Page 24

24

Local

Diaranson 7 di Mei 2014

AWEMainta.com

Entrega di premionan di rifa Havo4 Colegio

Diabierna awor, 9 mei, lo ta e entregamento di e 10 premionan di e rifa di Havo4. Esaki ta tuma luga na Toyota (Camacuri) pa 4 or pm. Nos ta spera tur e ganadonan, of un representante cu ID, pa bin recoge nan premio. E ganadonan (manera tur hende sa caba) a resulta: 1) Auto BYD F0 Automatic, Power Window, Push start knop Ticket nr. 01946 Jesse Alexander 2) 7 Day Cruise for 2, Sailing from Aruba on board the Monarch of the Seas Ticket nr. 10737 Mario Croes 3) 1 Toshiba Laptop 17.3” AMD 640GB HD, 4 GB RAM Ticket nr. 01624 C.M.B. 4) 1 Samsung S4 Phone Ticket nr. 37546 Mayra Kock 5) 1 Bose Computer Speakers Companio 3ers Ticket nr. 31684 Raybert C.

6) 1 HP Printer e-all-in-one Deskjet 4625 Ticket nr. 47829 Jennylee Boezem 7) 1 Lenovo IdeaPad Notebook Ticket nr. 48367 Julienne Koolman 8) 1 Lenovo IdeaPad Notebook Ticket nr. 10759 Patricia de Palm 9) 1 DVD Player Blue Ray Ticket nr. 32828 Mario Leo 10) 1 DVD Player Blue Ray Ticket nr. 32146 Nash Melloani E rifa aki tabata pa yuda recauda fondo pa paga un parti di e gastonan di e biahe educativo di e alumnonan den Havo4, cual a tuma luga di dia 22 pa 27 di april na Curaçao. Nos por bisa cu e biahe pa Curaçao tabata un exito completo, na unda diferente actividad a tuma luga. Entre otro a bishita e UoC (Universidad di Corsou), na unda a haci ful un recorido

eynan, tambe un caminata pa bishita e zout-pannen, un caminata den full Willemstad den grupo di 15 bao di guianan profesional cu a splica hopi di e edificionan di antes, a bishita Seaquarium, a bay wak un pelicula filma completo na Corsou, a bay wak un obra di theater di hoben pa hoben, a haci un rondvaart den Annabaai, a bishita Kura Hulanda, Landhuis Kenepa y algun otro actividad mas. Na nomber di tur esnan cu tabatin e suerte di a bay Corsou, 163 en total, un danki na tur esnan cu di un forma of otro a yuda cu e biahe educativo aki. Na Ivan Yarzagaray, e voorzitter di e Reis-groep Havo4 Colegio Arubano, na Sonaima Jonis y su esposo Rob Bohemen, cu sa pone ful e programa pa nos den otro, na Mauritsz De Kort juez na Corsou cu a zorg pa un

grupo di 23 alumno por a bay e Gerechtsgebouw, conoci como 21 trapi, na unda nan por a presencia un caso y haci pregunta direct na e hues. Danki na Rebecca Hardoar pa ta esun encarga cu guia nos na UoC, danki na Charlotte Lesire cu a fungi como docter di e grupo. Danki tambe na Netty Petrocchi di Maduro & Sons cu a zorg pa e aerolinea y hotel na Corsou. Danki na Insel Air Aruba cu a zorg pa nos por a yega Curacao. Danki na Hilton Inn di Corsou pa tuma nos y sigur na tur alumno cu a sa di comporta nan

mes basta (casi) bon !! Danki tambe na tur comerciante y en special e pueblo di Aruba cu a sa di cumpra rifa y asina coopera cu e alumnonan di Havo4 pa cu e biahe educativo aki. Nos no por lubida tur e mayornan cu a pone nan confianza den nos pa cu nan yiunan. E biahe aki a tuma hopi di nos tempo liber, pero mirando tur e cosnan positivo cu e ta laga atras cerca e alumnonan, nos por bisa cu vale la pena!! See you in 2015.

7 mei 2014  

AWE Mainta di 7 di Mei 2014

7 mei 2014  

AWE Mainta di 7 di Mei 2014

Advertisement