4
5
rica. Estos ecosistemes grandísimos preséntense como un recursu fundamental pa la vida nel planeta: ellí tresfórmase’l CO2 n’osíxenu, llimpien l’aire, creen agua y controlen el clima. Eso por nun falar de la cantidá d’alimentos que se producen ellí y que formen parte de la vida cotidiana: cacáu, café, zucre, mangos, cola, plátanos, bambú, piñes, especies o nuez de cola. Pero nun queda ehí la cosa, sinón que’l visitante, amás de ver les consecuencies qu’implica la deforestación nel avance del cambiu climáticu, pue conocer les condiciones llaborales llacerioses nes que trabayen miles de persones pa qu’ellos tengan en casa una tableta chicolate o un paquete zucre y les posibilidaes qu’hai de cambiar esta situación con un xestu tan cenciellu como comprar productos de comerciu xustu. Pasar al traviés del edificiu llamáu L’Enllaz hacia’l bioma mediterraneu ye como si ún se metiera dientro d’una máquina de teletresportación. De la humedá pegañoso de les selves tropicales pásase a la calor seco de la cuen-
6
1. Vista xeneral, onde destaquen les cúpules de los biomes a la mandrecha. 2. Especie exótica dientro del bioma de montes húmedos. 3. Reproducción d’una corriente d’agua nuna selva tropical. 4. Viñes y escultures relatives a la cultura mediterránea. 5. Echinacea purpurea nel güertu de plantes melecinables. 6. Weeman, fechu con chatarra d’aparatos electrónicos y electrodomésticos.
ca mediterránea. Viñes, olivares, xeranios, llirios y parterres de yerba aromático dominen el paisaxe. Nesti bioma descúbrense vistes, esencies y histories del Mediterraneu, Sudáfrica y California, onde, a lo llargo de los sieglos y gracies al riegu y la fertilización del suelu, creáronse güertos pa consiguir verdura, vinu, fruta y flores. Pero les plantes propies d’estos sitios viven n’ambientes fráxiles: la ganadería intensiva erosiona’l suelu, les plantes importaes amenacen les especies autóctones y la tierra ta sometío al desarrollu industrial y la especulación urbanística. L’aspectu educativu d’Eden Project faise evidente al entrar nel edificiu llamáu The Core (El Nucleu). Equí, una esposición muestra d’una manera didáctica los servicios que les plantes presten a les persones y una serie de máquines representen procesos que faen posible tener aire llimpio o agua potable. Nel primer pisu ye onde se desenvuelven los programes pa escueles, les esposiciones temporales y la proyección
de películes. Nos paneles interiores de la terraza, arriba del too, pue observase’l ciclu del agua mentes se toma un café o un té de comerciu xustu con pasteles fechos con productos de les granxes de la redolada. El Nucleu esplora, amás, les posibilidaes d’una edificación sostenible: tien paneles fotovoltaicos y suelos fechos de material reciclao o vexetal, llevóse al máximu l’aislamientu térmicu y reducióse tolo posible la cantidá de residuos xeneraos na construcción. En palabres del so creador, Tim Smith, «Eden Project fala del optimismu y la posibilidá del cambiu. Fala de la fraxilidá de la certeza y de que toos tenemos pies de barru, pero tamién fala d’actitúes. Ven equí pa recordar la nuestra conexón cola naturaleza y cómo dependemos absolutamente d’ella pa obtener tolo que necesitamos».
*Caúna de les grandes comunidaes ecolóxiques onde domina un tipu de vexetación.
13