12
Local
Diamars 16 di November 2010
AWEMainta.com
Traduccion: ‘E Asunto di Florisol’ desconocí na Aruba
Hopi atencion pa Kuifje den ‘Siman Buki pa Mucha’
E buki titulá: ‘E Asunto di Florisol’, cu t’e promé buki di Kuifje na Papiamento, a haña hopi atencion durante ‘Siman di Buki pa Mucha’ na Aruba, cu e aña aki a pone atencion riba buki-
nan ilustrá, entre otro tambe bukinan di strip. Biblioteca Nacional di Aruba, cu a organisá e actividadnan den cuadro di e siman aki, a invitá Bòi Antoin pa bishitá skolnan riba e isla di
Aruba, como cu el a traducí e promé buki di Kuifje na Papiamento. Na 2008 e buki aki a sali como: ‘E asunto di Florisol’. Na apertura di e siman na Centro di Bario Tanki Leendert, tambe n’e clausura y tambe na un skol, por a mira figuranan grandi di Kuifje y su amigonan riba escenario. Tambe a pone atencion na Suske & Wiske. Bòi Antoin durante su presentacionnan na 10 diferente skol a papia di autor di e bukinan di Kuifje, Hergé, tambe di e personahenan den e serie di mas o ménos 28 buki aki, cu a cuminsá cu solamente Kuifje y Bobbie den e promé buki, ‘Kuifje in Afrika’, pero cu despues a expandé cu entre otro Kapitan Haddock, Jansen cu Jansens (Janchi cu Janshi) y Profesor Florisol. “Na Hulandes nòmber di e profesor aki ta Zonnebloem. Den e traduccion na Ingles ta papia di Calculus y originalmente na Frances Tournesol. Na Spañó ta yam’é Girasol. Haciendo uso di e libertad aki m’a cambia su nòmber na Florisol, na lugá di usa por ehèmpel Zonnebloem òf Girasol”, Antoin a splica. Bòi Antoin a contestá diferente
pregunta cu a bin dilanti durante su presentacion n’e diferente skolnan. Entre otro tin mucha kier a sa cuanto tempo a tuma pa traducí e buki, pakico a scoge p’e nòmber Kuifje y no Tintin, etc. Banda di papia tocante e traduccion di Kuifje cu el a haci, Bòi Antoin a papia tambe tocante e bukinan di Suske & Wiske, cu keto bay ta hopi popular. Miéntras cu basta mucha
di awendia na Aruba conocé e ‘cartoon’ di Tintin cu ta pasa na HBO, nan conocé Suske & Wiske for di buki. bata sa cu ta existí un buki di Suske & Wiske cu ta hunga na Aruba, esta ‘Het Aruba-Dossier’. Meskos tambe un di Bonaieu (De Kwaaie Kwieten’ y un di Còrsow (De Stugge Stuyvesant). Esaki a lanta curiosidad di e muchanan pa bay fia e bukinan aki na biblioteca.