AWEMainta.com
Local 27
Diasabra 23 di Juli 2011
Accidente pa motibo di no a duna preferencia na Tanki Leendert
DIABIERNA mainta a drenta informe di un accidente pazuid di Acropolis Plaza na Tanki Leendert, mesora a dirigi un patruya n’e sitio. Na yegada di e patruya a bin compronde cu aki ta trata di un accidente unda no duna preferencia. Afortunadamente ningun hende a resulta herida.
Spion na Primavera Atraco na San Miguel cu persona herida
ASISTENCIA policial a wrodo pidi Diahuebs anochi na un cas na Primavera pa un problema. N’e cas polis ta papia cu e homber J.R.D cu a bisa cu su yiu muhe tabata bañando, ora cu el a scuch’e grita. El a core bay cerca e yiu y e yiu a bise cu tabatin un homber para den bentana di baño ta mire. E tata a core bay pafo y a mira un homber bula cura bay den cura di bisiña. El a reconoce e homber pa un persona cu ta biba den Paramira. Polis a bay n’e cas, pero ningun hende a habri porta. J.R.D a keda di bay parti mainta na departamento di J.K.Z.P.
Caso di ladronisia di tres camara, pero nan a trece nan bek ASISTENCIA policial a wordo pidi Diahuebs atardi na Price Mart pa un ladronicia. N’e sitio polis ta tuma declaracion di R.R. naci na Aruba di 38 aña, cu ta bisa cu dos mucha homber a bay cu tres camara for di e luga di e marca Sony, Samsung, Lumix y Panasonic. E manager a tuma contacto cu e cardholder y diahuebs dos turista di Hulanda a bin entrega e camaranan bek. Nan a bisa polis cu nan a bay cu e camaranan como cu nan a pensa cu e camaranan ta demo, esta propaganda y nan por bay cu nan.
ASISTENCIA policial a wordo pidi Diahuebs mey anochi na un cas na San Miguel pa un atraco. Na yegada polis ta papia cu e homber T.N. naci na Aruba di 47 aña, kende ta bisa polis cu ora cu el a yega cas, el a wordo atraca pa dos homber hoben rancando su tas y a core bay. Den e tas e tabatin placa di benta di dia. Segun e ta bisa e atracadornan no tabatin arma, pero nan a dale y a scop’e., E tabatin algun raspa na su nanishi. Ora cu su yiu a sali pa yude e dos hombernan a core bay.
Choller cu herida na su curpa no kier ayudo di ambulance CENTRAL di Polis ta haya yamada di un hincamento cu a tuma luga den Venezuelastraat. Na yegada polis ta wordo informa cu ta trata di e choller M, cu supuestamente tabata hinca. Polis a buske y a topa cun’e tras di Aruba Jrs. E tabatin algun rasca na su curpa, pero no tabata kier ayudo medico.
YAMA NOS
HOTLINE 733-8477
nA KI ORA, KI MOMENTO, PA CUALKE INFORMACION