Page 18

AWEMainta.com

Diamars 15 di Maart 2011

Local 17

Gihae Tang Soo Do Club Challenge Maart 2011

DIASABRA dia 12 di maart 2011, Gihae Tang Soo Do Aruba a tene su Club Challenge na Emma School na Ayo. E torneo a cay bao guia di BSBN Melissa Noguera cu ta State Director pa Aruba perteneciendo na Region 18 di e organisacion mundial World Tang Soo Do Association. Scolnan participante tabata Gihae Tang Soo Do Studio (Ayo), Gihae Tang Soo Do II (Brazil), Gihae Tang Soo Do III (Savaneta), Gihae YMCA Dakota, Gihae Debby Doo, Gihae Big Bird y Gihae Montisorri. Cu mas o menos 120 participante, e alumnonan a competi den Hyungs (forma di cana), Sparring y Bong-Hyung (forma cu arma). Entre nan tawatin grupo di Tiny Tiger (3 pa 5 a単a), Little Dragon (6 pa 8 a単a) y di 8 a単a te cu adulto di faha blanco te cu 1st Gup. E ringnan tabata na encargo di e Black beltnan Jamison Kock, Isabelle Croeze, Jesulie de Cuba y Marelvia Erasmus, como tambe e Cho Dan Bo-nan cu ta en espera di

nan certificacion como black belt, bao guia di BSBN Melissa Noguera. E torneo a cuminsa cu un ceremonia pa e chikitinnan cu a cuminsa pa 9or di mainta y sigui pa nan torneo. Despues a sigui e ceremonia di apertura cu Himno di Aruba canta pa Jovanka Martis. Asina e mainta a culmina cu tur e participantenan te cu 2or di merdia. Remarcable tabata e grupo di Male Adult 10th gup, cu tabata un challenge tremendo. Female Grandchampion Gup a resulta den 4th gup Alexandra Maduro y e Male Grandchampion Gup a resulta den 2nd gup Emigdio Montanes. BSBN Melissa Noguera kier a felicita tur alumno cu a participa na e club challenge aki y pa nan prepara pa nan examen pa fin di maart y tambe pa e siguiente torneo na Mei cu presencia di Master Burgos di Puerto Rico y pa e preparacion pa e torneo regional cu lo tuma luga aki na Aruba dia 16 di juli 2011.

15mar11  
15mar11  

AWEMainta di 15 di Maart 2011

Advertisement