__MAIN_TEXT__

Page 30

T

NERISASSAT

Nerisassanik nuannarisalik isumassarsiullaqqissoq Anne Nivíka Grødem Greenlandic Foodlover.gl-mik pilersitsisuuvoq. Nittartagaq ulluinnarni nerisassanik nunatsinneersunik peqqinnartunillu isumassarsititsisoq. Nerisassanik nuannarisaqarneq peqqinnerlu pillugit oqaloqatigaarput. Taannalu pillugu atuarit.

titanik qerisunit opskriftinut atuagassiaaqqamik isumassarsiani saqqummiuppaa. Pilersaarusiorne suleqatigiinnermik annertuumik aallarniutaavoq. Taamanikkulli ineriartorneq sukkaqaaq suliassallu amerlaqaat. Maanna Anne Nivíka »Mamartut Festival«-imi pilersaarusiortuuvoq, meeqqanut festivaliusoq nerisassanik nuannarisaqarneq peqqinnerlu qitiutillugit. Peqqinnissaqarnermut Naalakkersuisoqarfiup tamanna aaqqissugaraa septembarillu 17-ianni pissalluni. – Mamartut Festival pilersaarusiaavoq uannut pilerinartorujussuaq, Greenlanic Foodloverillu anersaavanut tulluartorujussuaq. Inuuneritta II malillugu 2016 nerisaqarnerup ukioraa, taamaattumik festivali meeqqat peqqinnartunik nerinissaat qitiutimmagu torraqaaq. Festivalimi meeqqat susassaqartitsinernut pissanganartunut peqataanissaminnut periarfissaqarput, tamani nerisat peqqinnerlu qitiutinneqarlutik. Ulloq ilaqutariinnoorpoq, nuannaarnermik, katerisimaarnermik, alapernaassutsimik soorunalumi aamma nerisassanik ulikkaassaaq, oqarpoq.

– Allatuulli anaanaavunga, nerisassanilli nuannarisaqarluinnartoq. Taamatut nuannarisaqarneq inunnut allanut ingerlateqqikkusuppara, inuunermullu peqqinnarnerusumut isumassarsititserusullunga, Anne Nivíka Kalaallit Nunaanni Brugseni suleqatigalugu, nerisassianut najoqqutassanik aappassaa saqqummersitseqqammersoq oqarpoq. – Isumaqarpunga nerisassat peqqinnartut ajornanngitsumik sanasassaasut, sapinngisamillu nunatsinneersunit akoqarnissaat pingaartillugu. Taamaattumik nammineq pisat aallaqqaasiutigiuaannarpakka naatitanillu pissarsiarisinnaasannik akullugit, Anne Nivíka nassuiaavoq. Naatitanik akoorinissaq ajornakusoorsinnaasarpoq pisiassat killeqartarmata. Nerisassanilli allaaserinnittartup 32-nik ukiullip, unammillernartut ajunngitsumut saatittarpai: – Pisiassanik toqqagassaqannginnerpaatillugu isumassarsiornerpaasarpunga. Maluginikuuara arlallit naatitat nutaat akisugisaraat qerisullu pikkunaagalugit. Takutikkusulerpara peqqinnarnerusumik allanngorartumillu nerisaqartoqarsinnaasoq aningaasanik atuingaatsianngikkaluarluni.

Meeraanermit pinngorpoq Anne Nivíkap meeqqat nerisassanik nuannarisaqarnissaat pingaartitaraa: – Ilulissani meeraagallarama naatitat nutaat pissarsiariu-

Suliassat amerlanerit 2015-mi Anne Nivíkap Kalaallit Nunaanni Brugseni-mut naa-

28

·

TIMIUNA 03

2016

minaapput, taamaattumik anaanama pissarititat allat atorlugit misileraasaqaaq. Nerisassanik nuannarisaqarninnut isumalerujussuuvoq, nerisassiortarninnullu isumassarsiullaqqinnera annertunerulluni. – Nalunngilara angajoqqaatut akisussaaffik annertooq tigummigipput, kiisalu meeqqatta nerisariaasaannut sunniingaatsiartarluta. Ilimagaara imminut meeqqatsinnullu nerisassat tungaatigut killilersorutta peqqinnerulernaviarnata. Taamaattumik meeqqakka siunnersorlugillu isummersorniarsarisarpakka, nerisassat pitsaasut pillugit ilisimasaqarnerulissammata allanngorartumillu nererusunnerulissallutik. – Taamaalillunga misigereerpara nutaanik misiliinissaminnut sapiinnerullutillu alapernaannerulertartut. Upperaara ilisimasaqarnerugunik peqqinnarnerusunik aalajangiinissaminnut qaninnerussasut. Quppernerni tulliuttuni Anne Nivíkap najoqqutassiai takusinnaavatit, nuannarineqarluartumit »Kalaallit nerisassiassaat atorlugit ulluinnarni nerisassiassat« Brugsenimit saqqummersinneqartumeersut. Najoqqutassiat tamaasa Brugsenip pisiniarfiini tamani pissarsiarisinnaavatit, imaluunniit www.brugseni.gl -mut aallugit.

Profile for Igloo Magazine (ANU UNA)

TIMIUNA nr. 3/2016  

Sportsmagazine from Greenland

TIMIUNA nr. 3/2016  

Sportsmagazine from Greenland

Profile for anu-una
Advertisement