili ma faamau faamatalaga E tumu tala o le 2016 i gaoiga i totonu o tupe faaalu. o a’oga, e foliga e faapena foi le 2017. Na iloa ane o loo sa’oloto lava ia i le


O LA

ITULAU 2

Ripoti o le Vaiaso:

Iva a’oga tuua’iina i le fa’aaoga sese o tupe

13 FEPUARI 2017 LOMIGA 2

Faamalosi i le fanau e fa’aaoga a latou gagana

Aukilani o le taulaga o gagana e 160, fai mai le ERO o se ofaga lelei e faata’ita’i ma iloa ai le aoga o le tele o gagana; e tatau ona atia’e

E iva ni a’oga o loo ua tuua’iina i le faaaoga sese o tupe, o se vaega o na tupe e fai ai ni totogi faasili mo faia’oga. I le lipoti o le vaiaso na se’i mavae na ta’ua ai le igoa o Papatoetoe Intermediate. I se moliaga faasaga i le pulega faatonu na ta’ua ai faapea ua leva ona fai se faiga e totogi atu ai ni faasiliga i nisi o faia’oga sinia a le a’oga. O le faamoemoe ia taofia ai pea i latou. O loo manino i le lipoti le aafia tonu o le komiti faafoe i sea faatatau, o i latou e afua mai ai sea faaletonu. O nei totogi faaopoopo e avanoa ai le vasega sinia i o latou livi e malaga tafafao ai i taimi o tuuaga o a’oga. Na faailoa foi i le lipoti o nei tupe mai le malo sa fuafua mo le faatupega o polokalame a’oga mo le fanau. E aofia i na polokalame le a’oa’oina o fanau e vaivai i tomai faitau ma le tusitusi. Sa lei faigofie ona mate’ia lea faiga talu ai sa faalafi i lalo o le vaega, ‘faafou a faia’oga (PD). Ae le na’o Papatoetoe, e 8 nisi a’oga sa suesueina e le matagaluega, ua tofia nei ni komesina latou te vaaia, o nisi o na a’oga ua faamalolo a latou komiti faatonu, seia se taimi e toe faafoisia ai i le tulaga masani. O a’oga nei o loo ua vaaia e se pule

faaletumau pe tofi i ai se komesina na te tausia:  Ngapuke (Manawatu) tofi i ai se pule faaletumau ia ianuari 2013  Dalefield (Wairarapa), tofi i ai se komesina ia Mati 2013  Papatoetoe Intermediate (Aukilani Saute), tofi i ai se komesina ia Tesema 2016  Kaikohe Intermediate (Far North), tofi i ai se komesina ia Me 2014  Kolisi Wairarapa, tofi i ai se komesina  Te Hapua & Ngataki (Far North), tofia se komiti faatonu se tasi ma se komesina e vaaia i le 2013  Rangiora High (Kenetaperi), tofi i ai se komesina Fepuari 2015  Natone Park (Ueligitone), tofi i ai se komesina ia Mati 2016  Omahu School (Hawke's Bay), tofi i ai se komesina ia Iuni 2016. E tusa ma se 75 le aofa’i o a’oga ua su’esu’eina i le vao mataupu e aofia ai le faaaoga sese o tupe, o nisi ua leai ni tupe, ua avea ma faafitauli i se pulega fou e tula’i mai. E le na’o a’oga fou o loo aafia, e lavea ai foi ma a’oga tuai e pei o Dalefield i Wairarapa.

Ua fautuaina e le ERO, poo le pulega e nafa ma asiasiga o a’oga faia’oga ia tausolomua i le faamalosia o fanau e tautatala ia latou gagana i totonu o potua’oga. O se tasi lea o faatu iloga mai se ripoti fou a le pulega ua faasalalauina. Na faaalia i le ripoti e faapea o se mea lelei mo fanau le tautatala i ni gagana se lua pe sili atu. Na faatuina foi se taofi o le tatau i a’oga ona faafaigaluega ni faia’oga e mafai ona tautatala i gagana muamua a le fanau, muamua i le tapulaa amata, lona lua i a’oga tulagalua. I lena lava faatu le faatauaina o measina faaleaganuu e aofia ai faafiafiaga ma faatufugaga, o ni vaega o mea e ao ona auai se a’oga. Ae na ta’utino le ripoti i le le lava o ni ta’iala mo a’oga amata e atagia ai le faatauaina o gagana muamua, ae faapea le a’oa’oina o se gagana e lua ai. Sa su’esu’eina i le ripoti le gagana tautala ma ua iloa ai le le lava o se malamalama o faia’oga i le uiga o le upu, ma lona sootaga ma isi gagana e iloa e le fanau. Sa ta’ua foi i le ripoti le faafitauli ua tula’i mai i le le sosolo o le tautala. Ua ave uma e le TV, ipad ma mea na taimi o tamaiti, a ua leai se taimi se taimi e talanoa ai ma isi tamaiti ma matua. E tula’i mai na’o le gagana Peretania e ave i ai le faamuamua; e faamalosia le fanau e tautatala ai ae lafoa’i a latou gagana e sili ona malamalama ai.

Maua le faaiuga mo e sa tatalo mo se sikolasipi a’oga ai i le iunivesite O le Aso Lulu na se’i mavae na maua ai e se vaega o le fanau a’oga le tali o a latou talosaga mo se sikolasipi e faaauau ai le a’oga i se iunivesite. E silia i se 7000 le aofa’i o fanau iloga le atamamai sa tatalo ma tapua’i, o i latou ia i le pito i luga o le tufatufaga. O le tufatufaga e fua i le faaiuga o su’ega o le NCEA ma aiaiga e tatau ona faamalieina ai le NZQA. O nisi o polepolega faaalia e fesoota’i i ni lape na molimauina o su’ega sa

su’e ai le fanau. E iai ai ni mea sese. Faitio fo’i i le faigata o se tasi pepa. O ni pepa se lua na soloia ona o le faauilavea a le mafui’e; na tonu i le NZQA e togi pea pepa a i latou na na mae’a a latou su’ega; a o latou e le’i

mae’a na tuu i ai le avanoa e toe su’e ai. Peita’i o se tala tausaafia le itiiti o se aafiaga o faaiuga o su’ega a fanau Kaikoura i le mafui’e na luluina lo latou aai. O nisi o faamau faailogaina i le su’ega e iai lena a le tama’ita’i o Joanna Li (ata), o le Diocesan Girls, e 100 aato na ia maua i le pepa o le Tala Faasolo (History). Faamalo atu i e ua talia a latou tatalo. Faamalo foi i e ua le talia. Ae faapitoa le faamalo i fanau Samoa ua manuia ma faitau ai tatou i le tauvaga.


13 FE P UA RI 2017 L O MIGA 2

O LA

Faasoa o le Vaiaso:

ITULAU 3

Talanoa A’oga ma Rev Fitifiti Luatua

E malie le pese fou a le ERO Fai mai le ripoti a le ERO e lelei ona faamalosi le fanau e tautatala ia latou gagana i totonu o le potua’oga. Na ta’utino fo’i le ripoti i le aogā o gagana muamua a le fanau i a latou su’esu’ega i le atamai. Na ta’utino fo’i i le le lava tapenaina o faia’oga e tusa i alaga’oa e limata’ita’iina ai se malamalama i lo latou fa’aaogaina. Faatasi ma ni manatu faatu o mea e faaleleia ai sea fe’au. E ui o loo aga’i fautuaga i le matagaluega o a’oga, ma faia’oga, ae le natia sona aafiaga faaupufai o malo. Auā o lenei mataupu i gagana e le o se pese malie e fia pepese uma ai faipule ma e faia tonu o lenei atunuu. O se mataupu e lavea i le lisi o mea ma’ale’ale; mea na e ilitata ai le faafofoga a e e finau mo le na’o se gagana se tasi. E iloga le pasene o le aupalota e lagolagoina se na taofi. E ta’imua ai le ituaiga ta’ita’i e iai Rodney Hide ma le ituaiga pati e iai le Act. O le itu lelei ia Rodney Hide ma le Act auā e le lalafi i tua o se ata ae ta’utino; o le faalavelave lea i nisi pati, e tau le iloa lelei atu le mea o i o latou finagalo. Ina ua faatu mai e le Green le a’oa’oina o le te reo Maori i se faiga faapoloa’iga, na muamua Hide faailoa sona taofi e te’ena ai. E le fou sana mafuaaga, e pei fo’i o isi mau faasoa i leitio ma nusipepa a i latou e lagolagoina, e taugata lona faatupega. Ae le fia talanoa i latou i iu o mea moni e tutupu. Le sootaga o faaiuga le manuia, fanau e le iu lelei taumafai ma le vao faafitauli tautupulaga; le siisii a’e o le numera o e le faigaluega, o soligatulafono, o i latou ia o loo fagaina falepuipui e faumalo ai Maori ma fanau Pasefika. E le fia faafofoga i faaiuga o su’esu’ega e molimauina ai itu lelei o measina a fanau i le tapu’eina o lo latou atamai, e aofia ai a latou gagana i le fale. E mumusu e talia le tulaga moni, e 160 isi gagana o loo iai ma faaaogaina i totonu o le taulaga aupito to’atele a Niu Sila. Lea ua faailoa lona taua e le ERO. E iai nisi e manatu e tape uma moli o le mafaufau tatau ma le lotofuatiaifo, e le fia faafofoga pe tuuavanoa i se musumusuga ese na i lo manatu tuai ua loa le tautu i ai. O le tula’i mai o se pulega a’oga taualoa ma fai se folafolaga faapea o se faaa’oa’o sili lea mo nisi o tatou ta’ita’i ma faipule. A lelei ta’utino e lelei. Afai e leaga ta’utino. Afai e iu lelei le faaiuga aisea e popole ai i le tau. Auā e le sese le muagagana, e sili le puipui nei na i lo le togafiti ane ua tuai.

E le tau fesili poo le fea o filifiliga e lua e sili le taugata o lona faatupega. Ma sili lona maumau ai o taleni ma agavaa. E le tauilo aga o upufai faapati, afai o se mataupu e sesegi ai le aupalota, e sili le faapasi i luma pe soso mamao ese ai. E foliga e atagia lea i le mataupu ua faatu nei e le Green, na o ni nai faipule o le Leipa e lagolagoina. O isi uma pati e lei ma’oti mai ni o latou taofi. A talanoa i fanau, e manino lo latou naunau e fa’aaoga a latou gagana i soo se nofoaga e faamalosia ai, aemaise latou ua mafai ona tautatala ai. Ae e le fesoasoani se si’osi’omaga e faasāsā le fanau pe faasiasia i ai pe a faalogo atu e le namu Peretania upu o loo fa’aaoga. E telē se galuega e fai i talitonuga ma manatu o le aufaigaluega, e malamalama ai o se mea lelei lea mo fanau ma i latou fo’i. A malamalama ona faigofie lea. Manatu Ia i se potua’oga e faataga ai; e faamalosi’au le faia’oga i le fanau e talanoa ia latou gagana; e mafai e le faia’oga ona fesoota’i ma le fanau i soo se auala e faatauaina ai a latou gagana ma aganuu! O le a se lagona e tupu i totonu o i latou? Ioe, o lagona lelei uma. E taua a’u i le faia’oga. E taua a’u measina i la’u a’oga. Ae sili ona taua le lagona amana’ia e mana’omia e soo se tama ma se teine e faamoemoe i ai se olaga fiafia—ma to’aga ai i le a’oga. Talu ai le vaivai o le ta’ita’iga a o tatou ta’ita’i ua mafua ai ona fetoa’i ma faaluafesasi manatu o matua i le taua o gagana ma aganuu i a’oga a fanau. Ua saga apoina ai se taofi sese e leai se aogā o na mea i le olaga su’esu’e o i latou. Ua ‘alo ai i le faanoi e taugata lona faatupega ae leai. Ua mafai e le tekonolosi i nei aso ona gaosi ni alaga’oa taugofie; o iai matua matutua, lotu, o nisi o alaga’oa le ‘aumaua e fesoasoani. Pau lava le mea o loo misi o se ta’ita’iga malosi. O lea ua vivini le toa a le ERO, talosia e te’i ai i luga English, ma sauni e auai i le savali a le faaili.

“mafaufauga o le vaiaso” Usu mai se pese o le sa’olotoga. Bob Marley i upu o sana pese

O le ki i le manuia auiluma o le fanau i a’oga o lo tatou auai ma i latou Sa maua se avanoa o le Talanoa A’oga e fetapa’i ai ma le susuga i le alii faife’au ia Rev Fitifiti Luatua, i mea tau a’oga i totonu o le aai o Aranui i Karaiesetete. E pei ona silafia e nisi, o le susuga i le faife’au o loo galue nei i le EFKS i Hornby i totonu lava o taualaga. A o ia fo’i o se fautua i ni faalapotopotoga a’oga o loo soalaupuleina mataupu e tapena ai le toe fausia o le aai. E lua ni poloketi tetele ua alia’e mai talu ona aafia le aai i mafui’e. O le aumaia lea o tagata faigaluega leipa mai isi atunuu o loo iai le tomai i galuega e pei o kamuta, inisinia, faiauala ma isi matata eseese. O loo maua fo’i le avanoa e o mai ai nisi o talavou mai si o tatou atunuu e faalautele o latou tomai i nei lava mataupu. O lea ua avea ai le alii faife’au ma se sooupu, o se faia’oga fo’i e fesoasoani i le faapupulaina o faamatalaga i la tatou gagana. O le to’atele o e faimai o la latou gagana lonalua le Igilisi. O nei polokalame o loo faipa’aga ai le malo ma a’oga e iai le CPIT (Christchurch Polytechnic Institute of Technology). O le alii faife’au o se tasi fo’i i le vasega o le aufaufautua i le lotoa a’oga fou a Haeata i totonu lava o Aranui. Na tuualalo i le tapenaga a le A’oga fou i le saunia o se atagalue e aofia uma ai fanau a le aai. E to’atele o tatou tagata e alala i Aranui. E faapei Aranui o Magele po o Otara i Aukilani. O le faamoemoe ia avea Haeata o se ofaga e talia mana’oga o fanau uma. Na ta’ua e le alii faife’au le Atagalue o se nuu Samoa. E faataua aiga, lotu ma faiganuu i lalo o se ata e faataua ai gagana uma a le fanau o loo a’o’oga ai. E talitonu le alii faife’au o le ki i le manuia auiluma o a’oga a le fanau o lo tatou auai faatasi ma i latou i totonu o a’oga, ma a latou taupulega. Saunia e Saili Aukuso


I TULA U 4

O LA

O SE FAAMAU O SE MALAGA: TUSIA E SAILI AUKUSO

~ O le tafaoga taumatemate ~

13 FEPUARI 2017 LOMIGA 2

Laufatu Samoa ~ O se solo e faailoga ai le Aso o Valenitino ~

Taulaga o Togalaau SLA & LT

Na tatagi le telefoni, o Line. “Manatua lua tusifolau.” “Ua lelei,” o la’u tali lea a o tapena a ma ‘ato e sauni mo le tafaoga. O le tafaoga e le iloa poo fea e o i ai. O lana meaalofa i le atoaga o le 60 tausaga o lona tamā. “E le iloa pe tatou te o i Lalotoga,” o le tala lea a le tamā o le aiga. “Ae le iloa poo Samoa,” o la’u taumate lea. E oo lava i le taimi na faae’e ai le malaga i Aukilani, e leai lava ma sina o’u iloa o le itulagi o loo aga’i i ai le vaalele. (E to’alima la matou aumalaga, Line, Leo, Sione ma ma’ua). Se’ia tulaueleele le vaa ma iloa ai o se mea o Ausetalia lea ua taunuu i ai. Mulimuli ane, manino le mata o le vai o le Talafatai Auro lea ua filifilia e le afafine mo matou e tafafao ai. Na matou nonofo i le fogafale 12 o le ‘olo numera 3 o fale e ta’u o le Mantra. E tulata i le sami. E fou le tilotilo mai luga i lalo auā o se mea e le masani ai. Malama le aso e sosoo ai faapea mai le fanau e fai lelei ni o ma ofu mo le ‘aiga o le aso fanau. E iai le fale’aiga matou te o i ai. Na oo loa i le afiafi matou sauni loa, ua alu le taavale e le iloa lea mea o loo matou o i ai. Tusa ma se 20 minute ae afe loa i se lotoa ma iloa ai o se atu falega telē lava. Na faatali mai matou e se tama’ita’i na ia ta’ita’i atu i matou i se tasi vaega o le lotoa i le pito i tua.

Ia, tatou te matamata soo i ata i luga o le TV, i mea faate’ite’i; se tina e fo’i mai ua sui atoa le vaaiga i lona tuafale, poo se tamā faato’a feiloa’i ma se tasi o le fanau mo le taimi muamua, a o lea faato’a tofo i ai i sea lagona. I o matou luma le aiga atoa; o tuafafine ma uso ma a latou fanau, o le alii e ona le aso fanau. Na maligiligi nai loimata i le agaga faagaeetia ona o lenei tapenaga faalilolilo a le fanau, ua mafai ai ona feiloa’i fiafia ma le aiga atoa ua leva aso o valavala. E tusa i le igoa, e le maua ai ni auro i le nofoaga lea ae mautinoa e te pisia ai i se lagona e ono faamatalaina i se upu faapea. E mautinoa fo’i e alu ai au tupe - poo tupe a le fanau - ae o le tau lena e totogi o le lagona fa’aauro e te mauaina pe a e asia lea nofoaga. O le Talafatai Auro (Gold Coast) e i le faatausi’usi’uga i sasa’e o le setete o Kuiniselani i Ausetalia. O se nofoaga na saunia lava mo le taliina o mana’oga o tagata tafafao a le lalolagi, i latou na e fia maua le mafanafana o le tau. I le Talafatai Auro e maua i ai le a’au aupito telē i le lalolagi, e tumu i mea faafiafia mo le aiga atoa. Ma isi lava mafua’aga e gasolo atu ai le faitau afe tagata tafafao i Ausetalia i tausaga ta’itasi. Afai o fuafua sau tafaoga i le Kerisimasi o le 2017, ou te faatuina atu le Talafatai Auro o Kuiniselani; lelei fo’i o loo iai nai o tatou aiga e feiloa’i atu i ai.

I le motu i saute e te maua ai Le taulaga e ese fo’i i lau vaai Fausia i luga o le mafola o le gataifale i sasa’e Igoa Maori o Otautahi Sui ia Karaitiana mulimuli ane; O tagata Europa na mua’i tau mai I tausaga lava na e tele ua mavae Ua amata ona atia’e lona faavae Tele foliga faa-Europa e iloa ai; Ona gasolo mai lea o tagata o atumotu Avea le taulaga ma le isi ‘nuu moni’ Alala ma atia’e ai aiga Faaopoopo i ai sina lanu Pasefika ‘Kalaiesetete’ mo nisi e le faaluaina; Afai e te lei ulu i le Falesa o Keriso ma le motu tele i saute Lona uiga e te lei oo lava i Niu Sila Fai mai o le nuu o togalaau matagofie E molimau le autau apu mai le malo o le Au Suluie. Le mafui’e osovale na matata’u ai nisi Sosola mamao i Aukilani ma Sini Lenei ua toe togafiti manu’a o le tama Sau se taimi e toe fo’i uma mai ona tagata; Tutonu i le moa o le fanua salafalafa Si’omia e atumauga mai ona autafa E leai ni mato pe patupatu pei o nisi taulaga Vasa’i e vaitafe lemu ma fuga matala ‘Le isi pito o Etena’ pule oe i sau tala. O nai motuga manatu ia i le taulaga ua sili Ae soo ane la tatou ‘ula o mea ua misi Manuia tele lau sailiga ia Valenitino Maua se fuga e uma ai au miti.


13 FEPUARI 2017 LOMIGA 2

O LA

ITULAU 5

Sponsored by Evaleon Books

O LOU TALA SAMOA HISTORY APIA 1830

“Ne’i mea ane ua galo”

12 —18 FEPUARI 13 Fepuari 1878 TAM. Sainia se feagaiga faauo i le va o Samoa ma Amerika 13 Fepuari 1928 Amia e Risatisone ni vaatau se tolu faalalo le tetee a le Mau 14 Fepuari 1975 Melepone. Ali Afakasi fusi Emepaea (light welter) ia Rocky Mattioli, TKO 12 14 Fepuari 1872 Tutuila. Saini feagaiga Maude ma Mauga i Pago Pago 15 Fepuari 1971 Taunuu i Apia se turisi Sapani, Yoshikasu Saito ma leiloa ai

16 Fepuari 1999 Apia. Taofia le faatauina atu o le lomia a le Samoa Observer i se poloaiga a le faamasinoga 17 Fepuari 1887 Saini se feagaiga i le va o Samoa ma le malo o Kalakaua i Hawaii 18 Fepuari 2005 Folafola e le Peresetene Amerika, George.W. Bush avea o Amerika Samoa ma nofoaga ua lepetia talu le Afa o Olaf; tele se afaina o Manu’a 18 Fepuari 1903 1903 Tofi e Kovana Solofa se Komisi o Fanua ma Suafa; 14 matai Samoa tofia o ni fautua ae le o ni sui tofia

Ua 114 tausaga o le sailiga i le amiotonu Ua atoa ai le 114 tausaga talu ona faavae le komisi o fanua ma suafa, faamau ai le suafa o le kovana Siamani, Solofa, poo le foma’i o Dr Wilhelm Solf, o ia na taulagaina. Ua silafia le vao mafua’aga i tua o le faaiuga, o tofi o aiga i fanua ma suafa ua aafia i faaiuga a faamasino i lena taimi, faaiuga a le malo e tusa i fefaataua’iga i fanua ma tupe. E le’i malamalama Samoa i le malolosi o tulafono a papalagi i le tulaga i le fesuia’i o measina ma oloa, aofia ai tupe, ua mafua ai ona mamulu ese atu mea taua mai o latou lima. E le malamalama foi papalagi i mau faa-Samoa e tusa i o latou eleele. O le iuga o le leiloloa o le faitau afe eka o laufanua o nuu ma itumalo, mai le taimi o Siamani, i le faanoi o eleele mo le atina’e manuia o le atunuu, e pei ona fa’aauauina i lalo o le igoa WSTEC i le taimi o Niu Sila. Taimi nei o loo finau pea nisi nuu mo le toe faafoisia o o latou fanua. I le itu i faamasinoga i le va o aiga i se fanua poo se suafa, e tele molimau e faitioina ai le fe’au a le faamasinoga. O tala o le vai ma le usuga i faiga faaalatua ua mafua ai ona leiloloa tofi o nisi aiga. O lea foi o loo taoto le lafo a le palemia o le tofia o se komisi e iloiloina le galuega a le aufaigaluega. Pe ta’u mai ai o loo mamao

Fepuari i le Tala Faasolo o Niu Sila 14 Fep 1915. Auina le ulua’i vaegaau Maori i le taua; 500 tuua Ueligitone mo Aikupito 15 Fep 1978. Malo Niu Sila ia Egelani taaloga kilikiti mo le uluai taimi; iloa ai le taalo a Richard Hadlee 18 Fep 1982. Maliu Ngaio Marsh, tusitala lauiloa i vaitausaga 1920 ma le 1930

NIUPAC PUBLICATION

NIUPAC 2011

Editors: Levi Tavita ~ ltavita8@gmail.com Muliagatele V. Fetui ~ v.fetui@auckland.ac.nz Saili Aukuso ~ saili.niupac@gmail.com

O le fesili pe maua le tali i le galuega a se komisi? Tailo. Fai mai se tasi faasoa ua tatau ona totofi na’o e maua faailoga loia i le vasega o faamasino, o i latou fo’i ua leva ona matai ma malamalama lelei i tu ma aga. Ia iai se komiti tuma’oti e toe tilotilo i se faaiuga a o lei faamauina aloa’ia. Ia iai foi se faiga e malu ai faamatalaga ma faamaumauga a le faamasinoga, ma taofia ai le leiloloa pe toe suia i nisi faamau mulimuli ane.

EVALEON BOOKS & NIUPAC PUBLISHING Telefoni (03) 382-6674. Imeli: evaleon.books@gmail.com

Email: evaleon.books@gmail.com Phone: (03) 382-6674 Postal: 39 Basingstoke Street, Aranui, Christchurch 8061 All rights reserved. This bulletin and its content is protected by copyright laws of New Zealand and international conventions. Except for educational purposes, any other activity pertaining to its use is prohibited. OLA understands the rights of other copyright holders whose material we use and acknowledge always—apart from our own.

pea tatou mai le sini autu o le sailiga i le mea amiotonu.

Tautua e ala i le gaosia o alaga’oa mo a’oga (tusi mo le a’oa’oina o le faitau i le gagana Samoa, tusi e a’oa’o ai gagana, kalena, posters, yearbooks, brochures). E tautua fo’i i le fa’aliliuga o gagana, ma le tapenaina o ni tusi e fia lomia i so’o se sionara o fatuga. Sponsors: New Zealand Lottery Commission

Evaleon Books & Niupac Publishing


I TUL A U 6

13 FEPUARI 2017 LOMIGA 2

O LA

Tulimanu a Pola: Rev Fitifiti Luatua Andy Kai Fong

A sui faiga e oia faavae

O NI VAAIGA I TAGATA A LE OLA: O le faatinoga aupito taatele o la tatou tu ma le aga o le siva, e muamua popoto le fanau i lona faiga ae mulimuli le tautala ma isi mea. I ata e lua i luga o fanau a le aiga o Ioana ma Sogi Tavita i Perisipeni Ausetalia i se aso fanau sa fai a le aiga. I le ata i lalo o le susuga ia Tito Tuitaupe Faatonu, e ese foi le faiga o lana siva. Ai ona sa soli tapoleni le toeaina, ma ni tina sa faatua i lona Aso Fanau, ua feoli foi la’ua ua laulelei. Manuia le aso fanau, maua nisi tausaga se tele i luma. Ata—OLA 2017.

E mua pea le faafetai i lo tatou Tamā Faavavau, i lana tausiga le mavae ua tatou aulia mai ai fo’i le amataga o lenei vaiaso. Viia lona agalelei. Ia, ua ou manatu e taatia la’u lipoti masani o a’oga, ae se’i faasoa atu se vaivai i le mataupu ua ta’ua i luga. Ua ou faalogo soo i le faaupuga lenei e fa’aaoga e nisi failauga. E sui faiga ae le suia le faavae. A o la’u mau, a sui faiga e oia faavae. Taga’i la i le faiga lea ua a’e mai, o le faasalafa o se suafa matai. E le tauilo, o le faavae o lenei tu ma le aga mamalu e maua i le upu “tautua.” Tautua e maua ai i totonu isi upu—potomasani, agavaa, ma isi—e filifili se aiga i se tasi ua afu le tautua na te tausia se aiga, pe faasa’osa’o pe failauga. E tasi lava le ala i le pule, o le tautua. I nei aso ua avea le faasalafa ma auala ua faaleaogaina ai lena faavae. Auā ua na lepeti le pogai ma le mafua’aga. O le matai poo le auala i le avea ma se matai e umi ma gaoa ma ui atu i tiga ma fita. A ua sui atoa le uiga o lena taofi faavae i le faasalafa. Auā i le faiga fou lenei e mafai ona matai Simi e lei pa’ū sona afu i le tautuaina o le aiga. Ua mafai e ala i tupe ona faatau sou suafa matai, tusa pe e te nofo mai Sini poo Amerika. Pule oe poo le a le suafa e te mana’o ai, e fuafua lava i le malosi o lau seleni. Ua mafai i lea faiga ona faasuafa ni tama valevale e le malamalama i le aano ma le taua o le suafa tainane le avea ma se matai. E atagia manino mai ua su’e tupe aiga (poo latou na e tausia aiga i Samoa) i measina a o latou aiga. Ua su’elanu ai i totonu o nuu ma le malo fo’i. E toe tutu mai faata’ita’iga o mea sa tutupu i le talafaasolo, ina ua mana’omia e ta’ita’i o le lotu ni tupe se tele e fausia ai galuega o loo fuafuaina. Na mafua ai ona faatau atu le ‘faaolataga’ i tagata lotu mo o latou aiga e ulufale ai i le lagi. O lena faiga na lu’iina ai faavae taotooto o talitonuga a le lotu. Ua silafia le iuga o lena tala, vaeluaina ai le lotu Kerisiano. E tupu le manatu ua faatau le tofi o Samoa ona o le ‘ai lava. Ae se’i fa’aauau atu le tauloto i le vaiaso fou. Soifua.

OLA 2 (A) - 2017  
Read more
Read more
Similar to
Popular now
Just for you