ElSúmmum ye una revista gratuita de periodicidá trimestral que se distribúi per tol área central asturiana (Uviéu, Xixón, Avilés, Castrillón, Corvera, Llanera, Siero, Mieres, Llangréu y Samartín del Rei Aurelio) en busca de públicu mozo -o de cualquier edá- interesao n'acontecimientos y creaciones culturales. Por esa razón, repártese en toles facultaes de la Universidá d'Uviéu, conservatorios, cases de cultura, centros culturales Cajastur, biblioteques públiques y centros de llectura, pero tamién en bares, tiendes de moda, galeríes d'arte y otros centros d'ociu. La revista, que yá tien seis años cumplíos, cuenta con una tirada de 12.000 exemplares. Nes sos 48 páxines informa en castellanu y n'asturianu de creaciones relacionaes con disciplines tan variaes como la lliteratura, la música, les artes plástiques, el teatru, la fotografía, el cine, la videocreación, el net.art, la arquitectura, la danza, etc.