Page 1

‫ﺑﯘﺭﯗﺕ ﻣﺎﺟﺮﺍﺳﻰ‬ ‫ﻳﻪﻛﺸﻪﻧﺒﻪ ﻛﯜﻧﻰ ﺑﺎﺯﺍﺭ ﺋﺎﻳﻠﯩﻨﯩﭗ ﻛﻪﻟﻤﻪﻛﭽﻰ ﺑﻮﻟﯘﭖ ﻛﻮﭼﯩﻐﺎ ﭼﯩﻘﯩﯟﯦﺪﯨﻢ‪،‬ﻛﯩﻤﺪﯗ‬ ‫ﺑﯩﺮﻯ ﺋﺎﺭﻗﺎﻣﺪﯨﻦ ﺩﻭﻻﻣﻐﺎ ﺷﺎﭘﯩﻼﻗﻠﯩﺪﻯ‪،‬ﺑﯘﺭﯗﻟﯘﭖ ﺋﯧﺴﻘﻞ ﻛﺎﺳﺘﯘﻡ‪-‬ﺑﯘﺭﯗﻟﻜﺎ‬ ‫ﻛﯧﻴﯩﭗ‪،‬ﻗﺎﺭﺍ ﻛﯚﺯﻩﻳﻨﻪﻙ ﺗﺎﻗﯩﻐﺎﻥ ﺑﯩﺮﻛﯩﺸﯩﻨﯩﯔ ﻣﺎﯕﺎ ﻗﺎﺭﺍﭖ ﻛﯜﻟﯜﭖ ﻗﻮﻝ ﺋﯘﺯﯨﺘﯩﭗ‬ ‫ﺗﯘﺭﻏﺎﻧﻠﯩﻘﯩﻨﻰ ﻛﯚﺭﺩﯛﻡ‪.‬‬ ‫ﻳﺎﺧﺸﯩﻤﯘ ﺳﯩﺰ؟ﺳﯩﺰ ﺑﯩﻠﻪﻥ ﻛﯚﺭﯛﺷﻜﻪﻧﻠﯩﻜﯩﻢ ﺋﯜﭼﯜﻥ ﺋﯚﺯﯛﻣﻨﻰ ﺋﯩﻨﺘﺎﻳﯩﻦ ﺑﻪﺧﯩﺘﻠﯩﻚ‬‫ﮬﯧﺲ ﻗﯩﻠﯩﻤﻪﻥ‪.‬‬ ‫ﺭﻩﮬﻤﻪﺕ!‪-‬ﺩﻩﭖ ﻗﻮﻟﯩﻨﻰ ﺳﯩﻘﺘﯩﻢ‪.‬‬‫ﺭﻩﮬﻤﯩﺘﯖﯩﺰﮔﻪ ﺋﯧﺮﯨﺸﻜﻪﻧﻠﯩﻜﯩﻢ ﺋﯜﭼﯜﻥ ﻳﻪﻧﻪ ﺑﯩﺮﻗﯧﺘﯩﻢ ﺗﻪﺷﻪﻛﻜﯜﺭﯨﻤﻨﻰ ﺋﯧﻴﺘﯩﺸﻘﺎ‬‫ﺭﯗﺧﺴﻪﺕ ﻗﯩﻠﻐﺎﻳﺴﯩﺰ!‬ ‫‹‹ﺑﯘ ﻛﯩﻢ ﺑﻮﻟﻐﯩﻴﺪﻯ؟‹‹ﺩﻩﭖ ﮬﻪﻳﺮﺍﻧﻼ ﻗﺎﻟﺪﯨﻢ‪،‬ﻛﯚﺯﻩﻳﻨﯩﻜﯩﻨﻰ‬ ‫ﺋﯧﻠﯩﯟﯦﺘﯩﯟﯨﺪﻯ‪،‬ﺋﯧﺴﯩﻤﮕﻪ ﻛﻪﻟﺪﻯ‪.‬‬ ‫ﮬﻪ‪،‬ﺳﯩﺰ ﮬﯧﻠﯩﻘﻰ ﮬﯧﻜﺎﻳﯩﻨﯩﯔ‪...‬‬‫ﺷﯘﻧﺪﺍﻕ‪،‬ﺷﯘﻧﺪﺍﻕ ‪.‬ﺗﻮﻧﯘﯞﺍﻟﺪﯨﯖﯩﺰ‪،‬ﺯﯦﮫﯩﻨﯩﯖﯩﺰﮔﻪ ﺋﺎﭘﯩﺮﯨﻦ‪.‬ﺳﯩﺰﮔﻪ ‹‹ﺳﺎﺭﺍﯓ‹‹‬‫ﺩﯦﮕﻪﻥ ﮬﯩﻜﺎﻳﯩﻨﻰ ﺋﺎﭘﯩﺮﯨﭗ ﺑﻪﺭﮔﻪﻥ ﻛﯩﺸﻰ ﻣﻪﻥ ﺑﻮﻟﯩﻤﻪﻥ‪.‬‬ ‫ﻛﯧﻴﯩﻢ‪-‬ﻛﯧﭽﯩﻜﯩﯖﯩﺰ ‪،‬ﮔﻪﭖ‪-‬ﺳﯚﺯﻟﯩﺮﯨﯖﯩﺰ ﺋﯚﺯﮔﯩﺮﯨﭗ ﻛﯧﺘﯩﭙﺘﯩﻐﯘ‪،‬ﺗﻮﻧﯘﻣﺎﻱ ﻗﺎﻟﻐﯩﻠﻰ‬‫ﺗﺎﺳﻼ ﻗﺎﭘﺘﯩﻤﻪﻥ‪.‬‬ ‫ﻣﻪﻥ ﺳﯩﺰﮔﻪ ﺩﯦﮕﻪﺑﻨﺘﯩﻤﻐﯘ؟ﺯﺍﻣﺎﻥ ﺋﯚﺯﮔﯩﺮﯨﯟﺍﺗﯩﺪﯗ‪.‬ﺋﯚﺗﻜﻪﻧﺪﻩ ﻣﻪﻥ ﺳﯩﺰﻧﯩﯖﻜﯩﮕﻪ‬‫ﻛﯧﻴﯩﭗ ﺑﺎﺭﻏﺎﻥ ﮬﯧﻠﯩﻘﻰ ﭼﺎﭘﯩﻨﯩﻤﻨﻰ ﮬﺎﺯﯨﺮ ﺧﻮﺗﯘﻧﯘﻡ ﻧﺎﻥ ﻳﺎﻗﻘﺎﻧﺪﺍ ﻛﯧﻴﯩﭗ‬ ‫ﻳﯜﺭﯨﺪﯗ‪،‬ﻳﺎﺯﻏﺎﻥ ﺋﻪﺳﯩﺮﯨﻤﯩﻨﯩﯔ ﮊﯗﺭﻧﺎﻟﻐﺎ ﺑﯧﺴﯩﻠﻐﯩﻨﯩﻨﻰ ﻛﯚﺭﯛﭘﻼ ﻣﺎﻧﺎ ﺑﯘ‬ ‫ﻛﺎﺳﺘﯩﻴﯘﻡ‪-‬ﺑﯘﺭﯗﻟﻜﯩﻨﻰ ﺳﯧﺘﯩﯟﺍﻟﺪﯨﻢ‪،‬ﭼﻪﺗﺌﻪﻟﻨﯩﯔ ﺷﯩﻠﻪﭘﯩﺴﯩﺪﯨﻦ ﺑﯩﺮﻧﻰ‬ ‫ﺩﻩﻣﺴﯩﺰ؟ﺋﺎﺩﻩﻣﻨﯩﯔ ﺑﯧﺸﯩﺪﺍ ﮔﺎﺭﺷﯘﻛﻨﻰ ﺩﯛﻡ ﻛﯚﻣﺘﯜﺭﯛﭖ ﻗﻮﻳﻐﺎﻧﺪﻩﻙ ﺗﯘﺭﯨﺪﯨﻐﺎﻥ ﺋﯘ‬


‫ﻧﯧﻤﻪ ﺑﯩﻠﻪﻥ ﭘﻪﻗﻪﺗﻼ ﺧﻮﺷﯘﻡ ﻳﻮﻕ ﺩﻩﯕﺎ‪.‬ﺋﺎﺩﻩﻣﻠﻪﺭ ﺋﯘﻧﻰ ﻳﺎﺭﺍﺷﻘﺎﻧﻠﯩﻘﯩﺪﯨﻦ ﻛﯧﻴﯩﭗ‬ ‫ﻳﯜﺭﯨﺪﯗ ﺩﻩﻣﺴﯩﺰ؟ﻣﻪﻥ ﺳﯩﺰﮔﻪ ﺋﯧﻴﺘﺎﻱ‪،‬ﭼﻪﺗﺌﻪﻟﻠﯩﻜﻠﻪﺭ ﮬﯧﻠﯩﻐﯘ ﺷﯩﻠﻪﭘﻪ ﺋﯩﻜﻪﻥ‪،‬ﺑﯧﺸﯩﻐﺎ‬ ‫ﺷﺎﭘﺎﻗﻨﻰ ﻛﯧﻴﯩﭗ ﻛﻪﻟﮕﻪﻥ ﺑﻮﻟﺴﯩﻤﯘ‪››،‬ﻗﺎﺭﺍﯕﻼﺭ‪،‬ﺑﯩﺮﺋﻮﺑﺪﺍﻥ‬ ‫ﻳﺎﺭﯨﺸﯩﺪﯨﻜﻪﻥ‪-‬ﮬﻪ‪،‬ﻧﻪﭼﭽﻪ ﯞﺍﻗﯩﺘﺘﯩﻦ ﺑﯧﺮﻯ ﻧﯧﻤﯩﺸﻘﺎ ﻛﯩﻴﻤﯩﮕﻪﻧﺪﯨﻤﯩﺰ‹‹ﺩﻩﭖ ﺷﯘﻧﯩﻤﯘ‬ ‫ﻛﯧﻴﯩﯟﺍﻟﯩﺪﯨﻐﺎﻧﻼﺭ ﭼﯩﻘﯩﺪﯗ‪...‬ﺳﻪﭘﺴﺎﻟﻐﺎﻧﺴﯩﺰ‪،‬ﺑﻪﺯﯨﻠﻪﺭ ﮬﺎﺯﯨﺮ ﺗﻮﻱ‪-‬ﺗﯚﻛﯜﻧﻠﻪﺭﺩﯨﻤﯘ‬ ‫ﺗﺎﯞﺍﻗﻘﺎ ﺋﺎﺯﺭﺍﻕ ﭘﻮﻟﯘﻧﻰ ﺋﺎﺯﺭﺍﻕ ﺋﺎﺷﯘﺭﯗﭖ ﻗﻮﻳﯘﺷﻨﯩﻤﯘ ››ﻣﻪﺩﻩﻧﯩﻴﻪﺕ ››ﺩﻩﭖ‬ ‫ﺑﯩﻠﯩﺪﯨﻐﺎﻥ ﺑﻮﻟﯘﭖ ﻛﻪﺗﺘﻰ‪...‬ﺋﺎﯕﻠﯩﺪﯨﯖﯩﺰﻣﯘ‪،‬ﻳﺎﭘﯘﻧﻼﺭ ﺳﯩﻨﺎﻕ ﻗﯩﻠﯩﭗ ﺋﺎﺗﻘﺎﻥ‬ ‫ﺑﯩﺮﺑﻮﻣﺒﺎ ﺋﺎﺳﻤﺎﻧﻐﺎ ﭼﯩﻘﯩﭗ ﻛﯧﺘﯩﭗ ﺗﯧﺨﻰ ﭼﯜﺷﻤﻪﻳﯟﺍﺗﻘﯘﺩﻩﻙ‪،‬ﺷﯘﯕﺎ ﮬﺎﯞﺍ ﺋﯩﺴﺴﯩﭗ‬ ‫ﻛﯧﺘﯩﭗ ﺑﺎﺭﺍﻣﺪﯨﻜﯩﻦ ﺩﻩﻳﻤﻪﻥ‪.‬ﻗﺎﺭﺍﯓ ﺋﯩﻜﻜﯩﻨﭽﻰ ﺋﺎﻱ ﻛﯩﺮﻩ‪-‬ﻛﯩﺮﻣﻪﻳﻼ ﺋﯩﻠﻠﯩﻖ ﺷﺎﻣﺎﻝ‬ ‫ﭼﯩﻘﯩﯟﺍﺗﻘﺎﻧﻠﯩﻘﯩﻨﻰ‪،‬ﺑﺎﺯﺍﺭ ﭼﯚﺭﮔﯩﻠﻪﭖ ﻳﯜﺭﮔﯜﭼﻪ ﻣﻪﻟﯩﯖﯩﺰﺩﻩ ﻟﻪﮔﻠﻪﻙ ﭼﯩﻘﺎﺭﺳﯩﯖﯩﺰ‬ ‫ﺑﻮﻟﻤﺎﻣﺪﯗ؟‪...‬‬ ‫‹‹‬

‫ﺳﺎﺭﺍﯓ‹‹ﻧﯩﯔ ﺋﺎﭘﺘﯘﺭﻯ ﺋﻪﻧﻪ ﺷﯘﻧﺪﺍﻕ ﺗﺎﻏﺪﯨﻦ‪-‬ﺑﺎﻏﺪﯨﻦ ﺳﯚﺯﻟﯩﮕﯩﻠﻰ‬

‫ﺗﯘﺭﺩﻯ‪،‬ﺋﯚﺗﻜﻪﻥ‪-‬ﻛﻪﭼﻜﻪﻧﻠﻪﺭ ﻧﯧﻤﻪ ﺩﻩﭖ ﻗﯧﻠﯩﯟﺍﺗﯩﺪﯨﻜﯩﻦ‪،‬ﺩﻩﭖ ﺋﻪﺗﺮﺍﭘﯩﻤﻐﺎ ﻗﺎﺭﺍﭖ‬ ‫ﻗﻮﻳﺪﯗﻡ‪،‬ﺧﯘﺩﺍﻳﺎ ﺷﯜﻛﺮﻯ!ﮬﯧﭽﻜﯩﻢ ﺑﻨﯩﺰﻧﯩﯔ ﮔﻪﭖ‪-‬ﺳﯚﺯﻟﯩﺮﯨﻤﯩﺰﮔﻪ ﺩﯨﻘﻘﻪﺕ ﻗﯩﻠﻤﺎﭘﺘﯘ‪.‬‬ ‫ﭘﯘﻟﻨﻰ ﺗﺎﭘﺸﯘﺭﯨﯟﺍﻟﺪﯨﯖﯩﺰﻣﯘ‪-‬ﺩﯦﺪﯨﻢ ﺋﯘﻧﯩﯔ ﺳﯚﺯﯨﻨﻰ ﺑﯚﻟﯜﭖ‪.‬‬‫ﮬﻪ‪،‬ﮬﻪ‪...‬ﺗﺎﭘﺸﯘﺭﯨﯟﺍﻟﺪﯨﻢ‪،‬ﺑﯩﻜﺎﺭﻻ ﺋﻪﯞﻩﺗﯩﭙﺴﯩﺰ‪،‬ﺋﻪﺳﻪﺭﻧﻰ ﺋﯚﺯﯨﯖﯩﺰﻧﯩﯔ ﻧﺎﻣﯩﺪﺍ‬‫ﺋﯩﻼﻥ ﻗﯩﻠﻐﺎﻧﺪﯨﻦ ﻛﯧﻴﯩﻦ ﻗﻪﻟﻪﻡ ﮬﻪﻗﻘﻘﯩﻨﯩﻤﯘ ﺑﻪﮬﻮﺯﯗﺭ ﺧﻪﺟﻠﻪﯞﻩﺭﮔﻪﻥ ﺑﻮﻟﺴﯩﯖﯩﺰ‬ ‫ﺑﻮﻻﺗﺘﻰ‪،‬ﮬﯧﻜﺎﻳﻪﻣﻨﻰ ﺋﻮﻭﻗﯘﭖ ﻗﺎﻧﭽﯩﻠﯩﻚ ﺧﯘﺵ ﺑﻮﻟﻐﺎﻧﻠﯩﻘﯩﻤﻨﻰ‬ ‫ﺩﯦﻤﻪﻣﺴﯩﺰ‪،‬ﺷﯘﺧﯘﺷﺎﻟﻠﯩﻘﯩﻤﺪﺍ ﻳﻪﻧﻪ ﺑﯩﺮ ﮬﯧﻜﺎﻳﻪ ﻳﯧﺰﯨﯟﻩﺗﺘﯩﻢ‪،‬ﺷﯘﻧﺪﺍﻕ ﻗﯩﻠﯩﭗ ﻣﻪﻧﻤﯘ‬ ‫ﻳﺎﺯﻏﯘﭼﻰ ﺑﻮﻟﯘﭖ ﻗﺎﻟﯩﻤﻪﻧﻤﯘ‪،‬ﻗﺎﻧﺪﺍﻕ؟‪...‬ﻳﺎﺯﻏﯘﭼﻰ ﺩﯦﮕﻪﻧﻠﻪﺭﻧﯩﯔ ﺑﻪﺯﯨﻠﯩﺮﻯ‬ ‫ﺧﯩﻴﺎﻟﯩﻐﺎ ﻛﻪﻟﮕﻪﻧﻨﻰ ﺗﻮﻗﯘﭖ‪،‬ﺋﻮﻗﯘﻏﯘﭼﯩﻨﻰ ﻳﺎﻻﯓ ﻗﺎﺕ ﻳﯩﭙﺘﺎ ﺋﯘﭼﯘﺭﯗﭖ ﺋﻮﻳﻨﺎﻳﺪﯨﻐﺎﻥ‬ ‫ﻧﯧﻤﯩﻠﻪﺭﻣﯩﻜﯩﻦ‪،‬ﺩﻩﻳﻤﻪﻥ‪...‬ﺑﯘﻣﯘ ﮬﯧﻠﯩﻘﻰ ﺋﯩﺰﺍ ﺗﺎﺭﺗﻤﺎﻱ ﺳﯚﺯﻟﻪﯞﻩﺭﺳﻪ ﭼﺎﻗﭽﺎﻗﭽﻰ‬


‫ﺑﻮﻟﯘﭖ ﻗﺎﻟﻐﺎﻧﺪﻩﻛﻼ ﺑﯩﺮ ﮔﻪﭖ ﺩﻩﯕﺎ!؟‪...‬‬ ‫ﺋﯘ ﺷﯘﻧﺪﺍﻕ ››ﻣﻪﻧﯩﺴﻰ ﭼﯘﯕﻘﯘﺭ‹‹ﭼﯜﺷﯩﻨﯩﻜﺴﯩﺰ ﮔﻪﭘﻠﻪﺭﻧﻰ ﻗﯩﻠﻐﯩﻨﯩﭽﻪ‬ ‫ﻗﻮﻳﻨﯩﺪﯨﻦ ﺑﯩﺮﺗﯘﺗﺎﻡ ﺋﻮﺭﮔﯩﻨﺎﻟﻨﻰ ﺋﯧﻠﯩﭗ‪،‬ﻗﻮﻟﯘﻣﻐﺎ ﺗﯘﺗﻘﯘﺯﯗﭖ ﻗﻮﻳﺪﻯ‪.‬‬ ‫ﮬﯧﻠﯩﻘﻰ ﺗﯜﻛﯜﺭﯛﻙ ﺗﻮﻏﺮﯨﺴﯩﺪﯨﻜﻰ ﺋﻪﺳﯩﺮﯨﯖﯩﺰﻣﯘ ﻧﯧﻤﻪ؟‬‫ﺋﯘ ﮔﻪﭘﻠﻪﺭﻣﯘ ﺋﯧﺴﯩﯖﯩﺰﺩﯨﯩﻦ ﭼﯩﻘﻤﺎﭘﺘﯘ‪،‬ﮬﻪ!ﺋﯘﻧﯩﻤﯘﻳﯧﺰﯨﭗ ﻗﺎﻻﺭﻣﻪﻥ‪،‬ﺑﯘﻧﯩﯖﺪﯨﻜﯩﺲ‬‫ﺑﺎﺷﻘﺎ ﮔﻪﭖ‪-...‬ﺋﯘ ﺑﯘﺭﯗﻟﯘﭖ ﻣﺎﯕﺪﻯ‪-‬ﺩﻩ‪.‬ﺑﯩﺮ‪-‬ﺋﯩﻜﻜﻰ ﻗﻪﺩﻩﻡ ﺑﺎﺳﻤﺎﻳﻼ ﻳﻪﻧﻪ‬ ‫ﺋﺎﺭﻗﯩﻐﺎ ﻗﺎﺭﺍﭖ‪-،‬ﮬﯧﻠﯩﻘﻰ ﻛﯧﻠﯩﺸﻜﯩﻨﯩﻤﯩﺰ ﺑﻮﻳﯩﭽﻪ ﺑﯘﻧﯩﻤﯘ ﺋﯚﺯ ﻧﺎﻣﯩﯖﯩﺰﺩﺍ‬ ‫ﮬﻪﻳﺪﻩﯞﯦﺮﯨﯔ!‪-‬ﺩﻩﭘﻼ ﻛﯩﺸﯩﻠﻪﺭ ﺋﺎﺭﯨﺴﯩﻐﺎ ﻛﯩﺮﯨﭗ ﻏﺎﻳﯩﺐ ﺑﻮﻟﺪﻯ‪.‬‬ ‫ﻛﻮﭼﺎ ﺋﺎﺭﯨﻼﺷﺘﯩﻦ ﺭﺍﻳﯩﻢ ﻳﺎﻟﺘﻴﯩﭗ‪،‬ﺋﯚﻳﮕﻪ ﻗﺎﻳﺘﯩﭗ ﻛﻪﻟﺪﯨﻢ‪،‬ﻳﺎﻟﻐﯘﺯ ﻛﯩﺸﯩﻠﯩﻚ‬ ‫ﺳﺎﭘﺎﻳﯩﻤﺪﺍ ﺋﻮﻟﺘﯘﺭﯗﭖ‪،‬ﺋﯘﻧﯩﯔ ﺑﯘ ﻳﯧﯖﻰ ﮬﯧﻜﺎﻳﯩﺴﯩﻨﻰ ﺋﻮﻗﯘﺷﻘﺎ ﺑﺎﺷﻠﯩﺪﯨﻢ‪.‬‬ ‫* * * * * *‬ ‫‹‹ﺑﯘﺭﯗﺕ ﻗﻮﻳﻐﺎﻧﻼﺭﻧﻰ ﺗﯩﺰﯨﻤﻼﯞﺍﺗﻘﯘﺩﻩﻙ‹‹ﺩﻩﭖ ﺋﺎﯕﯩﻼﭖ ﮬﻪﻳﺮﺍﻥ ﺑﻮﻟﯘﭖ‬ ‫ﻗﺎﻟﺪﯨﻢ‪،‬ﻧﻮﭘﯘﺱ ﺧﻪﺗﻠﯩﮕﻪﻧﻨﻰ‪،‬ﻣﻪﮬﻪﻟﻠﯩﺪﻩ ﺳﺎﯞﺍﺗﺴﯩﺰﻻﺭﻧﻰ‪،‬ﺋﻪﺧﻠﻪﺕ ﭘﯘﻟﻰ‬ ‫ﺗﯚﻟﯩﻤﯩﮕﻪﻧﻠﻪﺭﻧﻰ ﺗﯩﺰﯨﻤﻠﯩﻐﺎﻧﻨﻰ ﻛﯚﺭﮔﻪﻥ؛ﻣﻮﺷﯘ ﻳﺎﺷﻘﺎ ﻛﯩﺮﯨﭗ ﺑﯘﺭﯗﺕ ﻗﻮﻳﻐﺎﻧﻼﺭﻧﻰ‬ ‫ﺗﯩﺰﯨﻤﻠﯩﻐﺎﻧﻨﻰ ﺋﺎﯕﻼﭖ ﺑﺎﻗﻤﺎﭘﺘﯩﻜﻪﻧﻤﻪﻥ‪.‬ﺗﻮﻏﺮﺍ‪،‬ﮬﯧﻠﯩﻘﻰ ﺑﯩﺮﻳﯩﻠﻼﺭﺩﺍ‬ ‫ﺳﺎﻗﺎﻝ‪-‬ﺑﯘﺭﯗﺗﻼﺭﻧﻰ ﻗﺎﻳﭽﯩﻠﯩﻐﺎﻧﺪﻩﻙ ﺋﯩﺸﻼﺭ ﺑﻮﻟﯘﯞﯦﺪﻯ‪،‬ﻳﻪﻧﻪ ﺷﯘﻧﺪﺍﻕ ﺑﯩﺮ ﭘﺎﻻﻛﻪﺕ‬ ‫ﻳﯜﺯ ﺑﻪﺭﺩﯨﻤﯘ‪-‬ﻳﺎ‪!...‬‬ ‫ﺗﯘﺭﯗﭘﻼ ﺋﯚﺯ‪-‬ﺋﯚﺯﯛﻣﺪﯨﻦ ﺋﻪﻧﺪﯨﺸﯩﮕﻪ ﭼﯜﺷﯜﭖ ﻗﺎﻟﺪﯨﻢ‪،‬ﻛﻮﭼﯩﻐﺎ ﭼﯩﻘﺴﺎﻡ‬ ‫‪،‬ﻣﻪﮬﻪﻟﻠﯩﻤﯩﺰﻧﯩﯔ ﻗﻮﻏﺪﺍﺵ ﮬﻪﻳﺌﯩﺘﻰ ﺋﯚﻣﻪﺭﺟﺎﻥ ﻛﯧﻠﯩﯟﺍﺗﻘﺎﻧﯩﻜﻪﻥ‪››،‬ﻧﯧﻤﯩﻼ ﺑﻮﻟﺴﯘﻥ‬ ‫ﺑﯩﺮ ﺳﻮﺭﺍﭖ ﺑﺎﻗﺎﻱ‹‹ﺩﻩﭖ ﺋﺎﻟﺪﯨﻐﺎ ﺑﯧﺮﯨﭗ ﺳﺎﻻﻣﻼﺷﺘﯩﻢ‪.‬‬ ‫ﺋﯚﻣﻪﺭﺟﺎﻥ‪،‬ﺑﯘﺭﯗﺗﻰ ﺑﺎﺭﻻﺭﻧﻰ ﺗﯩﺰﯨﻤﻼﯞﺍﺗﻘﯘﺩﻩﻙ‪،‬ﺩﻩﭖ ﺋﺎﯕﻠﯩﺪﯨﻢ‪،‬ﺭﺍﺳﯩﺘﻤﯘ؟‬‫ﺋﯚﻣﻪﺭﺟﺎﻥ ﺗﻮﺧﺘﺎﭖ ﻣﺎﯕﺎ ﺗﺎﺯﺍﺑﯩﺮ ﻗﺎﺭﯨﯟﻩﺗﺘﻰ‪-‬ﺩﻩ‪:‬‬


‫ﺑﻪﻟﻜﻰ‪،‬ﺳﯩﻠﻰ ﻗﺎﭼﺎﻧﻨﯩﯖﻴﺎﻗﻰ ﺑﯘﺭﯗﺕ ﻗﻮﻳﯩﯟﺍﻟﻐﺎﻧﺘﯩﯖﻼﺭ؟‪-‬ﺩﻩﭖ ﮬﻪﻳﺮﺍﻥ ﺑﻮﻟﺪﻯ‪.‬‬‫ﺑﯩﺮﻩﺭ ﻳﯩﻠﭽﻪ ﺑﻮﻟﯘﭖ ﻗﺎﻟﺪﻯ‪،‬ﻗﺎﺭﯨﻤﺎﻣﺴﯩﻠﻪﺭ‪،‬ﺑﯩﺰﻧﯩﯔ ﮬﯧﻠﯩﻘﻰ ﭼﻮﯓ ﺋﻮﻏﯘﻝ‬‫ﺋﻪﺧﻤﻪﺗﻘﺎﻥ ﻗﯩﻠﻐﺎﻥ ﺋﯩﺸﯩﻨﯩﯔ ﺗﺎﻳﯩﻨﻰ ﻳﻮﻕ‪،‬ﮬﺎﻟﯩﻐﺎ ﺑﺎﻗﻤﺎﻱ ﺑﯘﺭﯗﺕ ﻗﻮﻳﯩﯟﯦﻠﯩﭗ ﻣﯧﻨﻰ‬ ‫ﺧﯩﺠﯩﻞ ﻗﯩﻠﯩﭗ ﻗﻮﻳﺪﻯ‪،‬ﺑﺎﻻ ﺑﯘﺭﯗﺕ ﻗﻮﻳﻐﺎﻧﺪﯨﻦ ﻛﯧﻴﯩﻦ ﺋﺎﺗﺎ ﺑﻮﻟﻐﺎﻥ ﺋﺎﺩﻩﻡ ﺗﺎﭘﺘﺎﻗﯩﺮ‬ ‫ﻳﯜﺭﺳﻪﻙ ﺑﯩﺮﻗﯩﺴﯩﻤﺎ ﺗﯘﺭﯨﺪﯨﻜﻪﻥ‪.‬‬ ‫ﻣﯘﻧﺪﺍﻕ ﺩﻩﯕﻼ‪-،‬ﺩﻩﭖ ﺋﻪﺗﺮﺍﭘﯩﻐﺎ ﻗﺎﺭﺍﭖ ﭘﯩﭽﯩﺮﻟﯩﺪﻯ ﺋﯘ ‪-،‬ﺳﯩﻠﯩﻨﯩﯔ ﻣﺎﯞﯗ‬‫ﺑﯘﺭﯗﺗﯘﯕﻠﯩﻐﯘ ﺋﺎﻧﭽﻪ ﮔﯘﻣﺎﻧﻠﯩﻨﯩﭗ ﻛﻪﺗﻜﯜﺩﻩﻙ ﺑﯘﺭﯗﺕ ﺋﻪﻣﻪﺳﻜﻪﻥ‪.‬ﺋﯜﭺ‪-‬ﺗﯚﺕ‬ ‫ﻛﯜﻧﻨﯩﯔ ﺋﺎﻟﺪﯨﺪﺍ ﻣﯘﻧﯘ ﺑﺎﺯﺍﺭﺩﺍ ﺳﯩﻠﯩﮕﻪ ﺋﻮﺧﺸﺎﻳﺪﯨﻐﺎﻥ ﺋﯧﮕﯩﺰ ﺑﻮﻱ‪،‬ﺷﺎﭖ ﺑﯘﺭﯗﺗﺘﯩﻦ‬ ‫ﺑﯩﺮﺳﻰ ﻛﯜﭘﻜﯜﻧﺪﯛﺯﺩﯨﻼ ﭘﯩﭽﺎﻕ ﻛﯚﺗﯜﺭﯛﭖ ﺋﺎﺩﻩﻡ ﺑﻮﻏﯘﺯﻟﯩﻤﺎﻗﭽﻰ ﺑﻮﻟﻐﺎﻥ‬ ‫ﺋﻮﺧﺸﺎﻳﺪﯗ‪،‬ﮬﺎﺯﯨﺮ ﺑﺎﺯﺍﺭ ﺑﺎﺷﻠﯩﻘﯩﻨﯩﯔ ﺋﯚﺯﻯ ﺑﯘ ﺋﯩﺸﻨﻰ ﺗﻪﻛﺸﯜﺭﯨﯟﺍﺗﯩﺪﯗ‪...‬‬ ‫ﺋﯚﻣﻪﺭﺟﺎﻥ ﺷﯘﻧﺪﺍﻕ ﺋﯘﭼﯘﺭ ﺑﯧﺮﯨﭙﻼ ﺋﯚﺗﯜﭖ ﻛﻪﺗﺘﻰ‪،‬ﺑﯘ ﮔﻪﭘﻨﻰ ﺋﺎﯕﻼﭖ ﭼﯚﭼﯜﭖ‬ ‫ﻛﻪﺗﺘﯩﻢ‪››،‬ﺑﻮﻳﯘﻣﻨﯩﯔ ﺋﯧﮕﯩﺰﻟﯩﻜﻰ ﺑﯧﺸﯩﻤﻐﺎ ﺑﺎﻻ‬ ‫ﺑﻮﻻﻣﺪﯗ‪،‬ﻗﺎﻧﺪﺍﻕ؟‪...‬ﺋﯚﻣﻪﺭﺟﺎﻧﻨﯩﯔ ›ﺳﯩﻠﯩﻨﯩﯔ ﺑﯘﺭﯗﺗﯘﯕﻠﯩﻐﯘ ﺋﺎﻧﭽﻪ ﮔﯘﻣﺎﻧﻠﯩﻨﯩﭗ‬ ‫ﻛﻪﺗﻜﯜﺩﻩﻙ ﺑﯘﺭﯗﺕ ﺋﻪﻣﻪﺳﻜﻪﻥ‹ﺩﯦﮕﯩﻨﯩﮕﻪ ﻗﺎﺭﯨﻐﺎﻧﺪﺍ‪،‬ﺧﯘﺩﺍﻏﺎ ﺷﯜﻛﯩﺮﻯ‪،‬ﮬﯧﻠﯩﻘﻰ‬ ‫ﻗﺎﺗﯩﻠﻐﺎ ﺑﻮﻳﯘﻡ ﺋﻮﺧﺸﯩﻐﺎﻥ ﺑﯩﻠﻪﻥ ﺑﯘﺭﯗﺗﯘﻡ ﺋﻮﺧﺸﯩﻤﯩﻐﺎﻥ ﺑﻮﻟﺴﺎ ﻛﯧﺮﻩﻙ‪›...،‬ﺷﺎﭖ‬ ‫ﺑﯘﺭﯗﺕ‹ﺩﯦﮕﯩﻨﻰ ﻗﺎﻧﺪﺍﻕ ﺑﯘﺭﯗﺕ ﺑﻮﻟﻐﯩﻴﺪﻯ؟ﺑﯘﺭﯗﻧﻼﺭﺩﺍ ﮬﻪﯞﻩﺳﻜﻪ ﺑﯘﺭﯗﺕ‬ ‫ﻗﻮﻳﯘﭖ‪،‬ﺑﯘﺭﯗﺗﻨﯩﯔ ﺋﯩﻜﻜﻰ ﺋﯘﭼﯩﻨﻰ ﻗﯘﻟﯩﻘﯩﻐﺎ ﻳﯚﮔﯩﯟﺍﻟﯩﺪﯨﻐﺎﻧﻼﺭ ﺑﻮﻟﯩﺪﯨﻐﺎﻥ ﺩﻩﭖ‬ ‫ﺋﺎﯕﻠﯩﯟﯦﺪﯨﻢ‪.‬ﺷﺎﭖ ﺑﯘﺭﯗﺕ ﺩﯦﮕﯩﻨﻰ ﺷﯘﻧﺪﯨﻘﯩﺪﯨﻦ ﺑﻮﻟﺴﺎ ﻛﯧﺮﻩﻙ‪‹‹...‬ﺑﯘﺭﯗﺗﯘﻣﻨﻰ‬ ‫ﺳﯩﻼﭖ ﻗﻮﻳﺪﯗﻡ‪.‬ﮬﻪﺭ ﮬﺎﻟﺪﺍ ﻣﯧﻨﯩﯔ ﺑﯘﺭﯗﺗﯘﻡ ﻳﻮﻗﻨﯩﯔ ﺋﻮﺭﻧﯩﺪﯨﻜﻰ ﻛﯚﺗﻤﻪﻙ‬ ‫ﺑﯘﺭﯗﺗﻼﺭﺩﯨﻦ ﺋﯩﺪﻯ‪.‬ﺋﺎﺯﺭﺍﻕ ﺧﺎﺗﯩﺮﺟﻪﻡ ﺑﻮﻟﯘﭖ ﮬﻮﻳﻠﯩﻎ ﻗﺎﻳﺘﯩﭗ ﻛﯩﺮﺩﯨﻢ‪،‬ﭘﯩﺸﺎﻳﯟﺍﻧﺪﺍ‬ ‫ﺋﯧﯖﯩﺸﯩﭗ ﺗﯘﺭﯗﭖ ﺋﺎﻳﻐﯩﻨﻰ ﻣﺎﻳﻼﯞﺍﺗﻘﺎﻥ ﺋﻮﻏﻠﯘﻣﻨﻰ ﻛﯚﺭﯛﭖ ﻳﻪﻧﻪ ﺋﻪﺭﯞﺍﻳﯩﻢ‬ ‫ﺋﯜﺭﻛﺘﻰ‪.‬ﺋﯘﻧﯩﯔ ﺑﯘﺭﯗﺗﯩﻨﯩﯔ ﻣﯘﻧﭽﯩﯟﺍﻻ ﻳﻮﻏﺎﻧﻠﯩﻘﯩﻨﻰ ﺑﯩﺮ ﺋﯚﻳﺪﻩ ﺗﯘﺭﯗﭖ ﻧﯧﻤﯩﺸﻘﺎ‬


‫ﺑﺎﻳﻘﯩﻤﯩﻐﺎﻧﺪﯨﻤﻪﻥ!‬ ‫ﺋﻪﺧﻤﻪﺗﺠﺎﻥ ‪،‬ﻣﺎﯕﺎ ﺑﯩﺮ ﻗﺎﺭﯨﻐﯩﻨﺎ!‬‫ﻧﯧﻤﻪ؟‪-‬ﺩﻩﭖ ﻣﻪﻥ ﺗﻪﺭﻩﭘﻜﻪ ﻗﺎﺭﯨﺪﻯ ﺋﯘ‪.‬‬‫ﺧﯘﺩﺍﻏﺎ ﺋﺎﻣﺎﻧﻪﺕ !ﺋﻮﻏﻠﯘﻣﻨﯩﯔ ﻳﯘﻗﯩﺮﯨﻘﻰ ﻛﺎﻟﭙﭙﯘﻛﯩﻨﯩﯔ ﺋﯜﺳﺘﯩﺪﻩ ﺧﯘﺩﺩﻯ ﻛﯩﭽﯩﻜﺮﻩﻙ‬ ‫ﺑﯩﺮ ﻳﺎﻗﯩﻠﯩﻘﻨﻰ ﺑﯧﻜﯩﺘﯩﭗ ﻗﻮﻳﻐﺎﻧﺪﻩﻙ ﻗﻮﻳﯘﻕ‪،‬ﻗﺎﭘﻘﺎﺭﺍ ﺑﯩﺮ ﭘﺎﺭﭼﻪ ﺑﯘﺭﯗﺕ ﺋﯧﺴﯩﻠﯩﭗ‬ ‫ﺗﯘﺭﺍﺗﺘﻰ‪.‬ﻣﯘﻧﺪﺍﻕ ﺑﯘﺭﯗﺗﻨﻰ ﻗﻮﻳﯘﭖ ﺑﯧﺮﯨﺪﯨﻐﺎﻥ ﺑﻮﻟﺴﺎ‪،‬ﺗﯚﺕ ﻛﯜﻧﺪﯨﻼ ﻗﯘﻻﻗﻘﺎ‬ ‫ﻳﯧﺘﯩﺪﯗ‪-‬ﺩﻩ!‬ ‫ﺋﺎﯞﯗ ﻧﯧﻤﻪﯕﻨﻰ ﺑﯜﮔﯜﻧﻼ ﻳﻮﻗﺎﺕ!‬‫ﻧﯧﻤﯩﻨﻰ ﺩﻩﻳﺴﻪﻥ؟‬‫ﺑﯘﺭﯗﺗﯘﯕﻨﻰ ﺩﻩﻳﻤﻪﻥ؟‬‫ﻣﯧﻨﯩﯔ ﺑﯘﺭﯗﺗﯘﻡ ﻧﯧﻤﯩﮕﻪ ﺗﺎﻗﺎﺷﺘﻰ‪،‬ﺩﺍﺩﺍ؟ﺳﯧﻨﯩﯖﻤﯘ ﺑﯘﺭﯗﺗﯘﯓ ﺑﺎﺭﻏﯘ‪،‬ﮬﺎﺯﯨﺮ ﮬﻪﻣﻤﻪ‬‫ﻛﯩﺸﻰ‪...‬‬ ‫ﻗﯘﺭﯗﻕ ﮔﻪﭘﻨﻰ ﻗﻮﻱ‪،‬ﮬﺎﺯﯨﺮﻻ ﺋﯩﻜﻜﯩﻤﯩﺰ ﺳﺎﺗﯩﺮﺍﭼﺨﺎﻧﯩﻐﺎ ﺑﯧﺮﯨﭗ ﺑﯘ ﺑﺎﻻ‪-‬ﻗﺎﺯﺍﻧﻰ‬‫ﻳﻮﻕ ﻗﯩﻠﯩﻤﯩﺰ‪،‬ﺋﺎﯕﻠﯩﺪﯨﯖﻤﯘ؟‬ ‫ﻣﻪﻧﻐﯘ ﻣﻪﻳﻠﻰ‪،‬ﺋﻮﻏﻠﯘﻣﻐﺎ ﺑﯘﺭﯗﺗﯩﻨﻰ ﺋﺎﻟﻐﯘﺯﯗﺵ ﺧﯘﺩﺩﻯ ﺋﯘﻧﯩﯖﻐﺎ ﻛﺎﻟﻠﯩﺴﯩﻨﻰ‬ ‫ﺋﺎﻟﻐﯘﺯﻣﺎﻗﭽﻰ ﺑﻮﻟﻐﺎﻧﺪﻩﻛﻼ ﺋﯧﻐﯩﺮ ﻛﻪﻟﺪﻯ‪،‬ﺑﯘ ﻳﻪﺭﮔﻪ ﻛﻪﻟﮕﻪﻧﺪﻩ ﺋﺎﺗﯩﻠﯩﻖ ﮬﻮﻗﯘﻗﯘﻣﻨﻰ‬ ‫ﺋﺎﻳﯩﻤﺎﻱ ﺋﯩﺸﻠﻪﺗﺘﯩﻢ‪››،‬ﮬﯧﭽﺒﻮﻟﻤﯩﻐﺎﻧﺪﺍ ﺑﯩﺮ ﺭﻩﺳﯩﻤﮕﻪ ﭼﯜﺷﯩﯟﺍﻻﻱ‹‹ﺩﯦﮕﯩﻨﯩﮕﻪ‬ ‫ﻗﻮﻳﻤﺎﻱ ﮬﻪﻳﺪﻩﭖ ﺋﺎﭘﯩﺮﯨﭗ‪،‬ﻛﺎﻟﭙﯘﻛﯩﻨﯩﯔ ﺋﯜﺳﺘﯩﺪﯨﻜﻰ ﮬﯧﻠﯩﻘﻰ ﻳﺎﻗﯩﻠﯩﻘﻨﻰ‬ ‫ﺋﺎﻟﻐﯘﺯﯨﯟﻩﺗﺘﯩﻢ‪.‬ﺋﺎﺗﺎ‪-‬ﺑﺎﻻ ﺋﯩﻜﻜﯩﻤﯩﺰ ﺗﯘﻣﺸﯘﻗﯩﻤﯩﺰﻧﻰ ﭼﻮﭘﺴﺎ ﺳﺎﻟﻐﺎﻥ ﺑﯘﻗﯩﺪﻩﻙ‬ ‫ﭘﺎﺭﻗﯩﺮﯨﺘﯩﭗ ﺳﺎﺗﯩﺮﺍﭼﻨﯩﯔ ﺋﻮﺭﯗﻧﺪﯗﻗﯩﺪﯨﻦ ﻗﻮﭘﺘﯘﻕ‪.‬ﺋﻪﻳﻨﻪﻛﻜﻪ ﻗﺎﺭﺍﭖ ﻗﯩﻠﻐﺎﻥ‬ ‫ﺋﯩﺸﯩﻤﺪﯨﻦ ﻣﻪﻣﻨﯘﻥ ﺑﻮﻟﺪﯗﻡ‪.‬ﺋﯩﺴﻤﺎﺋﯩﻞ ﺳﺎﺗﯩﺮﺍﭺ ﺑﻪﺭﮔﻪﻥ ﻏﻪﻟﻠﻪ ﭘﯘﻟﯘﻣﻨﻰ ﺋﯧﻠﯩﭗ‬ ‫ﺗﯘﺭﯗﭖ‪:‬‬


‫ﺗﻮﯞﺍ ﺩﻩﻳﻤﻪﻥ‪ ،‬ﺋﺎﺗﺎ – ﺑﺎﻻ ﺋﯩﻜﻜﯩﯖﻼﺭﻧﻰ ﻗﻮﺷﻘﺎﻧﺪﺍ ﺑﯜﮔﯜﻥ ﺳﺎﺗﯩﺮﺍﭼﺨﺎﻧﯩﻐﺎ ﻛﯧﻠﯩﭗ‬‫ﺑﯘﺭﯗﺗﯩﻨﻰ ﺋﺎﻟﺪﯗﺭﯨﯟﻩﺗﻜﻪﻧﻠﻪﺭ ﻳﯩﮕﯩﺮﻣﯩﺪﯨﻦ ﺋﯧﺸﯩﭗ ﻛﻪﺗﺘﻰ‪-،‬ﺩﻩﭖ ﻣﺎﯕﺎ ﻗﺎﺭﺍﭖ‬ ‫ﺳﯩﺮﻟﯩﻖ ﮬﯧﺠﯩﻴﯩﭗ ﻗﻮﻳﺪﻯ‪.‬‬ ‫‹‹ﺑﯘ ﺳﺎﺗﯩﺮﺍﭺ ﻣﺎﯕﺎ ﺋﻮﺧﺸﺎﺵ ﺗﯩﺰﯨﻤﻠﯩﻨﯩﭗ ﻗﯧﻠﯩﺸﺘﯩﻦ ﻗﻮﺭﻗﯘﭖ ﺑﯘﺭﯗﺗﯩﻨﻰ‬ ‫ﺋﺎﻟﻐﯘﺯﯞﻩﺗﻜﻪﻧﻠﻪﺭﻧﻰ ﭘﺎﻳﻼﭖ ﻳﯜﺭﻩﻣﺪﯗ‪،‬ﻗﺎﻧﺪﺍﻕ‹‹ﺩﯦﮕﻪﻥ ﺑﯩﺮ ﮔﯘﻣﺎﻥ ﻛﯚﯕﻠﯜﻣﺪﯨﻦ‬ ‫ﻛﻪﭼﺘﻰ‪...‬‬ ‫ﺋﻮﻳﻠﯩﻐﯩﻨﻤﺪﻩﻙ ﺑﻮﻟﺪﻯ‪،‬ﻛﻪﭼﺘﻪ ﺋﯚﻳﮕﻪ ﻛﯧﻠﯩﭗ ﺋﻪﻣﺪﯨﻼ ﺑﯩﺮ ﻳﯘﺗﯘﻡ ﭼﺎﻳﻨﻰ ﺋﻮﺗﻼﭖ‬ ‫ﺗﯘﺭﯗﯞﯦﺪﯨﻢ‪،‬ﮬﻮﻳﻠﯩﺪﯨﻦ ﺑﯩﺮﺳﯩﻨﯩﯔ ﭼﺎﻗﯩﺮﻏﺎﻥ ﺋﺎﯞﺍﺯﻯ ﺋﺎﯕﻼﻧﺪﻯ‪،‬ﺩﯦﺮﯨﺰﯨﺪﯨﻦ‬ ‫ﻗﺎﺭﯨﺴﺎﻡ‪،‬ﺩﻩﺭﯞﺍﺯﺍ ﺋﺎﻟﺪﯨﺪﺍ ﻗﻮﻏﺪﺍﺵ ﮬﻪﻳﺌﯩﺘﻰ ﺋﯚﻣﻪﺭﺟﺎﻥ ﺗﯘﺭﯗﭘﺘﯘ‪.‬ﺋﺎﻟﺪﯨﺮﺍﭖ ﺋﺎﻟﺪﯨﻐﺎ‬ ‫ﭼﯩﻘﺘﯩﻢ‪.‬‬ ‫ﺑﯘﺭﯗﺕ ﻗﯧﻨﻰ؟‪-‬ﺩﯦﺪﻯ ﺋﯘ ﺋﻪﭘﺘﯩﻤﮕﻪ ﻗﺎﺭﺍﭖ‪.‬‬‫ﺳﯩﻠﯩﺪﯨﻦ ﮬﯧﻠﯩﻘﻰ ﮔﻪﭘﻨﻰ ﺋﺎﯕﻼﭖ ﺑﯧﺮﯨﭙﻼ ﭼﯜﺷﯜﺭﮔﯜﺯﯨﯟﻩﺗﺘﯩﻢ‪.‬‬‫ﺳﯩﻠﻰ ﻧﯧﻤﺎﻧﺪﺍﻕ ﺧﯘﺩﯗﻛﻰ ﺑﺎﺭ ﺋﺎﺩﻩﻣﺪﻩﻙ ﺋﯩﺶ ﻗﯩﻠﯩﭗ ﻳﯜﺭﯨﺪﯨﻐﺎﻧﺴﯩﻠﻪﺭ!‪-‬ﺩﯦﺪﻯ ﺋﯘ‬‫ﺗﯧﺮﯨﻜﻜﻪﻧﺪﻩﻙ ﺑﻮﻟﯘﭖ‪-،‬ﺑﯘﺭﯗﺗﯘﯕﻠﯩﻨﻰ ﺋﺎﻟﺪﯗﺭﯨﯟﻩﺗﻜﻪﻧﯩﯖﻼﺭ ﺑﺎﺯﺍﺭ ﺑﺎﺷﻠﯩﻘﻨﯩﯔ‬ ‫ﻗﯘﻟﯩﻘﯩﻐﺎ ﻳﯧﺘﯩﭙﺘﯘ‪،‬ﺳﯩﻠﻨﻰ ﺋﻪﺗﻪ ﺋﻪﺗﯩﮕﻪﻧﺪﻩ ﺑﺎﺯﺍﺭﻟﯩﻖ ﮬﯚﻛﯜﻣﻪﺕ ﺋﯩﺪﺍﺭﯨﺴﯩﮕﻪ ﺑﯩﺮ‬ ‫ﻛﻪﻟﺴﯘﻥ‪،‬ﺩﻩﻳﺪﯗ‪.‬‬ ‫ﻳﯧﯖﻰ ﻛﻪﻟﮕﻪﻥ ﺑﺎﺯﺍﺭ ﺑﺎﺷﻠﯩﻘﻨﻰ ﻧﺎﮬﺎﻳﯩﺘﻰ ﺋﺎﭼﭽﯩﻘﻰ ﻳﺎﻣﺎﻥ ﺋﺎﺩﻩﻡ ﺩﻩﭖ‬ ‫ﺋﺎﯕﻠﯩﯟﯦﺪﯨﻢ‪،‬ﻗﻮﻏﺪﺍﺵ ﮬﻪﻳﺌﯩﺘﯩﻨﯩﯔ ﺧﻪﯞﺭﻯ ﺋﺎﺭﺍﻣﯩﻤﻨﻰ ﺑﯘﺯﺩﻯ‪.‬‬ ‫* * * * *‬ ‫ﻛﻪﭼﻠﯩﻚ ﺗﺎﻣﯩﻘﯩﻤﻨﻰ ﻳﻪﭘﻼ ﺋﯚﺯﯛﻣﻨﻰ ﺋﻮﺭﯗﻧﻐﺎ ﺗﺎﺷﻼﭖ ﺧﯩﻴﺎﻟﻐﺎ ﭘﺎﺗﺘﯩﻢ‪.‬ﺋﺎﻳﺎﻟﯩﻢ‬ ‫ﻗﺎﭼﺎ‪-‬ﻗﻮﻣﯘﭼﻨﻰ ﻳﯘﻏﯘﺷﺘﯘﺭﯨﯟﯦﺘﯩﭗ‪،‬ﺩﯛﮔﻠﻪﻛﻠﯩﯟﺍﻟﻐﺎﻥ ﺗﻮﺷﯘﯓ ﻳﯩﭙﻠﯩﺮﻯ ﺑﯩﻠﻪﻥ ﺋﯘﺯﯗﻥ‬ ‫ﺑﯩﮕﯩﺰﻟﯩﺮﯨﻨﻰ ﺋﯧﻠﯩﭗ ﺋﯘﺩﯗﻟﯘﻣﻐﺎ ﻛﯧﻠﯩﭗ ﺋﻮﻟﺘﯘﺭﺩﻯ‪.‬ﺋﯘ ﭘﻮﭘﺎﻳﻜﺎ ﺗﻮﻗﯘﺷﻘﺎ ﻧﺎﮬﺎﻳﯩﺘﻰ‬


‫ﺋﯘﺳﺘﺎ ﺋﯩﺪﻯ‪.‬ﺑﯩﻜﺎﺭ ﺑﻮﻟﯘﭖ ﻗﺎﻟﺴﯩﻼ ﺑﯘﺯﯗﻟﻐﺎﻥ‪،‬ﻛﻮﻧﯩﺮﯨﻐﺎﻥ ﻳﯘﯓ ﻛﯩﻴﯩﻤﻠﻪﺭﻧﻰ‬ ‫ﭼﯘﯞﯗﭖ‪،‬ﺑﺎﺷﻘﯩﺪﯨﻦ ﺗﻮﻗﯘﺵ ﺑﯩﻠﻪﻥ ﻣﻪﻟﯩﻜﻪ ﺑﻮﻻﺗﺘﻰ‪،‬ﻗﻮﻟﯩﻐﺎ ﺑﯩﮕﯩﺰ ﭼﯩﻘﯩﺸﻰ ﺑﯩﻠﻪﻥ‬ ‫ﺋﺎﻏﺰﯨﻤﯘ ﺗﻪﯓ ﮔﻪﭘﻜﻪ ﺗﯧﮕﻪﺗﺘﻰ؛ﮔﯧﭙﻰ ﺗﻮﺧﺘﺎﭖ ﻗﺎﻟﺴﺎ ﻗﻮﻟﯩﻤﯘ ﺗﻮﺧﺘﺎﭖ ﻗﺎﻻﺗﺘﻰ‪.‬‬ ‫ﺋﺎﺗﺎ‪-‬ﺑﺎﻻ ﺋﯩﻜﯩﯖﻼﺭ ﻧﯧﻤﻪ ﺑﻮﻟﺪﯗﯕﻼﺭ؟‪-‬ﺩﯦﺪﻯ ﺋﯘ ﺗﻮﻗﯘﺷﻨﻰ ﺑﺎﺷﻼﭖ‪.‬‬‫ﻧﯧﻤﻪ ﺑﻮﭘﺘﯩﻤﯩﺰ؟‬‫ﺑﯘﺭﯗﺕ ﻗﻮﻳﯘﭖ ﺗﺎﺭﺍﻗﺸﯩﭗ ﻛﯧﺘﯩﯟﯦﺪﯨﯖﻼﺭ‪،‬ﺑﯜﮔﯜﻥ ﺑﯧﺮﯨﭗ ﺗﻪﯕﻼ ﻳﻮﻕ ﻗﯩﻠﯩﭗ‬‫ﻛﻪﭘﺴﯩﻠﻪﺭﻏﯘ؟‬ ‫ﻳﯜﺭﯨﻜﻰ ﺋﺎﺟﯩﺰ ﺑﯘ ﺧﻮﺗﯘﻧﻐﺎ ﺭﺍﺳﯩﺖ ﮔﻪﭘﻨﻰ ﺋﯧﻴﯩﺘﻘﯘﻡ ﻛﻪﻟﻤﻪﻱ‪:‬‬ ‫ﺑﯘﺭﯗﺕ ﺩﯦﮕﻪﻧﻨﻰ ﺑﯩﺮ ﻗﯧﺘﯩﻢ ﺋﺎﻟﻐﯘﺯﯨﯟﻩﺗﻜﻪﻧﮕﻪ ﻳﻮﻕ ﺑﻮﻟﯘﭖ ﻛﯧﺘﯩﺪﯨﻐﺎﻥ ﻧﻪﺭﺳﻪ‬‫ﺩﯦﯟﯨﺪﯨﯖﻤﯘ؟ﻗﻮﻳﻐﯘﻣﯩﺰ ﻛﻪﻟﺴﻪ ﻳﻪﻧﻪ ﺋﻮﻥ ﻛﯜﻧﮕﻪ ﻗﺎﻟﻤﺎﻳﻼ ﺋﯚﺳﯜﭖ ﺗﻪﻳﻴﺎﺭ‬ ‫ﺑﻮﻟﯩﺪﯗ‪-‬ﺩﻩﭖ ﻗﻮﻳﺪﯗﻡ‪.‬‬ ‫ﺷﯘﻧﯩﯔ ﺑﯩﻠﻪﻥ ﺋﺎﻳﺎﻟﯩﻢ‪:‬ﭘﺎﻻﻧﯩﭽﯩﻨﯩﯔ ﺑﺎﻟﯩﺴﻰ ﺑﯘ ﻳﯩﻠﻤﯘ ﺋﯩﻤﺘﯩﮫﺎﻧﺪﯨﻦ‬ ‫ﺋﯚﺗﻪﻟﻤﻪﭘﺘﯘﺩﻩﻙ‪...‬ﻗﺎﺭﺍﯓ‪،‬ﭘﻮﻟﯘﻧﯩﭽﻰ ﺋﯩﺰﺍ ﺗﺎﺭﺗﻤﺎﻱ ﺋﯚﺯﯨﻨﻰ ﻣﯧﻨﯩﯖﺪﯨﻦ ﺋﯩﻜﻜﻰ ﻳﺎﺵ‬ ‫ﻛﯩﭽﯩﻚ ﺩﻩﭖ ﻳﯜﺭﮔﯩﺪﻩﻙ‪...‬ﭘﯘﺳﺘﺎﻧﯩﭽﻰ ﻳﻪﻧﻪ ﺋﯧﺮﯨﺪﯨﻦ ﺋﺎﺟﺮﯨﺸﯩﭗ‬ ‫ﻛﯧﺘﯩﭙﺘﯘ‪،‬ﺩﯦﮕﻪﻧﺪﻩﻙ ﺋﯚﺯﯨﻨﯩﯔ ﺋﯘﺷﺸﺎﻕ ﮔﻪﭘﻠﯩﺮﯨﮕﻪ ﭼﯜﺷﯜﭖ ﻛﻪﺗﺘﻰ‪.‬ﻗﯘﻟﯩﻘﯩﻤﻐﺎ‬ ‫ﺋﯘﻧﯩﯔ ﺑﯩﺮﻣﯘ ﺋﯧﻐﯩﺰ ﮔﯧﭙﻰ ﻛﯩﺮﻣﻪﻳﺘﺘﻰ ‪.‬ﻛﯚﺯﯛﻣﮕﻪ ﺋﯘﻧﯩﯔ ﺗﻮﺧﺘﯩﻤﺎﻱ ﻣﯩﺪﯨﺮﻻﯞﺍﺗﻘﺎﻥ‬ ‫ﻛﺎﻟﭙﯘﻛﻠﯩﺮﻯ ﻗﺎﻧﺪﺍﻗﺘﯘﺭ ﺑﯩﺮ ﻣﯘﺯﯨﻜﯩﻨﻰ ﺋﻮﺭﯗﻧﺪﺍﯞﺍﺗﻘﺎﻧﺪﻩﻙ‪،‬ﻗﻮﻟﺪﯨﻜﻰ ﺑﯩﮕﯩﺰﻟﯩﺮﻯ‬ ‫ﺑﻮﻟﺴﺎ ﺷﯘ ﻣﯘﺯﯨﻜﯩﻐﺎ ﻛﻪﻟﺘﯜﺭﯛﭖ ﺋﯘﺳﯘﻟﻐﺎ ﭼﯜﺷﯜﭖ ﻛﻪﺗﻜﻪﻧﺪﻩﻙ ﻛﯚﺭﯛﻧﮕﯩﻠﻰ‬ ‫ﺗﯘﺭﺩﻯ‪...‬ﺋﯚﻣﻪﺭﺟﺎﻥ ﺋﯧﻴﯩﺘﻘﺎﻥ ﺷﺎﭖ ﺑﯘﺭﯗﺕ ﻧﯧﻤﯩﺪﻩﭖ ﺋﺎﺩﻩﻡ ﺑﻮﻏﯘﺯﻟﯩﻤﺎﻗﭽﻰ‬ ‫ﺑﻮﻟﯘﯞﯦﺪﯨﻜﯩﻨﻪ؟‪...‬ﺑﯩﺮ ﺑﯘﺭﯗﺗﻠﯘﻕ ﺋﯩﺶ ﺗﯧﺮﯨﺴﺎ ﮬﻪﻣﻤﻪ ﺑﯘﺭﯗﺗﻠﯘﻗﻼﺭﻧﻰ‬ ‫ﺗﯩﺰﯨﻤﻼﻳﺪﯨﻐﺎﻥ ﺑﯘ ﻗﺎﻧﺪﺍﻕ ﺗﻪﻛﺸﯜﺭﯛﺷﺘﯘ؟‪...‬ﻣﻪﻧﻤﯘ ﻧﯧﻤﯩﺪﻩﭖ ﺑﯘﺭﯗﺗﯘﻣﻨﻰ‬ ‫ﺋﺎﻟﯩﻤﺎﻥ‪-‬ﺗﺎﻟﯩﻤﺎﻥ ﭼﯜﺷﯜﺭﮔﯜﺯﯞﯦﺘﯩﭗ ﻳﯜﺭﮔﻪﻧﺪﯨﻤﻪﻥ‪.‬ﻗﯧﺮﯨﺸﻘﺎﻧﺪﻩﻙ ﮬﯧﻠﯩﻘﻰ ﺷﺎﭖ‬


‫ﺑﯘﺭﯗﺗﻨﯩﯔ ﺑﻮﻳﯩﻨﯩﯖﻤﯘ ﻣﺎﯕﺎ ﺋﻮﺧﺸﺎﺵ ﺋﯧﮕﯩﺰ ﺑﻮﻟﯘﭖ ﻗﺎﻟﻐﯩﻨﯩﻨﻰ‬ ‫ﻗﺎﺭﯨﻤﺎﻣﺪﯨﻐﺎﻥ‪...‬ﺷﯘﻧﺪﺍﻕ ﮔﺎﺩﯨﺮﻣﺎﺵ ﺧﯩﻴﺎﻟﻼﺭ ﺑﯩﻠﻪﻥ ﺗﯜﻥ ﻳﯧﺮﯨﻤﻐﯩﭽﻪ‬ ‫ﺋﯘﺧﻠﯩﻴﺎﻟﻤﯩﺪﯨﻢ‪.‬‬ ‫ﺳﻪﮬﻪﺭﮔﻪ ﻳﯧﻘﯩﻦ ﺩﻩﮬﺸﻪﺗﻠﯩﻚ ﺑﯩﺮ ﭼﯜﺵ ﻛﯚﺭﯛﭖ ﻗﻮﺭﻗﻘﯩﻨﯩﻤﺪﯨﻦ ﯞﺍﺭﻗﯩﺮﯨﯟﻩﺗﻜﻪﻥ‬ ‫ﺑﻮﻟﺴﺎﻡ ﻛﯧﺮﻩﻙ‪،‬ﺋﺎﻳﺎﻟﯩﻢ ﻣﯧﻨﻰ ﺗﯜﺭﺗﯜﭖ ﺋﻮﻳﻐﯩﺘﯩﯟﻩﺗﺘﻰ‪.‬‬ ‫ﮬﻮﻱ‪،‬ﮬﻮﻱ! ﻛﯚﺯﯕﯩﺰﻧﻰ ﺋﯧﭽﯩﯔ‪،‬ﻛﯚﺯﯨﯖﯩﺰﻧﻰ‪!...‬‬‫ﻛﯚﺯﯛﻣﻨﻰ ﺋﺎﭼﺴﺎﻡ ﺗﺎﯓ ﻳﻮﺭﯗﭖ ﻛﯧﺘﯩﭙﺘﯘ‪.‬‬ ‫ـ ﻧﯧﻤﻪ ﺑﻮﻟﺪﯗﯓ؟‪-‬ﺩﯦﺪﯨﻢ ﺑﯧﺸﯩﻤﺪﺍ ﮬﻪﻳﺮﺍﻥ ﺑﻮﻟﯘﭖ ﻗﺎﺭﺍﭖ ﺗﯘﺭﻏﺎﻥ ﺋﺎﻳﺎﻟﯩﻤﻐﺎ‪.‬‬ ‫ﺋﯚﺯﯨﯖﯩﺰ ﻧﯧﻤﻪ ﺑﻮﻟﺪﯨﯖﯩﺰ ؟‬‫ﻣﻪﻥ ﻧﯧﻤﻪ ﺑﻮﭘﺘﯩﻤﻪﻥ؟‬‫ﻧﯧﻤﺎﻧﭽﻪ ﯞﺍﺭﻗﯩﺮﺍﻳﺴﯩﺰ ؟‬‫ﮬﻪ‪ ،‬ﭼﯜﺷﻪﻛﻪﭖ ﯞﺍﺭﻗﯩﺮﯨﻐﺎﻥ ﺋﻮﺧﺸﯩﻤﺎﻣﺪﯨﻤﻪﻥ ! – ﻳﻮﺗﻘﺎﻧﻨﻰ‬‫ﻗﺎﻳﺮﯨﯟﯦﺘﯩﭗ‪،‬ﻛﺎﺭﯨﯟﺍﺗﻘﺎ ﭘﯘﺗﯘﻣﻨﻰ ﺳﺎﯕﮕﯩﻠﯩﺘﯩﭗ ﺋﻮﻟﺘﯘﺭﯗﭖ‪،‬ﻛﯚﺭﮔﻪﻥ ﭼﯜﺷﯜﻣﻨﻰ‬ ‫ﺋﯧﺴﯩﻤﮕﻪ ﺋﺎﻟﺪﯨﻢ‪ - ،‬ﺗﻮﯞﺍ‪ ،‬ﺋﺎﺩﻩﻡ ﺩﯦﮕﻪﻥ ﻏﻪﻟﯩﺘﻪ ﻧﯧﻤﯩﻠﻪﺭﻧﻰ ﭼﯜﺷﻪﻳﺪﯗ – ﮬﻪ!‬ ‫ﻧﯧﻤﻪ ﭼﯜﺷﻪﭘﺴﯩﺰ ؟‬‫ﭼﯜﺷﯜﻣﺪﻩ ﺋﯩﻜﻜﯩﻤﯩﺰ ﻣﻮﺷﯘ ﻛﺎﺭﯨﯟﺍﺗﺘﺎ ﺋﻮﻟﺘﯘﺭﻏﯘﺩﻩﻛﻤﯩﺰ ‪ .‬ﺳﻪﻥ ﮬﻪ ﺩﻩﭖ ﺑﯩﺮﻧﯧﻤﻪ‬ ‫ﺗﻮﻗﯘﯞﺍﺗﻘﯘﺩﻩﻛﺴﻪﻥ‪››،‬ﻧﯧﻤﻪ ﻗﯩﻠﯩﯟﺍﺗﯩﺴﻪﻥ؟‹‹ﺩﻩﭖ ﺳﻮﺭﯨﺴﺎﻡ‪:‬‬ ‫ﺳﯩﺰﻧﯩﯔ ﻛﻮﻧﺎ ﭘﻮﭘﺎﻳﻜﯩﯖﯩﺰﻧﻰ ﭼﯘﯞﯗﻏﺎﻧﺘﯩﻢ ‪،‬ﺷﯘﻧﻰ ﺑﺎﻟﯩﻼﺭﻏﺎ ﺋﻪﭘﻠﻪﭖ ﺑﯩﺮﻧﯧﻤﻪ‬‫ﻗﯩﻠﯩﭗ ﺑﯧﺮﻩﻳﻤﯩﻜﯩﻦ ﺩﻩﻳﻤﻪﻥ ‪،‬ﺩﻩﭘﺴﻪﻥ‪.‬‬ ‫ﻣﻪﻥ ﺋﻮﻳﻠﯩﻨﯩﭗ ﺗﯘﺭﯗﭖ ﻛﯧﺘﯩﭗ ‪،‬ﺧﯘﺷﺎﻝ ﺑﻮﻟﯘﭖ ﻛﯧﺘﯩﭙﺘﯩﻤﻪﻥ‪ -‬ﺩﻩ‪:‬‬ ‫ﻣﯧﻨﯩﻤﯘ ﭼﯘﯞﯗﭖ ﺑﺎﺷﻘﯩﺪﯨﻦ ﺗﻮﻗﯘﭖ ﺑﺎﻗﺴﺎﯓ ﺑﻮﻟﻤﺎﻣﺪﯗ ؟ ‪ -‬ﺩﻩﭘﺘﯘﺩﻩﻛﻤﻪﻥ‪ ،‬ﻛﯜﻟﻤﻪ‬‫‪،‬ﺭﺍﺳﯩﺖ ﺋﺎﺷﯘﻧﺪﺍﻕ ﺩﻩﭘﺘﯩﻤﻪﻥ ‪،‬ﺳﻪﻥ‪:‬‬


‫ﺷﯘﻧﺪﺍﻕ ﻗﯩﻠﺴﺎﻣﻐﯘ ﺑﻮﻻﺗﺘﻰ‪،‬ﺑﯩﺮﺍﻕ ﭼﯘﯞﯗﭘﻼ ﻗﻮﻳﻐﺎﻧﺪﯨﻦ ﻛﯧﻴﯩﻦ ﺑﻪﺯﻯ ﺋﯜﺯﯛﻟﮕﻪﻥ‬‫ﺑﯘﺯﯗﻟﻐﺎﻥ ﻳﻪﺭﻟﯩﺮﯨﯖﯩﺰ ﭼﯩﻘﯩﺪﯗ‪،‬ﻗﺎﻳﺘﺎ ﺗﻮﻗﯘﻏﺎﻧﺪﺍ ﺑﯘﺭﯗﻧﻘﯩﺪﯨﻦ ﻛﯩﭽﯩﻜﻠﻪﭖ‬ ‫ﻛﯧﺘﯩﺴﯩﺰ‪-،‬ﺩﻩﭘﺴﻪﻥ‪ .‬ﻣﻪﻥ‪:‬‬ ‫ ﻛﯩﭽﯩﻜﻠﻪﭖ ﻛﻪﺗﺴﻪﻡ ﺗﯧﺨﻰ ﻳﺎﺧﺸﻰ ‪،‬ﺳﺎﺩﯨﻐﺎﯓ ﻛﯧﺘﻪﻱ ﺧﻮﺗﯘﻥ‪،‬ﻣﯧﻨﻰ ﮬﺎﺯﯨﺮﻻ‬‫ﭼﯘﯞﯗﭖ ﺗﺎﯓ ﺋﺎﺗﻘﯘﭼﻪ ﺑﯚﻟﻪﻛﺘﯩﻦ ﺗﻮﻗﯘﯞﻩﺗﺴﻪﯓ !‪-‬ﺩﻩﭖ ﻳﺎﻟﯟﯗﺭﯗﭘﺘﯩﻤﻪﻥ‪.‬‬ ‫ﺳﻪﻥ ﻣﺎﻗﯘﻝ ﺩﻩﭖ‪،‬ﻛﺎﺭﯨﯟﺍﺗﻘﺎ ﻣﯧﻨﻰ ﻗﯩﭙﻴﺎﻟﯩﯖﺎﭺ ﻗﯩﻠﯩﭗ ﺳﻮﺯﯗﻟﺪﯗﺭﯗﭖ‬ ‫ﻳﺎﺗﻘﯘﺯﯗﭖ‪،‬ﭘﯘﺗﯘﻣﻨﯩﯔ ﺑﺎﺭﻣﺎﻗﻠﯩﺮﯨﺪﯨﻦ ﺑﺎﺷﻼﭖ ﭼﯘﯞﯗﻏﯩﻠﻰ ﺗﯘﺭﯗﭘﺴﻪﻥ ‪.‬ﺑﻪﺩﯨﻨﯩﻤﻨﯩﯔ‬ ‫ﭼﯘﯞﯗﻟﯘﯞﺍﺗﻘﺎﻥ ﻳﻪﺭﻟﯩﺮﯨﺪﻩ ﺑﯩﺮﻯ ﻣﯧﻨﻰ ﻳﯧﻨﯩﻚ ﻏﯩﺪﯨﻘﻼﯞﺍﺗﻘﺎﻧﺪﻩﻙ ﺳﯧﺰﯨﻢ ﮬﺎﺳﯩﻞ‬ ‫ﺑﻮﻟﯘﭘﺘﯘﺩﻩﻙ؛ﻗﯩﻠﭽﻪ ﺋﺎﺯﺍﺏ ﮬﯧﺲ ﻗﯩﻠﻤﺎﻱ‪،‬ﻧﺎﮬﺎﻳﯩﺘﻰ ﮬﻮﺯﯗﺭﻟﯩﻨﯩﭗ‬ ‫ﻳﯧﺘﯩﭙﺘﯘﺩﻩﻛﻤﻪﻥ ‪.‬ﭼﯘﯞﯗﻟﯘﭖ ﻛﺎﻧﯩﻴﯩﻤﻐﺎ ﻛﻪﻟﮕﻪﻧﺪﻩ ﻳﯩﭙﻨﯩﯔ ﺑﯩﺮ ﻳﯧﺮﻯ ﭼﯧﮕﯩﻠﯩﭗ‬ ‫ﻗﯩﻠﯩﭗ ﺑﻮﻏﯘﻟﯘﭖ ﻗﺎﭘﺘﯘﺩﻩﻛﻤﻪﻥ‪،‬ﺳﻪﻥ ﮬﻪﺭﻗﺎﻧﭽﻪ ﯞﺍﺭﻗﯩﺮﯨﺴﺎﻣﻤﯘ ﺋﺎﯕﻠﯩﻤﺎﻱ ﻳﯩﭙﻨﻰ‬ ‫ﺗﺎﺗﯩﯟﻩﺭﮔﯜﺩﻩﻛﺴﻪﻥ‪.‬ﺩﻩﻡ ﺋﺎﻻﻟﻤﺎﻱ ‪،‬ﺋﯚﺯﯛﻣﻨﻰ ﮬﻪﺭﺗﻪﺭﻩﭘﻜﻪ ﺋﯘﺭﯗﭖ‪،‬ﻛﯚﺯﯛﻣﻨﻰ ﺋﺎﭼﺴﺎﻡ‬ ‫ﭼﯜﺷﯜﻡ‪.‬ﺳﻪﻥ ﻳﯧﻨﯩﻤﺪﺍ ﺋﯚﺭﻩ ﺗﯘﺭﯗﭘﺴﻪﻥ‪...‬‬ ‫ﺋﺎﻳﺎﻟﯩﻢ ﺑﯘ ﮔﻪﭘﻠﻪﺭ ﺋﺎﯕﻼﭖ ﻛﯜﻟﯜﭖ ﺗﯧﻠﯩﻘﯩﭗ ﻗﺎﻟﺪﻯ‪.‬‬ ‫ﻛﯜﻟﯩﺪﯨﻐﺎﻥ ﻧﯧﻤﯩﺴﻰ ﺑﺎﺭ‪،‬ﺑﯘ ﺩﯦﮕﻪﻥ ﭼﯜﺵ!‬ ‫ﺳﺎﺭﺍﯓ ﺑﻮﻟﺪﯨﯖﯩﺰﻣﯘ‪،‬ﺋﺎﺩﻩﻣﻨﻰ ﻗﺎﻧﺪﺍﻕ ﭼﯘﯞﯗﭖ ﺗﻮﻗﯘﻏﯩﻠﻰ‬‫ﺑﻮﻟﯩﺪﯗ؟‪...‬ﻗﻮﭘﯘﯕﺎ‪،‬ﺋﻮﺭﯗﻥ‪-‬ﻛﯚﺭﭘﯩﻠﻪﺭﻧﻰ ﻳﯩﻐﯩﯟﯦﺘﻪﻱ‪-‬ﺩﯦﺪﻯ ﺋﯘ‪.‬‬ ‫ﺷﯘ ﭼﺎﻏﺪﺍ ﺋﯧﺴﯩﻤﮕﻪ ﺑﺎﺯﺍﺭﻟﯩﻖ ﮬﯚﻛﯜﻣﻪﺕ ﺋﯩﺪﺍﺭﯨﺴﯩﮕﻪ ﺑﺎﺭﯨﺪﯨﻐﺎﻥ ﺋﯩﺸﯩﻢ‬ ‫ﻛﻪﻟﺪﻯ‪-‬ﺩﻩ‪،‬ﺋﺎﻟﺪﯨﺮﺍﭖ ﻛﯧﻴﯩﻨﺪﯨﻢ‪.‬‬ ‫‪阅读(0)| 评论(1) 举报日志 | 发表评论‬‬ ‫‪.1‬‬


‫‪阿布都拉‬‬

‫‪o‬‬

‫‪发站内信‬‬

‫‪2008-06-27 19:24 回复‬‬ ‫ﺑﺎﺯﺍﺭﻟﯩﻖ ﮬﯚﻛﯜﻣﻪﺕ ﺋﯩﺸﺨﺎﻧﯩﺴﯩﺪﯨﻜﻰ ﻳﻮﻏﺎﻥ ﺋﯜﺳﺘﻪﻟﺪﻩ ﻗﻮﻏﺪﺍﺵ ﮬﻪﻳﺌﯩﺘﻰ‬ ‫ﺋﯚﻣﻪﺭﺟﺎﻥ ﺑﯩﻠﻪﻥ ﻳﻪﻧﻪ ﺑﯩﺮ ﻛﯧﻠﻪﯕﺴﯩﺰ ﺳﻪﻣﯩﺮﯨﮕﻪﻥ ﻛﯩﺸﻰ ﻛﯩﺘﯩﺮﻟﯩﺘﯩﭗ ﺑﯩﺮ‬ ‫ﻧﯧﻤﯩﻠﻪﺭﻧﻰ ﻳﯧﺰﯨﯟﯦﺘﯩﭙﺘﯘ‪.‬ﺋﯩﺸﯩﻜﻨﯩﯔ ﻳﯧﻨﯩﻐﺎ ﻗﻮﻳﯘﻟﻐﺎﻥ ﺋﯘﺯﯗﻥ ﺑﻪﻧﺪﯨﯖﺪﻩ ﺗﺎﺯﯨﻤﯘ‬ ‫ﭘﺎﻛﺎﺭ ﺑﯩﺮﺋﺎﺩﻩﻡ ﺋﻮﻟﺘﯘﺭﯗﭘﺘﯘ‪››.‬ﻣﯘﻧﺪﺍﻕ ﭘﺎﻛﺎﺭﻻﺭﻧﻰ ﭼﯘﯞﯗﭖ ﺑﺎﺷﻘﯩﺪﯨﻦ‬ ‫ﺗﻮﻗﯘﻳﺪﯨﻐﺎﻥ ﺑﻮﻟﺴﺎ‪،‬ﮬﯧﭽﻨﯩﻤﯩﻼ ﭼﯩﻘﻤﺎﻳﺪﯨﻐﯘ ﺩﻩﻳﻤﻪﻥ!‹‹ﺩﻩﭖ ﺋﻮﻳﻠﯩﺪﯨﻢ‬ ‫–ﺩﻩ‪››:‬ﺳﻪﻝ ﻧﯧﺮﯨﺮﺍﻕ ﺳﯜﺭﯛﻟﯜﯕﻼﺭ‪،‬ﺋﺎﻏﯩﻴﻨﻪ‹‹ﺩﻩﭖ ﺋﯘﻧﯩﯔ ﻳﯧﻨﯩﻐﺎ‬ ‫ﻗﯩﺴﺘﺎﻟﺪﯨﻢ ‪.‬‬ ‫ﺑﯘ ﺑﯩﺰﻧﯩﯔ ﺑﺎﺯﺍﺭﻟﯩﻖ ﮬﯚﻛﯜﻣﻪﺗﻜﻪ ﻳﯧﯖﯩﺪﯨﻦ ﺗﻪﻳﯩﻨﻠﯩﻨﯩﭗ ﻛﻪﻟﮕﻪﻥ ﺑﺎﺯﺍﺭ‬ ‫ﺑﺎﺷﻠﯩﻘﻰ ﺑﻮﻟﯩﺪﯗ‪-،‬ﺩﻩﭖ ﺗﻮﻧﯘﺷﺘﯘﺭﺩﻯ ﺋﯚﻣﻪﺭﺟﺎﻥ ﮬﯧﻠﯩﻘﻰ ﺳﯧﻤﯩﺰ ﺯﺍﺗﻨﻰ‬ ‫‪-،‬ﺳﯩﻠﻪﺭﺩﯨﻦ ﺑﻪﺯﻯ ﺋﯩﺸﻼﺭﻧﻰ ﺋﯧﻨﯩﻘﻠﯩﻤﺎﻗﭽﻰ ﺑﻮﻟﯘﭖ ﭼﺎﻗﯩﺮﺗﻘﺎﻥ ‪.‬‬ ‫ﺑﺎﺯﺍﺭ ﺑﺎﺷﻠﯩﻘﻰ ﻣﺎﯕﺎ ﻛﯚﺯﯨﻨﯩﯔ ﻗﯘﻳﺮﯗﻗﯩﺪﺍ ﻗﺎﺭﺍﭖ ﻗﻮﻳﯘﭖ ‪:‬‬ ‫ﻗﯧﻨﻰ‪،‬ﺳﯚﺯﻟﻪﯞﯦﺮﯨﯔ!‪-‬ﺩﻩﭖ ﺑﯘﻳﺮﯗﻕ ﻗﯩﻠﺪﻯ ﻳﯧﻨﯩﻤﺪﺍ ﺋﻮﻟﺘﯘﺭﻏﺎﻥ ﭘﺎﻛﺎﺭ‬‫ﺋﺎﻏﯩﻴﻨﯩﮕﻪ ‪.‬‬ ‫ﭘﺎﻛﺎﺭ ﺋﺎﻏﯩﻴﻨﻪ ﺑﺎﻳﺎﺗﯩﻦ ﺑﯧﺮﻯ ﺋﻪﮬﯟﺍﻝ ﺗﻮﻧﯘﺷﺘﯘﺭﯨﯟﺍﺗﻘﺎﻥ ﺑﻮﻟﺴﺎ ﻛﯧﺮﻩﻙ‪،‬ﺳﯚﺯﯨﻨﻰ‬ ‫ﺩﺍﯞﺍﻡ ﻗﯩﻠﺪﻯ‪ :‬ﺗﯚﺕ‪-‬ﺑﻪﺵ ﻛﯜﻧﻨﯩﯔ ﺋﺎﻟﺪﯨﺪﯨﻜﻰ ﺋﯩﺸﻘﯘ ﺩﻩﻳﻤﻪﻥ‪-،‬ﺩﯦﺪﻯ‬ ‫ﺋﯘ‪-،‬ﮬﻪ‪،‬ﮬﻪ‪...‬ﺗﻮﻏﺮﺍ‪،‬ﺷﯘ ﻛﯜﻧﻰ ﻳﻪﻛﺸﻪﻧﺒﻪ ﺋﯩﺪﻯ‪.‬ﻣﻪﻥ ﮔﯚﺵ‪-‬ﭘﯚﺵ ﺋﺎﻻﻱ‬


‫ﺩﻩﭖ ﺑﺎﺯﺍﺭﻏﺎ ﭼﯩﻘﯩﯟﯦﺪﯨﻢ‪،‬ﺑﯩﺮﭼﺎﻏﺪﺍ ﯞﺍﺭﺍﯓ‪-‬ﭼﯘﺭﯗﯓ ﺑﻮﻟﯘﭖ ﻛﻪﺗﺘﻰ‪،‬ﻗﺎﺭﯨﺴﺎﻡ‬ ‫ﺋﺎﭘﺘﻮﺑﯘﺱ ﺑﯧﻜﯩﺘﯩﮕﻪ ﻳﯧﻘﯩﻨﻴﻪﺭﺩﻩ ﺋﯜﭺ ﻳﺎﺵ ﻧﯧﻤﻪ ﺑﯩﺮﻛﯩﺸﯩﻨﻰ ﺋﺎﺭﯨﻐﺎ ﺋﯧﻠﯩﭗ‬ ‫ﺩﯗﻣﺒﺎﻟﯩﻐﯩﻠﻰ ﺗﯘﺭﯗﭘﺘﯘ‪.‬ﺗﺎﻳﺎﻕ ﻳﯧﮕﯜﭼﻰ ﺋﯜﭼﯩﮕﻪ ﺗﻪﯓ ﻛﯧﻠﻪﻟﻤﻪﻳﺪﯨﻐﺎﻧﻠﯩﻘﯩﻐﺎ‬ ‫ﻛﯚﺯﻯ ﻳﻪﺗﺘﯩﻤﯘ‪،‬ﺷﺎﺭﺗﺘﯩﺪﻩ ﻗﯩﻠﯩﭗ ﻳﯧﻨﯩﺪﯨﻦ ﭘﯩﭽﺎﻕ ﭼﯩﻘﺎﺭﺩﻯ‪.‬ﭘﺎﺭﻗﯩﺮﺍﭖ‬ ‫ﺗﯘﺭﻏﺎﻥ ﭘﯩﭽﺎﻗﻨﻰ ﮬﻪﻣﻤﻪﻳﻠﻪﻥ ﻛﯚﺭﺩﯗﻕ ‪.‬ﺋﻪﺗﺮﺍﭘﺘﺎ ﻗﯩﻘﺎﺱ‪-‬ﭼﯘﻗﺎﻥ ﭼﯩﻘﯩﭗ‬ ‫ﻛﻪﺗﺘﻰ‪.‬ﺳﻪﻱ ﺳﯧﺘﯩﯟﺍﺗﻘﺎﻥ ﺧﻮﺗﯘﻧﻼﺭ ﻗﻮﺭﻗﻘﯩﻨﯩﺪﯨﻦ ﭼﯩﺮﻗﯩﺮﯨﯟﯦﺘﯩﺸﺘﻰ ‪...‬ﺷﯘ‬ ‫ﺋﺎﺭﯨﺪﺍ ﻗﺎﻧﺪﺍﻕ ﺑﻮﻟﺪﻯ‪،‬ﺋﺎﺭﻗﯩﺪﯨﻦ ﻛﻪﻟﮕﻪﻥ ﺑﯩﺮﻯ ﭼﺎﻗﻘﺎﻧﻠﯩﻖ ﺑﯩﻠﻪﻥ ﺋﯘﻧﯩﯔ‬ ‫ﻗﻮﻟﯩﺪﯨﻜﻰ ﭘﯩﭽﺎﻗﻨﻰ ﺗﺎﺭﺗﯩﯟﺍﻟﺪﻯ‪،‬ﺋﯘ ﻳﻪﻧﻪ ﺑﯩﺮ ﭘﯩﭽﺎﻗﻨﻰ ﭼﯩﻘﺎﺭﺩﻯ ‪،‬ﻳﻪﻧﻪ‬ ‫ﺑﯩﺮﻩﻳﻠﻪﻥ ﺋﯘ ﭘﯩﭽﺎﻗﻨﯩﻤﯘ ﻳﯘﻟﯘﯞﯦﻠﯩﭗ ﭼﯚﺭﯛﯞﯦﺘﯩﯟﯦﺪﻯ ‪،‬ﺋﯘﻧﯩﯔ ﻗﻮﻟﯩﺪﺍ‬ ‫ﺗﯧﺨﯩﻤﯘ ﻳﻮﻏﺎﻥ ﻳﻪﻧﻪ ﺑﯩﺮﭘﯩﭽﺎﻕ ﭘﻪﻳﺪﺍ ﺑﻮﻟﺪﻯ‪،‬ﺷﯘﻧﯩﯔ ﺑﯩﻠﻪﻥ ﺑﺎﺯﺍﺭ ﺋﯩﭽﯩﺪﻩ‬ ‫ﻗﺎﭺ‪-‬ﻗﺎﭺ ﺑﻮﻟﯘﭖ ﻛﻪﺗﺘﻰ‪،‬ﻣﻪﻧﻤﯘ ﻗﺎﭼﺘﯩﻢ‪،‬ﻛﯚﺭﮔﻪﻧﻠﯩﺮﯨﻢ ﺋﻪﻧﻪ ﺷﯘ ‪.‬‬ ‫‹‹ﻳﺎﺋﺎﻟﻼ ﻧﯧﻤﺎﻧﺪﺍﻕ ﺟﯩﻖ ﭘﯩﭽﺎﻕ ﺑﯘ‪ .‬ﺷﯘﻧﭽﯩﯟﺍﻻ ﭘﯩﭽﺎﻗﻨﻰ ﺋﯘ ﺋﻮﻏﺮﻯ‬ ‫ﻧﻪﺭﯨﮕﯩﻤﯘ ﺋﯧﺴﭗ ﻳﯜﺭﮔﻪﻥ ﺑﻮﻟﻐﯩﻴﺘﺘﻰ ؟!‹‹ﺩﻩﭖ ﻳﺎﻗﺎﻣﻨﻰ ﺗﯘﺗﺘﯘﻡ ‪.‬ﺑﺎﺯﺍﺭ‬ ‫ﺑﺎﺷﻠﯩﻘﻰ ﺑﯧﺸﯩﻨﻰ ﻛﯚﺗﯜﺭﯛﭖ ‪:‬‬ ‫ﭘﯩﭽﺎﻕ ﻛﯚﺗﯜﺭﮔﻪﻧﻨﯩﯔ ﺗﻪﻗﻰ‪-‬ﺗﯘﺭﯗﻗﻰ ﻗﺎﻧﺪﺍﻗﺮﺍﻕ؟‪ -‬ﺩﻩﭖ ﺳﻮﺭﯨﺪﻯ ‪.‬‬‫ﺋﯧﺴﯩﻤﺪﻩ ﻗﺎﻟﻤﺎﭘﺘﯘ‪،‬ﺋﯩﺸﻘﯩﻠﯩﭗ ﺑﯘﺭﯗﺗﻠﯘﻕ‪،‬ﺋﯩﮕﯩﺰ ﺋﺎﺩﻩﻣﺪﻩﻙ ﻗﯩﻠﻐﺎﻥ ‪...‬‬‫ﺑﻮﻳﯩﻨﯩﯔ ﺋﯧﮕﯩﺰﻟﯩﻜﻰ ﻣﺎﯞﯗ ﻳﯧﻨﯩﯖﯩﺰﺩﺍ ﺋﻮﻟﺘﯘﺭﻏﺎﻥ ﺋﺎﺩﻩﻣﮕﻪ ﺋﻮﺧﺸﺎﻣﺪﯗ ؟‬‫ﻳﯜﺭﯨﻜﯩﻢ ﻗﺎﺭﺗﺘﯩﺪﻩ ﻗﯩﻠﯩﭗ ﻗﺎﻟﺪﻯ‪.‬ﭘﺎﻛﺎﺭ ﺋﺎﻏﯩﻴﻨﻪ ﺑﯧﺸﯩﻤﺪﯨﻦ ﺋﺎﻳﯩﻐﯩﻤﻐﯩﭽﻪ ﺑﯩﺮ‬ ‫ﻗﺎﺭﺍﭖ ‪:‬‬ ‫ﻳﺎﻕ‪،‬ﻳﺎﻕ‪.‬ﺑﯘ ﻛﯩﺸﯩﺪﯨﻨﻤﯘ ﺋﯧﮕﯩﺰﺭﻩﻛﻤﯩﻜﯩﻦ ﺩﻩﻳﻤﻪﻥ ‪،-‬ﺩﯦﺪﻯ ‪.‬‬‫‹‹ﺋﯘﮪ!‹‹ﺩﻩﭖ ﻳﯧﻨﯩﻚ ﺑﯩﺮ ﺗﯩﻨﺪﯨﻢ ‪.‬ﭘﺎﻛﺎﺭ ﺋﺎﻏﯩﻴﻨﻪ ﻛﯚﺯﯛﻣﮕﻪ ﺧﯧﻠﻰ ﺋﯩﺴﺴﯩﻖ‬ ‫ﻛﯚﺭﯛﻧﯜﭖ ﻗﺎﻟﺪﻯ ‪››.‬ﺋﯘﻧﻰ ﭼﯘﯞﯗﻣﯩﺴﯩﻤﯘ ﺑﻮﻟﻐﯘﺩﻩﻙ‹‹ﺩﻩﭖ ﺋﻮﻳﻠﯩﺪﯨﻢ‪،‬ﺑﺎﺯﺍﺭ‬


‫ﺑﺎﺷﻠﯩﻘﻰ ﺋﯘﻧﯩﯔ ﺳﯚﺯﯨﺪﯨﻦ ﺗﺎﺯﺍ ﻗﺎﻧﺎﺋﻪﺕ ﮬﺎﺳﯩﻞ ﻗﯩﻠﻤﯩﻐﺎﻥ ﺑﻮﻟﺴﺎ ﻛﯧﺮﻩﻙ ‪:‬‬ ‫ﺑﻮﻟﯩﺪﯗ ‪،‬ﮬﺎﺯﯨﺮﭼﻪ ﻗﺎﻳﺘﯩﭗ ﺑﯧﺮﯨﭗ ﺋﻮﺑﺪﺍﻥ ﺋﻮﻳﻠﯩﻨﯩﭗ‪،‬ﺷﯘ ﻛﯜﻧﻰ ﺑﺎﺯﺍﺭﺩﺍ‬‫ﻛﯚﺭﮔﻪﻧﻠﯩﺮﯨﯖﯩﺰﻧﻰ ‪،‬ﮬﯧﻠﯩﻘﻰ ﭘﯩﭽﺎﻗﭽﯩﻨﯩﯔ ﭼﯩﺮﺍﻱ‪-‬ﺷﻪﻛﻠﯩﻨﻰ ﺗﻪﭘﺴﯩﻠﯩﻲ‬ ‫ﻳﯧﺰﯨﭗ‪،‬ﺋﻪﺗﯩﮕﯩﭽﻪ ﺑﯩﺰﮔﻪ ﺋﻪﻛﯩﻠﯩﭗ ﺑﯧﺮﻩﺭﺳﯩﺰ‪-،‬ﺩﯦﺪﻯ ‪.‬‬ ‫ﭘﺎﻛﺎﺭ ﺋﺎﻏﯩﻴﻨﻪ ﭼﯩﻘﯩﭗ ﻛﻪﺗﺘﻰ‪،‬ﺋﻪﻣﺪﻯ ﺑﺎﺯﺍﺭ ﺑﺎﺷﻠﯩﻘﻨﯩﯔ ﻛﯚﺯﻯ ﻣﺎﯕﺎ‬ ‫ﺗﯩﻜﯩﻠﺪﻯ ‪.‬‬ ‫ﺧﻮﺵ‪-،‬ﺩﯦﺪﻯ ﺋﯘ ﺑﯩﺮ ﺗﺎﻝ ﺗﺎﻣﺎﻛﺎ ﺗﯘﺗﺎﺷﺘﯘﺭﯗﭖ ﺗﯘﺭﯗﭖ‪-،‬ﺑﯘﺭﯗﺗﻨﻰ‬‫ﻧﯧﻤﺎﻧﺪﺍﻕ ﺋﺎﻟﺪﯨﺮﺍﭘﻼ ﭼﯜﺷﯜﺭﯨﯟﻩﺗﺘﯩﯖﻼﺭ؟‬ ‫ﺋﯚﻣﻪﺭﺟﺎﻧﺪﯨﻦ ﺑﯘﺭﯗﺗﻠﯘﻗﻼﺭﻧﻰ ﺗﯩﺰﯨﻤﻼﯞﺍﺗﻘﺎﻧﻠﯩﻘﯩﻨﻰ ﺋﺎﯕﻼﭖ ﻗﻮﺭﻗﯘﭖ‬ ‫ﻛﻪﺗﻜﻪﻧﻠﯩﻜﯩﻤﻨﻰ ﺋﯧﻴﺘﻤﺎﻗﭽﯩﺪﯨﻢ‪،‬ﺗﯩﻠﯩﻤﻨﯩﯔ ﺋﯘﭼﯩﻐﺎ ﻛﯧﻠﯩﭗ ﻗﺎﻟﻐﺎﻥ ﺑﯘ ﮔﻪﭘﻨﻰ‬ ‫ﻛﯜﭼﻪﭖ ﺑﻮﻏﯘﺯﯗﻣﻐﺎ ﻳﯘﺗﯘﭖ‪،‬ﻳﺎﻟﻐﺎﻧﺪﯨﻦ ﺑﯩﺮﻧﻰ ﺗﻮﻗﯘﺩﯗﻡ ‪،‬‬ ‫ﺑﯩﺰﻧﯩﯔ ﻗﯘﻟﯘﻡ‪-‬ﻗﻮﺷﻨﯩﻼﺭﻧﯩﯔ ﻣﯧﺠﻪﺯﯨﻨﻰ ﺳﯩﺰ ﺑﯩﻠﻤﻪﻳﺴﯩﺰ‪،‬ﻣﺎﻧﺎ ﻣﺎﯞﯗ‬‫ﺋﯚﻣﻪﺭﺟﺎﻥ ﺗﺎﺯﺍ ﺋﻮﺑﺪﺍﻥ ﺑﯩﻠﯩﺪﯗ‪،-‬ﺩﯦﺪﯨﻢ‪-،‬ﺑﯩﺮﻩﺭﺳﻰ ﻳﺎﺧﺸﯩﺮﺍﻕ ﺑﯩﺮ ﻧﻪﺭﺳﻪ‬ ‫ﺳﯧﺘﯩﯟﺍﻟﺴﺎ‪،‬ﺋﻮﺑﺪﺍﻧﺮﺍﻕ ﺑﯩﺮ ﻛﯧﻴﯩﻢ ﻛﯧﻴﺴﻪ‪،‬ﺋﯩﺸﻘﯩﻠﯩﭗ‪،‬ﺋﺎﺯﻏﯩﻨﻪ ﺑﯩﺮ ﻳﯧﯖﯩﻠﯩﻖ‬ ‫ﺑﻮﻟﻐﯩﻨﯩﻨﻰ ﻛﯚﺭﺳﯩﻼ››ﻳﯘﻳﯩﻤﯩﺰ‹‹ﺩﻩﭖ ﺋﻮﻥ‪-‬ﻳﯩﮕﯩﺮﻣﻪ ﺗﻪﯕﮕﻪ ﺧﻪﺟﻠﻪﺗﻤﻪﻱ‬ ‫ﻗﻮﻳﻤﺎﻳﺪﯗ‪،‬ﻳﯧﻘﯩﻨﺪﯨﻦ ﺑﯧﺮﻯ ﺋﯘﻻﺭ‪››:‬ﭘﺎﮪ‪،‬ﻣﯘﻧﯘ ﺑﯘﺭﯗﺕ ﺳﯩﻠﻪﺭﮔﻪ ﺋﻪﺟﻪﺑﻤﯘ‬ ‫ﻳﺎﺭﯨﺸﯩﭙﺘﯘ‪،‬ﺑﯘﺭﯗﺗﻨﯩﯔ ﭼﯧﻴﻨﻰ ﻗﺎﭼﺎﻥ ﺋﯩﭽﯩﻤﯩﺰ؟ﺳﯩﻠﻪﺭﻧﻰ ﺑﯩﺮﺋﻮﺑﺪﺍﻥ ﻳﯘﻣﯩﺴﺎﻕ‬ ‫ﺯﺍﺩﻯ ﺑﻮﻟﻤﺎﻳﺪﯗ‹‹ﺩﻩﭖ ﻣﺎﯕﺎ ﻳﯧﭙﯩﺸﯩﯟﯦﻠﯩﺸﺘﻰ ‪.‬ﺋﯩﺶ‪-‬ﺋﻮﻗﻪﺗﻨﯩﯔ ﻳﻮﻗﯩﺪﺍ‬ ‫ﻗﺎﺭﺍﭖ ﺗﯘﺭﯗﭖ ﺑﯩﺮﻣﯘﻧﭽﻪ ﭘﯘﻟﻨﯩﯔ ﻛﯚﺯﯨﮕﻪ ﻳﺎﻏﺎﭺ ﺗﯩﻘﻤﺎﻱ ‪،‬ﺩﻩﭖ ﺗﯜﻧﯜﮔﯜﻥ‬ ‫ﺋﯩﺴﻤﺎﻳﯩﻞ ﺳﺎﺗﯩﺮﺍﭼﻨﯩﯖﻜﯩﮕﻪ ﺑﯧﺮﯨﭗ ﭘﺎﻙ‪-‬ﭘﺎﻛﯩﺰ ﻗﯩﺮﺩﯗﺭﯨﯟﻩﺗﺘﯩﻢ ‪.‬‬ ‫ﺑﺎﺯﺍﺭ ﺑﺎﺷﻠﯩﻘﻰ ﺗﺎﻣﺎﻛﯩﺴﯩﻨﯩﯔ ﻛﯜﻟﯩﻨﻰ ﻗﯧﻘﯩﭗ ‪،‬ﻛﯚﺯﯛﻣﮕﻪ ﻗﺎﺭﺍﭖ ﺗﯘﺭﯗﭖ‬ ‫ﻛﻪﺗﺘﻰ ‪.‬‬


‫ﺑﺎﺯﺍﺭﺩﯨﻜﻰ ﯞﻩﻗﻪﻧﻰ ﺋﺎﯕﻠﯩﺪﯨﯖﯩﺰ ‪...‬‬‫ﻣﯧﻨﯩﯔ ﺯﺍﺩﻯ ﺋﻪﻗﻠﯩﻢ ﻳﻪﺗﻤﻪﻳﯟﺍﺗﯩﺪﯗ‪،‬ﺑﺎﺯﺍﺭﺩﯨﻜﻰ ﯞﻩﻗﻪ ﺑﯩﻠﻪﻥ ﻣﯧﻨﯩﯔ‬‫ﺑﯘﺭﯗﺗﯘﻣﻨﯩﯔ ﺯﺍﺩﻯ ﻧﯧﻤﻪ ﻣﯘﻧﺎﺳﯩﯟﯨﺘﻰ ﺑﺎﺭ؟‬ ‫ﺑﯩﻠﻪﻣﺴﯩﺰ!‪-‬ﺩﻩﭖ ﺋﯜﺳﺘﻪﻟﻨﻰ ﭘﺎﻗﻘﯩﺪﻩ ﺑﯩﺮﻧﻰ ﺋﯘﺭﯗﭖ ﺋﻮﺭﻧﯩﺪﯨﻦ ﺗﯘﺭﯗﭖ‬‫ﻛﻪﺗﺘﻰ ﺑﺎﺯﺍﺭ ﺑﺎﺷﻠﯩﻘﻰ‪-،‬ﺑﯘﺭﯗﺗﻰ ﺑﺎﺭﻻﺭﻧﯩﯔ ﻳﯧﻨﯩﺪﺍ ﭼﻮﻗﯘﻡ ﭘﯩﭽﯩﻘﻰ ﺑﻮﻟﻤﺎﻱ‬ ‫ﻗﺎﻟﻤﺎﻳﺪﯗ‪...‬ﺋﻪﺟﻪﺏ ﺑﯘﺭﯗﻧﻤﯘ ﺋﻪﻣﻪﺱ‪،‬ﻛﯧﻴﯩﻨﻤﯘ ﺋﻪﻣﻪﺱ‪،‬ﺩﻩﻝ ﺑﯩﺰ‬ ‫ﺑﯘﺭﯗﺗﻠﯘﻗﻼﺭﻧﻰ ﺗﯩﺰﯨﻤﻼﻳﻤﯩﺰ ﺩﻩﯞﺍﺗﻘﺎﻥ ﭼﺎﻏﺪﺍ ﺳﯩﺰﻧﯩﯔ ﺑﯘﺭﯗﺗﯩﯖﯩﺰﻧﻰ‬ ‫ﻗﯩﺮﺩﯗﺭﯨﯟﯦﺘﯩﺶ ﺧﯩﻴﺎﻟﯩﯖﯩﺰﻏﺎ ﻛﯧﻠﯩﭗ ﻗﺎﭘﺘﯘ‪-‬ﮬﻪ؟‪...‬ﺋﯩﺶ ﺋﯘﻧﺪﺍﻕ ﺋﺎﺩﺩﯨﻲ‬ ‫ﺋﻪﻣﻪﺱ‪.‬ﺋﯚﺗﻜﻪﻥ ﻳﻪﻛﺸﻪﻧﺒﻪ ﺑﺎﺯﺍﺭﺩﺍ ﺑﻮﻟﻐﺎﻥ ﯞﻩﻗﻪﻧﻰ ﺳﯩﺰ ﺑﯩﺮ ﺋﺎﺩﺩﻯ ﺑﯩﺮ‬ ‫ﻣﺎﺟﯩﺮ ﺩﻩﭖ ﻗﺎﺭﺍﻣﺴﯩﺰ؟ﻳﺎﻕ‪،‬ﻳﺎﻕ‪،‬ﻣﻪﺳﯩﻠﯩﮕﻪ ﺋﯘﻧﺪﺍﻕ ﻳﯜﺯﻩ ﻗﺎﺭﯨﻐﯩﻠﻰ‬ ‫ﺑﻮﻟﻤﺎﻳﺪﯗ‪.‬ﺷﯘ ﻛﯜﻧﻰ ﮬﯧﻠﯩﻘﻰ ﻳﻮﻏﺎﻥ ﺑﯘﺭﯗﺕ ﺑﺎﺯﺍﺭﺩﯨﻜﯩﻠﻪﺭﻧﻰ ﭘﯩﭽﺎﻕ‬ ‫ﻛﯚﺗﯜﺭﯛﭖ ﻗﻮﻏﻼﭖ ﻗﯧﭽﯩﭗ ﭼﯩﻘﯩﭗ ﻛﻪﺗﻜﻪﻧﺪﻩ‪،‬ﺷﯘ ﻳﻪﺭﮔﻪ ﺑﯩﺮ ﺳﻮﻣﻜﯩﺴﻰ‬ ‫ﭼﯜﺷﯜﭖ ﻗﺎﻟﻐﺎﻧﯩﻜﻪﻥ‪.‬ﺋﻪﻛﯩﻠﯩﭗ ﺗﻪﻛﺸﯜﺭﺳﻪﻙ‪،‬ﺋﯩﭽﯩﺪﯨﻦ ﻳﻪﻧﻪ‬ ‫ﺋﻮﺗﺘﯘﺯ‪-‬ﻗﯩﺮﯨﻘﭽﻪ ﭘﯩﭽﺎﻕ ﭼﯩﻘﺘﻰ ‪.‬‬ ‫ﺋﻪﻣﺴﻪ ﺋﯘ ﭘﯩﭽﺎﻕ ﻳﺎﺳﺎﭖ ﺳﺎﺗﯩﺪﯨﻐﺎﻥ ﭘﯩﭽﺎﻗﭽﻰ ﺋﻮﺧﺸﯩﻤﺎﻣﺪﯗ؟ ‪...‬‬‫ﮔﯧﭙﯩﻤﻨﻰ ﺑﯚﻟﻤﻪﯓ!ﺗﯚﻣﯜﺭﭼﯩﻨﯩﯔ ﻳﯧﯖﻰ ﺳﻮﻗﻘﺎﻥ ﭘﯩﭽﺎﻗﻠﯩﺮﯨﻨﯩﯔ ﻗﺎﻧﺪﺍﻕ‬‫ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺑﯩﺰ ﺳﯩﺰﺩﯨﻦ ﺋﻮﺑﺪﺍﻧﺮﺍﻕ ﺑﯩﻠﯩﻤﯩﺰ‪.‬ﮬﯧﻠﯩﻘﻰ ﺑﯘﺭﯗﺗﻠﯘﻗﻨﯩﯔ‬ ‫ﺳﻮﻣﻜﯩﺴﯩﺪﯨﻦ ﭼﯩﻘﻘﺎﻥ ﭘﯩﭽﺎﻗﻼﺭﻧﯩﯔ ﮬﻪﻣﻤﯩﺴﻰ ﺑﯩﺮ‪-‬ﺑﯩﺮﯨﺪﻥ‬ ‫ﻳﻮﻏﺎﻥ‪،‬ﺗﯘﺗﯘﻟﻐﺎﻥ ﭘﯩﭽﺎﻗﻼﺭ‪...‬ﺧﻮﺵ‪،‬ﺳﯩﺰ ﺑﯘ ﺋﯩﺸﻨﻰ ﻗﺎﻧﺪﺍﻕ‬ ‫ﭼﯜﺷﻪﻧﺪﯛﺭﯨﺴﯩﺰ؟ﺳﯩﺰﭼﻪ ﺋﯘ ﺑﯘﺭﯗﺗﻠﯘﻕ ﺷﯘﻧﭽﻪ ﭘﯩﭽﺎﻗﻨﻰ ﺳﯧﮫﯩﺮﯨﮕﻪﺭﻟﯩﻚ‬ ‫ﻗﯩﻠﻐﯩﻠﻰ ﻳﺎﻛﻰ ﻗﯩﺰﺯﯨﻘﭽﯩﻠﯩﻖ ﻛﯚﺭﺳﻪﺗﻜﯩﻠﻰ ﻛﯚﺗﯜﺭﯛﭖ ﻳﯜﺭﮔﻪﻧﻤﯩﺪﯗ؟‪...‬ﻣﻮﺷﯘ‬ ‫ﺗﯘﺭﻏﺎﻥ ﺋﻮﺭﻧﯩﻤﯩﺰﻧﯩﯔ ﺗﺎﺭﯨﺨﯩﺪﯨﻦ ﺑﻪﻟﻜﯩﻢ ﺧﻪﯞﯨﺮﯨﯖﻼﺭ ﻳﻮﻗﺘﯘ؟ﺑﯩﺮ ﺗﺎﺭﯨﺨﭽﻰ‬


‫ﺋﺎﻏﯩﻴﻨﻪﻣﻨﯩﯔ ﺳﯚﺯﻟﻪﭖ ﺑﯧﺮﯨﺸﯩﭽﻪ‪:‬ﻧﻪﭼﭽﻪ ﻣﯩﯔ ﻳﯩﻠﻨﯩﯔ ﺋﺎﻟﺪﯨﺪﺍ‪،‬ﺋﯩﺴﻜﻪﻧﺪﻩﺭ‬ ‫ﺩﯦﮕﻪﻥ ﺑﯩﺮﺳﻰ ﺋﯚﺯﯨﻨﯩﯔ ﻟﻪﺷﻜﻪﺭﻟﯩﺮﯨﻨﻰ ﺑﺎﺷﻼﭖ ﺩﯗﻧﻴﺎﻧﯩﯔ ﮬﻪﻣﻤﻪ ﻳﻪﺭﻟﯩﺮﯨﻨﻰ‬ ‫ﺑﻮﻳﺴﯘﻧﺪﯗﺭﯗﭖ‪،‬ﻣﻮﺷﯘﺟﺎﻳﻐﺎ ﻛﻪﻟﮕﻪﻧﺪﻩ ﺑﯩﺮ ﺗﻮﭖ ﭘﯩﭽﺎﻗﭽﯩﻼﺭﻏﺎ‬ ‫ﻳﻮﻟﯘﻗﯘﭖ‪،‬ﺋﺎﻟﻐﺎ ﺑﺎﺳﺎﻟﻤﺎﻱ ﭼﯧﻜﯩﻨﯩﭗ ﻛﻪﺗﻜﻪﻧﯩﻜﻪﻥ ‪.‬ﺋﯘ ﭘﯩﭽﺎﻗﭽﯩﻼﺭﻧﯩﯔ‬ ‫ﮬﻪﺭﺑﯩﺮﻯ ﻳﯧﻨﯩﻐﺎ ﻧﻪﭼﭽﻪ ﺋﻮﻧﺪﯨﻦ ﭘﯩﭽﺎﻗﻨﻰ ﺋﯧﺴﯩﯟﺍﻻﺗﺘﯩﻜﻪﻥ‪،‬ﻗﺎﺭﯨﻤﺎﻱ ﺋﺎﺗﻘﺎﻥ‬ ‫ﭘﯩﭽﺎﻗﻠﯩﺮﯨﻤﯘ ﻛﯧﻠﯩﯟﺍﺗﻘﺎﻥ ﮬﻪﺭﻗﺎﻧﺪﺍﻕ ﺋﺎﺩﻩﻣﻨﯩﯔ ﻧﻪﻕ ﺋﯩﻜﻜﻰ ﻗﯧﺸﯩﻨﯩﯔ‬ ‫ﺋﻮﺗﺘﯘﺭﯨﺴﯩﻐﺎ ﺳﺎﻧﺠﯩﻠﯩﭗ ﺋﺎﺭﻗﯩﺴﯩﻐﺎ ﺋﯘﭼﯘﺭﯨﯟﯦﺘﻪﺗﺘﯩﻜﻪﻥ‪...‬ﻧﻪﭼﭽﻪ ﻳﯜﻳﻠﻨﯩﯔ‬ ‫ﺋﺎﻟﺪﯨﺪﺍ‪،‬ﭼﯩﯖﮕﯩﺰﺧﺎﻥ ﻗﺎﺭﺍﻗﭽﯩﻠﯩﺮﻯ ﺑﯘ ﻳﻪﺭﺩﯨﻦ ﺋﯚﺗﻜﻪﻧﺪﻩ ﻳﻪﻧﻪ ﺷﯘﻧﺪﺍﻕ‬ ‫ﺳﺎﻧﺴﯩﺰ ﭘﯩﭽﺎﻗﻼﺭ ﺋﯘﻻﺭﻧﯩﯔ ﺳﯧﭙﯩﮕﻪ ﻗﻮﺷﯘﻟﯘﭖ ﻏﻪﺭﺑﻜﻪ ﻣﺎﯕﻐﺎﻥ‬ ‫ﺋﯩﻜﻪﻥ‪.‬ﺑﯜﮔﯜﻧﮕﻪ ﻛﻪﻟﮕﻪﻧﺪﻩ ﺋﺎﺭﯨﻤﯩﺰﺩﺍ ﻳﻪﻧﻪ ﺷﯘﻧﺪﺍﻕ ﭘﯩﭽﺎﻗﭽﯩﻼﺭ ﺑﺎﺵ‬ ‫ﻛﯚﺗﯜﺭﯛﭖ ﭼﯩﻘﯩﯟﺍﺗﻘﺎﻧﺪﻩﻙ ﻗﯩﻠﯩﺪﯗ‪.‬ﺋﯘﻻﺭﻧﻰ ﺑﯩﺮ ﭘﺎﻻﻛﻪﺕ ﺗﯧﺮﯨﻤﺎﻳﺪﯗ‪،‬ﺩﻩﭖ‬ ‫ﻛﯩﻢ ﺋﯧﻴﺘﺎﻻﻳﺪﯗ؟‪...‬ﻗﺎﻳﺘﯩﭗ ﺑﯧﺮﯨﭗ‪،‬ﺑﯘﺭﯗﺗﯩﯖﯩﺰﻧﻰ ﻗﺎﭼﺎﻥ‬ ‫ﻗﻮﻳﻐﺎﻧﻠﯩﻘﯩﯖﯩﺰﻧﻰ‪،‬ﻧﯧﻤﻪ ﺳﻪﯞﻩﺑﺘﯩﻦ ﭼﯜﺷﯜﺭﯨﯟﻩﺗﻜﻪﻧﻠﯩﻜﯩﯖﯩﺰﻧﻰ‬ ‫‪،‬ﺑﯘﺭﯗﺗﻠﯩﺮﯨﯖﯩﺰﻧﯩﯔ ﺷﻪﻛﻠﯩﻨﻰ‪...‬ﺷﻪﻛﯩﻠﻰ ﺩﯦﮕﯩﻨﯩﻢ‪:‬ﺗﻮﻡ ﺑﯘﺭﯗﺗﻤﯘ‪،‬ﺑﻮﻡ‬ ‫ﺑﯘﺭﯗﺗﻤﯘ‪،‬ﺷﺎﭖ ﺑﯘﺭﯗﺗﻤﯘ‪،‬ﺳﯩﻢ ﺑﯘﺭﯗﺗﻤﯘ؟ﮬﻪﻣﻤﯩﻨﻰ ﺋﯧﻨﯩﻖ ﻳﯧﺰﯨﭗ‪،‬ﺋﻪﺗﯩﺪﯨﻦ‬ ‫ﻗﺎﻟﺪﯗﺭﻣﺎﻱ ﺑﯩﺰﮔﻪ ﺗﺎﭘﺸﯘﺭﯗﯓ !‬ ‫** * * *‬ ‫ﺑﺎﺯﺍﺭﻟﯩﻖ ﮬﯚﻛﯜﻣﻪﺕ ﺋﯩﺪﺍﺭﯨﺴﯩﺪﯨﻦ ﺧﯘﺩﺩﻯ ﺑﯩﺮﺳﻰ ﻣﯧﻨﻰ ﭼﯚﺭﮔﯩﻠﯩﺘﯩﭗ‬ ‫ﻗﻮﻳﯘﭖ ﺑﻪﺭﮔﻪﻧﺪﻩﻙ ﺑﯧﺸﯩﻢ ﮔﺎﯕﮕﯩﺮﺍﭖ ﭼﯩﻘﺘﯩﻢ‪،‬ﺋﯚﻳﮕﻪ ﻛﯧﻠﯩﭗ ﻗﻮﻟﯘﻣﻤﯘ ﺋﯩﺸﻘﺎ‬ ‫ﺑﺎﺭﻣﯩﺪﻯ‪،‬ﺭﺍﺳﯩﺖ ﺩﯦﮕﻪﻧﺪﻩﻙ ﮬﯧﻠﯩﻘﻰ ﺑﯘﺭﯗﺗﻠﯘﻕ ﺳﻮﻣﻜﯩﺴﯩﻐﺎ ﺋﻮﺗﺘﯘﺯ‪-‬ﻗﯩﺮﯨﻖ‬ ‫ﭘﯩﭽﺎﻗﻨﻰ ﺳﯧﻠﯩﯟﯦﻠﯩﭗ ﻧﯧﻤﯩﺸﻘﺎ ﺋﺎﺩﻩﻡ ﻗﻮﻏﻼﭖ ﻳﯜﺭﮔﻪﻥ‬ ‫ﺑﻮﻟﻐﯩﻴﺪﻯ؟‪...‬ﺋﯩﺴﻜﻪﻧﺪﻩﺭ‪،‬ﭼﯩﯖﮕﯩﺰﺧﺎﻥ ﺩﯦﮕﻪﻧﻠﻪﺭ ﺗﻮﻏﺮﯨﺴﯩﺪﺍ‬


‫ﺋﺎﻧﭽﻪ‪-‬ﻣﯘﻧﭽﻪ ﺋﺎﯕﻠﯩﻐﺎﻥ‪،‬ﻧﻪﭼﭽﻪ ﻳﯜﺯﻳﯩﻠﻼﺭﻧﯩﯔ ﺋﺎﻟﺪﯨﺪﺍ ﺋﯚﺗﻜﻪﻥ ﺑﯘ‬ ‫ﭘﺎﺩﯨﺸﺎﮬﻼﺭ ﺑﯩﻠﻪﻥ ﺑﯜﮔﯜﻧﻜﻰ ﭘﯩﭽﺎﻗﭽﯩﻨﯩﯔ ﺋﯘﺭﯗﻕ‪-‬ﺗﯘﻏﻘﺎﻥ ﭼﯩﻘﯩﭗ ﻗﺎﻟﻐﯩﻨﻰ‬ ‫ﻗﯩﺰﺯﯨﻖ‪...‬ﺋﯘﻧﯩﯔ ﺋﯜﺳﺘﯩﮕﻪ ﺑﯘ ﺋﯩﺸﻘﺎ ﻣﯧﻨﯩﯖﻤﯘ ﭼﯧﺘﯩﻠﯩﭗ ﻗﺎﻟﻐﯩﻨﯩﻤﭽﯘ ‪!...‬‬ ‫ﻛﻪﭼﺘﻪ ﻗﺎﻏﺎ ﭘﯘﺗﻰ ﺧﻪﺗﻠﯩﺮﯨﻢ ﺑﯩﻠﻪﻥ ﺑﯘﺭﯗﺗﯘﻣﻨﯩﯔ ﺗﯘﻏﯘﻟﻐﺎﻧﺪﯨﻦ ﺗﺎﺭﺗﯩﭗ‬ ‫ﺋﯚﻟﮕﯜﭼﻪ ﺑﻮﻟﻐﺎﻥ ﻗﯩﺴﻘﯩﭽﻪ ﺗﺎﺭﯨﺨﯩﻨﻰ ﻳﯧﺰﯨﺸﻘﺎ ﺋﻮﻟﺘﯘﺭﺩﯗﻡ‪.‬ﺋﺎﻳﺎﻟﯩﻢ ﺑﯧﺸﯩﻤﻐﺎ‬ ‫ﻛﯧﻠﯩﭗ ﻗﺎﺭﺍﭖ ‪:‬‬ ‫ﺑﯘ ﺑﯩﺮ‪-‬ﺋﯩﻜﻜﻰ ﻛﯜﻧﺪﯨﻦ ﺑﯘﻳﺎﻥ ﺳﯩﺰﮔﻪ ﺯﺍﺩﻯ ﻧﯧﻤﻪ ﺑﻮﻟﺪﻯ؟‪-‬ﺩﯦﺪﻯ ‪.‬‬‫ﻧﯧﻤﻪ ﺑﻮﭘﺘﯘ؟‬‫ﺑﯩﺮﺩﻩﻡ ﺑﯧﺮﯨﭗ ﺑﯘﺭﯗﺗﯩﯖﯩﺰﻧﻰ ﭼﯜﺷﯜﺭﯨﯟﯦﺘﯩﭗ ﻛﯧﻠﯩﺴﯩﺰ‪،‬ﺑﯩﺮﺩﻩﻡ ﮬﯚﻛﯜﻣﻪﺕ‬‫ﺋﯩﺪﺍﺭﯨﺴﯩﮕﻪ ﻳﯜﮔﯜﺭﻩﻳﺴﯩﺰ‪،‬ﺑﯜﮔﯜﻥ ﻛﻪﭼﻜﯩﭽﻪ ﻗﻮﻳﻐﺎﻥ‪-‬ﺗﯘﺗﻘﯩﻨﯩﯖﯩﺰﻧﻰ ﺑﯩﻠﻤﻪﻱ‬ ‫ﭘﯩﺮﻗﯩﺮﺍﭖ ﻳﯜﺭﺩﯨﯖﯩﺰ‪،‬ﻣﺎﻧﺎ ﺋﻪﻣﺪﻯ ﺗﻪﻛﺸﯜﺭﯛﺵ ﻳﯧﺰﯨﺸﻘﺎ ﺋﻮﻟﺘﯘﺭﯗﭘﺴﯩﺰ ‪...‬‬ ‫ﺗﻪﻛﺸﯜﺭﯛﺵ ﺋﻪﻣﻪﺱ ‪،‬ﮬﺎﯕﯩﯟﺍﻗﺘﻰ!ﺑﯘﺭﯗﺗﯘﻣﻨﯩﯔ ﺗﺎﺭﯨﺨﯩﻨﻰ ﻳﯧﺰﯨﯟﺍﺗﯩﻤﻪﻥ ‪.‬‬‫ﺑﯘﺭﯗﺗﯘﻣﻨﯩﯔ ﺗﺎﺭﯨﺨﻨﻰ؟ !‬‫ﺋﺎﻳﺎﻟﯩﻢ ﻣﺎﯕﺎ ﭼﻪﻛﭽﯩﻴﯩﭗ ﻗﺎﺭﺍﭘﻼ ﻗﺎﻟﺪﻯ‪.‬ﺋﯘ ﭼﻮﻗﯘﻡ ﻣﯧﻨﻰ ﺋﺎﻟﺠﯩﭗ‬ ‫ﻗﺎﭘﺘﯘ‪،‬ﺩﻩﭖ ﺋﻮﻳﻠﯩﺪﯨﻐﯘ ﺩﻩﻳﻤﻪﻥ ‪.‬‬ ‫ﺑﯘ ﺩﯦﮕﻪﻥ ﺳﯩﻴﺎﺳﻪﺕ ‪،‬ﺧﻮﺗﯘﻥ ﺧﻪﻕ ﺋﺎﺭﻟﯩﺸﯩﺪﯨﻐﺎﻥ ﺋﯩﺶ ﺋﻪﻣﻪﺱ!‪-‬ﺩﻩﭖ‬‫ﯞﺍﺭﻗﯩﺮﯨﺪﯨﻢ ﺋﯘﻧﯩﯖﻐﺎ‪-،‬ﻣﺎﯓ ﻳﯜﮔﯜﺭ‪،‬ﺋﯚﺯﯛﯕﻨﯩﯔ ﻗﺎﺯﺍﻥ‪-‬ﻗﻮﻣﯘﭼﯘﯕﻨﻰ ﺑﯩﻞ ‪.‬‬ ‫ﺷﯘ ﻛﯧﭽﻪ ﻳﻪﻧﻪ ﻗﻮﺭﻗﯘﻧﯩﭽﻠﯩﻖ ﺑﯩﺮ ﭼﯜﺵ ﻛﯚﺭﯛﭖ ﺋﻮﻳﻐﯩﻨﯩﭗ‬ ‫ﻛﻪﺗﺘﯩﻢ‪،‬ﭼﯩﺮﺍﻗﻨﻰ ﻳﺎﻧﺪﯗﺭﯗﭖ‪،‬ﻛﯚﺭﮔﻪﻥ ﭼﯜﺷﯜﻣﻨﻰ ﺋﻪﺳﻠﻪﺷﻜﻪ ﺗﯩﺮﯨﺸﯩﭗ‪،‬ﻳﻪﻧﻪ‬ ‫ﺑﯩﺮﮬﺎﺯﺍ ﺋﻮﻟﺘﯘﺭﯗﭖ ﻛﻪﺗﺘﯩﻢ‪.‬ﺋﺎﻳﺎﻟﯩﻢ ﺋﻮﻳﻐﯩﻨﯩﭗ ‪:‬‬ ‫ﻳﻪﻧﻪ ﻧﯧﻤﻪ ﺑﻮﻟﺪﯨﯖﯩﺰ؟‪-‬ﺩﯦﺪﻯ ‪.‬‬‫‪-‬ﻗﺎ ﺑﯧﺴﯩﭙﺘﯘ‪،‬ﻗﺎﺭﯨﻤﺎﻣﺴﻪﻥ ﭼﯩﻠﯩﻖ‪-‬ﭼﯩﻠﯩﻖ ﺗﻪﺭﮔﻪ ﭼﯜﻣﯜﭖ ﻛﻪﺗﻜﯩﻨﯩﻤﻨﻰ ‪.‬‬


‫ﻳﻪﻧﻪ ﻏﻪﻟﯩﺘﻪ ﺑﯩﺮﻧﯧﻤﯩﻠﻪﺭﻧﻰ ﭼﯜﺷﯩﮕﻪﻥ ﺋﻮﺧﺸﯩﻤﺎﻣﺴﯩﺰ؟‬‫ﻏﻪﻟﯩﺘﻪ ﺑﻮﻟﻐﺎﻧﺪﺍ ﻗﺎﻧﺪﺍﻕ ﺩﯦﻤﻪﻣﺴﻪﻥ‪:‬ﭼﯜﺷﯜﻣﺪﻩ‬‫ﺋﯘﺧﻼﯞﺍﺗﻘﯘﺩﻩﻛﻤﻪﻥ‪.‬ﻗﯘﻟﯩﻘﯩﻤﻐﺎ ﺑﯩﺮﻧﯧﻤﯩﻠﻪﺭﻧﯩﯔ ﮔﯜﻟﺪﯛﺭﻟﯩﮕﻪﻥ‪،‬ﺗﺎﺭﺍﻗﻠﯩﻐﺎﻥ‬ ‫ﺋﺎﯞﺍﺯﻯ ﺋﺎﯕﻼﻧﻐﯘﺩﻩﻙ‪››.‬ﻣﯧﯖﯩﭗ ﻛﯧﺘﯩﯟﺍﺗﻘﺎﻥ ﮬﺎﺭﯞﯨﻨﯩﯔ ﺋﯜﺳﺘﯩﺪﻩ ﺋﯘﺧﻼﭖ‬ ‫ﻗﺎﭘﺘﯘﺩﻩﻛﻤﻪﻥ‹‹ﺩﻩﭘﺘﯩﻤﻪﻥ‪.‬ﮔﯜﻟﺪﯛﺭﻟﯩﮕﻪﻥ ﺋﺎﯞﺍﺯ ﺑﺎﺭﻏﺎﻧﯩﭽﻪ‬ ‫ﻛﯜﭼﯩﻴﯩﭗ‪،‬ﺗﯜﮔﯩﻤﻪﻧﻨﯩﯔ ﺋﯩﭽﯩﮕﻪ ﺷﺎﺭﻗﯩﺮﺍﭖ ﺳﯘ ﻛﯩﺮﮔﯩﻠﻰ ﺗﯘﺭﯗﭘﺘﯘ‪.‬ﺑﯩﺮﭼﺎﻏﺪﺍ‬ ‫ﻗﺎﺭﯨﺴﺎﻡ ﺗﯜﮔﯩﻤﻪﻧﻨﯩﯔ ﺋﯩﭽﯩﺪﻩ ﺋﻪﻣﻪﺱ ﻛﯩﺮﺋﺎﻟﻐﯘﻧﯩﯔ ﺋﯩﭽﯩﺪﻩ‬ ‫ﭘﯩﺮﻗﯩﺮﺍﯞﺍﺗﻘﯘﺩﻩﻛﻤﻪﻥ‪.‬ﺷﯘﻧﭽﻪ ﯞﺍﺭﻗﯩﺮﯨﺴﺎﻣﻤﯘ ﺋﺎﯞﺍﺯﯨﻤﻨﻰ ﮬﯧﭽﻜﯩﻢ‬ ‫ﺋﺎﯕﻠﯩﻤﯩﻐﯘﺩﻩﻙ‪،‬ﺗﯧﭙﯩﭽﻪﻛﻠﯩﮕﻪﻧﺴﯧﺮﻯ ﻣﺎﻏﺰﺍﭘﻨﯩﯔ ﺋﯩﭽﯩﮕﻪ ﭼﯚﻛﯜﭖ ﻛﯧﺘﯩﭗ‬ ‫ﺑﺎﺭﻏﯘﺩﻩﻛﻤﻪﻥ‪...‬ﻣﯩﯔ ﺗﻪﺳﻠﯩﻜﺘﻪ ﻛﯚﺯﯛﻣﻨﻰ ﺋﺎﭼﺴﺎﻡ ﺋﯚﻳﻨﯩﯔ ﺋﯩﭽﻰ‬ ‫ﻗﺎﭘﻘﺎﺭﺍﯕﻐﯘ ﺗﯘﺭﯗﭘﺘﯘ‪.‬ﻗﻮﺭﻗﻘﯩﻨﯩﻤﺪﯨﻦ ﭼﯩﺮﺍﻗﻨﻰ ﻳﺎﻧﺪﯗﺭﯨﯟﺍﻟﺪﯨﻢ‪،‬ﮬﯧﻠﯩﻘﻰ‬ ‫ﻛﯩﺮﺋﺎﻟﻐﯘﻧﯩﯔ ﺗﺎﺭﺍﻕ‪-‬ﺗﺎﺭﺍﻕ ﺋﺎﯞﺍﺯﻯ ﮬﺎﺯﺭﻣﯘ ﻗﯘﻟﯩﻘﯩﻤﻐﺎ ﺋﺎﯕﻠﯩﻨﯩﭗ ﺗﯘﺭﯨﺪﯗ ‪.‬‬ ‫ﺋﻪﺗﯩﺴﻰ ﻧﺎﮬﺎﻳﯩﺘﻰ ﮬﺎﺭﻏﯩﻦ ﮬﺎﻟﺪﺍ ﺋﻮﺭﻧﯘﻣﺪﯨﻦ ﺗﯘﺭﺩﯗﻡ‪.‬ﺑﯧﺸﯩﻢ ﮬﯧﻠﯩﻤﯘ‬ ‫ﭘﯩﺮﻗﯩﺮﯨﻐﺎﻧﺪﻩﻛﻼ ﺑﻮﻟﯘﭖ ﻗﯧﻴﯩﭙﻼ ﺗﯘﺭﺍﺗﺘﻰ‪.‬ﭼﯜﺷﻜﻪ ﻳﯧﻘﯩﻦ ﺑﯘﺭﯗﺗﯘﻣﻨﯩﯔ‬ ‫‹‹ﺗﺎﺭﯨﺨﻰ‹‹ﻳﯧﺰﯨﻠﻐﺎﻥ ﻗﻪﻏﻪﺯﻧﻰ ﻛﯚﺗﯜﺭﯛﭖ ﺑﺎﺯﺍﺭﻟﯩﻖ ﮬﯚﻛﯜﻣﻪﺗﻜﻪ‬ ‫ﺑﺎﺭﺩﯨﻢ‪،‬ﺋﯩﺪﺍﺭﯨﻨﯩﯔ ﺋﯩﭽﯩﺪﻩ ﺑﯘﺭﯗﺕ ﻣﺎﺟﯩﺮﺍﺳﻰ ﺑﯩﻠﻪﻥ ﭼﺎﻗﯩﺮﯨﺘﯩﻠﻐﺎﻥ ﻳﻪﻧﻪ‬ ‫ﺑﯩﺮﻗﺎﻧﭽﻪﻳﻠﻪﻥ ﺳﻮﺭﺍﻕ ﻗﯩﻠﯩﻨﯩﯟﺍﺗﻘﺎﻧﯩﻜﻪﻥ‪،‬ﺋﯩﭽﻜﯩﺮﯨﮕﻪ ﻛﯩﺮﯨﺸﻜﻪ‬ ‫ﭘﯧﺘﯩﻨﺎﻟﻤﺎﻱ‪،‬ﻗﻮﻟﯘﻣﺪﯨﻜﻰ ﻗﻪﻏﻪﺯﻧﻰ ﺑﻮﺳﯘﻏﯩﺪﺍ ﺗﯘﺭﯗﭘﻼ ﺳﯘﻧﯘﭖ ﺑﻪﺭﺩﯨﻢ ‪.‬‬ ‫ﺋﯩﺪﺍﺭﯨﺪﯨﻦ ﭼﯩﻘﯩﭗ ﺋﯘﺩﯗﻝ ﺑﺎﺯﺍﺭ ﺗﻪﺭﻩﭘﻜﻪ ﻛﯧﺘﯩﭗ ﻗﺎﭘﺘﯩﻤﻪﻥ‪.‬ﺑﺎﺯﺍﺭﻧﻰ ﺋﺎﺭﯨﻼﭖ‬ ‫ﻣﺎﯕﺪﯨﻢ‪.‬ﻛﯚﺯﯛﻣﮕﻪ ﮬﻪﻣﻤﯩﻼ ﻳﻪﺭﺩﻩ ﭘﯩﭽﺎﻕ ﺑﯩﻠﻪﻥ ﺑﯘﺭﯗﺕ ﻛﯚﺭﯛﻧﮕﻪﻧﺪﻩﻙ‬ ‫ﻗﯩﻼﺗﺘﻰ‪.‬ﻣﯘﻧﯘ ﺑﯘﺭﯗﺗﻠﯘﻕ ﻗﺎﺳﺴﺎﭘﻨﯩﯔ ﻗﻮﻟﯩﺪﯨﻜﻰ ﭘﯩﭽﺎﻗﻨﯩﯔ ﮬﻪﻳﯟﻩﺗﻠﯩﻜﯩﮕﻪ‬ ‫ﻗﺎﺭﯨﻤﺎﻣﺪﯨﻐﺎﻥ‪.‬ﮬﯧﻠﯩﻘﻰ ﺑﯘﺭﯗﺗﻠﯘﻗﻨﯩﯔ ﺳﻮﻣﻜﯩﺴﯩﺪﯨﻦ ﭼﻘﻘﻘﺎﻥ ﭘﯩﭽﺎﻗﻼﺭﻣﯘ‬


‫ﻣﻮﺷﯘﻧﺪﺍﻕ ﺗﯩﺮﯨﻚ ﺟﺎﻧﻨﯩﯔ ﻗﯧﻨﯩﻨﻰ ﺋﯧﻘﯩﺘﯩﺪﯨﻐﺎﻥ ﻧﯧﻤﯩﻠﻪﺭ ﺑﻮﻟﺴﺎ‬ ‫ﻛﯧﺮﻩﻙ‪...‬ﺋﺎﯞﯗ ﺗﺎﯞﯗﺯﭼﯩﻨﯩﯔ ﻗﯩﻠﯩﭽﺘﻪﻙ ﺋﯘﺯﯗﻥ‪،‬ﺋﻪﮔﯩﺮﻯ‬ ‫ﭘﯩﭽﯩﻘﯩﭽﯘ؟ﮬﻪﺭﻗﺎﻧﺪﺍﻕ ﺑﻮﻟﺴﯩﻤﯘ ﺋﯘﻧﺪﺍﻕ ﺋﯘﺯﯗﻥ ﭘﯩﭽﺎﻗﻼﺭﺩﯨﻦ ﺋﻮﺗﺘﯘﺯ –‬ ‫ﻗﯩﺮﯨﻘﻨﻰ ﺑﯩﺮ ﺳﻮﻣﻜﯩﻐﺎ ﺳﯩﻐﺪﯗﺭﻏﯩﻠﻰ ﺑﻮﻟﻤﺎﺱ‪...‬ﻣﺎﯞﯗ ﻳﺎﻳﻤﯩﭽﯩﻼﺭﻧﯩﯔ‬ ‫ﺋﺎﻟﺪﯨﺪﺍ ﺗﯘﺭﻏﺎﻥ ﭘﯩﭽﺎﻗﻼﺭﭼﯘ؟ﺑﯘ ﻳﻪﺭﺩﯨﻦ ﺩﺍﯕﻠﯩﻖ ﻳﯧﯖﯩﺴﺎﺭ ﭘﯩﭽﺎﻗﻠﯩﺮﯨﺪﯨﻦ‬ ‫ﺗﺎﺭﺗﯩﭗ ﺳﯧﭙﯩﻐﺎ ﮬﻪﺭﺧﯩﻞ ﻛﯚﺯﻟﻪﺭﻧﻰ ﻗﯘﻳﯘﭖ ﻧﻪﻗﯩﺸﻠﯩﯟﻩﺗﻜﻪﻥ ﻗﻪﺷﻘﻪﺭ‬ ‫ﭘﯩﭽﺎﻗﻠﯩﺮﻯ‪،‬ﺋﯩﻜﻜﻰ ﺑﯩﺴﻠﯩﻖ ﺧﻪﻧﺠﻪﺭﻟﻪﺭ‪،‬ﺗﯚﻣﯜﺭ ﻏﯩﻼﭘﻠﯩﻖ ﻣﻮﯕﻐﯘﻝ‬ ‫ﭘﯩﭽﺎﻗﻠﯩﺮﻯ‪،‬ﺋﯩﭽﻜﻰ ﺋﯚﻟﻜﯩﻠﻪﺭﻧﯩﯔ ﺗﯜﺭﻟﯜﻙ ﻗﯩﯖﺮﺍﻗﻠﯩﺮﻯ‪،‬ﻳﻪﺭﻟﯩﻚ ﺋﯘﺳﺘﯩﻼﺭ‬ ‫ﺳﻮﻗﻘﺎﻥ ﺧﯩﻠﻤﯘﺧﯩﻞ ﻗﻪﻟﻪﻣﺘﯘﺭﺍﭼﻼﺭﻏﯩﭽﻪ ﺑﻮﻟﻐﺎﻥ ﺗﯩﻐﻠﯩﻖ ﺋﻪﺳﯟﺍﺑﻼﺭﻧﯩﯔ‬ ‫ﮬﻪﻣﻤﻪ ﺗﯜﺭﯨﻨﻰ ﺗﺎﭘﻘﯩﻠﻰ ﺑﻮﻻﺗﺘﻰ‪،‬ﺋﯧﻠﯩﻢ –ﺑﯧﺮﯨﻢ ﻗﯩﻠﯩﺸﯩﯟﺍﺗﻘﺎﻧﻼﺭﻧﯩﯔ‬ ‫ﻛﯚﭘﯩﻨﭽﯩﺴﻰ ﺑﯘﺭﯗﺗﺴﯩﺰ ﺋﯩﺪﻯ)ﮬﻪﻗﯩﭽﺎﻥ ﺋﯘﻻﺭﻧﯩﯔ ﺋﯩﭽﯩﺪﻩ ﭼﺎﻧﺪﯗﺭﻣﺎﻱ‬ ‫ﺑﯘﺭﯗﺗﯩﻨﻰ ﻗﯩﺮﺩﯗﺭﯨﯟﻩﺗﻜﻪﻧﻠﻪﺭﺩﯨﻦ ﺧﯧﻠﻰ ﺑﺎﺭ‪(.‬ﺋﻪﮔﻪﺭ ﺑﯘ ﺑﯘﺭﯗﺗﺴﯩﺰ‬ ‫ﭘﯩﭽﺎﻗﭽﯩﻼﺭﻏﺎ ﺑﺎﺯﺍﺭ ﺑﺎﺷﻠﯩﻘﻰ ﺋﯧﻴﯩﺘﻘﺎﻥ ﮬﯧﻠﯩﻘﻰ ﺑﯘﺭﯗﺗﻠﯘﻕ ﭘﯩﭽﺎﻗﭽﯩﻼﺭﻧﻰ‬ ‫ﻗﻮﺷﺴﺎﻕ‪،‬ﮬﻪﻗﯩﻘﻪﺗﻪﻧﻤﯘ ﺑﯩﺮ ﭼﻮﯓ ﺧﻪﯞﯨﭙﻜﻪ ﺋﺎﻳﻠﯩﻨﺎﺗﺘﻰ ‪.‬‬ ‫ﻛﯚﺯﯛﻣﮕﻪ ﺋﺎﻻﺭﻣﻪﻥ‪-‬ﺳﺎﺗﺎﺭﻣﻪﻧﻠﻪﺭﻧﯩﯔ ﯞﺍﺭﺍﯓ‪-‬ﭼﯘﺭﯗﯕﻰ ﺑﯩﻠﻪﻥ ﮔﯜﻟﺪﯛﺭﻟﻪﭖ‬ ‫ﺗﯘﺭﻏﺎﻥ ﺑﯘ ﺑﺎﺯﺍﺭﻣﯘ ﻳﻮﻏﺎﻥ ﻛﯩﺮﺋﺎﻟﻐﯘﻧﯩﯔ ﺋﯩﭽﯩﺪﻩ ﺗﻮﺧﺘﯩﻤﺎﻱ‬ ‫ﭘﯩﺮﻗﯩﺮﺍﯞﺍﺗﻘﺎﻧﺪﻩﻙ ﻛﯚﺭﯛﻧﺪﻯ‪››.‬ﮬﻪﻗﯩﭽﺎﻥ‪،‬ﺑﺎﺯﺍﺭ ﺑﺎﺷﻠﯩﻘﻰ ﺋﯘﺯﺍﻕ ﺋﯚﺗﻤﻪﻱ ﺑﯘ‬ ‫ﺑﺎﺯﺍﺭﻧﻰ ﭼﯘﯞﯗﭖ ﺑﺎﺷﻘﯩﺪﯨﻦ ﺗﻮﻗﯘﻳﺪﯨﻐﯘ‪،‬ﺩﻩﻳﻤﻪﻥ!‹‹ﺩﻩﭖ ﺋﻮﻳﻼﭖ ﻗﺎﻟﺪﯨﻢ ‪.‬‬ ‫ﺷﯘﻧﯩﯖﺪﯨﻦ ﺑﺎﺷﻼﭖ ﺩﻩﻛﻜﻪ‪-‬ﺩﯛﻛﻜﻪ ﺋﯩﭽﯩﺪﻩ ﺗﺎﻻ‪-‬ﺗﯜﺯﮔﯩﻤﯘ‬ ‫ﭼﯩﻘﻤﯩﺪﯨﻢ‪،‬ﺑﯩﺮﻩﺭﺳﯩﻨﯩﯔ ﺑﺎﺯﺍﺭﻧﻰ ﭼﯘﯞﯗﭖ ﺗﻮﻗﯘﯞﺍﺗﻘﺎﻧﻠﯩﻘﻰ ﺗﻮﻏﺮﯨﺴﯩﺪﯨﻜﻰ‬ ‫ﺧﻪﯞﻩﺭﻣﯘ ﺋﺎﯕﻠﯩﻤﯩﺪﯨﻢ‪.‬ﺋﺎﺭﯨﺪﯨﻦ ﺋﯩﻜﻜﻰ ﺋﺎﻳﭽﻪ ﯞﺍﻗﯩﺖ ﺋﯚﺗﺘﯩﻤﯩﻜﯩﻦ‪،‬ﺑﯩﺮﻛﯜﻧﻰ‬ ‫ﻏﻪﻳﺮﻩﺕ ﻗﯩﻠﯩﭗ ﻛﻮﭼﯩﻐﺎ ﭼﯩﻘﯩﭗ‪،‬ﺳﻮﺩﯨﻠﯩﻘﯩﻤﻨﻰ ﭘﯜﺗﺘﯜﺭﯛﭖ ﺋﯚﻳﮕﻪ ﻗﺎﻳﺘﯩﭗ‬


‫ﻛﯧﻠﯩﯟﺍﺗﺴﺎﻡ‪،‬ﺋﺎﻟﺪﯨﻤﻐﺎ ﺑﺎﺯﺍﺭ ﺑﺎﺷﻠﯩﻘﻰ ﭼﯩﻘﯩﭗ ﻗﺎﻟﺪﻯ‪.‬ﺋﯚﺯ ﻛﯚﺯﯛﻣﮕﻪ‬ ‫ﺋﯩﺸﻪﻧﻤﻪﻱ ﻗﺎﻟﺪﯨﻢ‪،‬ﺋﯚﺭﺩﻩﻛﺘﻪﻙ ﺋﯩﻐﺎﯕﻼﭖ ﻛﯧﻠﯩﯟﺍﺗﻘﺎﻥ ﺑﯘ ﻛﯧﻠﻪﯕﺴﯩﺰ ﺋﺎﺩﻩﻡ‬ ‫ﻗﺎﻣﻼﺷﺘﯘﺭﯗﭖ ﺑﯘﺭﯗﺕ ﻗﻮﻳﯩﯟﺍﻟﻐﺎﻧﯩﺪﻯ‪،‬ﻳﯧﻘﯩﻨﻼﭖ ﻛﯧﻠﯩﭗ ﻗﺎﺭﯨﺴﺎﻡ‪،‬ﺧﺎﺗﺎﺳﯩﺰ‬ ‫ﺑﯩﺰﻧﯩﯔ ﺑﺎﺯﺍﺭ ﺑﺎﺷﻠﯩﻘﻰ !‬ ‫ﺋﻪﺳﺴﺎﻻﻣﯘﺋﻪﻟﻪﻳﻜﯘﻡ!‪-‬ﺩﯦﺪﯨﻤﻤﻪﻥ ﺋﯘﻧﯩﯔ ﺋﺎﻟﺪﯨﻨﻰ ﺑﯘﺭﺍﭖ‪،‬ﺑﺎﺯﺍﺭ ﺑﺎﺷﻠﯩﻘﻰ‬‫ﺗﻮﺧﺘﺎﭖ ﻣﺎﯕﺎ ﻗﺎﺭﯨﺪﻯ‪-‬ﺩﻩ ‪:‬‬ ‫ﺳﯩﺰ ﻛﯩﻢ ﺑﻮﻟﯩﺴﯩﺰ؟‪-‬ﺩﯦﺪﻯ ‪.‬‬‫ﺋﯩﻜﻜﻰ ﺋﺎﻳﻨﯩﯔ ﺋﺎﻟﺪﯨﺪﺍ ﺳﯩﺰﮔﻪ ﺑﯘﺭﯗﺗﯘﻣﻨﯩﯔ ﺗﺎﺭﯨﺨﯩﻨﻰ ﻳﯧﺰﯨﭗ ﺋﺎﭘﯩﺮﯨﭗ‬‫ﺑﻪﺭﮔﻪﻥ ﻛﯩﺸﻰ ﺑﻮﻟﯩﻤﻪﻥ ‪.‬‬ ‫ﮬﻪ‪،‬ﮬﻪ‪.‬ﺷﯘ ﭼﺎﻏﺪﺍﻣﯧﯖﯩﻤﯩﺰ ﻗﯩﺰﯨﭗ ﻛﯧﺘﯩﭗ ﺑﯩﺮﻣﯘﻧﭽﻪ ﺋﺎﺩﻩﻣﻠﻪﺭﻧﻰ‬‫ﺋﺎﯞﺍﺭﯨﭽﯩﻠﯩﻘﻘﺎ ﺳﺎﭘﺘﯩﻤﯩﺰ‪.‬ﺷﯘﻻﺭﻧﯩﯔ ﺋﯩﭽﯩﺪﻩ ﺳﯩﺰﻣﯘ‬ ‫ﺑﺎﺭﻛﻪﻧﺴﯩﺰ‪-‬ﺩﻩ؟‪...‬ﻗﺎﺭﯨﻤﺎﻣﺴﯩﺰ‪،‬ﮬﯧﻠﯩﻘﻰ ﻛﯧﻜﻪﭺ ﮬﻪﻣﻤﯩﻤﯩﺰﻧﻰ ﺗﻪﯓ‬ ‫ﭘﺎﺭﺍﻛﻪﻧﺪﻩ ﻗﯩﻠﯩﭙﺘﯘ ‪.‬‬ ‫ﻗﺎﻳﺴﻰ ﻛﯧﻜﻪﭼﻨﻰ ﺩﻩﻳﺴﯩﺰ؟‬‫ﺋﺎﯕﻠﯩﻤﯩﺪﯨﯖﯩﺰﻣﯘ؟ ﮬﯧﻠﯩﻘﻰ ﺑﺎﺯﺍﺭﺩﺍ ﭘﯩﭽﺎﻕ ﻛﯚﺗﯜﺭﯛﭖ ﺋﺎﺩﻩﻡ ﻗﻮﻏﻠﯩﻐﺎﻥ‬‫ﺑﯘﺭﯗﺗﭽﯘ‪...‬ﺋﻪﺳﻠﯩﺪﻩ ﺋﯘ ﻗﯘﺷﺨﺎﻧﯩﻨﯩﯔ ﺧﯩﺰﻣﻪﺗﭽﯩﺴﻰ ﺋﯩﻜﻪﻥ‪،‬ﻗﯘﺷﺨﺎﻧﯩﻨﯩﯔ‬ ‫ﺗﻮﻙ ﭼﺎﻗﻰ ﺑﯘﺯﯗﻟﯘﭖ ﻗﯧﻠﯩﭗ‪،‬ﺷﯘ ﻛﯜﻧﻰ ﺋﯘﻗﺎﺳﺴﺎﭘﻼﺭﻧﯩﯔ ﻣﺎﻝ ﺳﻮﻳﯩﺪﯨﻐﺎﻥ‬ ‫ﭘﯩﭽﺎﻗﻠﯩﺮﯨﻨﻰ ﻳﯩﻐﯩﭗ ﺑﺎﺯﺍﺭﻏﺎ ﭼﺎﻗﯩﻼﺗﻘﯩﻠﻰ ﺋﻪﻛﯩﺮﮔﻪﻧﯩﻜﻪﻥ‪.‬ﺋﺎﭘﺘﻮﺑﯘﺳﺘﺎ ﺋﯜﭺ‬ ‫ﻳﺎﻧﭽﯘﻗﭽﻰ ﺋﯘﻧﻰ ﺋﺎﺭﯨﻐﺎ ﺋﯧﻠﯩﯟﯦﻠﯩﭗ‪،‬ﻗﯩﺴﺘﯩﻐﺎﻥ ﺑﻮﻟﯘﭖ ﻳﺎﻧﭽﯘﻗﯩﺪﯨﻜﻰ‬ ‫ﭘﯘﻟﻠﯩﺮﯨﻨﻰ ﺳﻮﻗﯘﯞﺍﭘﺘﯘ‪،‬ﻛﯧﻜﻪﭺ ﭘﯘﻟﻨﯩﯔ ﻳﯧﺘﻜﻪﻧﻠﯩﻜﯩﻨﻰ ﺳﯧﺰﯨﭗ‬ ‫ﻗﯧﻠﯩﭗ‪،‬ﺋﺎﭘﺘﯘﺑﯘﺳﺘﯩﻦ ﭼﯜﺷﯜﭘﻼ ﮬﯧﻠﯩﻘﯩﻼﺭﻏﺎ ﺋﯧﺴﯩﻠﯩﯟﺍﭘﺘﯘ‪.‬ﻳﺎ ﺋﻮﻻﺷﻘﺎﻥ ﺧﻪﻗﻘﻪ‬ ‫ﮔﯧﭙﯩﻨﻰ ﺋﯘﻗﺘﯘﺭﺍﻟﻤﺎﻱ‪،‬ﻳﺎ ﮬﯧﻠﯩﻘﯩﻼﺭﻧﻰ ﻗﻮﻳﯘﯞﻩﺗﻤﻪﻱ ﭼﯩﯔ ﺗﯘﺭﯨﯟﺍﻟﻐﺎﻧﺪﯨﻦ‬


‫ﻛﯧﻴﯩﻦ‪،‬ﻳﺎﻧﭽﯘﻗﭽﯩﻼﺭ ﺋﯘﻧﻰ ﺋﯘﺭﯗﭖ ﻗﯘﺗﯘﻟﯘﭖ ﻗﺎﭼﻤﺎﻗﭽﻰ ﺑﻮﻟﯘﭘﺘﯘ‪.‬ﺗﺎﻳﺎﻕ‬ ‫ﺋﯚﺗﻜﻪﻧﺪﯨﻦ ﻛﯧﻴﯩﻦ ﻛﯧﻜﻪﭼﻤﯘ ﭘﯩﭽﺎﻕ ﭼﯩﻘﯩﺮﯨﭙﺘﯘ‪.‬ﺑﻮﻟﻐﺎﻥ ﺋﯩﺶ ﺷﯘ ‪.‬‬ ‫ﺷﯘﻧﭽﯩﻠﯩﻚ ﺋﯩﺸﻜﻪﻥ ﺩﻩﯓ !‬‫ﺷﯘﻧﺪﺍﻕ‪،‬ﺷﯘﻧﭽﯩﻠﯩﻜﻼ ﺋﯩﺶ ﺋﯩﻜﻪﻥ‪.‬ﻣﻪﻥ ﺋﯘﻧﻰ ﺋﺎﻏﯩﻴﻨﻪﻣﺪﯨﻦ‬‫ﭼﺎﻻ‪-‬ﭘﯘﭼﯘﻕ ﺋﺎﯕﻠﯩﯟﺍﻟﻐﺎﻥ ﺗﺎﺭﯨﺨﻘﺎ ﺑﺎﻏﻼﭖ ﭼﯘﯕﻘﯘﺭ ﺋﻮﻳﻠﯩﻨﯩﭗ‬ ‫ﻛﯧﺘﯩﭙﺘﯩﻤﻪﻥ‪.‬ﺩﻭﺧﺘﯘﺭﻻﺭ ﺑﯘﻧﻰ ››ﺳﯧﺰﯨﻤﻰ ﺋﯧﺸﯩﭗ ﻛﯧﺘﯩﺶ‬ ‫ﻛﯧﺴﯩﻠﻰ‹‹ﺩﻩﻳﺪﯨﻜﻪﻥ‪،‬ﻳﯘﻗﯩﺮﻯ ﺭﻩﮬﺒﻪﺭﻟﯩﻜﻤﯘ ﻣﯧﻨﻰ ﭼﺎﻗﯩﺮﯨﺘﯩﭗ‪››:‬ﺑﯩﺮ‬ ‫ﺑﯘﺭﯗﺗﻨﯩﯔ ﺋﯩﺸﯩﻨﻰ ﺩﻩﭖ ﺟﯩﻤﻰ ﺑﯘﺭﯗﺗﻨﻰ ﭘﺎﺭﺍﻛﻪﻧﺪﻩ ﻗﯩﻠﯩﺪﯨﻐﺎﻥ ﻗﺎﻧﺪﺍﻕ‬ ‫ﺑﺎﺷﻠﯩﻘﺴﻪﻥ!‹‹ﺩﻩﭖ ﻗﺎﺗﺘﻰ ﺗﻪﻧﻘﯩﺪﻟﯩﺪﻯ‪،‬ﺧﺎﭘﺎ ﺑﻮﻟﻤﺎﻳﺴﯩﺰ‪...‬ﺑﯘﺭﯗﺗﯘﻣﻐﺎ‬ ‫ﻗﺎﺭﺍﭖ ﮬﻪﻳﺮﺍﻥ ﺑﻮﻟﯘﯞﺍﺗﺎﻣﺴﯩﺰ؟ﺋﺎﯕﻠﯩﺴﺎﻡ ﺑﻪﺯﻯ ﺭﻩﮬﺒﻪﺭﻟﻪﺭ ﻣﯧﻨﻰ ››ﺑﺎﺯﺍﺭ‬ ‫ﺑﺎﺷﻠﯩﻘﻰ ﺋﻪﺯﻩﻟﺪﯨﻦ ﺑﯘﺭﯗﺗﻘﺎ ﺋﯚﭺ ﺋﺎﺩﻩﻣﺘﻰ‹‹ﺩﻩﭖ ﻳﯜﺭﮔﯜﺩﻩﻙ‪.‬ﺭﻩﮬﺒﻪﺭﻟﻪﺭﻧﯩﯔ‬ ‫ﭘﯩﻜﯩﺮﯨﮕﻪ ﺩﯨﻘﻘﻪﺕ ﻗﯩﻠﻤﯩﺴﺎ ﺑﻮﻟﻤﺎﻳﺪﯗ‪،‬ﻣﺎﻧﺎ ﺋﻪﻣﺴﻪ ﺩﻩﭖ ﻣﻪﻧﻤﯘ ﺑﯘﺭﯗﺕ‬ ‫ﻗﻮﻳﯩﯟﺍﻟﺪﯨﻢ‪،‬ﻳﺎﺭﯨﺸﯩﭙﺘﯩﻤﯘ؟‬ ‫ﺑﺎﺯﺍﺭ ﺑﺎﺷﻠﯩﻘﻰ ﻗﯧﻠﯩﻨﻠﯩﻖ ﺑﯩﻠﻪﻥ ﮬﯩﺠﺎﻳﺪﻯ‪،‬ﻣﻪﻧﻤﯘ ﺩﻩﺭﺩﯨﻤﻨﻰ ﺋﯩﭽﯩﻤﮕﻪ ﻳﯘﺗﯘﭖ‬ ‫ﺟﯩﻠﻤﺎﻳﺪﯨﻢ‪-‬ﺩﻩ ‪:‬‬ ‫ﻳﺎﺭﯨﺸﯩﭙﺘﯘ‪،‬ﺑﻪﺳﺘﯩﯖﯩﺰﮔﻪ ﻗﺎﺭﯨﻐﺎﻧﺪﺍ ﺑﯘﺭﯗﺗﯩﯖﯩﺰ ﺳﻪﻝ ﻛﯩﭽﯩﻚ ﺑﻮﻟﯘﭖ‬‫ﻗﺎﭘﺘﯘ‪،‬ﺑﻮﻟﺴﺎ ﺋﻮﺑﺪﺍﻧﺮﺍﻕ ﺋﯚﺳﺘﯜﺭﯛﭖ ﻗﯘﻟﯩﻘﯩﯖﯩﺰﻏﺎ ﻳﯚﮔﯩﯟﺍﻟﺴﯩﯖﯩﺰ‬ ‫ﺑﻮﻟﻐﯘﺩﻩﻙ‪-،‬ﺩﯦﺪﯨﻢ ‪.‬‬ ‫ﭘﺎﮪ‪،‬ﭘﺎﮪ‪...‬ﺑﯘ ﭼﺎﻗﭽﯩﻘﯩﯖﯩﺰ ﻗﺎﻟﺘﯩﺲ ﻛﻪﻟﺪﻯ‪-‬ﺩﻩ!‪-‬ﺩﻩﭖ ﺩﯨﻘﻤﺎﻕ‬‫ﻗﻮﻟﻠﯩﺮﻯ ﺑﯩﻠﻪﻥ ﻣﯚﺭﻩﻣﮕﻪ ﺋﯘﺭﯗﭖ ﻗﻮﻳﯘﭖ ﺋﯚﺗﯜﭖ ﻛﻪﺗﺘﻰ ﺋﯘ ‪.‬‬ ‫ﺗﯘﺭﻏﺎﻥ ﺋﻮﺭﻧﯘﻣﺪﺍ ﺗﯘﺭﯗﭖ ﻗﺎﻟﺪﯨﻢ‪››،‬ﺑﯘ ﺑﺎﺯﺍﺭ ﺑﺎﺷﻠﯩﻘﯩﻤﯘ ﻛﯩﺮﺋﺎﻟﻐﯘﻏﺎ ﭼﯜﺷﯜﭖ‬ ‫ﻛﯧﺘﯩﭗ ﭼﯚﺭﮔﯩﻠﻪﯞﺍﺗﻘﯩﻨﯩﻐﺎ ﺧﯧﻠﻰ ﺑﻮﻟﻐﺎﻥ ﺑﯩﺮ ﻧﯧﻤﻪ ﺋﯩﻜﻪﻥ‪-‬ﺩﻩ!ﻣﯘﻧﺪﺍﻕ‬


‫ﻛﯧﻠﻪﯕﺴﯩﺰ ﺋﺎﺩﻩﻣﻠﻪﺭﻧﻰ ﺳﯜﺯﯛﯞﯦﻠﯩﭗ‪،‬ﺋﺎﭘﺘﺎﭘﻘﺎ ﺳﯧﻠﯩﭗ ﻗﯘﺭﯗﺗﯘﭖ‪،‬ﺋﺎﻧﺪﯨﻦ‬ ‫ﭼﯘﯞﯗﭖ ﺑﺎﺷﻘﯩﺪﯨﻦ ﺗﻮﻗﯘﺳﺎ ﺧﯧﻠﻰ ﺋﯩﺨﭽﺎﻣﻠﯩﺸﯩﭗ‬ ‫ﻗﺎﻻﺗﺘﯩﻤﯩﻜﯩﻦ‪‹‹...‬ﺩﯦﮕﻪﻧﻠﻪﺭ ﺧﯩﻴﺎﻟﯩﻤﺪﯨﻦ ﻛﻪﭼﺘﻰ ‪.‬‬ ‫ﺋﯚﻳﮕﻪ ﻳﯧﻘﯩﻨﻼﭖ ﻗﺎﻟﻐﯩﻨﯩﻤﺪﺍ ﻗﻮﻏﺪﺍﺵ ﮬﻪﻳﺌﯩﺘﻰ ﺋﯚﻣﻪﺭﺟﺎﻥ ﺋﯘﭼﯩﺮﺍﭖ ﻗﺎﻟﺪﻯ ‪.‬‬ ‫ﮬﻪﻱ ﺋﯚﻣﻪﺭﺟﺎﻥ!‪-‬ﺩﻩﭖ ﯞﺍﺭﻗﯩﺮﺍﭖ ﺗﻮﺧﺘﯩﺘﯩﯟﺍﻟﺪﯨﻢ‪-،‬ﺑﻮﻟﻐﺎﻥ‬‫ﻳﯧﯖﯩﻠﯩﻘﻼﺭﺩﯨﻦ ﺧﻪﯞﻩﺭﻟﻪﻧﺪﯛﺭﯛﭘﻤﯘ ﻗﻮﻳﻤﺎﻳﺴﯩﻠﻪ ‪.‬‬ ‫ﻧﯧﻤﻪ ﻳﯧﯖﯩﻠﯩﻘﻼﺭﺩﯨﻦ؟‬‫ﺑﯘﺭﯗﺕ ﺗﯩﺰﯨﻤﻼﻳﺪﯨﻐﺎﻥ ﺋﺶ ﺋﻪﻣﻪﻟﺪﯨﻦ ﻗﺎﭘﺘﯘ‪،‬ﺑﺎﺯﺍﺭ ﺑﺎﺷﻠﯩﻘﯩﻨﯩﯖﻤﯘ ﺋﯚﺯﻯ‬‫ﺑﯘﺭﯗﺕ ﻗﻮﻳﯩﯟﺍﭘﺘﯘ ‪...‬‬ ‫ﻛﯩﻤﺪﯨﻦ ﺋﺎﯕﻠﯩﺪﯨﯖﻼﺭ؟‬‫ﻣﺎﻧﺎ ﮬﺎﺯﯨﺮ‪،‬ﻛﻮﭼﯩﻨﯩﯔ ﺩﻭﻗﻤﯘﺷﯩﺪﺍ ﺑﺎﺯﺍﺭ ﺑﺎﺷﻠﯩﻘﯩﻨﯩﯔ ﺋﯚﺯﯨﻨﻰ ﻛﯚﺭﺩﯛﻡ ‪.‬‬‫ﻧﯧﻤﻪ ﺩﯦﺪﻯ؟‬‫‹‹‪-‬ﺑﯘﺭﯗﺗﯘﻡ ﻳﺎﺭﯨﺸﯩﭙﺘﯩﻤﯘ ؟‹‹ﺩﯦﺪﻯ ‪ ››.‬ﻳﺎﺭﯨﺸﯩﭙﺘﯘ‪،‬ﺑﻪﺳﺘﯩﯖﯩﺰﮔﻪ‬ ‫ﻗﺎﺭﯨﻐﺎﻧﺪﺍ ﺳﻪﻝ ﻛﯩﭽﯩﻚ ﺑﻮﻟﯘﭖ ﻗﺎﭘﺘﯘ‪ ،‬ﺋﻮﺑﺪﺍﻧﺮﺍﻕ ﺋﯚﺳﺘﯜﺭﯛﭖ ﻗﯘﻟﯩﻘﯩﯖﯩﺰﻏﺎ‬ ‫ﻳﯚﮔﯩﯟﺍﻟﺴﯩﯖﯩﺰ ﺑﻮﻟﻐﯘﺩﻩﻙ‹‹ﺩﯦﺪﯨﻢ ‪.‬‬ ‫ﺋﯚﻣﻪﺭﺟﺎﻥ ﻗﺎﻗﺎﻗﻼﭖ ﻛﯜﻟﯜﭖ ﻛﻪﺗﺘﻰ‪-‬ﺩﻩ ‪:‬‬ ‫ﺑﺎﺯﺍﺭ ﺑﺎﺷﻠﯩﻘﻨﯩﯔ ﺑﯘﺭﯗﺗﻰ ﺋﯚﺳﻤﻪﻳﺪﯨﻐﺎﻥ ﺑﯘﺭﯗﺗﻼﺭﺩﯨﻦ‪-‬ﺩﻩ!‪-‬ﺩﯦﺪﻯ ‪.‬‬‫ﻧﯧﻤﻪ ﺩﻩﻳﺪﯨﻐﺎﻧﺴﯩﻠﻪ‪،‬ﺋﯚﺳﻤﻪﻳﺪﯨﻐﺎﻥ ﻗﺎﻧﺪﺍﻕ ﺑﯘﺭﯗﺕ ﺋﯘ؟‬‫‪-‬ﺳﯩﻠﻪ ﺑﯩﻠﻤﻪﻣﺴﯩﻠﻪ؟ﺑﯩﺰﻧﯩﯔ ﺑﺎﺯﺍﺭ ﺑﺎﺷﻠﯩﻘﯩﻤﯩﺰ ﺗﯘﻏﻤﺎ ﻛﯘﺳﺎ‪.‬ﺑﯘ ﻗﯧﺘﯩﻢ‬‫ﮬﻪﻣﻤﯩﺴﻰ ﺋﯘﻧﯩﯔ ﻛﯚﺯﯨﮕﻪ ﻗﻮﻟﯩﻨﻰ ﺟﯘﻧﯘﭖ‪››:‬ﺯﺍﺩﻯ ﺑﯘﺭﯗﺗﻰ ﺑﺎﺭﻻﺭ ﺳﺎﯕﺎ ﻧﯧﻤﻪ‬ ‫ﻗﯩﻠﻐﺎﻥ؟‹‹ﺩﻩﭖ ﺋﺎﺭﺍﻣﯩﻨﻰ ﻗﻮﻳﻤﯩﻐﺎﭼﻘﺎ‪،‬ﺳﻪﻧﺌﻪﺕ ﺋﯚﻣﯩﻜﯩﺪﯨﻦ ﺋﺎﺷﯘ ﺑﯘﺭﯗﺗﻨﻰ‬ ‫ﺗﯧﭙﯩﭗ ﺋﻪﻛﯩﻠﯩﭗ ﺗﺎﻗﯩﯟﺍﻟﺪﻯ ‪.‬‬


‫ﺋﯚﻣﻪﺭﺟﺎﻥ ﻛﻪﺗﺘﻰ‪.‬ﺑﻮﻟﻐﺎﻥ ﺋﯩﺸﻼﺭﻧﻰ ﺑﺎﺷﺘﯩﻦ‪-‬ﺋﺎﻳﺎﻍ ﻛﯚﺯﺋﺎﻟﺪﯨﻤﺪﯨﻦ‬ ‫ﺋﯚﺗﻜﯜﺯﯛﭖ ﻳﻪﻧﻪ ﺑﯩﺮﮬﺎﺯﺍ ﺗﯘﺭﯗﭖ ﻛﻪﺗﺘﯩﻢ‪،‬ﺷﯘﻧﭽﻪ ﻳﺎﺷﻘﺎ ﻛﯩﺮﯨﭙﻤﯘ ﺩﯗﻧﻴﺎﻧﯩﯔ‬ ‫ﻗﯩﺰﺯﯨﻘﻠﯩﻘﯩﻨﻰ ﭼﯜﺷﻪﻧﻤﻪﭘﺘﯩﻜﻪﻧﻤﻪﻥ ‪...‬‬ ‫ﻣﺎﻧﺎ ﺷﯘ ﯞﻩﻗﻪﻟﻪﺭ ﺑﻮﻟﯘﭖ ﺋﯚﺗﻜﻪﻧﮕﻪ ﻳﯧﺮﯨﻢ ﻳﯩﻠﭽﻪ ﺑﻮﻟﯘﭖ ﻗﺎﻟﺪﻯ‪،‬ﺋﻮﻏﻠﯘﻡ‬ ‫ﻛﺎﻟﭙﯘﻛﯩﻨﯩﯔ ﺋﯜﺳﺘﯩﮕﻪ ﺋﯚﺗﻜﻪﻧﻜﯩﺴﯩﺪﯨﻨﻤﯘ ﻳﻮﻏﺎﻧﺮﺍﻕ ﺑﯩﺮ ﻳﺎﻗﯩﻠﯩﻘﻨﻰ‬ ‫ﺑﯧﻜﯩﺘﯩﯟﺍﻟﺪﻯ‪،‬ﻟﯧﻜﯩﻦ‪،‬ﻣﻪﻥ ﺑﯘﺭﯗﺕ ﻗﻮﻳﯘﺷﻘﺎ ﮬﺎﺯﯨﺮﻏﯩﭽﻪ ﭘﯧﺘﯩﻨﺎﻟﻤﺎﻱ‬ ‫ﻳﯜﺭﯨﻤﻪﻥ‪.‬ﻳﻪﻧﻪ ﺑﯩﺮﻩﺭ ﻛﯧﻠﯩﺸﻤﻪﺳﻠﯩﻚ ﻳﯜﺯ ﺑﯧﺮﯨﭗ‪،‬ﺑﺎﺯﺍﺭ ﺑﺎﺷﻠﯩﻘﻨﯩﯔ‹‹ ﺳﯧﺰﯨﻤﻰ‬ ‫ﺋﯧﺸﯩﭗ ﻛﯧﺘﯩﺶ ﻛﯧﺴﯩﻠﻰ‹‹ﺋﻪﺩﻩﭖ ﻗﺎﻟﺴﺎ‪،‬ﺋﯘﻧﻰ ﺟﺎ ﺑﯘﺭﯗﺗﯩﻨﻰ ﺷﺎﻗﻘﯩﺪﻩ‬ ‫ﺋﯧﻠﯩﭗ ﻳﺎﻧﭽﯘﻗﯩﻐﺎ ﺳﯧﻠﯩﯟﯦﻠﯩﭗ‪،‬ﺧﯩﻴﺎﻟﯩﻐﺎ ﻛﻪﻟﮕﻪﻧﻨﻰ ﻗﯩﻠﻤﺎﻳﺪﯗ‪،‬ﺩﻩﭖ ﻛﯩﻢ‬ ‫ﮬﯚﺩﺩﻩ ﻗﯩﻼﻻﻳﺪﯗ؟ ‪!...‬‬

‫ﺋﺎﭘﺘﻮﺭﻯ ‪:‬ﻣﻪﻣﯩﺘﯩﻤﯩﻦ ﮬﻮﺷﯘﺭ‬ ‫‪1990-‬ﻳﯩﻠﻰ ﻏﯘﻟﺠﯩﺪﺍ ﻳﯧﺰﯨﻠﻐﺎﻥ ‪.‬‬

burut majrasi  
Read more
Read more
Similar to
Popular now
Just for you