LLITERATURA
El poeta equilibrista Héctor Pérez Iglesias publica obra nun continuu procesu d’evolución y ye ún de los creadores más arriesgaos de la última fornada d’autores de les lletres asturianes TESTU DE XOSÉ BOLADO
E
n seis años, Héctor Pérez Iglesias foi dexando a los llectores una obra en continuu procesu d’evolución. Güei ye ún de los poetes últimos con más obres espublizaes y más inquietos na construcción d’una voz propia. Diría afirmándose, dende la Prisión de naúfragu, con xestos de dulda, con interrogantes sobre’l propiu llabor, que teníen poco que ver cola autocomplacencia o la seguridá tan frecuentada por munchos escritores nuevos nel so afán por superar el nivel anterior. Dalgo que vien a ser cuasi tan inevitable como la evolución biolóxica y tan arquetípico como toles vanguardies históriques algama n’Héctor una asunción conducida dende la serenidá de saber que yá nada hai más re-
140
EL SÚMMUM
volucionario que’l trabayu acabáu con procuru. Una reflexón a la que nos debemos, una parada na que tenemos que refrescanos y allixerar, porque son demasiaes les veces nes que nos enguedeyamos ente’l deséu d’escribir y la escritura, ente l’impulsu llícitu de renovar y los medios emplegaos en consiguilo. Nesti sen, hai na Prisión de náufragu llucha interna, intentos de renovación, más que nada tapeciendo con frecuencia’l léxicu, o faciendo usu de rexistros populares, pero tamién resolviendo pel llau de la tradición metapoética o’l xuegu de les falses apariencies. Sicasí, na mio opinión, ye, desabrigada de toa imitatio retórica, cuando
va mostrase la so voz más personal. D’esti mou afonda’l tópicu de la ruina –abordáu con gustu por Xuan Bello– col so propiu sentimientu de desolación. Como nestos poemes espresivos que, con xeitu, van siguíos (22, 23): La de los figales ye una solombra que raspia, un rescozor verducio nel que llelda’l sedizu grebio de figos medio comíos poles formigues. España’l sol en martiellazos de cobre enceso escontra los balcones, clavando inda más les cases a esa sensación de roína que desabeya’l paisax.