Page 14

Visite vum Musée Tudor 13.07.2015 | Rouspert

Fotoen: Venant Pirrotte

Nodeems mer zu Steenem gutt giess a gedronk haten, ass et zeréck op Rouspert an de Musée Tudor gaang. Dee klenge Musée, en deelt sech d’Haus mat der Gemeng vu Rouspert, stellt souwuel dem Henri Tudor säi Liewen a seng Erfindunge wéi och de Prinzip vun der Elektrizitéit vir. Dëst Haus, vun de Leit am Duerf och “d’Schlass” genannt, huet den Henri Tudor 1892 fir seng Famill baue gelooss. Während dem zweete Weltkrich gouf et vun de Preise besat, nom Krich ënnert anerem vu Monsanto als Hotel benotzt a schlussendlech ass et eng Retraite vun der Amiperas fir haaptsächlech eeler Dammen aus dem Süde vum Land ginn. Dee Contrat ass ofgelaf a säit 2009 fënnt ee lo am “Schlass” de Musée Tudor. Den Henri Owen Tudor ass 1859 op d’Welt komm a war de Bouf vun enger Lëtzebuergerin an engem Englänner, deen duerch Ierfschaft finanziell gutt gestallt war. Dëst, an och der Mamm hirer Famill hier grouss Terrainen, huet den Tudors et erméiglecht de Kanner e Studium ze finanzéieren. Säi Papp war den John Thomas Tudor, deen aus England fortschrëttlech Iddien z.B. an der Landwiertschaft matbruecht huet. Den Henri Tudor huet säi Lycée zu Chimay an der Belge gemaach an huet dono zu Bréissel Droit ugefaang – säi lëtzebuergesche Grousspapp sot ëm, dat wier d’Garantie fir eng gutt

14 l bulli Hierscht 2015

Plaz a Politik oder Verwaltung ze kréien. Den Henri Tudor huet awer zimlech schnell gemierkt, dass säin Interessi an engem anere Gebitt läit, a sou huet hie vun 1879 un op der “École polytechnique” vun der ULB Ingenieurswiesen studéiert – wat eng Freed! Elektrotechnik war deemools nach kee Studiegang, déi ganz Wëssenschaft war nach an de Kannerschong. Den Henri Tudor huet awer während dem Studium regelrecht eng Leidenschaft fir Elektrizitéit entwéckelt, ënnert anerem duerch säi Physik Proff, den Ernest Rousseau, wéi och duerch säi Cousin, de Nikolaus Schalkenbach, mat deem den Henri a säi Brudder Hubert zesummen an de Semesterferien doheem zu Rouspert gebastelt an experimentéiert hunn. Eng vun dëse Bastelaarbechten war d’Stroumerzeugung mam Papp senger Waassermillen doheem um Irminenhaff zu Rouspert, net wäit ewech vum spéideren Haus vum Henri. D’Stroumproduktioun u sech war kee Problem, de Gramme huet 1868 schonn d’Konzept vum Dynamo virgestallt, mä souwuel d’Spannungsschwankunge wéi och d’Variatioun vun der Demande huet nach Weiderentwécklungen erfuerdert. Dëst wier mat engem Bläi-Akkumulator ze léisen, dee vum Gaston

Visite vum Musée Tudor

Profile for Anouk Godelet

Bulli Hierscht 2015  

Bulli Hierscht 2015  

Advertisement