Asili ya
ya madhehebu katika Uislamu final Lubumba.qxd
Asili ya Madhehebu
7/1/2011
12:25 PM
Page 373
katika Uislamu
(9) Kufanya ibada za makelele misikitini: Siku hizi sio tatizo tena kununua kipaza sauti chenye nguvu yoyote ile. Hali hii imewezesha misikiti mingi kununua vipaza sauti ili kwenda na wakati. Lakini tufahamu kuwa ibada zinazoruhusiwa kusoma kwa sauti (hata bila kipaza sauti) msikitini, ni zile Swala za jamaa za sauti, ‘takbir’ za sikukuu za Idd, hotuba za Swala za Ijumaa na Swala za Idd; na msomaji mmoja wa Qur’ani wakati wengineo wote wanamsikiliza msomaji kwa unyenyekevu. Sauti ya kutoka nje iwe ni ya adhana tu. Kuna tabia ya siku hizi ya wanadi Swala mbali mbali kuamka saa kumi na nusu usiku na kuanza kutoa hotuba kwa sauti kubwa eti kuamsha watu! Maneno mengi kwenye hotuba zao hayana lazima ni sawa na makelele tu, wao wanadi swala tu kwa maneno ya kuamsha watu, basi! Kwa upande wa Hadithi, nimeeleza katika sura hii kifungu ya 5 kwamba Mtume (s.a.w.w.) alitaja kupiga makelele misikitini kuwa ni tabia mojawapo itakayosababisha Umma kushukiwa na mabalaa. Tabia hii ni miongoni mwa tabia mbaya 13 alizozitaja Mtume (s.a.w.w.). Rejea Na. 5. Kupiga makelele misikitini ni pamoja na kusoma ‘Dhikr’ katika vipaza sauti badala ya kila mtu kusoma kimya kimya peke yake (Qur’ani 7:205). Kuitangaza Swala katika vipaza sauti haifai kwa sababu walio ndani ya msikiti wanamsikia Imam. Na kama msikiti una ghorofa kwa wanawake au sehemu iliyojitenga ya wanawake, inatosha kupunguza sauti iwe ya kusikika tu kwa wanawake, kupitia kipaza sauti cha ndani kwa ndani kwa kutumia kinasa sauti cha radio kaseti, kinachonasa sauti ya mbali sana hata iwe ndogo. Wanaotaka kuhutubia kwa vipaza sauti watayarishe mihadhara nje ya misikiti au wajengewe kumbi za kufanyia mikutano ya kidini. Kwa kweli hata hizo adhana siku hizi zinaanza kuvuka mipaka. Wakati huu zinapatikana jedwali za nyakati za Swala. Kwa nini pale misikiti ilipokaribiana, usitumike msikiti mmoja kutoa adhana kwa wote badala ya kila msikiti na adhana yake? Tena kwa kupishana muda au kuingiliana adhana wakati huo 373