Page 14

AWEMainta.com

Internacional 13

Diamars 15 di Maart 2011

Merca ta manda dos experto nuclear pa Hapon

WASHINGTON – E Comision Regulador Nuclear di Merca (NRC) a manda dos di su expertonan den reactor di awa herbiendo (Boiling Water Reactor) pa Hapon pa asisti autoridadnan Nipon den nan esfuerzo pa calma e temor pa un accidente nuclear. ‘Nos tin algun di e personanan mas experto na mundo den e tereno aki trahando pa NRC y nos ta cla pa yuda na cualquier forma posibel’, segun presidente di e organo regulador independiente di e centralnan nuclear Mericano, Gregory Jaczko. E dos expertonan a probecha di

e viahe di dos ekipo di buskeda y rescate di USAID (United States Agency for International Development) pa Hapon pa uni nan mes cu nan. NRC a dicidi cu su centro di operacion cu sede na Maryland ta traha 24 ora pa día debi na e emergencia cu a surgi na Hapon. Un fuerte explosion den e central nuclear di Fukushima (nort di Hapon) a causa alarma y a conduci na evacuación di decenas di miles di hende pa temor di un lek radioactivo, aunke Gobierno a sigura cu no ta trata di un accidente nuclear. 12 de marzo de 2011 • 22h47

Paisnan di golfo Persico ta manda tropa pa Bahrein

ABU Dabi – E paisnan di golfo Persico a dicidi di manda tropa pa Bahrein pa mantene seguridad den e reino chikito, segun fuentenan oficial di Bahrein. E tropanan, cu ta inclui mil efectivo di Saudi Arabia, segun e cadena Al Yazeera, ya ta den e pais, caminda un rebelión a cuminsa desde dia 14 di februari ultimo, cu un saldo di un dozijn di morto y centenares di herido. E vicepresidente di Parlamento di Bahrein, Adel al Mowad, a declara na Al Yazeera cu e deci-

sion aki no kier men cu tin un scarcedad di polis den e país, sino c uta trata di un “muestra di solidaridad” di e paisnan di e golfo. Al Mowad a añadi cu e tropanan stranhero ta coordina nan accionnan cu polis di Bahrein y ta dedica nan mes na protega propiedad di e archipiélago, di 760 kilometer cuadra y cu un miyon habitante. Segun e corant Bahreiní Gulf Daily Nuews, e cuerponan manda pa e Conseho di Cooperacion di Golfo ta encarga cu vigila instalacionnan strategico

y institucionnan financiero. Como 70 por ciento di e entrada di e Estado ta depende di produccion petrolero y refina. E vicepresidente di Parlamento a descarta cu e tropanan stranhero por yega na confronatcion cu e manifestantenan di oposicion. “Mi no ta kere c unan lo wordo manda riba caya”, e’la bisa. Tambe e’la keha cu, a pesar cu Gobierno di Bahrein a ofrece un dialogo nacional, oposicion a rechaza pa participa den esaki, mientras “pueblo ta insisti pa haci e cayanan limpi” di manifestante. E paisnan miembro di Conseho di Cooperacion di Golfo ta Arabia Saudíta, Bahrein, Emiratonan Uni Arabe, Kuwait, Omán y Qatar. Oposicion di Bahrein, un país di mayoria chií, goberna pa un minoría suní, ta reclama establecimento di un monarquía parlamentario, cu un Constitucion nobo cu ta permiti pueblo elegi un gobierno y un Parlamento independiente.

15mar11  
15mar11  

AWEMainta di 15 di Maart 2011

Advertisement