Page 27

AWEMainta.com

Local 27

Diaranson 7 di Mei 2014

Nos mainta a celebra prome lustro den “O” restaurant Skirbi pa Ruthy”Lady Ruth” Vrieswijk-Bergen SIGUR algo bunita, ora un di nos programanan local ta cumpli nan prome lustro. A scoge e luga aki “O”, pa motibo cu ta na e luga aki, 5 aña pasa bao di un otro nomber, a tene nan prome actividad, anunciando comienso di e programa televisa na canal 23, Tele Aruba, “Nos Mainta” . Den 2014 conoci como O Restaurant bou maneho di Edjean y Arthur y un team dinamico di trahadonan balente cu amor pa nan profesion. Edjean Semeleer mes ta entretene tur huesped cu ta bin saborea nan dushi platonan , cu un super nice repertorio di canticanan na varios idioma. Ki bunita Edjean ta canta ! Ki dushi e ambiente ta pa disfruta di bon cuminda y na bon prijs. E mainta di celebracion cu Nos Mainta a cana hopi smooth, alegre cu

Tica Basha Bao canando pariba pabao, bailando, carga bolo, entrevista bishitantenan etc. E grupo di baile di Sra. Judith Martha a duna un bunita presentacion di varios baile. Papiando di baile, nos kier a felicita tambe scol di baile Diana Antonette cu nan bunita presentacion recientemente den Cas di Cultura riba e Dia Interncional di Baile rond mundo, cu aki na Aruba tambe a wordo recorda y celebra cu algun splicacion di nos bailenan folklorico nan comienso y nan desaroyo. Nos por comparti cu Alydia Wever , un di e maestranan na e scol di baile menciona, a canta nos himno nacional hopi bunita cu hopi emocion. Y cu e bailado di hopi aña caba den nan grupo, e gentil cabayero Nico a steal the

show. Nico ta e cara y curason di Van Dorp semper cla pa sirbi, duna oido, scucha y yuda. E y su pareha di baile a capta atencion. Nos mesun hendenan cu nan talentonan positivo. Nos ta

comparti e poema prosa dedica na Nos Mainta den nos columna di awe, cu algun potret, segun espacio y ta desea Nos Mainta tur clase di exito pa tur e siguiente Nos Maintanan cu

ta sigui pa informa, reeduca y alegra e curasonnan na cas durante e oranan di mainta ey. Pa Lady Ruth un placer semper pa ta nan invitado sea pa entrevista of recita poema.

7 mei 2014  

AWE Mainta di 7 di Mei 2014

7 mei 2014  

AWE Mainta di 7 di Mei 2014

Advertisement