hezkuntza proiektuak, pastoralgintzako proiektuak eta urteko planak bere berezitasuna aipatzen dutela. 3. Barnean du, baita ere, pastoralgintzako proiektuan agertzen diren ikastetxeko eremu pastoral guztiak sustatzen dituen taldea.
66. art.- Pastoralgintzako taldearen eskumenak Pastoralgintzako taldeko eskumenak, edozein mintegik dituenez gain, hauek dira: a) Ikastetxeko pastoralgintzako proiektua sustatzea. b) Hezkuntza proiektuko dimentsio ebanjelizatzailearen ekintza-lerroak proposatu eta haiei jarraipena egitea. c) Hezkuntza proiektuari (ebanjelizatzaileari dagokion eremuan) jarraipena egitea. d) Erlijio irakaskuntza eta erlijio mintegia jarduera ebanjelizatzailearen beste eremuekin batzea. e) Pastoralgintzako proiektua, curriculum proiektua, kurtsoko pastoral eta hezkuntza jarduerak hezkuntza proiektuaren arabera planifikatzea. f) Fede taldeen eta haien sustatzaileen egoeraz eta ibilbide egokia izan daitezen behar dituzten baliabideak eskaintzeaz arduratzea. g) Jarduera pastorala ikastetxeko ikasle ohi, irakasle, monitore, entrenatzaile eta familietara eta hurbil diren beste pertsona batzuetara luzatzea. h) Hezkuntza jarduerako ekintza pastoralen programazioa prestatzea.
IV. TITULUA: HEZKUNTZA KOORDINATZEKO ORGANOAK 67. art.- Hezkuntza koordinatzeko organoak 1. Hezkuntza koordinatzeko organoak kide bakarreko eta kide anitzekoak dira. 2. Hezkuntza koordinatzeko kide bakarreko organoak hauek dira: talde pedagogikoaren koordinatzailea, orientazio koordinatzailea, zikloko koordinatzaileak, mintegiko koordinatzaileak eta tutoreak. 3. Hezkuntza koordinatzeko kide anitzeko organoak hauek dira: irakasle taldeak, talde pedagogikoa, orientazio taldea eta mintegiak.
LEHEN KAPITULUA: KIDE BAKARREKO ORGANOAK 68. art.- Koordinatzaile pedagogikoaren eskumenak Talde pedagogikoaren koordinatzailearen eskumenak hauek dira: